رواية جارح القلب الفصل الرابع عشر 14 - بقلم هاجر سلامة

نانسي: بقولك شكلها بيئة أوي، مش فاهمة بنت أحمد أصلان إزاي. صاحبتها نورا: هي معندهاش إخوات؟ نانسي: هعتقد لأ، معندهاش، حتى مامتها ميتة، باين وحيدة أبوها. صاحبتها إيناس بطمع: يعني هتورث كل حاجة لوحدها؟ نانسي بحقد: آه فعلاً. نورا: خلاص فكّوا منها، بنكلم عليها ليه أصلًا طالما بعيدة عن مراد، كل حاجة في السليم. نانسي: بس الوضع اللي أنا شفته ميقولش كده.

إيناس: حبيبتي، بصي، في رجالة كده بيحبوا يغيروا، ممكن يقضي معاها كام ليلة كده، لكن في الآخر خطبك انتي، فكّي بقى وشيليها من دماغك. نورا: آه، زي ما انتي حاولتِ قبل كده تقربي منه. نانسي بصتلها. إيناس بتوتر: ده كان زمان، مكنتش عارفة. نانسي: وعرفتي هو. إيناس هزت رأسها. نورا بصتلهم بضحك: طالما مش واثقة فيه كده، بتحبيه ليه؟ سيبيه وخلصينا بقى. نانسي: نعم؟ أسيب مراد محمد الرفاعي؟

أكيد لأ، متسجل لاقي زيه، وسيم وغني، عنده كل حاجة بحبها. إيناس بصتلها بحقد وقالت: أنا هروح أجيب حاجة أشربها. ومشيت. نانسي: نورا، أنا مش مرتاحة اللي غزل دي، لازم أعرف عنها كل حاجة. رانيا: طيب، واللي يعملك المهمة دي؟ نانسي: انتي بتعملي إيه هنا؟ رانيا: هو انتي فاكراني إيه؟ علشان بشتغل في المستشفى مقدرش؟ هسهر وأخرج. نانسي: لا، بس مكنتش متوقعة أشوفك هنا. على العموم، أهلاً.

رانيا: بصي، من الآخر، أنا وانتي مش طايقين غزل، مع إنها صحبتي المقربة، بس في ماضي قديم بيني وبينها ولازم آخد حقي. نانسي بفضول: ماضي إيه؟ رانيا: لا، بصي، الحاجة دي بالذات سر، محدش عرف عنها حاجة غيري، ياريت متسأليش تاني. وتاني حاجة، طالما انتي كمان مش طايقاها، خلينا نحط إيدينا في إيد بعض. جات إيناس: إيه ده؟ مين الحلوة؟ نانسي: دي رانيا، سكرتيرة مراد. وتبقى صحبتي. وبصلتها بانتصار.

رانيا ابتسمت: شكرًا يا نانسي. أنا رانيا محمد. إيناس: وأنا إيناس شهاب، صحبت نانسي. نورا: وأنا نورا، صحبتهم. رانيا بصتلهم بابتسامة. نانسي: رانيا، عندك خطة؟ رانيا: بصي، أنا عايزة غزل تتطرد برا المستشفى قدام الكل، وتقعد في البيت وتوري وشها لحد. وده هيحصل لو عملت اللي في دماغي. نانسي ونورا بفضول: إيه هو؟ رانيا: هقولكم...... *** (يوم جديد) في المستشفى. مراد دخل المستشفى، لاقى غزل واقفة مع عمر وبيضحكوا. مراد بغيرة: إيه ده؟

بيتكلموا في إيه وبيضحكوا على إيه؟ معقول يكون اعترف بحبه وهي قبلت بيه وبقوا حبيبين؟ راح جري بخوف ناحيتهم. عمر وغزل اتخضوا. غزل بخضة: يخربيتك! إيه الخضة دي؟ عمر: إيه يا عم؟ ده قول صباح الخير حتى. مراد بخوف: انتوا بتتكلموا في إيه؟ عمر: ولا حاجة، بنتكلم في حاجات عادي. غزل حست بغيرته: ثواني بس يا عمر، معلش. يامراد، وانت إيه اللي دخلك؟ تتكلم في إيه؟ مراد بصالها بغيظ: كده؟ طيب ولعوا في بعض. أنا هروح المكتب. غزل: يكون أحسن.

مراد بصالها بغضب ومشي. عمر: هو ماله ده؟ حصله إيه؟ غزل: فكك منه. وريني يلا. *** بعد ٥ ساعات. عايشة دخلت المكتب. عايشة: الحقّي الحقّي. غزل: في إيه؟ عايشة: كارت الدعوة. غزل بفرح: إيه؟ هتجوزي؟ عايشة: ياريت يكون كده. دي آخر مرة أشوفك بتضحكي تقريبًا. خدت الكارت وقرأته. غزل بصتلها باستغراب وفتحت الدعوة، لقيت خطوبة نانسي ومراد، فوقعت الكارت. عايشة راحت حضنتها: كله نصيب ياقلبي. غزل: عارفة، إن شاء الله ربنا يعوضني.

دخل مراد فجأة وقال: يعوضك عن مين؟ الاتنين اتخضوا جامد وقاموا بسرعة. غزل: هو انت يادكتور البهايم؟ مش المفروض تخبط؟ عايشة بصتلها باستغراب وقالت: دكتور البهايم؟ مراد: بلاش تقولي كده قدام كد، الكاريزما هتروح مني. غزل: بلا ٦٠ كَسّة! هو في من الأول أساس؟ عايشة بضحك: واو! لأ، كده كتير ولازم أطلع حالا. مراد بص لغزل بغضب وغيظ: مبسوطة كده؟ المهم، بقولك، أنا خارج بدري النهاردة. غزل: تمام. صح، وصلت الكارت الدعوة؟

مراد: بتاعت إيه؟ غزل بغيرة: خطوبتك. مراد بصالها ومستغرب النظرة اللي في عينها وقال: طيب، يعني انتي معزومة بقى؟ تعالي بقى. غزل: تمام. مراد طلع. *** (بليل) غزل مروحة، ولسه هتركب العربية، لقيت حد بيوقفها. عمر: غزل، ثواني. غزل: نعم يا عمر. عمر: أنا كنت عايز أعترفلك بحاجة. غزل: اتفضل. عمر: غزل، أنا بحبك ومن زمان أوي. فجأة، حد زق غزل، وقعت في حضن عمر. واحدهم بيصور اللحظة دي. ياترى مين؟