رواية جبروت طاغي الفصل الخامس 5 - بقلم لوجي احمد

حامل إزاي وأنا ما بخلفش يا دكتورة. الدكتورة: السؤال ده تسأله لمراتك يا حسن بيه، ما تسألنيش أنا. أنا كشفت عليها زي ما أنت طلبت قدام مامتك والبنت التانية قريبتك، يبقى أنا ما ليش ذنب في حاجة. حسن: فعلاً ملكيش ذنب في حاجة. بس طالما أنت مش موافقة تيجي معايا أنا هجيب دكتورة تانية تكشف عليها عشان أفهم إيه اللي بيحصل ده. الدكتورة توترت وخافت، أصلها قالت لحسن إنها كانت حامل وهي لسه حامل دلوقتي.

تهتهت في الكلام وقالت له: اللي أنت شايفه أحسن بيه. حسن: أعمل إيه ده. حسن انصرف وماشي من عيادة الدكتورة وقال إنه يروح يجيب بسمة من البيت وياخدها وينزل البندر يكشف عليها، عشان مفيش غير الدكتورة دي في الوحدة المحلية في البلد والدكتورة رافضة إنها تيجي تاني.

طبعًا اللي جليلة وميرفت عملوه مع الدكتورة، خوفوها. الدكتورة ما صدقت إن حسن خرج من العيادة وقامت جري تلم هدومها وحاجتها وتسيب البلد كلها وتمشي عشان خايفة ومش عارفة تعمل إيه. وفعلاً ده اللي حصل. قامت لمّت هدومها وحاجتها وحضرت شنطتها ومستنية الليل يجي والدنيا تظلم عشان ما حدش يشوفها وتمشي وتسيب البلد.

أما حسن راجع بيته وطبعًا وشه كان عليه غضب الدنيا، وكل خطوة بيستحلف لبسمة كمان وكمان من اللي حصل. أول ما وصل البيت لقى مامته بتص"رخ. دخل زي المجنون يفهم في إيه. دخل لها مامته بتقول له: مراتك ماتت. طالع زي المجنون على الأوضة، بس أول ما فتح باب الأوضة ما لقاش مراته. فضل يدور في الأوضة زي المجنون برضه مش لاقيها. نزل لأمه يسألها ويقول لها: بسمة راحت فين؟ ماتت إزاي يا أمي؟ أنا مش فاهم حاجة، فهمني بدل ما أول"ع في البيت كله.

أمه: أنا مش فاهمة يا ابني حاجة. أنت مشيت من هنا وبعد ما أنت مشيت بشوية لقيت الغفير بيقول لي الست مرات حسن بيه ماشية بتجري في الجنينة، ولما سألتها قالت إنها مستأذنة من حسن بيه وخارجة شوية وجاية. وهربت من البيت يا ابني. وطالما هربت وهي خاينة يبقى ماتت. الخاين عندنا ما"ت. حسن: يا نهار أسود. هربت من البيت. أنت يا زفت يا عوضين. عوضين (الغفير) : أيوه يا بيه. حسن: إيه اللي حصل؟

عوضين قال نفس كلام جليلة، ما هي جليلة مقبضة فلوس ولازم يقول نفس كلامها عشان خايف. واتهموا بسمة إنها هربت. أمه بقى عشان تكمل لعبتها قالت له: وأنت هتفضل تتخانق وتسيبها؟ اجري وراها، فتش عليها في البلد أنت والغفير. وفعلاً حسن خرج بره البيت هو والغفر كلهم يدوروا على بسمة. والخي"بة إن بسمة كانت لسه في البيت مش بره البيت. جليلة وميرفت خدوه ح"بسوه في البدروم. وطبعًا هي ما كانتش قادرة تتكلم لأنهم كانوا ربط"نها.

أول ما حسن خرج جليلة دخلت المطبخ وسحبت السك"ينة ونزلت على البدروم وفتحت باب البدرون و...