رواية غرام العيسى الفصل الثالث 3 - بقلم اسماء السيد

مونيكا: أنا جئت لأني اشتقت لكم. حسن بغضب: برا عشان مقتلكيش، أنتي لسه جايلك عين؟ مونيكا: أنت لا تقدر على لمسي، أنا معي الشرطة يا حسن. حسن بغضب: إيه اللي جابك؟ عاوزة إيه؟ مونيكا: إنني أريد غرام. حسن: على جثتي إنك تاخدي بنتي. مونيكا: أنا معايا إذن من النيابة إني أشوفها وتقعد معايا 3 شهور، وهيا لسه متمتش سن الرشد. عامر بجمود: وأنتي مش هتاخديها يا مرة أنتي، ويلا برا قصري.

مونيكا بغرور: اهدي أيها العجوز، أنا أريد ابنتي في هدوء. عيسي بغضب جحيمي: اسمعي يا وليه أنتي، غرام مش هتتطلع من هنا. مونيكا: وأنا معايا الشرطة، وبالغصب أو بالعنف سآخذ ابنتي. عيسي بغضب: أنا قولت لااا فاهمة عاد يا ولية؟ مونيكا بخبث: عليك بسكوت، إن غرام موجودة فسألها ماذا تريد. كل الأنظار توجهت عند غرام اللي بتعيط. ومونيكا بدأت تقرب من غرام اللي استخبت ورا حسن. مونيكا: متخافيش مني يا غرام، أنا مش هأذيكي يا ابنتي.

حسن: ابعدي متقربيش، والله أقتلك. مونيكا: ماذا تفعل؟ لا، أنا سأوريكم. وفجأة دخل الظابط والقوة والكل مصدوم. الظابط: السلام عليكم. عيسي بجمود: عليكم السلام، في إيه؟ الظابط: بص يا كبير، هوا الست دي جت المركز وعاوزة بنتها وبتقول إن بقالها 10 سنين ما شفتش بنتها، وأنتوا حارمينها منها. عيسي بغضب: وغرام مش هتخرج من هنا. الظابط بخوف: والله يا كبير النيابة عطيتها إذن. ومونيكا بدأت تقرب من غرام.

مونيكا: تعالي يا ابنتي، أنا أريدك معي. غرام جريت من ورا حسن ومونيكا راحت وراها، وغرام استخبت ورا عيسي اللي اتصدم، ومسكت في التيشيرت بتاعه وكانت بتعيط جامد. مونيكا بقرف: بقولك إيه، أنا أريدك، هيا بنا، ما هذا؟ إنه لعب أطفال وأنا أزهق سريعًا. ولسه هتقرب تشد غرام من ورا عيسي، فجأة عيسي مسك إيدها بغضب لدرجة إنها حست إنها هتتكسر. مونيكا بألم: اااه، إيدي، اترك يدي. عيسي بغضب جنوني: ابقي فكري تمدي إيدك كدا على مراتي.

والكل اتصدم والظابط اترعب. الظابط برعب: هيا الست غرام مرتك يا كبير؟ عيسي بجمود: أيوه مرتي، واللي هيفكر يلمسها هيكون آخر يوم في عمره. مونيكا: لا لا، أنت تكذب، إنها ليست متزوجة. عيسي بحدة: اسمعي يا مرة أنتي، أنا محدش يستجرأ يقول إني كذاب فاهمة؟ أنا بقولكم غرام مرتي مفهوم؟ مونيكا: وأنا أريد ابنتي 3 أشهر. عيسي: دي مش بنتك، وبعدين أنا مرتي ما بتبعدش عن حضني ليلة واحدة، فاهمة ولا لأه؟

حسن: اطلعي برااا يلا، أنتي شيطانة اطلعي. مونيكا: مش هطلع غير لما تسألوها هيا عاوزاني ولا لاء. عيسي بعد عن غرام وهيا مسكت في التيشيرت بتاعه من عند صدره، والكل مصدوم منها. عيسي بجمود: غرام يا حبيبتي، أنتي عاوزة تروحي مع الست دي؟ غرام بصت لعيسي وبصت لحسن، والكل باصص لها، وفجأة غرام حضنت عيسي وعيطت وهوا طبطب عليها. عيسي: قولتي إيه يا غرام؟ طلعت غرام من حضن عيسي وهزت راسها بلاء. والكل فرح.

عيسي بحدة: تقدروا تتفضلوا، أنا مراتي مش هتخرج من هنا فاهمين؟ الظابط بخوف: فاهمين يا كبير. مونيكا: أنا همشي بس هرجع بإثبات إنك مش جوزها، وهاخدها بالعنف أو بالرضى. وطلعت هيا والقوة، وحسن جري على غرام. حسن: أنتي كويسة يا حبيبتي؟ غرام هزت راسها بإاه. عيسي بجمود: اسمعوا، أنا كتب كتابي على غرام الليلة مفهوم؟ الكل اتصدم، وغرام اتصدمت، دي بتترعب منه. كامل: كيف يا ولدي هتتجوز أكده؟

عيسي بغضب: هوا دا اللي عندي، أنا هتجوز غرام الليلة؛ لأنه أمها مش هتسكت، وأكيد عاوزاها مش محبة، أكيد عشان حاجة مش خير.. وأنا قولت كلمتي ومش عاوز حديد كتير. وطلع برا القصر كله. ***** في المساء كان الكل متجمع والمأذون قاعد جنبه حسن وعيسي وحاطين إيدهم في إيد بعض، وغرام واقفة بتعيط بين مريم ونور وسارة وبسمة بيبصولها بكره شديد. بعد مدة. أنهى المأذون: بارك الله لكم وبارك عليكم وجمع بينكم في خير.

رحمة وتفيدة زغرطوا وكانوا فرحانين. عامر بخبث: يلا خد مرتك واطلع على أوضتك. غرام بصتله بصدمة ورعب. وعيسي فهم جده: أنا طالع فوق، ورايا. وطلع عيسي... وغرام بصت لجدها. روحية: أنتي هدومك وحاجاتك وكل حاجة تخصك اتنقلت جناح عيسي. غرام شاورت بمعنى: وأنا هنام معاه؟ رحمة: أكيد يا بنتي، مش جوزك. غرام كانت مصدومة وقالت في نفسها: دا أنا بترعب من نظرة منه، هنام جنبه ليه كدا بس؟

حسن قرب منها وحضنها: سامحيني يا غرام بس صدقيني عيسي راجل وهيحافظ عليكي يا بنتي. عامر: يلا ورا جوزك همي. غرام بصتله واتجهت للطلوع وهيا مرعوبة. ***** عند عيسي. كان طلع الجناح ودخل الحمام وطلع لابس بنطلون أسود وتيشيرت أبيض وكان مبين عضلاته وكان وسيم. وفجأة دخلت غرام وهيا مرعوبة. عيسي: تعالي متخافيش، مش هاكلك يا بنت عمي. دخلت غرام وهيا بتترعش وقفلت الباب.

عيسي ببرود: أنا عاوزك تهدي، كلها كام شهر وهطلقك يا غرام متقلقيش، مش عيسي الهواري اللي يغصب بنت عليه. غرام حاطة وشها في الأرض وما اتحركتش. عيسي قعد على الكنبة قصادها: أنا عاوزك تهدي وتخشي تاخدي شاور كدا، وأنا هنام على الكنبة وأنتي على السرير. غرام جريت دخلت الدريسنج وأخذت إسدال ونقاب وطلعت دخلت الحمام أخذت شاور ولبستهم واتجهت للسرير ونامت. ***** الفجر صحيت غرام ودخلت اتوضت وصلت ودعت ربنا. وبعدين نامت تاني.

في الصباح صحي عيسي لقا غرام نايمة بالنقاب فتنهد ودخل الحمام أخذ شاور ولبس جلبية صعيدي من اللون الأزرق الفاتح وكان جذاب جدًا، وللحظة كان عاوز يشوف وشها بس اتردد وقال: هشوفه بس بإرادتها. ونزل تحت وغرام صحيت ما لقيتش عيسي في الأوضة. فقامت أخذت شاور ولبست ونزلت تحت. ***** تحت في الصالة. نزلت غرام وكانوا الكل متجمع وقاعدين، ونور ومريم جريوا عليها. نور بغمزة: صباحية مباركة يا عروسة. غرام بصتلها بخجل شديد.

مريم: ألف مبروك يا غرام يا حبيبتي. غرام راحت قعدت جنب جدها. عامر: صباح الخير يا غرام. غرام بصتله بنظرة مخيفة. عامر بضحك: بتبصيلي كدا ليه؟ غرام فضلت بصاله بنفس النظرة. عامر: انطقي يا بت، بتبصيلي أكده ليه؟ غرام شاورتله بمعنى: ليه أمرت إني أنام معاه؟ عامر فهم وضحك: أنتي مكشرة عشان كده، لا ما هوا عادي. روحية: مش تسألي جوزك فين؟ غرام بعفوية: فين؟ روحية بضحك: ما أنتي مهتمة أهو هههه. غرام اتكسفت.

روحية: على العموم في المجلس عنده قضية. غرام شاورت: أنا رايحة الجامعة. عامر: طب قولي لجوزك. غرام شاورت: إنها اتأخرت وإنهم يقولوا هما. ومشيت. ***** عند ميرنا في الجامعة وكان يوم خميس كانت مستنية غرام. وكانت قاعدة في الكافتيريا وفجأة قعد قدامها مالك. ميرنا بتوتر: في حاجة يا دكتور؟ مالك: لاء أنا بس جيت أتأسف عن الموقف البايخ بتاع امبارح. ميرنا: أه ولا يهمك بس ما كانش ينفع تستهزأ بصاحبتي. مالك: ممكن أسألك سؤال؟

ميرنا: اتفضل. مالك: أنتي إزاي بتحبيها أوي كدا، دانتي كنتي مستعدة تسيبي الجامعة عشانها. ميرنا: عشان أنا بعشق غرام دي أكتر من أختي، أنا اللي وحيدة بترتاح معايا وبتفهمني وبفهمها، وغرام دي من أطيب الخلق. مالك بانبهار: واو، أنتِوا عارفين بعض من زمان بقا. ميرنا: أه من واحنا في الإعدادي. مالك: ربنا يخليكوا لبعض. ميرنا: الله يخليك، عن إذنك.. ومشيت. ودخلت غرام وقابلتها. ميرنا: كنتي فين يا روما؟ أنا قلبت عليكي الجامعة.

غرام أخدتها من إيدها وقعدوا على جنب. ميرنا: في إيه يا حبيبتي، أنتي كويسة؟ غرام بدأت تشاور وتحكي لميرنا اللي حصل. ميرنا بصدمة: يعني دلوقتي مرات عيسي الهواري الكبير؟ غرام هزت راسها بإاه. ميرنا بخبث عشان تعرف مشاعر غرام: يا بختك يا غرام دا واد مال وجمال وحاجة كدا سكر، ياريتني كنت أنا اللي اتجوزته. غرام بغضب وغيرة متعرفش جت منين شاورت: اخرسي وما تتكلميش عن عيسي، ويلا. وقامت.

وميرنا ضحكت؛ لأنها عرفت إن في حاجة من ناحية غرام لعيسي. ***** عند عيسي كان خلص المجلس ودخل القصر. عيسي: هيا غرام لسه نايمة؟ عامر بتوتر: أصل أصل غرام راحت الجامعة. عيسي بغضب: إزاي من غير ما تقولي؟ حسن: معلش يا عيسي، لسه صغيرة. عيسي بغضب: ومرات عيسي الهواري ما تخرجش من غير إذنه. واتجه لبرا القصر وركب عربيته وطلع على الجامعة. روحية: ربنا يستر عليكي يا بنتي. رحمة: يا رب، دا عيسي لما بيغضب بيتحول.

بسمة وسارة كانوا فرحانين. ***** في الجامعة. كانت غرام خلصت المحاضرة هيا وميرنا وطلعين، فجأة دخل عيسي وهوا لابس نضارته الشمسية والبنات كلها بصت عليه بإنبهار وهوا متعصب. غرام كانت ماشية فجأة لقت عيسي داخل قدامها والبنات عينيهم عليه، تنحت بصدمة ورعب وجسمها بقي يترعش جامد وعيطت. دخل عيسي ومسك إيد غرام ومشي من غير كلام وميرنا والجامعة كلها مصدومة.

وعيسي أخدها لبرا وركبها العربية ودور العربية ومشي ومنطقش، وغرام كانت بتترعش وبتعيط جامد. بعد وقت. وصل عيسي القصر ودخل وهوا ساحب غرام وراه وطلع فوق ومحدش استجرأ يتكلم. ***** في الغرفة. دخل عيسي وزقها على السرير. عيسي بغضب جحيمي: قوليلي بقا إيه اللي خرجك من القصر من غير إذني؟ ما بتردي؟ غرام كانت حاطة وشها في الأرض وبتعيط بشهقات. عيسي: هوا أنا ضربتك أو لمستك؟ ردي علي أو اعملي أي حاجة حتى.

غرام بصتله بدموع وقربت منه وحضنته بقوة وعيطت جامد. وهوا اتصدم وكأن غضبه اتشفط، وفضلت حضناه وهوا ما رفعش إيده ومصدوم. بعد شوية. غرام بتهدى وبتبعد ولما بتستوعب بتجري على الحمام، وعيسي لسه مصدوم. بعد شوية بتخرج غرام وبتلاقي عيسي قاعد على الكنبة. بتروح عنده وبتشاورله: أنا آسفة. وعيسي مش بيبقى فاهم. عيسي: بتقولي إيه؟ أنا مش فاهم. بتروح غرام تجيب ورقة وقلم وبتكتب: أنا آسفة. عيسي ببرود: تمام، عادي بس ما تتكررش تاني.

وكتبت تاني: مسامحني. عيسي بهدوء: أه تمام مسامحك. غرام قامت فتحت التليفزيون وشغلت على الكرتون وهوا قاعد مصدوم من الطفلة دي. ***** عند سارة وبسمة. سارة بغضب: أنا هتجنن يا ما، يعني أنا ما عادش هعرف أتجوز عيسي؟ بسمة بخبث: ما تقلقيش بكرة الفرصة تيجي، وبعدين هوا جواز مؤقت بس وهيطلقها. سارة: ولو دا ما حصلش؟ بسمة ببرود: هنقتلها. سارة: نقتلها، فكرة حلوة.

بسمة: يا بت والله دي حتة بت خرسة، وبعدين هتلاقي شكلها وحش عشان كدا لابسة الشوال دا، وعمر عيسي ما هيعجب بيها، وأنتي قمر يا أختي. سارة: أه والله أنا حاسة إن شكلها معفن ولا حاجة، دي من صغرها وهيا لابسة القرف اللي على وشها دا. بسمة: صدقيني يا بت، الوحشين دول هما اللي بيلبسوا النقاب، إنما الجمال لاء، بيوروا جمالهم للعالم إنما التانيين معفنين. سارة بغرور: عندك حق يا ماما، وهوا عيسي هيلاقي في جمالي فين؟ بسمة: عرفتي؟

عشان كدا بقولك اصبري. ***** عند نور ومريم كانوا مستنيين غرام اللي راحت لهم. نور: ها عملك حاجة؟ غرام شاورت بمعنى: لاء. مريم: طب خلي بالك من الواد. نور: هوا شاف وشك؟ غرام هزت راسها بـ: لاء. نور: فوقي يا غرام دا جوزك ومن حقه يشوفك. غرام بتوتر: أنا خايفة. مريم: أنا هقولك ورّيله وشك عشان ما يبصش بره. آه. غرام بغيرة: يعني إيه؟ نور: يعني ممكن يبص كدا ولا كدا، وأنتي عارفة إن سارة هتموت عليه. غرام فضلت تفكر شوية.

وقعدوا يرغوا، وغرام كانت طول الوقت بتفكر في عيسى. *** في المساء، كان عيسى قاعد على الكنبة وبيشتغل في اللابتوب. وغرام أخدت بيجامة سودة بكم وعليها قطط من اللون الأبيض، وكانت البيجامة جميلة. ودخلت الحمام أخدت شاور وسابت شعرها الأشقر بعد ما سرحته، وطلعت من الحمام. وعيسى ما كانش واخد باله، بس بعدين لما لاحظ شعرها بص لها وهي كانت عاطياله ضهرها. عيسى بصدمة: غرام!

فلفتت له وهو قام وقف بانبهار من جمالها، وأقسم إن عمره ما شاف بنت في الجمال ده. وفضل متنح فيها وفي جمالها. وهي اتكسفت وخدودها بقت حمرة لوحدها. عيسى بتوهان: يا الله، أنا عمري ما شفت جمال كدا، انتِ ملاك! وغرام ابتسمت غصب عنها وغمزاتها ظهرت اللي انبهر بيهم. وقرب منها، وغرام اتوترت. وفجأة عيسى باسها بحنية، وغرام خافت وحاولت تبعد بس عيسى كان ماسكها وعيطت. وبعد عيسى لما حس بدموعها على إيده. عيسى بتوتر: أنا آسف ما خدتش بالي.

ودخل الحمام. وغرام عيطت ونامت على السرير. وعيسى بيلعن نفسه إنه ضعف قدامها، ووقف تحت الدش كتير عشان يهدى. وبعد كدا طلع وهو لابس بنطلون بس. ولاقى غرام نايمة على السرير على بطنها ورافعة رجلها وبتلعب في التليفون وبتضحك لما كسبت، وللحظة سرح فيها. وابتسم، وغرام ما أخدتش بالها منه وكانت بتلعب لحد ما لفت ولقيته واقف كدا فاتصدمت وحطت إيدها على وشها. عيسى: اهدي، أنا بنام كدا. غرام شاورت إن كدا عيب.

عيسى: أنا مش فاهم انتِ بتقولي إيه، بس أنا هنام كدا وهنام على السرير. غرام بصت له بصدمة. عيسى: آه، أنا ضهري وجعني من الكنبة فهنام على السرير. وبعدين اتجه للسرير ونام عليه وحط إيده تحت دماغه ونام. وغرام كانت خايفة وعيسى عاطاها وشه. عيسى: نامي يا غرام ومتقلقيش، أنا مش هلمسك غير بإرادتك. وغرام نامت جنبه وعطت له ضهرها وحطت مخدة في النص. بس فجأة عيسى طفى النور والأوضة بقت ضلمة، وغرام نطت من مكانها لحضن عيسى. عيسى: في إيه؟

اهدي. غرام عيطت ودفنت وشها في حضنه وهو مصدوم ومسد على شعرها الناعم وغرام ماسكة فيه جامد. عيسى بعد ما فهم: انتِ خايفة من الضلمة؟ غرام هزت راسها بـ "آه". عيسى مد إيده فتح النور، وغرام بعدت واستوعبت وهو اتضايق من بعدها. بس هي عطت له ضهرها، ولما اتأكد إنها نامت طفى النور وأخدها في حضنه ونام.