رواية غرام قلبي الفصل الثالث عشر 13 - بقلم نبض القلب

غرام حكت لها كل اللي حصل. من أول ما عز الدين شاف معتز، لغاية لما رجعوا الفيلا. غرام: أنا حاسة إنه عرف إني بنت، وإني لعبت عليه، عشان كده كرهني. ثم تابعت حديثها: عايزة أعرف الحيوان اللي اسمه معتز ده قاله إيه. سارة: أنا عارفة مكان معتز فين. غرام: فين؟ سارة: بيشتغل مدرب في نادي مع مروان أخويا. غرام بلهفة: بكرة يا سارة نروح له النادي. سارة: حاضر. جهزي نفسك بدري وأنا هعدي عليكي، نروح هناك. غرام: طيب سلام.

غرام فضلت سهرانة، مش عارفة تنام. عايزة النهار يجي بسرعة عشان تعرف إيه اللي حصل. في صباح يوم جديد. استيقظ عز الدين من نومه، جهز نفسه ونزل، وهو فاكر إن غرام نايمة في أوضته. على سفرة الفطار. عمار بغيظ: إزيك يا ابن عمي. حلوة أوي المقلب اللي عملته فينا. أنا كنت هموت من الرعب أنا وفارس وفهد، من الأسود. عمر بخضة: أسود! يالهوي! عز الدين: تستهال. عمار: كل ده عشان أكرم. أكرم ده بنت، مش عايز حد يقرب لها. عز الدين

بلهجة تخوف وصوت قوي يرعب: عمار. عمار بخوف: إيه؟ عز الدين: اقفل على موضوع ده. عمر في صمت: يا ريت ما يعرفش إني وصلت أكرم امبارح. عادل: صباح الخير يا أولاد. كلهم: صباح الخير يا جدو. كريم: أومال أكرم فين؟ عمر بخوف: يا عم اسكت. كريم: في إيه؟ عادل: هو راح امبارح شقتهم. عز الدين نهض بانفعال من مكانه: راح امتى؟ عادل: بليل مع عمر. عمر: كملت. ثم تابع حديثه بتوتر وخوف: عشان ما يروحش لوحده. وجدك اللي قال لازم أروح معاه.

عز الدين كان مضايق جداً. عادل: عايزكم تروحوا تتفقوا مع منتصر إنكم تشتروا النادي. عمار: ما إحنا عرضنا عليه قبل كده وهو رفض. عادل: هو مسافر، عايز يبيع النادي. هو كلمني امبارح وقالي. عند غرام. راحت غرام مع سارة النادي. غرام: هو فين؟ سارة: لسه مش هييجي الوقتي. غرام: مش إنتي قولتي ليا إنه هو هنا؟ سارة: يالهوي عليكي. اهدى شوية. قولت لك هو بيشتغل هنا، بس لسه ما جاش. غرام: هييجي امتى؟ سارة: أخويا قالي هييجي على 10.

غرام: طب الساعة 10:05 لسه ما جاش. سارة: لو ما جاش النهارده. غرام: متقوليش كده يا سارة. أنا خلاص أعصابي تعبت. سارة: لو ما جاش النهارده، هخلي أخويا يكلمه. فهمتي؟ مرت فترة من الوقت. سارة: أنا هروح أجيب سندوتشات وعصير من مطعم وأيجي. غرام: خليكي يا سارة. سارة: جعانة أوي. نزلت من غير ما أفطر يا غرام، عشان استعجالك. غرام: خلاص روحي بس متتأخريش. سارة راحت عند مطعم في النادي، جابت السندوتشات والعصائر. تخبط في مين؟ في كارما.

كارما: هدومي يا متخلفة انتي! سارة: احترمي نفسك. كارما: بدل ما تقولي إنك آسفة. سارة: أنا مش غلطانة. إنتي اللي خبطتي فيا. بصي قدامك وإنتي ماشية. مش قاعدة باصة في تليفون، عايزة اللي قدامك يوسع ليكي الطريق. سارة جات تمشي. كارما مسكت ذراعها: رايحة فين يا شاطرة؟ هو اللي إنتي عملتيه هيعدي عليكي بسهولة؟ إنتي مش عارفة أنا مين؟ سارة: هتعملي إيه؟ ريم: في إيه يا كارما؟ كارما: شفتي هدومي. ريم: مين اللي عمل فيكي كده؟

كارما: الحيوانة دي. سارة بعصبية: احترمي نفسك. أنا مش عايزة أضربك. ريم: تضربي مين يا بت انتي؟ كارما جيبي الأمن يطلعها بره. سارة: أنا قاعدة مستنية الأمن يطردني. ريم: إنتي يا بت إيه الجرأة اللي إنتي فيها دي؟ ما تشوفي اللبس اللي إنتي لابساه. سارة: عاجبني. إنتي مالك؟ فجأة عمار جاه، أصل كان متابع الحوار من أوله. كارما: تعالي يا عمار. شوف قريبتك حصل فيها إيه. سارة اندهشت من وجود عمار. سارة: إنتوا قرايب؟

شكل بعض بالظبط في قلة الذوق وعدم الاحترام والتكبر على ناس. عمار بغيظ: يا بنت احترمي نفسك. إنتي مش قدي. سارة نظرت لهم بغيظ وسابتهم ومشيت. كريم: عمار. عمو منتصر مش هنا. عمار: اتصلت بيه، قالي إنه جاي بعد ساعة. ثم تابع حديثه: تعالي ناخد جولة في المكان. كريم مشي مع عمار بيشوفوا النادي. عمار: بص كده من هناك. كريم: أنا ماشي. عمار مسكه. كريم: يعم سيبني قبل ما تيجي. ريم: كيمو انت هنا؟ كريم: لا مش هنا. ده خيالي.

ريم: دمك خفيف أوي. عمار: من أول ما جه وبيقول عايز أشوف ريم. كريم بغيظ: أنا قولت كده. بيكذب عليكي. عمار بتمثيل وتريقة: أنا لازم أمشي. قلبي ميستحملش لحظات الرومانسية دي. كريم: استنى هنا يا جزمة. ريم مسكته في ذراعه جامد: كويس إنه سابنا لوحدنا. كريم: إيه ده اللي وراكي ده؟ ريم التفتت: فين؟ كريم خدها فرصة وجرى. عند غرام. كانت قلقانة على سارة إنها اتأخرت أوي. فجأة شافت معتز داخل من بوابة النادي. راحت عنده بسرعة.

غرام بغيظ: أهلاً. معتز بتوتر: غرام. إزيك عاملة إيه؟ غرام: قولتي إيه لـ عز الدين؟ معتز: عز الدين مين؟ غرام: اللي كنت بتكلمه معاه تحت عمارة اللي فيها شقتنا. معتز: أي واحد فيهم؟ غرام: في واحد ركب عربية. وتاني فضل يكلم معاك. معتز: آه. مش فاكر. غرام: بلاش استعباط. هو قالي على كل حاجة. وإنه اتكلم معاك. معتز: اعمل إيه؟ أصل خوفت منه، قولت أكذب. غرام: تكذب؟ كمل. عايز أسمع منك قولتله إيه. فلاش باك.

عز الدين بغضب: استنى. رد عليه يا أكرم. في حد ساكن في العمارة اسمه غرام؟ معتز: عزلت. من زمان. عز الدين بحدة وهو ينظر إلى معتز: سمعت. معتز: حضرتك متعرفش هي فين؟ غرام: لا. معتز: يعني؟ عز الدين بغضب: اركب يا أكرم. غرام جريت بسرعة ركبت العربية. لكن الغريب إن عز الدين واقف مع معتز. اقعد يكلمه. غرام كانت بتبص عليهم وهي في العربية. غرام بخوف وقلق: هو واقف معاه ليه؟ يا نهار أسود. ليكن عز الدين شك في الاسم. عند عز الدين.

عز الدين: تعرف الآنسة غرام منين؟ معتز: كنا زمايل. وأنا كنت بحبها. الدين بغضب وعيونه احمرت: بتحبها؟ معتز بكذب خوف من عز الدين: وهي كمان بتحبني أوي. وبتخاف عليا. عز الدين بصدمة: بتحبك؟ معتز ابتلع ريقه: أيوه. وأنا وهي اتفقنا بعد كلية آجي أخطبها. عز الدين: هي اللي قالت لك النهاردة آجي أخطبها؟ معتز: أيوه. عز الدين بغضب: بتتكلموا مع بعض؟ معتز: كل يوم بنكلم بساعات. بطمن عليها وبتطمن عليه.

عز الدين سلم عليه. كان بيضغط على إيده كان هيكسرها من غضبه. عز الدين يكز على أسنانه: مبروك. ابقى أعزمني. معتز يتوجع: آه. إيدي. عز الدين: معلش يا عريس. معتز: وإنت إيه صلتك بيها؟ عز الدين: أنا ولا حاجة بنسبة لها. غرام جات تنزل من العربية. عز الدين جالها. عز الدين بحدة: كنت رايح فين؟ باك. غرام بغضب: الله يخرب بيتك. أنا حبيتك. أنا اتفقت معاك إنك تيجي تخطبني. أنا كنت بكلم معاك يا حيوان. بتدور على حاجة تضرب بيها.

سارة شفتها جريت مسكتها. غرام: سيبني. أنا هشرب من دمه. سارة: اهدى يا غرام. معتز: اعمل إيه؟ خوفت منه. غرام بنرفزة: تقول له الحقيقة. فاهم؟ معتز بتوتر وخوف من عز الدين: طيب. لازم أمشي عشان عايزني. ومشي بسرعة وخرج من النادي. سارة: اقعدي يا حبيبتي. إنتي كده خلاص بقيت فهمتني. وعرفتي زعلان منك ليه. عمار شاف غرام واقفة مع سارة. راح عندهم. عمار: مش معقول. ليه نصيب إني أشوفك تاني يا قمر.

ثم تابع حديثه: كده تعملي فيا مقلب إنك اغمى عليكي. بس مقبولة منك ياعسل. غرام مردتش عليه. عمار: مين مزعلك قولى؟ وأنا أشرب من دمه. ردي عليه، انتي كده بتوجعي قلبي. ساره: وجع في قلبك. عمار بغيظ: يالا ياشاطرة، امشي، مش عاوزين انهارده. ساره بغيظ: انت متخلف يالا. عمار بعصبية: متخلف؟ يابنتي ل. غرام بصراخ: من فضلك امشي سيبنا. عمار: كده تخلي القمر ده يزعل؟ ساره: يالهوي على كمية رخامة وبرود اللي انت فيها. يالا ياغرام نمشي.

غرام: مش ماشية من هنا إلا لما آخد الحيوان ده معايا عشان يكلم مع... انتبهت لعمار فسكتت. عمار: اخص عليكي، أنا حيوان. ساره: حيوان غيرك. عمار قرب من ساره، ساره خافت من نظراته. عمار يكز على أسنانه: أنا خلاص صبري نفذ. غرام بخوف على ساره: من فضلك ممكن تجيب لي زجاج مياه. عمار: أنا رايح أجيب زجاج مياه، اوعي تزعليها، انتي فاهمة. ساره بصت له بغيظ ومردتش. عمار راح يشتري لها زجاج مياه. كريم شاف غرام راح بسرعة عشان يكلمها.

كريم: مش ممكن انتي تاني؟ أنا أكيد بحلم. ساره: مش هنخلص بقى. كريم شاف شجرة عليها ورد، راح قطف وردة. عمار: خدي اشربي ياقمر ياعسل. كريم: جبت لكِ وردة. غرام قاعدة على كرسي، واحد بيعطيها وردة وتاني بيعطيها زجاج المياه. فجأة واحد يدخل من بوابة النادي، يشوف المنظر ده، دم يجري في عروقه، وعيونه يتطاير منها الشر. بيقرب منهم. غرام بترفع وشها تلاقي مين. عز الدين.

جات عنيها في عينه، ودي أول مرة يكونوا فيها وجه لوجه. وغرام في شكلها حقيقي إنها بنت.