رواية غرام وانتقام الفصل الثاني عشر 12 - بقلم نهى فتحي

أركان فتح الفون لقي فيديو عبارة حادث وعد ومنه. لقي تحت الفيديو تسجيل فيه اتفاق روز ونادر وشخص عشان يموتوا منه وتبقي سبب الحادث هي وعد. الحوار كالتالي: روز: انت هتأجر عربية نقل تخبط في العربية بتاعتهم ومحدش يعرف حاجة وتتطلع بقرشين حلوين! المجهول: انتوا عارفين عايزين تخصلوا من مين؟ نادر: آه ياحبيبي عارفين، مش مستنينك تيجي تقولي، عايزين نخلص من منه السويسي. المجهول: انت عارف لو أركان عرف هيعمل فيا إيه!

قال نادر بارتياح: وهو هيعرف منين مثلاً، وإلا... قاطعه كلامه وقال: وإلا إيه بس.. هنفذ إمتي؟ نادر: لا كده تعجبني، هتنفذ بعد يومين، فلوسك هتستلمها أول ما تخلص. المجهول: لا متفقناش على كده، أنا فلوسي باخدها قبل ما أنفذ، لزوم الضمان. نادر: خلاص تاخد نصها قبل ما تنفذ والنص التاني بعد ما تنفذ. المجهول: كده نكون اتفقنا! اتصدم أركان من التسجيل وحس إن الدنيا بتلف بيه ومبقاش عارف يعمل إيه ولا وعد هتسامحه إزاي بعد ما تعرف.

رمى أركان التليفون بعصبية وقال لخالد: تجيبلي اللي نفذ العملية من تحت الأرض بسرعة! نظر أركان لروز نظرة نارية فقالت روز بذعر: هتعمل فيا إيه! أركان بسخرية: هعمل كتير، إنما هعمل فيكي إيه دي بقى خليها مفاجأة، وبدل المفاجأة هتبقي اتنين، عارفة ليه؟ روز: ليه؟ أركان: أول حاجة عشان فكرتي تلعبي مع أركان السويسي، تاني حاجة بقى إنك مقولتيش كل حاجة، عشان كده هيبقي عقابك الضعف. روز بعياط وخوف: سيبني والنبي مش هعمل كده تاني، آسفة.

أركان بضحك: آسفة، آسفة إيه بس، ده أنا هصرفها من أي بنك. أركان: أنا همشي أصل، ورايا مواعيد، ومش فاضي لزنك ده، خلي الرجالة يكرموكي على الآخر. خرج وروز بتصوت وتقول: لااااا خرجوني من هنااا. *في الشركة نادر الأميري / في المكتب* شخص: في خبر مؤسف لحضرتك يانادر بيه. نادر بلامبالاة: خبر إيه؟ شخص: أصل، أصل إيه... اتعدل نادر وقال: إيه، انت جاي تتهته هنا، اتكلم واخلص. شخص: أركان عرف المقلب كله وحبس روز في المخزن عنده!

نادر: نعم!! ، غبائها، غبائها، إني اعتمدت على واحدة زي دي. شخص: هتعمل إيه يانادر بيه؟ نادر بغضب: أنت هتحكي معايا، أخرج برا ومتعملش أي حاجة. الشخص بطاعة: أوامر يانادر بيه. خالد في الفون: المجهول بقى عندك في المخزن. أركان: خلاص ياباشا إجازة بكرة، يلا افرح بقى. خالد بعوجة بوق: لا كريم أوي انت، المفروض اللي عملته ده ده تديني إجازة أسبوع! أركان بجدية مصطنعة: يلا روح مكتبك تخلص شغلك، مش عايز هزار. خالد

بصدمة من تغيره المفاجئ: خلاص اهدي متزوقش. *في المخزن* أسقط أحد الحراس دلو الماء على الشخص المجهول حتى فاق وقال: أنت مين وعايز إيه؟ أركان بسخرية: بذمتك مش عارف أنا مين؟ المجهول: انت تعرفني أنا؟ أركان حاطط رجل على رجل وقال: عبدالله صادق اللي نفذ عملية موت منه السويسي، تفتكر بقى تكون مش عارف أنا مين؟! عبدالله ظهرت ملامح الصدمة على وشه وقال: أركان السويسي!!!

أركان: أيوه كده شاطر، خليك مفتح معايا كده، عايزك تجيبلي نادر الأميري ده تحت رجلي. عبدالله: وأعملها إزاي دي؟ أركان بعصبية: الرجالة هيوروك إزاي تعملها دي. جعل الحراس يعذبوه ببعض الوسائل. *في فيلا أركان* وعد: يادادة، يادادة فين أركان؟ دادة سميحة: مش عارفة يابنتي، اتلاقيه راح الشركة. قطع كلامهم صوت عالي، كان صوت أركان وهو بيقول: وعد، وعد. وعد نزلت تجري على السلم وهي بتقول بخضة: إيه في إيه؟

أركان بقلق: في حاجة، أصل رنيت عليكي كذا مرة مردتيش. وعد: أصل كنت نايمة، مسمعتش الفون. أركان بحب: خضتيني عليكي ياحبيبي. وعد بإستغراب من طريقته وقالت: إيه مالك، في حاجة؟ أركان بتوتر: كنت عايز أصارحك بحاجة. وعد بقلق: إيه، في إيه، اتكلم. أركان: ........ وعد: !!!!