رواية جوازة بالاكراه الفصل التاسع 9 - بقلم دودا حودة

طلع وراها ومسكها من درعها جامد. يحيي: إيه اللي حصل ده؟ إزاي تسيبيني واقف وتطلعي يوم فرحي كده؟ ساره: بجد أنت مصدق نفسك؟ أنت كمية شر ماشية على الأرض، ما تفوق بقى يا أخي. فضل يضرب فيها لحد ما أغمى عليها. فاقت لقت نفسها بفستان الفرح مرمية على الأرض وهو قاعد جنبها. ساره: آآآه جسمي وجعني أوي، إيه اللي حصل لي؟

يحيي: بص لها. بوصي يا ساره، أنا مش عايز أغضب عليكي. أنا كل ده والله بحاول أمسك أعصابي معاكي، بس بجد أنتِ متعرفيش أنا مين ولا غضبي عامل إزاي. لو سمعتك بتقولي الكلام اللي قولتيه ده تاني، أقسم لك بربي أخليكي تتمني الموت كل لحظة. والله مفهوم؟ قومي يلا غيري فستانك ده والبس حاجة كده تعجبني. قومي يلا. ساره خافت من نبرة صوته وقامت غيرت لبسها وجت قعدت جنبه. كل تفكيرها: ليه عملت في نفسي كده؟

أقسم بالله يا حسن لو تحس بالنار اللي أنا فيها دلوقتي، مش تكرهني الكره اللي واثقة إنك كارهه ليا ده. وتاني يوم ساره ويحيي قاعدين بيفطروا، وخديجة واقفة جنبهم بتحط الفطار. دخل إبراهيم. إبراهيم: صباح الخير يا يحيي. يحيي: صباح النور. اقعد افطر معانا. إبراهيم: شفت اللي حصل لحسن؟ مدير شئون العاملين عندنا. ساره بصت لإبراهيم بصدمة جامدة وعايزة يكمل باقي كلامه. يحيي: عينه على ساره. إيه يا ترى اللي حصل؟

إبراهيم: عمل حادثة بالعربية وهو ماشي من هنا. العربية اللي حضرتك أدهاله تعويض عشان ترضي باللي حصل بعد ما اتحبس. قلبك طيب والله يا يحيي. ساره: بصويت. وحصله إيه؟ كويس ولا مات؟ إبراهيم: بص ليحيي جامد. ويحيي قام من على الأكل وقال ليحيي: طيب اسبقني أنت عالشركة وأنا جاي وراك. وخرج إبراهيم. ساره: مفيش فايدة فيك، أنت اللي عملت كده صح؟ يحيي: مين قال كده؟ محصلش. ساره: أنت عايز إيه يا أخي؟

طلقتني من جوزي واتجوزتك غصب عني، أيوه بكرهك وبحبه هو. سيبه في حاله بقى، حرام عليك. يحيي: طول ما شايف نظرة الحب دي ليه، هفضل أنتقم منه. ساره طلعت على أوضتها جري. وخرج يحيي ركب عربيته ومشي. وطلعت خديجة فضلت قاعدة جنب ساره، وبعدين قالت لها: خديجة: أنا أقدر أساعدك تتخلصي من يحيي بيه. ساره: مسحت دموعها. بجد؟ إزاي؟

خديجة: أنا هنا في الفيلا دي بقالي ١٠ سنين وعارفة كل حاجة عن يحيي بيه. وعارفة فين المخزن اللي بيشيلوا فيه المخدرات، لأن جوزي شغال معاهم. والله أنا مش حابة شغله ده، بس هو غصب عنه لأنه شافهم زمان ساعتها وهما خدوا معاه غصب عنهم. أنا هساعدك، بس لما أأمن جوزي الأول عشان ما يبقاش معاهم. ساره: طيب وأنتي ليه مش بلغتي عنه طول ما أنتِ عارفة الموضوع ده من زمان؟

خديجة: أنتِ متعرفيش الراجل ده، ده حابس مراته وخلها مريضة عقليا عشان عرفت إنه موت واحدة كانت حامل منه، مع إنه كان بيحب مراته دي أوي وبيخاف على زعلها. هيعمل فينا إحنا إيه بس؟ أنا تعبت والله من كتر الأذى اللي هو بقى يأذي للناس بجد. أنا هقف جنبك، بس لازم نفكر بعقل عشان نعرف ناخد حقنا بجد. ساره بصت لها وضحكت. وفي المستشفى حسن متكسر أوي وجنبه شيماء أخته وأمه. شيماء: حبيبي يا حسن، ألف مليون سلامة عليك. حسن: أنا فين؟

إيه اللي حصل لي؟ شيماء: عملت حادثة يا حبيبي، بس أنت بخير الحمد لله. حسن: ساره؟ آه ساره اتجوزت يحيي فعلا؟ واطية عشان الفلوس تبعتني أنا. أمه: خالص يا حبيبي، سيبك منها بقى. منها لله. شيماء: حرام والله يا جماعة، أنتوا مش عارفين حاجة. حسن: مش عارفين إيه؟ شيماء: أنت مش واخد بالك يا حسن إنك خرجت من السجن أول ما ساره أطلقت؟ حسن: وإيه جاب ده لده؟ مال طلاقي من للسجن بساره؟

شيماء: يحيي راح وقالها إنها لازم تتطلق منك وتتجوزوه، وهو هيخرجك من السجن. وهي عملت كده عشان بتحبك، لأن كان فيه وصلين غير الوصل اللي اتقدم للنيابة، وكان كل ما تخرج هيحبسك تاني. حسن: وإزاي يا شيماء تكوني عارفة وتوافقيها على كده؟ شيماء: أنا عرفت بعد ما أطلقت، ولازم تقف جنبها يا حسن، ساره بتحبك والله. الأم: خالص يا شيماء، كل واحد خد نصيبه والموضوع انتهى. حسن: إزاي يا أمي؟ دي مراتي برضه.

وفي فيلا يحيي، ساره عاملة تدور على خديجة مش بترد عليها. ودخلت المطبخ لقت بنت خديجة اللي عندها سنتين في المطبخ عاملة تعيط جامد. وخرجت وهي شايلة البنت لقت يحيي في وشها. ساره: يحيي، أنت جيت إمتى؟ يحيي: كنتِ بتعملي إيه في المطبخ وشايلة البت دي ليه؟ ساره: مش عارفة مامتها فين وهي عاملة تعيط. يحيي: طيب دخليها عقبال ما أبعت لأبوها ييجي ياخدها. ساره: هي خديجة فين؟ يحيي: معرفش، بس أنا ناوي أمشيها. وكويس إنها مشيت من نفسها.

ساره: مشيت إزاي وهتسيب بنتها هنا؟ خديجة فين؟ عملت فيها إيه؟ يحيي: ليه؟ هي عملت إيه؟ خديجة عشان عملت فيها حاجة؟ ومسكها من خدودها جامد. إيه يا ساره؟ هي خديجة عملت حاجة تخليني أنتقم منها؟