رواية جريمة في قلب عاشق الفصل الخامس عشر 15 - بقلم منال كريم

في منزل سيف. كان يتذكر الموقف الوحيد الذي حدث بينه وبين مليكة. عندما كانوا في المول، منذ أول نظرة وقع في غرامها. وكان مخطط يطلب أيدها من كريم لما يرجع من السفر. لكن عاد وجد كريم عالق في مشكلة كبيرة. قرر يفعل شئ مجنون لم يفعله وقت المراهقة. أخذ رقم مليكة من هاتف كريم دون علمه. قرر يدق عليها. كانت مليكة تجلس في شقة مالك حتى تبتعد عن ضجيج الدور الأرضي وتسطيع التركيز في الدراسة. جاءت أمل وهي تحمل بعض الفواكه والعصائر.

قالت بابتسامة: اتفضلي يا مليكة، علشان تعرفي تركزي. نظرت لها بابتسامة وقالت: بجد شكرا يا أمل، لو كل مرات أخ تكون زيك كانت الدنيا عمرت. قالت بحب: يا حبيبتي لازم أكون كده، لما تكون أختي جوزي قمر وسكر زيك. تنهدت بتوتر وقالت: ملك مش مرتاحة لسها اخت كريم. جلست أمل أمامها وقالت: ليه؟ أومأت رأسها بعدم فهم وقالت: مش عارفه، بس ملك بتحب كل الناس، يبقي لما تكون مش مرتاحة لحد، يبقي في حاجة غلط.

قالت بهدوء: فعلا، اللي زي ملك قلبها طيب وتحس بطبيعة الناس. تنهدت مليكة وقالت: ربنا يسترها. أمل: يارب. قاطع الحديث رن هاتف مليكة. فتحت وأجابت: الو. لم يجيب أحد. قالت مرة أخرى: الو، الو. قالت أمل بخوف: اقفلي بسرعة، بيقولوا في ناس تطلب أرقام ومش تكلم وتاخد بصمة الشخص ويعملوا مصايب. أطلقت مليكة ضحكة عالية وقالت: يادي المصيبة، وكده مالك يغسل العار ويقتلني. مليكة بعصبية: أن شاء الله ما عنك ردت. وأغلقت الهاتف.

كان سيف يبتسم بسعادة وحب أنه سمع صوت مليكة. عند مليكة. سألت أمل: بقولك يا لوكة، ايه رأيك في العريس. قالت مليكة: رفضت قولت لبابا لا. سألت بحزن: ليه يا مليكة، ده ظابط وما شاء الله حالتهم مرتاحة. أخذت نفس عميق وقالت: يا أمولة أنا مش بفكر في الارتباط دلوقتي، لازم أكمل تعليمي الأول وبعدين أفكر. سألت بخبث: يعني بذمتك مفيش شاب كده ولا كده عجبك في الجامعة. أجابت بهدوء: لا والله العظيم مفيش حد، أنا كل تفكيري في الدراسة بس.

قالت بابتسامة: ربنا يوفقك يا حبيبتي. في الأسفل. مالك: كنتي اتكلمتي معها يا ماما، العريس كويس. مني: أتكلم يا مالك ومصممة على الرفض وقالت مش بفكر في الجواز دلوقتي. مصطفى: بلغه أن مفيش نصيب، ومش عايزين نعيد الماضي ونغلط مع مليكة زي ملك، الجواز قسمة ونصيب ووقت ما يجي النصيب، الحمد لله ملك صبرت وربنا عوضها خير. في حديقة فيلا كريم. يجلس سامح مع ريهام. ريهام بسعادة: بجد يا أستاذ سامح بتحبني، مش أقدر أصدق حضرتك تحب واحدة زي.

قال بابتسامة: كلنا ولاد تسعة إيه الكلام ده، انتي مال وجمال وقلبك طيب مش مهم إنك جاهلة ومش تعرفي تكتبي وتقري، الأهم قلبك الطيب. قالت بابتسامة: مش أقدر أصدق، أنا بحبك من يوم ما اشتغلت هنا، بس قولت أنت فين وأنا فين. أجاب بهدوء: حبيبتي يا ريري أنا كمان بحبك، أنا مستني مشكلة كريم وملك تتحل وأطلب إيدك. قالت بسعادة: مش قادرة أصدق، بحبك أوي يا سامح. ابتسم سامح من الخارج وهو من الداخل ينفجر ويندم أنه سمع كلام سيف.

قال بهدوء: يلا ادخلي المطبخ بدل ما حد يشوفك ويفهم غلط. رحلت ريهام. رن سامح على سيف، مجرد أن فتح صرخ سامح: الله يسامحك يا شيخ. ابتسم سيف وقال: ليه بس البت حلوة برضه. قال بغضب: اخرس يا سيف، اسكت خالص أنا مش ضايق نفسي. لم يجيب سيف وابتسم بصوت عالي. تنهد سامح وقال: خطتك سها الجديدة دمار. سأل سيف بفضول: عملت إيه المصيبة. قال بتوتر: خطة سها إنك هاجمت عليها، وكمان إنك على علاقة بمدام ملك.

نهض بغضب وقال: يا نهار أسود، إيه الدماغ الخبيثة دي، وصلت معاها لكده. قال بحزن: ربنا ينتقم منها، لازم نكشف الحقيقة في أقرب وقت. أجاب سامح: ثق في أنا أخلي ريهام تقول الحقيقة كلها. عند كريم. مسك السكينة من سها وهي قالت: اغسل شرفك يا كريم. نظر لها والدموع تنهمر من عيونه، وتنهد بحزن ثم قال: بصي يا سها، أنا عندي فكرة أحسن من دي. سألت بابتسامة: إيه يا كريم. قال بهدوء: اتجوز. سألت بصدمة: إيه.

أجاب بهدوء: مش يكسر ملك إلا الجواز وكمان اتجوز واحدة هي تكرهه. سألت بخوف أن يتجوز كريم فتاة أخرى غير علا: مين دي. قال بابتسامة: أكتر واحدة حبتني وأنا مش كنت مقدر. سألت بابتسامة: مين. أجاب بهدوء: علا. صرخت بسعادة غامرة وقالت: أحسن قرار أخدته يا كريم، علا هي الوحيدة اللي تستحقك. ابتسم وقال: تصبحي على خير، يلا اطلعي نامي الوقت اتأخر. قالت بابتسامة: وأنت من أهله يا حبيبي، قولي تطلع تنام. قال: لا، أقابل علا وأتكلم معها.

وضعت قبلة على خده وذهبت إلى الأعلى بسعادة. أما هو غادر المنزل. تقف سها أمام غرفة ملك. كانت ملك مازلت تصلي بنية تفريج همها وظهور الحق. سمعت طرقات الباب قالت: مين. تدلف سها بدون استئذان وقالت: إزيك يا ملوكة. نظرت لها وقالت: الحمد لله. قالت بابتسامة: عندي ليكي خبر حلو. سألت: خير. ابتسمت وقالت: كريم يتجوز. نهضت بفزع وسألت بعصبية: بتقولي إيه. قالت ببرود: كريم يتجوز علا لأنه اكتشف خيانتك.

قالت بدموع: الكلام ده كدب، أنا مش خاينة وكريم عمره ما يعمل كده. قالت ببرود: كريم دلوقتي يتفق مع علا على معاد الفرح. قالت بهدوء: كدب، كدب. قررت سها الكشف عن حقيقتها أمام ملك، بعدما تأكدت أن كريم يصدق كل شيء تقوله. وقفت أمامها ونظرت لها بتحدي وقالت: أنا عارفة إنك مش خاينة لأن أنا اللي خططت لكل ده، كمان كنت متفق مع علا والبنات تعرفك قيمتك، بس انتي عرفتي تردي.

وأكملت بحقد: كنت عمري ما أقبل أن كريم يتجوز واحدة وتجيب حد عيل ياخد ورث كريم، مش أنكر أن كريم مش مخليني عايزة حاجة وكل الفلوس تحت أمري، بس مين يعرف أن ابن كريم يتعامل معي زي كريم، مش أقف أتفرج لما كريم يخلف عيل يكون هو الوريث، فانا عملت إيه يا ملوكة، اقتلك ابنك وهو في بطنك وكان نفسي تموتي انتي كمان ونخلص منك. قالت ملك بذهول وعدم تصديق: لا استني أفهم بس، قصدك تقولي إنك قتلتي ابني. أومأت رأسها بنعم.

قلدتها ملك وهي تهز رأسها بنعم وتبتسم وقالت بهدوء: فعلا قتلتي ابني، وافقة دلوقتي قدمي اعترفي، تفكري أعمل فيكي. قالت بثقة: انتي أجبن من أنك تعملي حاجة. قالت بهدوء: طبعًا، لو ملك ضعيفة فالأم مش ضعيفة. مجرد أن أنهت الحملة، مسكت سها من شعرها بقوة وصرخت بصوت عالي: تقتلي ابني يا زبالة، يا مريضة. ودفعتها بقوة على الأرض. وظلت تصرخ ملك صرخات متتالية. كانت سها تنظر لها بذهول وخوف.

انقضت ملك عليها وهي تعطيها صفعة تلو صفعة، صفعات كثيرة، تزامنا مع صرخاتها العالية. قالت بصرخة: تقتلي ابني ليه. ضربتها بالقلم. أكملت: تتهمني في شرفي ليه. وضربتها بالقلم. أكملت: عايزة تخربي بيتي ليه. لفت يدها حول رقبتها بقوة، كانت سها لا تستطيع أخذ نفسها ولا تستطيع مقاومة ملك. قالت بغضب شديد: موتي، موتي. جاءت نادية وريهام على الصوت. بصعوبة بالغة استطاعت نادية وريهام يبعدوا ملك عن سها التي كانت فاقدة الوعي.

حاولت ريهام تفوق سها لكن لا تستجيب. قالت نادية بتوتر: في إيه يا مدام ملك. صرخت بصوت عالي: ابعدوا الزبالة دي من هنا، أخرجوا من أوضتي. أسندت نادية وريهام سها وهما يخرجون من الغرفة. التفتت ريهام إلى ملك ونظرت لها نظرة احتقار. ركضت ملك إليها وجذبتها من شعرها بعنف وصرخت بصوت عالي: إيه النظرة دي، أوعي تنسي نفسك أنا ملك هانم وأنتي حتى خادمة.

تنظر نادية في ذهول، لا تعلم ماذا تفعل، هل تترك سها وتذهب حتى تنقذ ريهام من يد ملك، أو تترك ريهام فريسة في يد ملك.