رواية حب الادهم الفصل الحادي والعشرون 21 - بقلم دعاء تهامي

باب أوضة تالين، خبط وكان أدهم. أدهم: هو في الحقيقة أنا كنت جاي، أنا أقصد يعني إني من ساعة ما خرجت من المستشفى مقعدناッシュ مع بعض ف جيت وجبتلك الشكولاتة اللي بتحبيها. تالين: شكرا على الشكولاتة. أدهم: تعالي نقعد في الحديقة بره. تالين: بس ليه. أدهم: مالك يا تالين كأني واحد نتعرفهوش كل حاجة ليه وشكرا من إمتى الكلام ده. تالين: أنا آسفة يا أدهم مش قصدي. أدهم مد إيدها حطها على خدها مسح دموعها اللي انهمرت على وجنتيها.

أدهم: بتعيطي ليه أنتي عارفة مبحبش أشوف دموعك غالية عندي. تالين: غصب عني كل حاجة اتقلبت في حياتي بمجرد كام كلمة. أدهم: بس أنا بحبك أقصد كلنا بنحبك وأنتي مننا ومفيش حاجة هتتغير تعالي يالا هحكيلك حكاية زي زمان. أخدها من إيدها وطلعوا قعدوا في الحديقة. أدهم: عارف إنك بتحبي الورد عشان كده حبيت نتكلم هنا بس الأول هحكيلك الحدوتة جاهزة. تالين هزت راسها بأ.

أدهم: بصي يا ستي كان فيه أميرة حلوة زيك كده وفي يوم كان فيه راجل شرير بعد البنت دي عن أهلها ف لقاها الساحر الطيب وأخدها عنده. الساحر ده كان عنده ابنه حب البنت دي وتمر الأيام والبنت كبرت بس معتبرة الولد ده أخوها بس هو كان بيحبها وكان نفسه يقولها كده بس الساحر الطيب كان بيمنعه عشان ميزعلش البنت وتمشي من عنده وفي يوم ظهر الراجل الشرير تاني وعايز يأذي البنت بس إيه اللي اختلف المرادي. تالين: إيه.

أدهم: إن المرادي كان ابن الساحر هو اللي وقف قصاده عشان يحمي البنت زي الفارس وبكل شجاعة هزم الراجل الشرير بس قبل ما يهزمه كان الراجل الشرير قال للبنت إنها مش بنت الساحر الطيب. تالين: وهي عملت إيه.

أدهم: انهارت في الأول وبعدها فهمت إن اللي بتعمله غلط وإن الساحر الطيب بيحبها زي بنته وإن الأهل مش اللي بيخلف بس وقتها رجعت لحياتها الطبيعية تاني معاهم ومعاملة الساحر الطيب متغيرتش معاها وبعد أيام كتير ابن الساحر قرر إنه يساحر الأميرة إنه بيحبها وعايز يتجوزها هي رفضت في الأول وقالت أنت أخويا وهو زعل بس قرر إنه يحاول يحصل على حبه ومرت الأيام وابن الساحر أثبت حبه للأميرة وهي كمان حبته بعدها اتجوزوا وعاشوا في تبات ونبات وخلفوا صبيان وبنات.

تالين: هه إيه ده قصة خيالية أوي ازاي واحد معتبراه أخوها طول عمرها يتجوزها. أدهم: هاء. تالين: سرحت فين. أدهم: مش خيالية زي ما بتقولي لو ركزتي هتفهمي. تالين: يعني إيه. أدهم: الأميرة تبقى أنتي 🙂 تالين: هههه أوعى تقول ابن الساحر يبقى أنت. أدهم: أيوه. تالين: يعني دلوقتي أنت بتحبني. أدهم: أه بحبك وعايز نكمل قصتنا زي الأميرة وابن الساحر. تالين ساكتة مش بترد. أدهم: ساكتة ليه.

تالين: أنا هعتبر إنك مقولتش حاجة وهنسى اللي قولته وأنت كمان تنسى. أدهم: يعني ده قرارك يعني أنتي مش هتحبيني. تالين: بس أنا بحبك ما أنت أخويا. أدهم: اديني فرصة واحدة واكيد هتحبيني. تالين: أدهم. أدهم: فكري كويس أنا هستنى ردك عندي قرار نقل شغلي بره مصر لسه موافقتش عليه هستنى ردك يكون إيه بعد أربع أيام. سابها وطلع بره البيت وهي دخلت جوا بتفكر في كلامه.

عَدَتْ ثلاث أيام وتالين مردتش على أدهم في اليوم الرابع كانت قاعدة تالين في أوضتها وخبط عليها حاتم. حاتم: فاضية يا تالين. تالين: أيوه يا بابا تعال. حاتم: كنت حابب أتكلم معاكي بقالكم كام يوم مش كويسة وبالك مشغول مش هتحكيلي مش أنا صديقك من وأنتي صغيرة دايما بتحكيلي كل حاجة بتحصل معاكي. تالين: بابا الحكاية غريبة شوية وحكتله كل اللي حصل بينها وبين أدهم.

حاتم: أدهم بيحبك من زمان وأنا اللي كنت بمنعه إنه يقولك عشان خايف عليكي بس قبل كل ده رأيك أنتي أهم من أي حاجة تانية وأنا واقف معاكي. تالين: يا بابا أنا مش عارفة أقول إيه واحد طول عمري معتبراه أخويا يقولي أنا بحبك ويطلب إيدي. حاتم: صدقيني مش هتلاقي حد يحبك أكتر من أدهم مش عشان ابني عشان هو بيحبك بجد. تالين: كان واضح في عيونه وهو بيتكلم. حاتم: هسألك سؤال وردي باللي في قلبك. تالين: أكيد يا بابا.

حاتم: إحساسك إيه من ناحيته. تالين: هااا