رواية حب ضائع الفصل الخامس 5 - بقلم هاجر العفيفي

بعد ما سمعت حماتها وريهام وعرفت اللعبة القذرة اللي هما عاملينها، كلمت مروان وطلبِت تشوفه ضروري. وهو جه عندها بعد نص ساعة. مروان بقلق: مالك؟ إيه اللي حصل؟ ملاك قصت عليه ما حدث كله لحد لما سمعتهم. مروان بغضب: يا ولاد الـ... دول شياطين مش ناس طبيعية. ملاك بحزن: المهم دلوقتي، عايزَاك تساعدني نكشفهم في أقرب وقت لزين. مروان بتفكير: اممم، بصي يا لوكة. بعد يومين. ريهام كانت بتنقل الكرسي من مكانه عشان تعدل.

ملاك بسخرية: براحة شوية عشان البيبي يا ريري. ريهام بصدمة وتوتر: انتي بتقولي إيه؟ انتي اتجننتي؟ أنا مش حامل. ملاك ببرود: اها، مانا عارفة. مالك اتوترتي كده ليه؟ أنا بلعب بأعصابك. ريهام بتوتر وغضب: ولا اتوترت ولا حاجة، أصل بتقولي كلام ماسخ زيكم. ملاك بصتلها بتسلية وقالت: مش هجيبه من بره، انتي بنتي عمي برضو، واكيد فينا صفات من بعض. ريهام بقرف: وأنا ميشرفنيش تكوني زيي.

ملاك بضحك: تصدقي، ولا أنا مبحبش أكون ست خطافة رجالة ولا خاينة. سلام بقا عشان راحة مشوار. ريهام بكره: ياترى زين عارف إن الهانم بره؟ ملاك بتكبر: والله شيء ميخصكيش، خليكي في حالك. وبصت لها بقرف ومشيت. ريهام قلبها اتقبض وخافت إن ملاك تكون عرفت حاجة. نزلت تجري على حماتها. ريهام بخوف: الحقي الحقي يا مرات عمي، شكل العقر*بة اللي اسمها ملاك عرفت حاجة أو سمعتنا. حماتها: ليه يا بت؟ إيه اللي حصل؟ ريهام حكتلها اللي حصل.

حماتها: لأ، أكيد مسمعتش. هي بتقول كده عشان تخوفك بس. وبعدين هي لو كده كانت واجهتك. انتي عارفة إن دي فرصتك. ريهام بغيظ: بس دي لو عرفت بجد هيكون فيها خراب. الحمل ده لازم ينزل قبل زين ما يعرف إنه مش منه. حماتها: لأ يا غبية، كده يبقى مش هتطلعي بحاجة في الآخر. اصبري وكل حاجة هتتحل. ملاك سجلت كل اللي قالوه، لأنها لما نزلت استخبت ورا الحيطة عشان يبقى معاها دليل. طلعت وهي حاسة ببعض الانتصار. تاني يوم.

ريهام بخضة مصطنعة: الحقي ياملاك، مرات عمي تعبانة أوي. تعالي ننزل نشوفها. ملاك استغربت كلامها وحست إن ده مقلب معمول فيها. لسه هترد، خرج زين من الأوضة بسرعة اللي سمع ريهام. زين بخضة: أمي مالها؟ ريهام بتوتر: ت... تعبانة شوية بس... لسه مكملتش كلامها، نزل زين بسرعة وريهام نزلت وراه، وملاك... وفجأة وزين داخل من باب الشقة، وقع على الأرض واتزحلق. زين بألم: اااه، مين اللي حاطط زيت هنا؟

ملاك اتأكدت إن الزيت ده كان ليها عشان توقع وتسقط، بس ربنا نجاها. ريهام بتوتر: ده ملاك وهي داخلة بازازة الزيت وقعت منها اتدلقت. ملاك بصتلها بصدمة وبعدين سابتهم وطلعت. زين قام يشوف والدته بتعب من وجع ضهره: مالك يا أمي؟ انتي كويسة؟ أمه بتعب مصطنع: أيوه يا ابني، بقيت أحسن. هي فين ملاك؟ مجتش تطمن عليا يعني؟ زين: هـ... هي نزلت وطلعت تاني. اكيد تعبت. أعملك حاجة طيب؟ أمه بضيق: لأ يا ابني، أطلع شوف المحروسة مالها. زين: حـ...

حاضر. طلع عشان يشوف ملاك وهو غضبان من اللي حصل. أم زين بضيق: نفدت منها المرة دي كمان. ريهام بحقد: كده كتير. البت دي لازم تموت. أم زين: يبقى لازم تموت. عند زين وملاك. زين بعصبية: انتي بقيتي مهملة إزاي تقعي الزيت قدام شقة أمي كده؟ ولا انتي اللي مدبراها عشان تخلصي منها؟ أنا عارفك مش بتحبيها من زمان. ملاك بصدمة وعصبية: مش أنا اللي عملت كده! وبعدين أنا برضو اللي مش بحبها، صح؟

عندك حق، أنا اللي كل شوية بحاول أخرب بيتها، أنا اللي فضلت أزن على دماغك عشان تتجوز، أنا الشيطانة وانتوا كلكم ملاك، صححححح! زين ضربها بالقلم بعصبية وقال: اخررررر*س. ملاك بدموع وحطت إيدها على وشها: بتضربني يازين؟ دي آخرة صبري معاك، حتى بعد ما اتجوزت ريهام عشان الخلفه وعشان ترضي أمك. زين بانفعال: أنا اتجوزت ريهام عشان بحبها، افهمي بقا، بحبها من زمان، بحبها. ملاك بصدمة: بتحبها؟