رواية حب ضائع الفصل الثالث 3 - بقلم هاجر العفيفي

جريت ملاك على مروان واترمت في حضنه وقالت بدموع: كويس أنك جيت. زين بعصبية: ملاااااك. ريهام بسخرية: سايبها أي حد يحضنها كده. زين راح شدها بعصبية من دراعها وهي اتألمت. مروان بغضب: انت غبي ازاي تمسكها كده. زين بعصبية: وانت ازاى تمسك مراتى كده. ملاك بحدة: احترم نفسك ده أخويا. زين بسخرية: والله على أساس اني معرفش انك يتيمة. مروان بحدة: أنا أخوها يامتخلف في الرضاعة ملاك دي أحسن منك ومن عشرة زيك. زين راح مسك فيه وضربُه.

ملاك بدموع: لأ يازين متضربوش. ريهام: ده انتي عقربة بصحيح سخنتي الدنيا وكمان بتمثلي. ملاك خلاص فاض بيها، مسكتها من شعرها ووقعتها على الأرض. ملاك بغضب: والله مفيش عقربة غيرك ربنا ينتقم منك. ريهام بصراخ: اااااه الحقني يازين. زين ساب مروان وجرى عليهم عشان يبعدهم عن بعض. زين بغضب: سبيها ياملاك ميصحش اللي بتعمليه ده. ريهام ضربت ملاك في بطنها بقوة وملاك وقعت على الأرض ومسكت بطنها وصرخت. مروان جرى عليها هو وزين.

زين بخوف: ملاك انتي كويسة. مروان شده بغضب وشال ملاك ونزل بيها بسرعة من البيت. زين بص لريهام بتوعد ونزل يجري وراهم. ركبوا العربية وراحوا على المستشفى. ريهام قامت من مكانها وقالت بشر: ااااه منك لله يابعيدة وربنا مايرحمك يارب نخلص منك ومن اللي في بطنك. حماتها دخلت بسرعة وهي فرحانة: انتي عملتي فيها ايه يابت البت نازلة خلصانة خالص وبعدين مين المحروس اللي شايلها ده.

ريهام بوجع من الضرب: ااااه مسكنا في بعض وضربتها في بطنها واللي زفت اللي معاها ده بيقولوا أخوها في الرضاعة قال. حماتها بشماتة: بس جدعة يابت. في المستشفى. مروان: أقسم بربي لو حصلها حاجة مايرحمك. زين بخوف وقلق وحدة: بقولك ايه انا مش ناقصك. الدكتور خرج وهما راحوا عنده. مروان: خير يادكتور.

الدكتور: يا جماعة دي اتخبطت جامد والخبطة كانت ممكن تؤدي لموت الجنين خلوا بالكم منها عشان كده غلط عليها وعلى البيبي ياريت حد يدفع الفلوس عن إذنكم. مروان لسه هينزل زين مسك إيده وقال بسخرية: محدش هيدفع لمراتي غيري. مروان: اتفضل. زين نزل ومروان دخل لملاك اللي كانت شارده. مروان: أنا آسف ياحبيبتي على اللي حصل ليكي ده كله. ملاك بتنهيدة: الحمد لله المهم أن البيبي يكون بخير. مروان بمشاكسة: بخير ياقلبي وهيطلع قمر زيك.

ريهام كانت في التليفون وتضحك. ريهام بضحك: يابني بقولك خلاص هانت وهخلص منها وكلها كام يوم وهقول لزين أن أنا حامل منه. الشخص: وافرضي عرف أن مش منه. ريهام: تؤ متخافش زين ده غشيم أصلا وزي الخاتم في صباعي. في المستشفى. زين: يلا ياحبيبتي عشان نروح البيت. مروان بحدة: لأ طبعاً هي مش هتروح معاك. زين ببرود: والله انت مالكش دخل في حياتنا. مروان بغضب: ملاك انتي موافقة على كده. ملاك بشرود: أنا هروح مع زين البيت يامروان.

مروان بصدمة: ننننعم!!!