رواية حب حد التملك الفصل الرابع والثلاثون 34 - بقلم دينا عبد الحميد

ليلي بهدوء: ممكن متلمسنيش تاني. راغب بهدوء وتعجب: وده ليه؟ ليلي: حرام. راغب: انتي مراتي ولا ناسيه؟ ليلي: بس مفيش اشهار. راغب قرب منها وشدها لحضنه وباسها بهدوء وشويه وبعد وهو بيبصلها بضحك من صدمتها واتكلم بهمس: هعتبر اني مسمعتش حاجه وهكتفي بالي حصل كعقاب صغير. ليلي بصتله بغضب ونطقت: انت اتجننت؟ أوعي، بلاش تقرب مني تاني يا راغب وإلا... راغب شبك ايده ببعضها ورفع حاجب وقال بمقاطعه: ها... وإلا أيه؟

ليلي بصتله ببرود ونطقت: وإلا... بس اتوترت جدا لما شافت عيونه مركزه معاها وسكتت. راغب باس خدها وقاله: متنطقيش بحاجه مش هتقدرى عليها. وسبها ومشي وهي هتطق من الغيظ. غيرت ونامت وراغب قعد شوية وبعدين نام. تاني يوم الصبح. راهب بصوت عالي وهو بيفتح الشبابيك وبيلم الستاير: قومي يا عروسه. رنا بكسل: امم. راهب: يلا يا قمر. رنا: مم سبني شوية. راهب راح جنبها

ومسك طرف الغطا ونطق بمكر: انتي لو مصحتيش هاستغل نومك وهشد الغطا وقرب همس ف ودنها وهو بيمشي ايده علي دراعها برقبتها: وهشوف حاجات هموت واشوفها. رنا حست بحركة ايده ونبرة الخبث بتاعته فقامت مفزوعة وهي بتشد الغطا ف حضنها اكتر: انت اتجننت؟ انت بتعمل ايه؟ قوم من هنا هصوت، انت ايه جابك هنا؟ راهب تنح وفتح بوقه بصدمة. رنا بغضب: انت ازاى تعمل كده؟ انا هقول ل بابا، انت اتجننت. وفجأه بدأت تعيط بدون سبب.

راهب فضل متنح لحظات بس فاق بسبب عياطها وحضنها بحنيه وقال بحب: مالك يا قمرى؟ رنا بدموع: عايزه اروح ل ماما. راهب: حاضر بس تاخدى دش وتغيري ونروح. رنا بدموع اكتر: لاء عايزه اروح دلوقت. راهب اتنفس وقال: هتروحى كده؟ رنا: ايوه كده. راهب: مش هينفع. رنا عيطت بصوت عالي: مليش دعوه. راهب اتنهد بس معرفش يمسك نفسه ونطق: هتروحى كده ازاى؟ رنا: زى الناس. راهب والغضب مالي وشه: ناس أيه يا زفتة انتي؟

هتروحى كده وانتى تقريبا مش لابسة حاجة. رنا بطلت عياط وهي بترفع الملاية وتتأكد فتنحت وفجأه عيطت تاني: انت عملت فيا ايه؟ راهب خبط على دماغه بقلة حيلة وقام دخل الحمام وسابها وهو بيكلم نفسه وهيتجنن منها. تحت كان البيت كله صاحي وكل واحد مشغول ف حاجة وتجهيزات كتير. ماجي: مش فاهمه يا عمي لزومه ايه نعمل الحنة ف بيتك مكان بيت فضل ويسري طالما خلص واتشطب مكان الحريق نعمله فيه وخلاص واهو بيت ابوها خلص التصليحات بعد الحريق.

محمد بغضب: لاء حنة حفدتي ف بيتي. وبعدين بص لفضل الي بيراقب من بعيد ونطق: هي اصلا مش طايقة ابوها فريحوا دماغكم ومنغير ميبعتك وسطة ده قراري وانا مبرجعش ف قراراتي. ليلي دخلت من الباب وهي معاها اتنين من الغفر معاهم حاجات وقالت بتعب: جبت كل حاجة طلبتها مني يا جدي. حلو كده. الجد وماجي ورينا وفضلوا يتمموا علي الحاجة. وليلي قعدت وفجأه جه راغب قعد جنبها وهو بيقول: حرام كده انا متمرمط وهو يتجوز متجوزوني معاه حرام عليكم. ليلي

بصتله بغضب واتكلمت ببرود: شوفلك عروسة ونجوزك. راغب بأستفزاز: وعروسة ليه وانتي موجودة؟ ف اللحظة دي نطق ماجي وفضل بغضب: ده بعدك يا ابن سوزان. فوق كان راهب خارج من الحمام لقي رنا قاعدة تضحك وهي حاضنة صورته. راهب بصالها بدهشة بس اتجاهلها وبدأ يجهز نفسه ويسرح شعره بس سمع صوتها بتناجي لكن كمل وكان مسمعش حاجة. رنا بغضب: انا مش بكلمك؟ راهب رد ببرود: نعم. رنا: انت زعلان مني؟ راهب: وفي حاجة عملتيها تزعل؟ رنا: يعني اصل...

راهب اتجاهل كلامها وراح طلع ساعة من الدرج ولبسها هي وانسيال مكتوب عليه حرف R. رنا وقفت قدامه و بصتلها: يعني زعلان مني. راهب لف وشه وبدأ يحط البرفيوم بتاعه بتجاهل بس اتصدم بصوت عياطها العالي وهي بتقعد علي السرير. راهب بغضب: انتي بتعيطي ليه؟ حاجة وجعاكي؟ رنا هزت راسها بلاء وعيطت. راهب: حد زعلك؟ رنا هزت راسها ب لاء، برضو وعياطها زاد. راهب بفراغ صبر: لما مفيش حاجة وجعاكى ولا حد مزعلك بتعيطي ليه؟

رنا بشحتفة: عشان زعلان مني. راهب اتنهد وقعد جنبها ومسح دموعها ونطق: مانتي الى عصبتيني عيطي منغير سبب. رنا: لاء. مانا في سبب. راهب: وهو ايه؟ رنا اتوترت وقالت: مهو انت انت يعنى.... وسكتت. راهب: انا أيه؟ رنا: انت امبارح بليل احنا. راهب ضحك: مهو طبيعي الي حصل بليل عشان انتي مراتى وبنحب بعض لكن المش طبيعي عياطك بسببه اصل ده تتفسر بحاجة من اتنين....

يا حاجة وجعاكي يا انتي مش عايزة وانتى بتقولي مفيش حاجة يبقي مكنتيش عايزة وبالعقل كده كل حاجة كانت بمزاجك ولا انتي صدقتي انه عافية. رنا بكسوف هزت راسها ب لاء. راهب: يعني الي حصل كان بمزاجك وعجبك... رنا سكتت ووشها احمر. راهب ابتسم بتنهيدة: امال عيطتي ليه؟ رنا: اصل يعني. راهب بهدوء: ها كملى. رنا: اصل نسيت انك جوزي. راهب اتصدم وسكت ورنا بدأت تعيط. راهب قرب منها ومسح دموعها وباسها بشغف وحنان. وشوية وهدى

وهو بيبعد عنها وييهمس: مش عايز اشوف دموعك. رنا هزت راسها بماشي. راهب نطق: وحاجة كمان انا مش زعلان ويلا قومي اجهزي يا عروسة عشان حنتنا النهارده. ولو استنينتي كمان دقيقة كمل وهو باصص لشفايفها وقال: مش هقدر امنع نفسي عن شفايفك الى زي الكريز ف الشكل والفراولة بالطعم. رنا جريت على الحمام وهي ف ايدها هدومها بكسوف خدت شاور ولبست. تحت اول ما ماجي وفضل نطقوا انهم مش موافقين على الجوازة. راغب

وليلي بصولهم بذهول ونطقوا: انتوا عمركم ما اتفقتوا ف حاجة جايين تتفقوا حالا؟ ماجي بغضب: انت عارفك انا رافضاك ليه يا سافل. قربت منه ونطقت بصوت واطي من بين سنانها: بتتحرش بالبت وربنا مهجوزهالك غير لما تقول حق رقبتي. راغب قال بصوت واضح: بس كده حقي برقبتي جوزهالي بقا. بصله فضل ونطق: مش هتخدها ده بعدك. وشدها بحضنه ونطق: ده انا لا يمكن استغني عن دلوعة ابوها. راغب: ايش حال لو مكنتش لسه عارفها من شهر. فضل: بس بنتي.

قبل ميحتدم النقاش ونزلت هي وراهب تحت نظرات السعادة والمباركات من البعض والحقد والمكائد من البعض الاخر. مر اليوم بسلام وتميز وتاني يوم كانوا بيجهزوا للفرح لحد مرنا ندهت ل ليلي ونطقت: انا خارجه غطي غيابي. ليلي: انتي مجنونة باقي على فرحك اقل من ساعتين. رنا: الميكب جاهز ناقص الفستان والطرحة مش هيغيبوا وانا مشوار ربع ساعة. كانت ليلي هترد بس رنا جريت متخفية.

ليلي استنت كتير، وغطت غيابها ومجتش لحد ما كانت ليلي قاعدة متوترة ولقت راهب قدامها بيسال عن رنا. ودهر عليها ملقهاش. راهب: رنا فين؟ ليلي: اصل يعني رنا. خرجت. راهب: نعمممممم خرجت يوم فرحها؟