رواية حب حد التملك الفصل السادس والثلاثون 36 - بقلم دينا عبد الحميد

المأذون وهو بيقعد من وكيل العروسة؟ راغب: فضل باشا طبعاً. فضل: وأنا مالي؟ راغب: مهو العروسة تبقى ليلي. فضل: نعم يا ابن الـ... انت هتستهبل ياض، ده انت لو آخر حد في الدنيا مش هيحصل. ماجي بغضب: انت لأ! ليلي بصت بصمت، لكن راغب كان بيحاول يقنعهم ومفيش فايدة. كان لسه هيفقد أعصابه ويوريهم العقد اللي معاه، بس افتكر إن ليلي الوحيدة اللي هتنصفه. فسكت. نورا وراغب كانوا بيتفرجوا من غير تدخل.

نورا قررت تتدخل. مجرد مسافة عيون راغب فيها كسرة وخيبة أمل. وقفت قدام أمها بهدوء وقالت: بنتك بتحبه، بلاش عناد يا ماجي. وبصت لفضل ولأول مرة من وقت خناقتهم تنده له: بابا. نورا: بحب بابا، أنا عارفة إنك بتغير علينا، بس... بس هو بيحبها وهيعرف يسعدها. كملت بهدوء: والأهم ليلي بتحبه. فضل حضن نورا بحنان ونطق: تعالي. ومسك إيد ليلي وشاور لماجي ودخلوا المكتب وقفلوا الباب.

كان راغب رايح جاي بتوتر وهو عمال يقنع المأذون اللي عايز يمشي. فراهب وقفه شوية. وخرج فضل لوحده. وبص لراغب بقرف ونطق: هنكتب الكتاب، بس اوعوا تفكروا إني هعديهالكم. راغب نط بفرحة وحضن أخوه وخاله اللي مكنش طايقه أصلاً. فضل قعد ومسك إيد راغب وكتبوا الكتاب. مجرد ما حصل الكل بارك. لكن راغب جرى على ليلي حضنها وهو بيلف بيها وهمس في ودنها: كده أبو... براحتي. ليلي بعدت عنه بكسوف.

أما نورا فكانت فرحانة لحد ما الفرح كان كمية بهجة مش طبيعية، باستثناء نورا اللي كانت بتسرح كتير. لحد ما رجعوا البيت. راغب ونورا كانوا قاعدين. نورا بهدوء: انت عايز تعرف كل حاجة؟ راغب بص لها وهز راسه بأيوه. نورا استأذنته وغيرت الفستان بـ ترنج مريح وقعدت قدامه على السرير وهي بتحكي: من 7 سنين، كنت لسه بدرس في روسيا و... وكنت طبعاً خارجة من صدمة عاطفية، اللي هي رفضك لحبي، فاكر؟ راغب اتنهد: كان غصب عني.

نورا نطقت: وقتها اتعرفت على شاب، وهو ابن صديق لخالي. وقتها بقينا صحاب. وبعد مدة أهله سافروا وخالي استضافه عندنا على ما يرجعوا، لأن ظروف دراسته منعت سفره. وقتـ... وقتها كنا صحاب قوي لحد م... بلعت ريقها بتوتر. فـ راغب طلب منها تكمل. نورا: كنا راجعين من بره وماما في مؤتمر و... وخالي كان في بلاغ ضروري. لما روحنا، هو كان سكران. وأنا مكنتش اعرف إن خالي بره. وقتها دخلت أغير وقفلت الباب من غير ترباس. وقتها الباب اتفتح و...

نورا سكتت معرفتش تكمل. راغب غمض عيونه بألم من فكرة إن حد تاني يكون شاف جس... ونطق: مسكر. نورا بتوتر من راغب حاولت وكملت بسرعة وخوف من نظرات راغب: بس... بس أنا ضربته على راسه وخرجت. راغب كمل: لما ليلي وقتها دخلت الأوضة وهو فاقد الوعي من غير ما تعرف حاجة. أول ما جت تفوقه، اتـ... نورا: سمعت صوتها ودخلت الحقها و... نطق راغب: ما... نورا: كان لازم نحتفي أثره فدفناه. راغب كملي.

نورا: بعد مدة خالي عرف سبب اختفاءه، بس خبى إنه عرف وقرر يدربنا على الدفاع عن النفس. وعشان أنا دكتورة نفسية وليلي مهندسة برمجة، بقينا نساعده في شغل الإنتربول كعملاء سريين، هي تتجسس وأنا أحلل الحركة والكلام. راغب: وبعدين؟ نورا: لما قررت إني أنزل مصر، طلبت من خالي يشيل ملفاتنا من الإنتربول ونعيش عادي، بس قبل ما يعملها، اتـ... قتل من المافيا، واللي قتـ...

له كان مصري. فقررنا نجيب حقه قبل ما نبطل، وده سبب النار اللي إنت شفتها. وليلي سابتهم بخطفوها عشان تصورهم، بس مجاش في بالنا إن أخو حمزة معاهم. راغب: وليه قتلـ... تيه؟ نورا: كان هيكشف أسرارنا، وغير كده كان هيعتـ... دي عليا وعلى ليلي، وكمان حياته خطر. راغب: مقولتيش ليه ليا؟ نورا: خفت متفهمنيش. راغب: والنهاردة؟ نورا: النهاردة شفت حد حركته مريبة، وتاني مرة أشوفه، كان خارج من البيت وخفت يكون بيأذينا، فرحت وراه.

راغب: وسبتي فرحنا! نورا: الموضوع طلع يستاهل. راغب: ولقيتي إيه؟ نورا خدت إيده وقامت لبست وخرجوا يتسحبوا وهي بتقول: هوريك. دخلوا المستشفى وراغب مستغرب. راغب: إحنا هنا ليه؟ نورا وقفت قدام أوضة وفتحتها وقالت بهدوء: بص. راغب تنح وهو بينطق: مستحيل، إنتي... لسه عايشة إزاي؟