رواية حب من اول لقاء الفصل العاشر 10 - بقلم ليل مراد

في حفل الخطوبة الخاص بي، مراد في الفيلا الخاصة به. كان الجميع مستمتعًا بأجواء الحفل حتى وصل فارس مع ريم. ذهبوا ليباركوا لـ مراد. فارس ببسمة: "ألف مبروك يا مراد." مراد وهو ينظر لـ ريم: "الله يبارك فيك. وانت يا ريم مش عايزة تقوليلي حاجة؟ ريم وهي تتجنب نظرات مراد: "ألف مبروك يا مراد." كانت تشعر جني بالغيرة من ريم، فسحبت مراد من يده وقالت: "مش عايز ترقص شوية يا بيبي؟

ذهب مراد مع جني وهو يبتسم وينظر لـ ريم، لأنه يعلم أنها ستشعر بالغيرة. وبالفعل شعرت ريم بالغيرة وأحس فارس ومراد بذلك. فارس ببسمة: "عايزة ترقصي؟ وافقت ريم وهي تعلم أن هذا سيجعلها لا تفكر في مراد. فرآها مراد واشتعل هو بالغيرة وحاول ألا يضرب فارس حتى لا يفسد ما خططوا له. كانت سارة تتجه نحو مراد وهي تحمل كأسًا من العصير، فسكبته على ريم. سارة: "أنا آسفة، ما كانش قصدي." فارس: "مفيش مشكلة، يلا نمشي يا ريم."

سارة بتوتر: "مش هينفع ريم تمشي كده، تعالي معايا يا ريم أنا هوديكي الحمام." ذهبت ريم مع سارة إلى الحمام. وبعد أن نظفت نفسها ومسحت العصير، تحدثت سارة. سارة: "مراد قالنا إنك مش فاقدة الذاكرة زي ما الدكتور ما قال. على فكرة يا ريم، مراد بيحبك بجد ومش بيقدر يعيش من غيرك." ريم بحزن: "علشان كده خطب و هيتجوز." دخل مراد إلى الغرفة وطلب من سارة أن تغادر. ريم: "بعد إذنك يا مراد." جذب مراد ريم من ذراعها وحاصرها في الحائط وتحدث

بخليط من الحزن والغضب: "إنتِ بتقولي إنك مش بتحبيني ومش فارق معاكي، صح؟ طب إنتِ ليه وافقتي تتجوزيني؟ وليه سبتيني أول ما شوفتي فارس؟ مستحيل تكوني لسه بتحبيه، أكيد هو هددك وقال لك حاجة بس إنتِ مش عايزة تقولي لي. أنا بحبك يا ريم. أنا بعد كام يوم هتجوز وبعدها خلاص هنبعد عن بعض، أرجوكي يا ريم خليكي واثقة فيا."

ريم وهي تبكي: "أنا بحبك يا مراد، و ممكن كمان أكون بحبك أكتر من نفسي وبثق فيك. وإنت صح، فارس هددني بيكم وأنا مستحيل أكون سبب في إن أي حد من العيلة اللي رحبت بيا واعتبروني جزء من عيلتهم يتأذوا بسببي. وكمان مش عايزة فارس يتأذى لأني حتى لو مش بحبه زي الأول، فـ فارس هو الوحيد اللي كان معايا من لما كنت صغيرة." مراد وهو يبتسم وينظر لـ

ريم بحب ويمسح دموعها: "أنا كنت عارف إنك بتحبيني وكنت واثق من كده. إنتِ متعرفيش إيه اللي حصلي لما قولتي إنك بتكرهيني، أنا حرفيًا اتدمرت. ودلوقتي إنتِ ردتيني للحياة من جديد لما قولتي "أنا بحبك". إنتِ إزاي بتأثري عليا كده؟ أنا بحبك أوي. خليكي معايا يا ريم، أنا ممكن أحارب العالم كله طول ما إنتِ معايا وجنبي." ريم وهي تبعد يد مراد عنها: "أنا آسفة بس أنا خلاص أخدت قراري. روح لـ جني يا مراد، أنا مش عايزة حد يتأذى."

مراد وهو يشعر بالغضب: "إنتِ بتقولي إنك مش عايزة حد يتأذى؟ متخلينيش أضحك. لو فرضنا كده إن مفيش حد هيتأذى، طب إنتِ فاكرة إن أنا هكون سعيد مع حد غيرك وإني كده مش هتأذى؟ وإنتِ لما هتتجوزي إنتِ مش هتتأذي؟ ريم: "أنا وإنتِ مكتوب علينا كده وأنا راضية بالأمر الواقع. وإنت كمان مع الوقت هتتعود وتنساني." مراد: "أنا مش عارف أنساكي ومش هعرف. إنتِ هتعرفي تنسيني؟ ريم: "بعد إذنك يا مراد." *** في حفل الخطوبة.

جني: "ريم اتأخرت ومراد مش موجود هنا." فارس باستحقار: "أنا بثق في ريم لأنها مش واحدة حقيرة زيك، كل تفكيرها في الفلوس. الله يعين مراد." جني بغضب: "إنت تقصد إيه؟ فارس ببسمة جانبية: "أقصد إنتِ عارفة كويس، ولا تحبي نتكلم هنا؟ جني: "خليك فاكر إننا في نفس المركب، يعني لو أنا حقيرة يبقي إنت كمان حقير." تركته جني وذهبت. فارس في نفسه بغضب: "أنا مستحيل أكون زيكم، تباً. حتى لو كان على موتي." ريم: "إيه يا فارس؟

أنا بدعي عليك من بدري." فارس ببسمة: "لا مفيش حاجة، ممكن أكون مسمعتكيش بسبب صوت الأغاني." ريم: "طب أنا تعبت، يلا نمشي." فارس: "تمام، يلا بينا." مراد: "إنتوا هتمشوا بسرعة كده؟ ده إحنا لسه في أول الليل. أنا وجاسر اللي مخططين للحفلة دي، لسه الألعاب هتبدأ ومش هينفع تمشوا دلوقتي." سارة: "يلا يا جماعة هنتسلى شوية." ريم: "خلاص ممكن نقعد شوية كمان، إيه رأيك يا فارس؟ فارس بلطف: "اللي إنتِ عايزاه يا قلب فارس."

قال فارس هذا عن قصد أمام مراد وشعر مراد بالغضب من فارس. جاسر: "إيه رأيكم نبدأ بلعبة الصراحة؟ وافق الجميع وجلسوا على طاولة وأحضر جاسر القزازة وبدأوا يلعبون. والدور الأول جاء على جاسر، فقرر أن يسأل سارة. جاسر بنظرة خبيثة: "إنتِ بتحبيني من امتى؟ سارة: "ومين قال لك إن أنا بحبك أصلاً؟ جاسر بحزن: "يعني مش بتحبيني؟

سارة: "لا بهزار، أنا بحبك أوي. بس المواقف اللي خلتني أحبك لما كانت البنات بتتنمر عليا وأنا صغيرة وأنت دافعت عني." جاسر بهيام: "وهفضل أدافع عنك على طول." بدأ الدور الثاني وكان الدور على مراد أن يسأل ريم. مراد: "إنتِ...