رواية حبي الاول الفصل الثاني 2 - بقلم ميرفت سعيد

ليلي: مالك متغيرة معايا ليه؟ تميم: لا مش متغيرة ولا حاجة، أنا عادي اهو. تميم: طب على فكرة وحشتيني. ليلي: تميم لو سمحت، إحنا في الشارع. تميم بدهشة: شارع؟! سبحان الله، اللي كانت تقول لي بحبك في أي مكان ومش بيهما أي حاجة حصلت. حبيبة بصدمة: ليلي؟! ليلي وتميم لفوا وشافوا حبيبة واقفة بصدمة. ليلي: حبيبة أنا... تميم: إيه اللي أي... نادر صاحب تميم: تميم لو سمحت، في ناس عاوزينك. تميم وهو بيبص لهم باستغراب: طيب. ومشي.

حبيبة: إيه اللي أنا سمعته ده يا ليلي؟ ليلي: حبيبة أنا... حبيبة بدموع: انتي إيه، إنتي اللي بينك وبين تميم... بتحبوا بعض؟! نظرت لها ليلي بدموع ولم تكن قادرة على الكلام. حبيبة بدموع: ردي عليا. ليلي: طب تعالي نطلع ونتكلم، بلاش في الشارع. حبيبة: أنا مش هطلع ومش هتكلم، أنا عاوزة أفهم كل حاجة دلوقتي. ليلي نظرت لها بوجع: أنا بحب تميم. حبيبة بصت لها بصدمة ولم تستطع الكلام. ليلي كملت بدموع: بحبه من زمان أوي يا حبيبة.

حبيبة بصدمة ودموع: ومقولتيش ليه؟ ليلي: لما انتي قولتي لي إنك بتحبيه، أنا مقدرتش أتكلم، مقدرتش... حبيبة بمقاطعة ودموع: مقولتيش قبل ما أقول لك، لييييه؟ ده أنا ما كنتش بقدر أخبي عنك حاجة، وأول ما اتأكدت من مشاعري تجاهه جريت عليكي وقلت لك. لييه يا ليلي؟ وتركتها ومشت. ليلي ببكاء ولهفة: حبيبة، حبيبة استني، عشان خاطري حبيبة. ولكن حبيبة كانت مشت. قرب منها خالد أخوها. خالد بقلق: مالك يا ليلي بتعيطي ليه؟

ليلي اترمت في حضنه وعيطت. تميم شافهم وقلق، ولسه هيقرب منهم، ولكن خالد أخذها وطلع. وهو فضل قلقان مش عارف مالها، خايف تكون تعبانة، لأنه قال إن حبيبة راحت تجيب لها دوا. قرر إنه هيرن عليها كمان شوية تكون هدت شوية. حبيبة دخلت أوضتها وهي بتعيط، مش مصدقة إن ليلي ما قالتش إنها بتحب تميم. وكان واضح أوي من كلامهم النهاردة إنه كمان بيحبها. معقول تكون هانت عليها، وهي عارفة إنها هتتوجع لما تعرف إن تميم مش بيحبها؟

لقت تليفونها بيرن، وكانت ليلي. تجاهلتها ومردتش، وقفت تليفونها. ما كانتش قادرة ترد عليها. على الناحية التانية، كانت أم حبيبة بتكلم أختها. أم حبيبة: والله يا أختي ما أعرف مالها البت دي، جت من برا، كان باين عليها إنها معيطة، وأول ما جت دخلت الأوضة على طول. مش من عادتها. خالتها: طب ما تشوفيها مالها، سايبة بنتك وقاعدة بترغي معايا. أم حبيبة: أيوه، أنا هقوم أشوفها أهو، وهبقى أكلمك تاني. خالتها: ماشي، ابقي طمنيني. سلام.

أم حبيبة دخلت عليها الأوضة، لقتها قاعدة على السرير بتعيط بصمت. أم حبيبة: مالك يا ضنايا، فيكي إيه؟ حبيبة ببكاء وتوتر ومش عارفة تقول لمامتها إيه: ليلي يا ماما. أم حبيبة بقلق: مالها ليلي؟ هي كويسة؟ حبيبة: خبت عليا حاجة، وما كنتش هتقولها لولا إني عرفت بالصدفة. أم حبيبة: خبت عليكي إيه يخليكي بتعيطي كده؟ مش فاهمة. حبيبة بارتباك: خلاص يا ماما، مفيش. إحنا اتخانقنا سوا. ولو سمحتي يا ماما، مش قادرة أتكلم دلوقتي.

أم حبيبة: يا بنتي، عاوزة أعرف إيه هي الحاجة اللي تخليكي عاملة كده وتستاهل إنك تتخانقي مع صاحبة عمرك؟ مفيش حاجة تستاهل يا ضنايا، حتى لو كانت إيه. على الأقل اسمعيها. أنا عارفاكي هتلاقي نفسك مشيتي على طول، وما اديتيهاش فرصة تتكلم، صح؟ حبيبة: لو سمحتي يا ماما، عاوزة أقعد لوحدي شوية. أم حبيبة: ماشي يا حبيبتي، هسيبك براحتك.

حبيبة قاعدة تفكر في كلام مامتها. هو فعلاً مفيش حاجة تخليها تزعل من صاحبة عمرها، بس هي كذبت عليها. بس هي لازم تسمعها. فتحت تليفونها، لقت مكالمات ورسايل كتير من ليلي. ولقت ليلي بترن عليها، وردت. ليلي بلهفة: حبيبة. حبيبة بدموع: نعم يا ليلي. ليلي: حبيبة، انتي عارفة إن أنا مش بخبي عليكي حاجة، صح؟ حبيبة: أديني عرفت إنك بتخبي أهو، وما قولتيليش.

ليلي: والله العظيم ما كنت عارفة أقول لك. حبيبة، أنا حبي لتميم مجرد شعور جوايا، أنا معرفش هو بيحبني ولا لا. حبيبة بدموع: مش ممكن، لو كنتي قولتي لي، ما كنتش حبيته على الأقل يا ليلي. ليلي: أنا آسفة أوي يا حبيبة، آسفة... أنا أصلاً هشيله من دماغي، صدقيني يا حبيبة، مش هفكر فيه تاني. حبيبة بهدوء: تمام. أنا عاوزة أنام. سلام. ليلي قفلت معاها وبتفكر في كلامها. هي فعلاً هتعرف تنساه؟ هل هضحي بحبها عشان صديقتها؟

طب حبيبة مضحتش ليه ونسيته؟ هي أصلاً مش عارفة هو بيحبها ولا لا، أو بيحبها هي أو لا. فضلت تدعي ربنا إنه يريح قلبها هي وصاحبتها. عند تميم، كان خلص شغل وراح على بيته، لقى أمه مستنياه. تميم: إزيك يا ست الكل. أم تميم (سعاد) : إزيك يا حبيبي. تميم وهو بيقعد جمبها: بقولك يا أمي، كنت عاوزة في موضوع. سعاد: خير يا حبيبي. تميم: مش انتي طول عمرك نفسك تفرحي بيا وتجوزيني؟ سعاد بحب: يا سلام، ده يوم المنى يا حبيبي. شاور أنت بس.

تميم: أنا عايز أت...