رواية حكاية حور الفصل الخامس 5 - بقلم هاجر العفيفي

سليم دخل شقته وكان جواه بركان من الغيظ والغضب وشاف آخر شخص ممكن يتوقعه. سليم بصدمة: انتي!!!؟ ملك جريت عليه وحضنته: وحشتني ياسليم عامل ايه. سليم ضمها بحب: وحشتيني ياحبيبتي انتي كويسه فيكي حاجه. ملك: مالك ياسليم انا كنت عند صحبتى وبعتلك ماسدج أن هبات عندها. سليم بصدمة: نعم!! ملك بدهشة: ايه ياسليم لاء انا داخله انام مش قادره اشرح تصبح على خير. سليم بص لها بصدمة ودخل الأوضة وطلع تلفونه وطلب رقم. سليم بعصبية:

انت كنت بتضحك عليا دى كلها كانت تمثيلية. المجهول بخبث: وانت يهمك ايه غير أن تكون أختك معاك مسمعش منك اي كلام تاني. قفل في وشه وسليم كان هيتجنن يعني كل اللي حصل كان خدعة حور ضاعت منه بس لاء هو مش هيسيبها ابدا. بعد مرور أسبوع. مازن كان دايما جمب حور وهي ابتدت تتحسن نسبيا بس منسيتش اللي حصل. مازن بابتسامة: عامله ايه النهارده. حور: الحمد لله والله بقيت أحسن. مازن تلفونه رن برقم سليم اتضايق بس رد عليه وكلمه. مازن بضيق:

نعم. سليم: مازن عايز اشوفك ضرورى. مازن: ليه؟ سليم: هتعرف لما تيجي هنتقابل في..... مازن: تمام. قفل معاه واستأذن من حور وراح لسليم. مازن: ايه اللي حصل. سليم بندم: مازن انا عايزك تساعدني أن أرجع لحور. مازن بسخرية: ياااه على العشم ده كله دي مش طايقة تشوفك. سليم: مازن أنا كل اللي عملته غصب عني افهمني. مازن بغضب: غصب عنك مفيش اي حاجة تخليك تتهم مراتك في شرفها اي كان ايه السبب انت دمرتها يابني فاهم يعني ايه دمرتها. سليم:

انا هحكيلك اللي حصل. وقص عليه ماحدث. سليم: أنا بحب حور يامازن. مازن: بص ياسليم انا مقدرش اساعدك أن حور ترجعلك بس اقدر اعرف مين المجهول اللي عمل ده كله. سليم: تمام وانا هتصرف مع حور انا بحبها هحاول معاها بكل الطرق. مازن اتضايق بس حاول يبان طبيعي. مازن: عايز الرقم اللي بيكلمك منه الشخص ده. سليم: هي أرقام كتير بس خدهم وحاول تشوفهم. مازن: تمام. محمد كان نازل من البيت وفجأة اصطدم عليه نار ووقع على الأرض والناس جريت عليه.

الشخص: تمام كله خلص زمانه دلوقتي في خبر كان. مازن: ألو ياسليم. سليم: ها يامازن عرفت حاجة. مازن بتوتر: أنا عرفت مين ورا كل اللي بيحصل. سليم بلهفة: مين؟؟ مازن: ملك أختك. سليم بصدمة وعدم استيعاب: ملك!!!!!