رواية حكم عاشق الفصل السادس والعشرون 26 - بقلم دنيا ثروت

نبيل: لا مش حلوين وأنا عايزك مراتي قدامي العالم. ولا أنتي بقا عاجبك الوضع ده؟ فردوس بتقرب عليه بمياعة: يا حبيبي أنا حابة كدا ومش عايزة حد يعرف. يعني يرضيك يعني يقولوا له عشان مراته مطلعها في القناة عنده؟ نبيل: يقولوا اللي عايزينه، أنتي أهم عندي من أي حد. وأنا عايزك تكوني ليا ومراتي. فيها إيه دي؟ فردوس: مفهاش حاجة، بس عايزك تفهمني. افهم حريتي، افهم أنا عايزة إيه، وإيه يزعلني. نبيل: وإنتي إيه يزعلِك إنك تبقي حلالي؟

متحاوليش تقنعيني يا فردوس، إحنا هنكتب كتابنا النهاردة. فردوس: طب فكرة، فيها إيه؟ إحنا كدا هنخسر القضية ومش هعرف آخد الطفل. وغير كدا الوطن العربي كله بدل ما كان واقف جنبي هيقف ضدي. نبيل: انسيه. فردوس: قصدك إيه؟ نبيل: انسيه يا فردوس، انسيه خالص. ولا كأنك تعرفي رحيم وخليه يعيش حياته واتنازلي. فردوس: بس... نبيل: ولا بس ولا زفت. بصي لحياتنا. ولو عايزة تخلفي، خلفي مني مش منه.

فردوس: طيب، عندك حق. بس ممكن نأجل الفرح ده شوية؟ نبيل: لا، مش عايز تأجيل. فردوس قربت عليه وبا’سته بعمق. بعد دقايق بعدت عنه وهي ماسكة خده: مش هنأجل، بس نخليه الصبح. إيه رأيك؟ نبيل: اللي تحبيه. بس يلا بقا، أنا عايز جولة قبل الفرح. فردوس: بس كدا، من عينيا. نبيل: يلا طيب. اقل’ع. فردوس: يا أخويا، سيبت إيه لبكرة؟ ليلة فرحنا. نبيل: يلا اقل’ع وارقصي عشان بكرة هيبقى يوم تحفة. وبدأت ترقصله وهو بيتمتع وهو شايف جسمها. ***

في المساء. رحيم: أنا مش عارف أعمل إيه، مش عارف يا قمر. قمر: طيب مفيش حل تاني؟ رحيم: المحامي قالي مفيش حل تاني، وهنكون كسبنا القضية 100% بس هكون خسرت ابني. قمر: يزن لما يكبر هيفهمك. رحيم: هيفهم إيه ده؟ هيكرهني. أصحابي في المدرسة وفي الجامعة كلهم مش هيسيبوه. قمر: وإنت هتفهمه وهتعرفه إن مكنش قدامك حل تاني عشان تاخد حضانته. رحيم: أنا تعبت والله، تعبت يا قمر. والله. قمر بتمسك إيده بقوة: وأنا مش هسيبك وهنعدي كل ده سوا. ***

نور بعصبية: قولتلك مش عايزة آكل. راجي: لازم تاكلي عشان السفر. نور: سفر إيه؟ أنت بتقول إيه؟ راجي: هنسافر مكان هتحبيه، أنا واثق. نور: أنا مش عايزة أسافر. خليني هنا وسافر أنت. راجي: لا، إنتي مراتي وهتسافري معايا. نور: هنسافر فين؟ راجي: ده هتعرفي لما نوصل. نور: بس أنا مش عايزة أروح معاك في أي مكان. راجي: قولتلك كلي عشان نسافر. مش عشان أسمع كل الرغي ده وتخلصي بقا. *** اليوم التالي، تحديداً في المحكمة.

القاضي: ممكن أعرف حضرتك أخذت الطفل يزن بعيد عن أمه؟ رحيم: حضرتك، أنا معملتش حاجة غلط. أنا رحت أنا ومراتي في رحلة وأخذت ابني معايا. القاضي: وإنت مش عارف إن الأم من حقها تشوف ابنها؟ رحيم: بس يافندم، هي اللي مشيت برضاها. هي مكنتش عايزة ترضع ابنها ولا تحضنه حتى. يبقى عايزني أعمل إيه؟ أسيبه يموت قدامي وهو محتاج أم؟ القاضي: حسب الأوراق والمشاهدات اللي سلمتهالي محامية فردوس هانم، فبصفتي القاضي فأقر أن تكون الحضانة للسيدة…

بيدخل عليهم بهجو’م: سيدي القاضي، أنا عندي كلام لازم أقوله…..! بتنتهي الحلقة وكل واحد فيهم مصدوم. كل تعابيرهم كانت صدمة. يا ترى اللي دخل عليهم هيغير مسار القضية؟؟!!