رواية حكم عاشق الفصل الثاني عشر 12 - بقلم دنيا ثروت

فاروق بزعيق: أنتي بتباتي مع راجل متجوز يازبالة؟ ظل يقرب ليتهجم عليها. رحيم وقف في وشه: عيب ياعمي، أنت في بيتي مسمحش تتكلم نص كلمة عن قمر. فاروق بيضربه بالقلم: أنت هتعملني إزاي أتكلم مع بنت؟ رحيم رجع بص في عينه بتحدي: زي ماهي بنتك هي مراتي. فاروق رجع لورا. نيڤين مسكته من إيده: مراتك إزاي؟ إزاي؟ رحيم: أيوه قمر مراتي، اتجوزنا امبارح وهي مش بايتة مع واحد متجوز، أنا طلقت مراتي بقالي أكتر من أسبوع ورجل أعزب معايا ابني.

فاروق: وأنت عشان أنا رفضت إنها تتجوزك تقوم تتجوزها في السر؟ قمر: بابا عشان خاطري اسمعني، رحيم معملش حاجة غلط. فاروق بيبص في عينها ويتكلم بهدوء: أنا معرفتش أربيكي، أنتي بتغلطي للمرة التانية ياقمر، ده مش هيفرق حاجة عن ياسين. قمر عينها دمعت بشدة، مقدرتش تنطق. نيڤين: أنتي عملتي كل ده عشان إيه؟ أبوكي كان بيموت في المستشفى وأنتي روحتي عشان تتجوزي؟ وبصت لرحيم: وأنت انتهزت الفرصة عشان تاخد منها مرادك مقابل مال؟

فاروق: من النهاردة أنا معنديش بنات، بنتي ماتت، ماتت. وأخد نيڤين ومشي. مرت ثواني وقمر كانت واقعة على الأرض، مبهورة من العياط. قمر: مكنش لازم أعمل حاجة من غير مايعرفوا، أنا خسرتهم. رحيم نزل لمستواها، ضمها لصدره. رحيم: أنتي مخسرتيهمش، شوية وقت وهيفهموا، وبعدين أنا جنبك مش هسيبك ياقمر، أهدي أهدي عشان خاطري. سمعوا صوت يزن من الأوضة. رحيم بضحك: شكلة البيه عايزك، هههه. قمر وهي بتمسح دموعها: أدركت إن هي في حضنه.

كانت لسه هتقوم، جذبه أكتر ليه وبص في عيونها. رحيم: مش عايز عينيكي تنزل دمعه تاني ياقمر، لأنك متستاهليش. بعد ماشافها خجلت، قامها وهي جريت على أوضة يزن. رحيم وهو بيبص لطيفها: عملتي فيا إيه ياقمر... *** هويدا: بنتك اللي غلطت ياأميرة، أنتي متخيلة أم لسه والده مش عايزة ترضع ابنها؟ أميرة: فردوس مش كده، أنا عارفاها والله، جواها طيب، أكيد تعب ولاده أو اكتئاب. هويدا: هي مجتش هنا ولا تقدر، ولو راحت عند رحيم، فأكيد كان طردها.

أميرة: البت مبتوردش، هتكون فين؟ هويدا: شوفيها عند صحابها، طالما قافلة تليفونها يبقي مش عايزة تعرفكم، هي فين، متدوريش عليها كتير، فردوس متستاهلش معاملتك ليها، أنتي دلعتيها زيادة عن اللزوم. أميرة اتعصبت من كلامها: عن إذنك، لازم أمشي. نور كانت قافلة على نفسها وبتعيط. بتسمع رنة التليفون، أول مابتشوف اسمه بتلعن نفسها عن اليوم اللي عرفته فيه. نور بعصبية: عايز مني إيه؟ راجي: تباتي معايا. نور: أنت بتقول إيه؟

أنا ممكن أموت نفسي ومعملش كدا. راجي: براحتك، صورك الحلوة لما تنزل، تبقي وريني هتعملي إيه غير تموتي نفسك. نور بعياط: مش معنى أنا، لي أنا؟ لي؟ في مليون بنت قدامك، مليون جسم يقبل ييجي ليك ويرخص نفسه، أنا ندمانة إن حبيتك، ندمت إن عرفتك في يوم، أنت لعنة بالنسبالي، ومتقلقش، مش عايزني أموت من عيني. قفلت في وشه بعصبية. *** نبيل وهو ماسك الورقتين: يلا ياروح الروح. فردوس بضحكة ماصة: شكلك جاهز أوي كمان.

نبيل: جاهز أوي كمان.. خدي القلم وامضي، أنا مضيت. فردوس: بس أنت على وعدك هتجوزني عند مأذون بعد شهور العدة. نبيل: تعرفي عني إني بكدب، بعدين يلا بقا، لاحسن مش قادر. بعد دقايق مضت. نبيل وهو بيشيلها على دراعه: إحساسك إيه ياعروسة؟ بتتشبث في رقبته أكتر: لما أخرج من أوضة النوم هقولك إحساسي ياجيمي، هههه. وقعها على السرير وهو بيزيح قميص نومها الأحمر الناري، ليخلع قميصه بكل جرأة ويهجم عليها كأنها فريسته، ليفعلو ماحرم الله لهم.

*** هويدا بصوت عالي: يانور تعالي، بقالي نص ساعة بنادى عشان تاكلي. لا رد. دخلت الأوضة ملقتهاش: البت دي نزلت ولا إيه؟ لاقت الحمام مقفول، بتخبط باستمرار: يابت يانور الأكل جهز. بعد دقايق زهقت من التخبيط، فتحت الباب بصويت: يالهووووووي. *** رحيم: قمر تعالي كلي عشان شكلك جعانة. قمر كان باين عليها التعب: مش أوي. رحيم: آه، باين أوي إنك مش جعانة، ده حتى قوتك زي الفل. حطلها الأكل: عايزك تخلصيه كله.

قمر محستش بنفسها وفضلت تاكل لحد ماخلصت الطبق. رحيم وهو كاتم ضحكته: على فكرة باين إنك شبعانة ومش جعانة خالص. قمر وهي بتضحك: أنت اللي طبخك حلو... اتعلمت فين صحيح؟ رحيم: حلو إيه ياستي، ده أنا على قد حالي. قمر وهي بتضحك هستيري: على قد حالك برضو.. طيب أنا هقوم آخد دش عشان أفوق شوية. رحيم مسك إيدها وهو بيبص في عينها بعمق: عايزك كدا على طول، أنتي تستاهلي ياقمر. شدت إيديه بكسوف: شكراً. بعد ساعتين.

رحيم: يابنتي أنتِ كل دا جوا؟ يلا عشان عايز أخرجك. مفيش رد. نبضات قلبه زادت، خاف لتكون عملت في نفسها حاجة. اتهجم على الغرفة، كانت خارجة من الحمام ولافة فوطة على جسمها. قمر بكسوف وشهقة: رحيم! قرب عليها وهو مش داري اللي بيعمله لحد ما جسمها لزق في الحيطة، لمس بصباعه على شفتيها الكريزتان وووووو....