رواية هل يجمعنا شئ الفصل الخامس عشر 15 - بقلم سلسبيل احمد

يمنى دخلت لقت سلمي بتقلب في دفتر زياد. "انتي بتعملي ايه؟ "انتي مش هتصدقي اللي لاقيتة! يمنى بستغراب: "فيه ايه؟ سلمي رجعت الدفتر زي ما كان وخدت يمنى على اوضتهم. يمنى بحيرة: "الله ما تتكلمي! سلمي بعدم استيعاب: "زياد!!! طلع بيحب ليلي! يمنى: "نعم! "كاتب عنها في الدفتر!! بيحبها!! يمنى بعدم تصديق: "وريني كاتب ايه! سلمي ورتها لصورته من دفتر زياد وبعدين يمنى بصتلها بتعجب. "= طب هنعمل ايه دلوقتي؟ -لازم ليلي تعرف!!

"= بس هو لو كان عايز يعرفها كان قال.. ممكن يضايق لو عرف اننا فتحنا الدفتر بتاعه" -انا مكنش قصدي.. كنت بدور على حاجة لما جدو كان بينادي عليه وبعدين شوفت اسم ليلي! "= طب هتقوللها؟ تفتكري ممكن ترجع؟ -مش عارفة.. تفتكري هي بتحبه! يمنى بتفكير: "مش عارفة يا سلمي" -طب بصي انا هرن عليها" "= طيب هقفل الباب" *** "خير يا جدو" عبدالرحمن بص له بتركيز: "انت اللي خير.. مش عاجبني بقالك حبة" "= حضرتك ليه بتقول كده؟

-من وقت لما عمك وبنت عمك سافروا.. وانت مش على طبيعتك" "= لا.. بيتهيقالك بس" -طيب وايه موضوع صاحب مصطفي ده؟ "= جدو يمنى لسه صغيره.." -ماشي بس مش كنت اديت فرصة للولد يجي؟ "= وساعتها هي تعرف؟ وده مش وقته دماغها تتلخبط بحاجة زي كده.. انا عارفها وصدقني رد فعلي لمصلحتها" -انا واثق في حاجة زي كده يا حبيبي.. وعاوزكم دايما بخير... ومبسوطين" "= احنا مبسوطين طول ما احنا سوا وانت وتيتة جمبنا متقلقش"

ابتسم له وبعدين رجع المكتب. خد الدفتر بتاعه أوضته، وفضل عقله شغال.. مش قادر يبطل تفكير في ليلي. *** خبط على أوضة مصطفي وبعدين دخل. -انت مالك مرمي كده ليه؟ مصطفي بتعب: "انا مش قادر من المصنع ده" "= قال يعني بتروح تشتغل" مصطفي قام وبصله: "احمم قصدك ايه؟ "= قصدي يمكن يعني بتروح عشان خاطر عيون المصنع!! -ده انت بتلقح بقي يا نجم" "= بطل صياعة على البنت"

-صدقني مش بصيع.. فريدة مختلفة.. من بدري لما كنت بروح كل فين وفين المصنع وانا ملاحظها.. بس كنت عارف نفسي واني لسه مش تمام ولا حالتي أحسن حاجة فا كنت ببعد.. بس دلوقتي انا حاسس اني قادر آخد خطوة فاهمني" زياد اتنهد بتعب: "انا كمان محتاج اتكلم" مصطفي بستغراب: "اتكلم! "مالك"