رواية حلم الملاك الفصل العاشر 10 - بقلم رنا سعيد

ملاك وهي فوق على السلم: خلصت يا أستاذ نور؟ نور وخالد وعمر بصوا عليها بصدمة. نور بصدمة: إيه ده؟ إيه الهبل اللي انتي عاملاه ده؟ ملاك كانت بترتدي بدلة الرقص فوق ملابسها ولم تغير ملابسها. ملاك بخوف: في إيه؟ لبست بدلة الرقص أهي. نور بسُكر: ما أنا عارف إنك لبساها، بس لبساها فوق ملابسك ليه؟ ليه مقلتيش إنك لابسة لابسة بدلة الرقص؟ نور بص لخالد: واللهي لابساها يا خالد من غير ملابس، وأنا عشان سكران شايفها لابساها فوق ملابسها.

خالد بسُكر: معرفش يا صحابي، أنا شايفها إزاي ما انت شايفها بالظبط. يمكن عشان سكرانين شايفينها كده. عمر بسُكر: أنا برضه شايفها زييكم بالظبط، لابسة بدلة الرقص فوق لبسها. خالد ومسك الكاس في إيده وبيشرب منه: خلاص أنا عندي فكرة، نلمسها عشان نتأكد. نور بسُكر ومسك كاس في إيده: فكرة حلوة أوي يا خالد. نور وبص على ملاك: تعالي يا ملاك هنا. وملاك فضلت واقفة مكانها خايفة تنزل. نور: براحتك، أنا هبعت خالد عندك يتصرف.

ملاك بخوف: لا لا خلاص، أنا هنزل. وملاك نزلت عنده. نور وقام وقف وبيقرب منها وهي بتبعد لحد ما خبطت في الحيطة. نور حاصرها بإيده الاتنين وملاك بتحاول تبعده بس مش قادرة عليه، وبتعيط وبتشهق وخايفة تصرخ أحسن ما يعملوا فيها حاجة. ومحدش راضي يحس بيها ويسيبوها تمشي. كأن قلوبهم اتنزعت منها الرحمة ومش حاسين بيها. كل اللي حاسين بيه إنهم يبسطوا ويقضوا معاها وقت حلو بس. نور وبيلمس دراعها: أنتي فعلاً لابساها فوق ملابسك.

ملاك بكذب: لا، أنا مش لابساها من غير حاجة. أنت عشان سكران شايفني لابساها فوق لبس. نور وبعد بيعد عنها وراح عند خالد اللي بيشرب كاس ورا كاس هو وعمر، ونور راح عندهم عشان يشرب الكاس. وملاك استغلت الفرصة وراحت ناحية الباب وبتفتح فيه. خالد وبص على نور بالعافية عشان ما يقعش في شرب: الحق يا نور البت بتهرب وبتفتح الباب. نور وبيلف وبص عليه لقاها فتحت الباب وبتجري. نور بسُكر: آآه يا بنت الـ ****، بقا كده ضحكتي علينا؟

ماشي وربي لهوريكي. وملاك طالعة تجري وهي بتجري خبطت في شخص وكان محمد. محمد: مالك بتجري كده ليه يا ملاك؟ ملاك وبتاخد نفسها بالعافية: نـ... نور. محمد بخوف: ماله نور؟ ياملاك وإنتي لابسة كده ليه؟ وشعرك مش متغطي ليه؟ الطرحة ليها وفرده كده ليه؟ أنا أعرف المحجبة متقلعش الطرحة خالص من على شعرها قدام الناس اللي مش محرمين عليها. ملاك بخوف: هقولك بس احميني من نور. محمد: متخافيش، احكي بس أي اللي حصل.

ملاك بدأت تحكي له كل حاجة وكانت بتبكي وبتشهق وهي بتقولها. محمد بضيق وعروق برزت: طب اطلعي غيري القرف اللي انتي لابساها دي فوق لبسك ده ونامي يلا، ومتخافيش وأنا هروح أتظرف معاه. ملاك بخوف وبتوتر: ما... ماشي. وملاك سيبته ودخلت القصر وهو راح عند نور ودخل على طول عشان الباب كان مفتوح. محمد بعصبية ومسك نور من ياقة قميصه: إنت مجنون يا نور؟ إزاي تعمل كده في البت دي؟ وكمان تخليها تلبس بدلة رقص؟ لما اعتدتوا عليه أنا قولتلك إيه؟

إيه اللي هييجي جنب البت دي؟ أنا هقف قصادك صح وحذرتك وأديني واقف قصادك أهو. تعرف لو مش إنت ابن خالي وفي نفس الوقت أخويا كنت عملت فيك إيه؟ وراح نفخ بضيق. نور بسخرية: كنت هتعمل إيه يعني؟ محمد بضيق: كنت موتّك يا نور ومسبتكش لحظة. حي على اللي عملتوه في البت الغلبانة دي. نور بسخرية: وإنت مالك وحرق دمك عليها ليه؟ واللهي حلوة ليك ولينا إحنا لأ. محمد بضيق: تقصد إيه بكلامك ده يا نور؟ نور بسخرية: إنت عارف قصدي كويس.

محمد بضيق: نور متنرفزنيش، بقولك إيه معنى كلامك ده؟ نور: معنى كلامي إن شفتك النهاردة وإنت داخل عندها. وقال إيه عملت فيها شريفة. وإنتوا اتاريكم مقضيينها مع بعض، مش كده برضه؟ محمد بضيق وضربه بالقلم: لا مش كده يا نور، وملاك دي أشرف منك ومني وأشرف منكم كلكم. ملاك مش زي البنات التانية يا نور اللي إحنا نعرفها. ملاك محترمة وملهاش في الشمال. نور بسخرية: بجد؟

وبعد محادثة طويلة بينهم محمد مشي ونور كمل سهره مع صحابه وفضلوا يشربوا لحد ما ناموا. في صباح جديد على أبطالنا. في شقة في العمارة. تامر: إزاي مش لاقيينها؟ المتصل: -تامر: دوروا عليها حلو، التاني هي يعني أكيد مش هتروح بعيد. ده شحاتة ومش معاها فلوس وملهاش أهل أصلاً، يعني سهل تلاقيها. المتصل: -تامر: ماشي خلاص، معاك يومين كمان، تقب وتغطس وتشوفها فين بأسرع وقت. المتصل: -تامر: ماشي.

وراح قافل معاها ومتطلع الصورة بتاعته من الموبايل. تامر: واحشتني أوي يا ملاك، كده تروحي وتسبيني لوحدي؟ نفسي أشوفك، وأنا مش هضيعك تاني ومش هبعدك عني لحظة واحدة يا حبيبتي. في مكان آخر، الشركة. في مكتب نور. نور: لا يا يارا، مش قادر أسهر النهاردة مع حد ولا أخرج عشان كلنا مجتمعنا خالد خطيب مريم والأسرة وكده. يارا: طب أجي أسهر معاكم؟ إيه رأيك؟ نور: ماشي يا حبيبتي تعالي، إنتي برضه واحدة من الأسرة.

يارا: ربنا يخليك ليا يا روحي. نور: طب يلا روحي بقا على مكتبك عشان منعطلش بعض أنا وإنتي ومنشتغلش. يارا: ماشي. ويارا قامت وباسته من خده ومشيت. عدى اليوم على خير، نيجي بقا في المساء. الأسرة مجتمعة كلها في صالون ومعاهم يارا وخالد. فيروز: إيه يا خالد، من ساعات ما مريم مشيت وإنت مش بتسأل ولا بتيجي حتى. خالد: لا والله مش كده ياستي، بس اسألي نور بقا، المشغل واخدنا. فيروز: ماشي. مريم: متيجوا يا جماعة نلعب لعبة حلوة.

خالد: لعبة إيه يا حبيبة قلبي؟ فيروز: احم، إحنا قاعدين، اختشي على دمك شوية. خالد: آسف. مريم: طب المهم، موافقين نلعب؟ يارا: هنلعب إيه يا مريم؟ مريم: كل واحد يغني أغنية، يعني مثلاً نور يبدأ بأغنية وآخر حرف تنتهي بيه، حد يبدأ بالحرف اللي انتهى بيه الأغنية ويغني، ماشي؟ الجميع: موافقين. وملاك جاية وجايبالهم عصير. ملاك: اتفضلوا. وأعطت لكل واحد عصير ولسه هتمشي، فجأة حد مسك إيدها. ملاك وبتبص تشوف مين، لقيتها مريم.

مريم: اقعدي العبي معانا يا ملاك. ملاك ولسه هترد. فيروز: أيوه يا ملاك، تعالي اقعدي جنبي هنا. وقامت وجابتها وقعدتها جنبها. انغام: يلا غني يا نور. نور: بحبك، واحشتني وبحبك وإنتي نور عيني، ولو إنتي مطلعة عيني، بحبك موت، وكأني الوقت في بعدك واقف مابيمشيش، وكأنك كنتي معايا ومبتعديش. وبحبك، واحشتيني، وبحبك وإنتي نور عيني، ولو إنتي مطلع عيني، بحبك موت. وكان عامل بيبص على ملاك وهو بيغني. وكل واحد بدأ يغني وجاء دور ملاك.

فيروز: يلا يا ملاك، إنتي مكسوفة تغني ولا إيه؟ نور بسخرية: لا، هتلاقي ياستي صوتها وحش أوي، فاخايفة تغني، مش كده يا ملاك؟ ملاك: بفكر فيك ومش بنساك، وباقية عليك ومش هيأس. ومهما تغيب أنا فاكراك، مادام عايشة وبتنفس. حرام الحب بعد سنين يضيع في كلمة ولا اتنين. حبيبي أنا وإنت بني آدمين، غلطنا يبقى مش مقصود. في بعدك عايشة مهمومة، ومن اللي عملته مصدومة، وحاسة كأني مقسومة، ونص التاني مش موجود. وصوتها كان جميل والكل سقف ليها.

محمد بابتسامة: صوتك جميل أوي يا ملاك. مريم: صوتك تحفة يا ملاك، ده أحسن من صوت نور أخويا. فيروز: كفاية بقا معاكسة في حبيبت قلبي. وراحت حضنته. انغام: أنا كده هغير من ملاك يا ماما. وراحت ضاحكة. ملاك وقامت: عن إذنكم. فيروز: رايحة فين يا بنتي؟ ملاك: هروح أغسل المواعين وأنضف المطبخ ياستي. فيروز: ماشي. وراحت أخدت كوبايات ودخلت المطبخ وبتغسل المواعين. فجأة صوت جاء من خلفها وبيقول: ليه قومتي يا حبيبتي؟

ما كنتي خليكي قاعدة معانا شوية. ملاك بصدمة: أستاذ نور.