رواية حلم الملاك الفصل التاسع 9 - بقلم رنا سعيد

استغفروا الله العظيم. عمري ما توقعتك كده يا ملاك. ملاك فاقت من تفكيرها وبعدت عنه: أنا أنا. نور: أنا هقولك يا أمي. أنا كنت طالع أجري ورا يارا عشان كانت ماشية زعلانة مني، وفجأة لقيت ملاك جاية بتقولي: "كلم ستي". فأنا قلت لها: "جاية". وهي كانت هتمشي بس كانت هتقع، رحت مسكتها قبل ما تقع. ملاك واقفة مزهولة ومصدومة من نور عشان بيدفع عنها.

أنغام: ماشي، يلا ادخل البس حاجة بدل ما أنت واقف عريان كده. وحطت المنشفة بس والبس بسرعة وكلم ستي تحت، يلا. وأنتِ يلا يا ملاك ننزل تحت نعمل الغدا. ملاك: ماشي، يلا. في مكان آخر، في شقة في العمارة. الشاب: قولولي بقا مالك يا حبيبتي. يارا بضيق: نور يا حبيبي ضربني بالقلم. والله لندمه عشان يبقى يرفع إيده عليه. الشاب: اهدي بس كده وقوليلي الحيوان ده رفع إيده عليكي ليه. يارا بدأت تحكي له كل حاجة. يارا: ده كل اللي حصل.

الشاب بضحكة: ما عنده حق في كل كلمة قالها. يارا بضيق: هو أنت تاني واقف معاها؟ الشاب: لا مش واقف معاها ولا حاجة، بس أنتِ المفروض تقوليله عشان ما يشكش فيكي يا حبيبتي، ويبقى الخطة بتاعتنا تبوظ. يارا: أيوه، ماشي. ما أنا كنت طالعة أصالحه، راح يضربني بالقلم. أنا أول مرة في حياتي حد يرفع إيده عليا يا حبيبي. الشاب: خلاص متزعليش بقا عشان خاطري، وافردي الوش الحلو ده يا حبيبتي.

يارا بابتسامة: عشان خاطرك أنت بس يا روحي، أعمل أي حاجة. الشاب: بحبك والله. طب قومي البسي حاجة حلوة كده وابسطيني. يارا بضحكة ميصة: ماشي، ثانية وأرجع لك. في قصر فيروز. فيروز قاعدة في الصالون هي ومحمد، فجأة نور جاء عليهم. نور: نعم يا ستي، عايزة إيه؟ فيروز: اقعد بس الأول ونتكلم. محمد قام واقف: طب أنا همشي طيب يا ستي. فيروز: لا، اقعد أنت تاني. أنا أصلاً عايزكم أنتم الاثنين. محمد ونور قعدوا. محمد ونور: إيه؟

فيروز: قوليلي بقا مالكم. نور بيستعبط: مالنا إزاي؟ فيروز: متستعبطش يا نور، في إيه ومالكم؟ من الصبح وأنتم متجانبين بعض ومش بتكلموا مع بعض ليه؟ محمد: مفيش يا ستي حاجة. نور: أيوه مفيش حاجة يا ستي، مش كده يا محمد؟ وراح ابتسم لها ابتسامة مزيفة. محمد بنفس ابتسامته: أيوه يا ستي، هو إحنا نقدر نزعل من بعض؟ ده نور حبيبي وأخويا، وما نقدرش نزعل من بعض أبداً، مش كده يا نور؟ نور: أه يا قلب نور من جوه.

فيروز: طب يا بكاش أنت وهو، مش بتكلموا من الصبح ليه مع بعض؟ ده أنتم حتى مصبحتوش على بعض. نور: عادي يا ستي، ما إحنا طول الوقت مع بعض، يعني مش ضروري أصبح عليه، يعني مش كده يا محمد؟ محمد: أه كده يا حبيب قلبي. فيروز: ماشي، طب أنا هقوم أريح شوية، اطمنت إنكم مش زعلانين من بعض. محمد ونور بابتسامة: ماشي يا ستي. وأول ما فيروز طلعت فوق، نور ومحمد بصوا على بعض بغضب ومشوا، وكل واحد دخل غرفته.

نور طلع فوق في غرفته ورن على يارا كذا مرة، ويارا مش بترد عليه. نور ونفخ بضيق: استغفر الله العظيم، البنات دي زعلها صعب أوي. ورن على يارا تاني، ويارا ردت عليه. نور بحنية وبحب: واحشتني على فكرة أوي. يارا بضحكة سخرية: واحشتك؟ ههههه، ضحكتني. بلاش تقولها ونبي يا نور. نور بهدوء: عارف إنك زعلانة مني، حقك عليا، أنا آسف عشان رفعت إيدي عليكي. يارا بتمثل إنها بتعيط: حقك عليا إيه يا نور؟ بعد ما ضربتني بالقلم يا نور؟

ده أنا أول مرة في حياتي حد يرفع إيده عليا يا نور، وكمان يوم ما حد يرفع إيده عليا تيجي منك أنت يا نور. نور بزعل على حبيبته: آسف، أنا معرفش عملت كده إزاي. كانت تتقطع إيدي قبل ما تترفع عليكي يا حبيبتي. يارا بتمثل الخوف: بعد الشر عليكي يا حبيبي. نور: يعني خلاص سامحتيني؟ يارا: هفكر أصلحك الأول ولا لأ. نور بضحكة رجولية: يبقى خلاص صالحتيني، صح؟ يارا: هو أنا أقدر أزعل منك يا نور؟ ده أنت كل حاجة في دنيتي يا حبيبي.

نور بحب: بحبك وربي. يارا: وأنا بموت فيك. نور: طب قوليلي بقا ليه كنتي متأكدة؟ يارا: عشان عارفة لما بتضيق وبتزعل من حد بتشفي غليلك في الجيتار وبالغني. نور بخبث: ده أنتِ متابعاني وحافظاني بقا. يارا: طبعاً، أومال لو متابعتكش أتابع مين يعني. نور: قلبي وربي يا يويو. يارا: طب أنا هقفل بقا عشان آخد شاور. نور: ماشي يا حبيبتي، سلام. وقفل معها ونزل قعد تحت في الصالون وشغل الشاشة على فيلم وقعد يتفرج.

وعد اليوم على خير، ونور جاب شلته بتاعته وبيسهروا في المنزل الخاص بيهم، وكان نور وخالد وعمر فقط. وملاك طبعاً كانت بتخدمهم. وملاك جابت ليهم العشا، ولسه هتمشي بس خالد مسك إيدها. خالد: إيه رأيك تعقدي معانا وتفتحي نفسنا على الأكل عشان أنتِ حلوة أوي. عمر وقام حضنه من الخلف: أه خليكي معانا يا جميل، أنتِ واحنا هنبسطك، وأنتِ كمان تبسطينا، وهنديكي أي مبلغ أنتِ عايزاه.

ملاك بخوف وبعدت عن عمر: لو سمحتم ابعدوا عني، أنا مش عايزة فلوس ولا أي حاجة. خالد واقف جنبيها وحاطط إيده من خصرها: أومال بتشتغلي الخادمة هنا ليه دام مش عايزة فلوس؟ ملاك بخوف وبتوتر: أنا بشتغل شغلانة شريفة وفلوس حلال، لكن اللي أنتوا بتعرضوا عليا ده لأ وحرام، وابعدوا عني بقا، ولو سمحتم عدوني. نور وجه واقف قباله: لا مش هعديكي يا ملاك، ويلا ارقصيلنا واخلعي الطرحة اللي لابساها دي.

ملاك بخوف وبتقرب ناحية الباب عشان تفتحه، نور جه واقف قبالها. ملاك بخوف: لو سمحت، أوعى ونبي. نور: تؤ تؤ، عديكي بس بشرط ترقصي لينا وتبسطينا، وأنا افتحلك الباب. وخالد جاء ليها وبيحاول يقلع ليها الطرحة وهي بتقاومه وبتبكي. ملاك بتبص على نور: أستاذ نور، بترجك خليني أمشي، وخلي ده يبعد بعيد عني. نور بضحكة شيطانية: اعملي اللي قلتلك عليه الأول. وخالد أقلع ليها الطرحة وشعرها انفرد بطولها على ظهرها.

خالد انبهر: الله، شعرك جميل أوي، مش كده يا عمر؟ عمر: جميل أوي فعلاً يا خالد، أنا كده انشدت ليها أكتر. وخالد بيقرب منها وهي بتهرب لحد ما خبطت في الحيطة، وخالد لسه هيبوسها. ملاك بصوت عالي وبصت على نور: موافقة أرقص يا أستاذ نور، بس خلي ده يبعد بعيد عني. نور بضحكة: خلاص، ابعد عنها يا خالد. خالد ولسه بيقرب منها: مش قادر أبعد يا نور، بجد البت دي فيها حاجة غريبة بتشد الواحد ليها. نور وراح بعده بعيد

عنها وشد ملاك من إيده: يلا، ارقصي. ملاك بخوف: ما ما شي، بس أنا مش بعرف أرقص. نور: حاولي، لما أخلي خالد وعمر يعملوا اللي هما عايزينه فيكي. ملاك بخوف: خلاص، طب عديني أجيب الطرحة ألبسها. نور: لا، هترقصي كده من غير الطرحة. واستني كمان قبل ما ترقصي، هجيب ليكي حاجة. ونور طلع فوق في شقة من فوق ونزل ومعاه حاجة في إيده. نور بابتسامة: امسكي دي، غيري لبسك ده، والبسيها وارقصي بيها، يلا. وكانت بدلة رقص لونه أحمر.

ملاك بصدمة من اللبس اللي قدامها وبخوف منه: لا لا، مش هلبس دي. نور: براحتك، متلبسيش. خالد تعال كمل اللي أنت كنت بتعمله. ملاك بخوف: خلاص، هات، ألبسها وبلاش خالد، ونبي، هو الحمام فين؟ نور بابتسامة: ادخلي أي شقة من فوق، هتلاقي في حمام، يلا بسرعة. ملاك وأخدتها منه: ماشي. وملاك طلعت فوق ودخلت الحمام وغيرت، وبعد شوية نزلت. ملاك وهي سائلة من فوق: خلصت يا أستاذ نور؟ نور وعمر وخالد بصوا عليها بصدمة. نور بصدمة: إيه ده؟