رواية حلم الملاك الفصل السادس عشر 16 - بقلم رنا سعيد

نور: بتحبيني يا ملاك؟ ملاك: أنا يا نور أنا... نور: أنتِ إيه؟ ملاك: أنا أنا بحبك. نور بفرحة: بجد؟ قوليها تاني عشان مش قادر أصدق. ملاك: بحبك. نور: طب خليكي هنا، أعمل حاجة وأجي. ملاك مسكت إيده: طب استني، اسمعيني للآخر الأول. نور: طب أعمل حاجة الأول وبعد كده أسمعك براحتي. نور وماشي. ملاك بصوت عالي: أنا أيوه بحبك يا نور بس... نور فجأة وقف: بس إيه؟ ملاك: بحبك بس زي أختي وصديقتي، زي محمد ابن عمتك كده.

نور بصدمة: اا أنتِ بـ بتقولي إيه؟ ملاك: بحبك زي أختي وصديقتي، زي محمد ابن عمتك كده. نور مصدوم: أنتِ بتهزري صح؟ قولي إنك بتهزري بالله عليكي. ملاك بحزن: مش بهزر يا نور، دي الحقيقة. أنا آسفة، مقدرش أشوفك غير إنك أخي وبس. آسفة. نور عينه احمرت وضاق وعروقه برزت، ومسك ملاك وقعد يهز فيها. نور بصوت مخيف وعالي وعيون حمرا: أنتِ بتحبيني صح؟

مستحيل تكوني مش بتحبيني بعد كل اللي عملته عشانك. حب واديتك، كلام حلو وقولت، وخروجات وخرجتك، لبس ولبستك أحسن لبس. الحفلة اللي عمرك ما كنتي تحلمي إنك تروحيها وروحتِ، ورقصتي معايا على المسرح قدام جماهيري. تعرفي أنا اللي خليت يارا، راجل الأمن، هو اللي ينادي عليكي عشان تروحي وأجيبك. أنتِ ترقصي معايا بدالها. ودافعت عنك لما كان محمد بيشك فيكي. ليه ما حبيتينيش؟ ليه؟ أنتِ كذابة. أنتِ أكيد بتحبيني صح.

وفجأة حد طلع وبيسقف، وكان محمد والشلة بتاعة نور طلعت كلها وراها. محمد: الله الله على الحب، الله الله. بس للأسف، حب مزيف. شوفت مش قولتلك ملاك شريفة ومستحيل تقع من كلمتين، بس أنت مش صدقت واتحدتني يا نور، بس أنا كسبت التحدي. ملاك بصدمة: تحدي؟ أنت بتقول إيه؟

محمد: دي الحقيقة. نور مش بيحبك يا ملاك، وكان تحدي بينه وبيني عشان يثبت لي إنك هتقعي من كلمتين، والحوارات اللي هو عملها لكِ، اللي هو بيحبك يعني، ده كذب، وهو مش بيحبك. وأنا كسبت تحدي يا ملاك، إنك محترمة ومستحيل أي شاب يضحك عليكي حتى لو بكلمتين حلوين. ملاك: صح يا نور الكلام اللي بيقوله محمد ده؟ لا يوجد رد. ملاك: صح يا نور الكلام ده؟ نور بضحكة: أيوه صح يا ملاك. ده كان تحدي. بس للأسف محمد كسب تحدي. مبروك يا محمد.

ملاك بحزن: يا هو أنا لعبة ورخيصة كده بالنسبة لكم؟ حتى أنت يا محمد؟ محمد: أنا آسف. هو من ساعات اليوم اللي شوفتك طالعة من عندهم بتجري ولبسك مبهدل. وأنا روحت عشان أحذره ما يعملش كده تاني ولا يجي جنبك. فاستفزني بكلام وقال لي أعمل تحدي إنها هتقع بالكلمتين معايا خلال أسبوع واحد بس. وأنا كنت مش راضي، بس قالي يبقى أنت مش واثق فيها وعارف إنها هتقع. فا أنا وافقت عشان أثبت له إنك مستحيل تقعي في فخ نور. وفعلاً أثبتي ده.

ملاك وسقفت. ملاك بسخرية: لأ بجد، برافو عليك. أنت كده عملت الصح. مش كده؟ ملاك بصريخ: هو أنتوا جنس إيه بالظبط؟ انتوا ليه معندكمش رحمة؟ ليه بالنسبة لكم مشاعر الناس لعبة؟ أفرض حبيتُه دلوقتي فعلاً، كنت هتقولي تحدي؟ وأنا آسفة، أبقى ضحيت. لعبة وسخة، الناس وسخة. عاملينها برضه. انتوا كلكم كلاب. روح ربنا ينتقم منكم. وملاك كانت هتمشي. محمد مسكها من إيدها. محمد: استني أوصلك.

ملاك بقرف: ابعد إيدك دي عني. أوعك تلمسيني تاني عشان أنا بقرف منكم ومن أشكالكم. محمد: حاضر. مش هلمسك. بس استني أوصلك. ملاك: لأ مش عايزة منكم حاجة. ملاك مشيت. ومحمد طلع يجري وراها. وفجأة عربية جت سريع خبطت ملاك. محمد بصريخ: ملاااااااااك. ومحمد جري ناحيتها. وهي كانت بتنزف الدم من راسها. وفجأة الكل، الشلة ونور، طلعوا على صريخها. نور بخضة وخوف من منظرها وطلع يجري عليه.

نور بصريخ وشال ملاك من على الأرض وركبها العربية بتاعته. وقعد وراها وحط راسها على رجله. نور بصريخ: تعالي بسرعة، سوق يا محمد العربية عشان نلحق نوقف النزيف ده. محمد وجه بسرعة وركب العربية وبدأ بيسوق بسرعة. ونور بيحاول يكتم الدم عشان مينزفش. محمد بضيق وبتفكير: ليه يا رب؟ بيجرى لها كل ده معايا؟

أنا فعلاً غلطان عشان سمعت كلام نور وعملت تحدي ده. عاقبني بأي حاجة يا رب، بس متعاقبنيش ببعدها عني. أنا بحبها يا رب، ومقدرش إنها تبعد عني أبداً. وبعد فترة وصلوا المستشفى. نور وشالها. والقميص الأبيض بتاعه اتغرق دم. ومشي بيها في طرق. نور بزعيق في الممرضين: فين دكاترة هنا؟ الممرضة بخوف: الدكتور أهو يا أستاذ نور. الدكتور: هاتوا بسرعة ترولي هنا، وخدوه فوراً على العناية المركزة. وفعلاً عملوا كده وخدوا.

نور ومسك دكتور من الياقة بتاعته. نور بعصبية: تعرف لو جرالها حاجة مش هيحصلك خير أبداً. دكتور بخوف: حاضر. متخافش. هنحاول ننقذ الوضع. نور بعصبية: مفيش حاجة اسمها هنحاول، ده أكيد. وراح سابه. ودكتور ماشي وخايف ومرعب منه. يارا جت هي والشلة وشافت المواقف. يارا: أهدي بس كده يا حبيبي. هو أنت خايف عليها كده ليه؟ نور بعصبية: أومال مش عايزيني أخاف عليها ولا إيه؟ يارا بشك: وتخاف عليها ليه؟ هي تخصك؟

نور بزعيق: أيوه تخصني يا يارا. ارتحتي كده؟ اسكتي بقى عشان مش ناقصك والله. يارا بزعل: أنت بتزعق فيه عشانها يا نور؟ نور وزفر بضيق: يارا تعرفي تسكتي شوية عشان خاطري. يارا بشك: ماشي يا نور. هسكت. لما نشوف آخرة كل ده إيه. محمد: عملت إيه يا نور؟ دكتور قال لك إيه؟ نور: خدوه على العناية المركزة يا محمد. محمد: أنت السبب في كل اللي بيحصل ده يا نور. أنت السبب.

نور بضيق: محمد خلاص اسكت عشان أنا فيه الألم اللي كافيني والله وكتر كمان. محمد: خايف على يا نور؟ ولا دي كمان تمثيل؟ نور وزفر بضيق: اللهم طولك يا روح. يجماعة حد ياخد محمد بعيد عني دلوقتي. خالد: تعال يامحمد استريح. الممرضة: مين فيكم قريب المريضة؟ نور ومحمد في نفس الوقت: أنا. الممرضة: طب حد فيكم يمضي هنا. نور: خليك أنت يا محمد وأنا أمضي. نور: همضي على إيه؟

الممرضة: تمضي على الإقرار إن لو المريضة لا قدر الله جرالها حاجة أو توفت المستشفى خالية من المسؤولية دي. نور بعصبية: لا مش همضي. الممرضة: كده العملية مش هتتعمل لها. وبترجك أمضي بسرعة وانجز عشان نلحقها. عشان هي فقدت دم كتير وبين الحي والموت. هي حالتها خطرة أوي. نور بخضة وبخوف عليه: لا مش همضي. والعملية هتتعمل غصب عنكم. الممرضة: بس كده أنت بتخالف قوانين المستشفى.

نور بعصبية: قولت مش همضي. لأن أصلاً سواء مضيت أو مش مضيت، وهي جرالها حاجة، وربي ما هرحمكم والمستشفى دي هتتقفل. فاهمة؟ الممرضة بخوف: فاهمة. والممرضة مشيت وبلغت الدكتور باللي قاله نور. ودكتور خاف وبدأ في العملية لها. نور: الو ياستي. فيروز: اتأخرت كده ليه أنت وملاك؟ برا مش قولت الساعة بكتير وتيجي؟ نور بحزن: ملاك عملت حادثة ياستي. فيروز بصدمة وبخوف: إزاي؟

نور: خلصت الحفلة ورايحين العربية ورايحين. فجأة ملاك شافت بتاع آيس كريم. قالت أنا عايزة آكل آيس كريم. وكنت هنزل أجيب لها. لقيت فجأة نزلت قبلي وماشية بسرعة من غير ما تبص حواليها. ببص فجأة عليها لقيت العربية جاية السريع خبطت ملاك. ومشيت بسرعة رهيبة قبل ما أسجل رقم العربية. وملاك كانت بتنزف دم من دماغها. وأنا أخدتها على المستشفى. ياستي إحنا دلوقتي في المستشفى. فيروز بحزن: طب هي عاملة إيه دلوقتي؟

نور: هي في العناية المركزة ياستي. وحالتها خطر أوي. الممرضة بتقول إنها بين الحي والموت. أنا خايف عليها أوي ياستي. ادعيلها ياستي ادعيلها ربنا يقومها بالسلامة. فيروز: متخافش يا حبيبي. هي هتبقى كويسة. انتوا في أي مستشفى؟ قولي العنوان. نور: العنوان -فيروز: ماشي. أنا جاية أنا وانغام ليك. نور: ماشي. فيروز: ماشي يا حبيبي. مع السلامة. نور: مع ألف سلامة. وقفل السكة. وبعد فترة فيروز وانغام ومريم وصلوا.

انغام: الدكتور طالع من عندها ولا لسه يا شباب؟ محمد: لسه يا أمي مطلعش. ادعيلها يا أمي ادعيلها. انغام: ربنا يقومها بالسلامة. وإن شاء الله هتكون بخير. متخافوش. نور: تعالوا اعقدوا. وفيروز وانغام ومريم قعدوا جنب نور ومحمد. فيروز: يا رب. أنت عالم بالبنت دي. وحاول قومها بالسلامة يا رب. يارا بابتسامة: انتي عاملة إيه يا مريم؟ سألت عليكي الصبح وقالوا إنك في الجامعة. مريم بقرف: تمام. يارا: ومالك بتقوليها بقرف ليه يا مريم؟

نور: يارا إحنا في إيه ولا إيه دلوقتي عشان تقولي القرف ومش القرف. يارا: نور هو في إيه بالظبط؟ أنت مش طايق لها ليه كلمة من الصبح؟ نور: عشان أنتِ واحدة معندكيش دم. عشان فيه مريضة بتموت جوه، وأنتِ قاعدة تعاتبي أختي على كلامها. يارا وقامت من على الكرسي: لا أنا ماسمحش إنك تهيني أكتر من كده يا يانور. أنا ماشية. نور: بالسلامة. خالد: اهدوا كده يا جدعان. هو في إيه؟ مش مشكلة صغيرة تزعلكم من بعض.

نور: خالد لو سمحت متدخلش بيني وبين خطيبتي. خالد بزعل: ماشي يا نور. حقك عليا. أنا غلطان عشان اتدخلت. ويارا مشيت من المستشفى. وبعد الساعات الدكتور طالع. نور: طمنا يا دكتور. هي عاملة إيه دلوقتي؟ الدكتور: الحمد لله. عدت مرحلة الخطر. هي بس هتفوق بعد كام ساعة. قدامها للصبح يعني. نور: الحمد لله إنها عدت مرحلة الخطر. الحمد لله يا رب. ممكن انتوا تمشوا وأنا أقعد معاها للصبح لما تفوق. محمد: لا انتوا امشوا وأنا أقعد معاها.

نور: لا روح أنت يا محمد عشان فيه أمور في الشركة لازم أنت تروح الشركة بدري وتشوفها. محمد: ماشي. صباح جديد على أبطالنا. نور فضل نايم جمب ملاك على كرسي. والأسرة كلها اجتمعت في أوضة ملاك. وملاك لسه ما فاقتش. نور: يا دكتور هي لسه ما فاقتش ليه؟ وفجأة ملاك فتحت عينها ببطء. تفتحها وترجع تقفلها. وفي الآخر قدرت تفتحها. فيروز: الحقوا ملاك فاقت. فتحت عينها. وانغام ومحمد ونور بصوا كلهم عليها. نور: حمد الله على السلامة يا ملاك.

فيروز: حمد الله على السلامة يا بنتي. انغام: ألف حمد الله على السلامة. كده تخوفينها عليكي يا ملاك. محمد: حمد الله على السلامة يا ملاك. الحمد لله إنك بخير. ملاك بتوهان: انتوا مين؟