رواية حلم الملاك الفصل الخامس عشر 15 - بقلم رنا سعيد

نور بصدمة: أنتِ؟ ملاك بصدمة: أنتِ؟ نور: ملاك، إيه اللي جابك هنا؟ وماشية بسرعة كده ليه؟ ملاك: كنت داخلة المطعم ده. نور: مش تخلي بالك وأنتِ ماشية يا ملاك، أفرد كنت خبطك دلوقتي، كنت ساعتها أموت عليكِ يا حبيبتي. ملاك خجلت من كلامه. وفجأة حد نادى عليها، وبصت وراها. وكانت ميار صحبتها. ميار وقربت منها وحضنتها: ملاك حبيبتي، وحشاني أوي. ملاك: وأنتِ أكتر والله. ميار واخدت بالها من نور: المغني نور!

وحش ونجم الأغاني الرومانسية، مش مصدقة إني شايفاك دلوقتي قدام عيني، والله ممكن صورة مع حضرتك. نور بابتسامة: ماشي، اتفضلي صوري. وميار أخدت معها كام صورة. وملاك حست بالغيرة شوية. ملاك بضيق ووشها مكشر: مش كفاية صور بقى يا ميار. ميار بفرحة: كفاية إيه؟ أنا مش مصدقة نفسي أصلاً إني بتصور مع الفنان نور. نور وفهم إن ملاك غيرانة ومضايقها. نور بابتسامة: ما تيجي نتصور سوا يا ملاك على موبايلي. ملاك: أنا لأ، مش بحب أتصور.

ميار: أنتِ يا هبلة يا بت! مش عايزة تتصوري مع النجم نور؟ وكمان بيقولك إنك هتتصوري على تليفونه! خلاص تعالي اتصوري معاك أنا. نور بزهق: ماشي. وميار لسه هتروح تتصور معاه. ملاك شدتها ورجعتها لورا، وراحت هي تتصور معاه. ملاك اتصورت مع نور جمبيها، وكانوا طالعين في صورة بيبتسموا وشكلهم كيوت وحلو. نور بابتسامة وبص في الصورة: طالعة حلوة أوي في الصورة يا ملاك. ملاك بخجل من اللي عملته

لما زقت ميار واتصورت هي: تسلم، ممكن تبعت الصورة ليها. نور: ماشي، هاتي تليفونك وابعتهولك. ملاك اديته تليفونها. ميار بضحكة: إيه اللي أنتِ عملتيه ده يا ملاك؟ في حد يزق حد كده؟ أنا كنت هقع في الأرض! وكمان ما هو قالك في الأول تصوري معاها ورفضتي، أحلوت يعني لما كنت هتصور أنا معاها؟ ملاك بخجل: آسفة يا حبيبتي. ميار: ما تيجي نتصور أنا وأنتِ يا ملاك معاه. ممكن يا أستاذ نور أتصور أنا وملاك معاك؟ نور: ماشي.

ملاك وافقت جمب نور على ناحية شمال، وميار وافقت جمب نور من ناحية اليمين، واتصوروا. ملاك: ميار، ابعتيلي الصورة دي واتساب، ماشي. ميار: حاضر. ملاك: يلا ندخل المطعم بقى. وملاك وميار لسه هيمشوا. ملاك: أستاذ نور، أنا نسيت تليفوني معاك. نور: آه آه، اتفضلي خدي. وفي واحدة من صحابك رنت وكانت عايزك، وقالتلي لما أنا أروح أخليكي تكلميها. أنتِ مسمياها "العشق بتاعي". ميار بصدمة من اللي بيحصل: هو أنتِ اللي ملاك بتشتغل عنده؟

وكمان أنتِ اللي رديت عليها في التليفون؟ نور: أيوه. ميار: وليه ما قولتيليش يا ملاك إنك بتشتغلي عند النجم نور؟ ملاك بغيرة: ليه يعني؟ كنتي هتعملي إيه لو عرفتي يعني؟ ميار: كنت هاجي لكِ على طول. ملاك: بجد؟ إيه يا واطية! طب يلا ندخل. ميار: يلا. وملاك وميار دخلوا المطعم وقعدوا. ونور ركن سيارته ودخل وراهم على طول وقعد في ترابيزة اللي قصادهم، وبقى قصاد ملاك وميار. ميار: الحق، الفنان نور قاعد أهو.

ملاك وبتبص عليه لقت الناس ملمومين حولها كتيرة وبيتصوروا معاه. ملاك: يالهوي، ده تلاقي نور بيزهق من كمية الصور اللي بيتصورها في اليوم. ميار: ما خلاص اتعود بقى على كده. ملاك: طب هنطلب إيه؟ ميار: أي حاجة. وجاء الجرسون وطلبوا الفطار ليهم. ميار: الحقي، نور عمال يبص عليكِ. معرفش ليه، ده كل شوية أبص عليه ألاقي عينه عليكِ. ملاك وفرحت من قلبها وابتسمت. ميار: ليه الابتسامة دي بقى إن شاء الله؟ ملاك بخجل: عادي يعني، مش ابتسامة.

ميار: ماشي، احكيلي بقى مين اللي كان بيضايقك في القصر اللي بتشتغلي فيه. ملاك: خلاص بقى، اقفلي على سيرة دي. ميار: هزعل منك لو معرفتش. ملاك: أنا لو قولتلك مين مش هتصدقي. ميار: مين؟ قولي. ملاك: نور. ميار بصدمة: الفنان نور! ملاك: آه. ميار ولسه هتقوم من على ترابيزة وتروحلوا. ملاك ومسكت في إيدها: رايحة فين؟ ميار بضيق: رايحة أتخانق معاه! إزاي يعمل فيكي كده؟ هو عشان غني يعمل كده ويهينك ويمسح بكرامتك الأرض؟

وغير كده يعترض لك في رايح وجاي؟ فعلاً المظاهر خداعة، اللي يشوفه يقول متواضع وشخص محترم. ملاك: ميار، اسمعيني طيب لآخر مرة، أنتِ سمعتي نص الحكاية بس. ميار وقعدت: قولي بقى الحكاية عشان أنا خلاص هنفجر من اسمه "نور" ده. ملاك: ماشي. وملاك بدأت تحكي ليها كل حاجة. وميار تبص عليها. ونور شك إنهم بيتكلموا عليه. ملاك: ده كل اللي حصل، ومش عارفة إذا كان بيحبني أصلاً ولا بيضحك عليا. ميار: وتفتكري بيحبك بجد؟ وفعلاً مش بيحب يارا دي؟

ده كل الناس عارفة قصة الحب اللي بين نور ويارا. ملاك اتضايقت: هم مشهورين أوي كده بقصة حبهم دي؟ ميار: فوق ما تتخيلي. أنا مش قادرة أصدق إنه بيحبك أصلاً، ده تلاقي بيضحك عليكي وربنا عشان ياخد اللي عاوزُه منك. ملاك بزعل: ما أعتقدش. ميار: لأ، اعتقدِ. استني بس، أنا معايا صور لي نور ويارا وهما خارجين مع بعض وفي الحفلات برضه. أنتِ هتشوفيهم هتقولي مستحيل أصلاً يتفرقوا دول عن بعض، ده بجد كابلز يجنن وبيحبوا بعض أوي.

ملاك بغيرة وبزعل: وريني كده. وميار فرجت ملاك على صور نور ويارا مع بعض، كانوا فعلاً كابلز يجنن. ملاك بزعل وبصت على نور: فعلاً عندك حق، هو تلاقي بيضحك عليا. أنتِ بتجيبي الصور دي منين؟ ميار: من على الانستجرام بتاعهم. ملاك: طب هاتي اسم الأكونت بتاعهم. ميار: ماشي. وميار اديت اسم الأكونت بتاعهم لملاك. ونور قاعد وحاس إن في حاجة مش طبيعية بتحصل، وقرر يروح عندهم. نور: أهلين، ممكن أقعد أفطر معاكم بدل ما أفطر لوحدي؟

عشان أنا مش بحب أفطر لوحدي. ميار: اتفضل. وملاك ما بصتش عليه. خلاص، ونور اتأكد كده إن في حاجة. وميار حطت تليفونها على ترابيزة من غير ما تقفلوا. ونور شاف صورته وهو ويارا حضنين بعض وراكبين في لانش في وسط البحر. نور: أنتم كنتوا بتتفرجوا على صوري أنا ويارا؟ ميار: آه. أنتم بجد كابلز يجنن. نور: إيه رأيك في صوري أنا ويارا يا ملاك؟ ملاك بضيق: جميلة أوي، وأنتم فعلاً كابلز يجنن. نور بابتسامة استفزاز: شكراً.

ملاك في سرها: شخص بارد ومستفز. نور بابتسامة: شكراً، سمعتك. في القصر، فيروز. فيروز قاعدة في الصالون هي وانغام. وفجأة دخلت عليهم يارا. يارا: هاي، ازيكم؟ انغام وفيروز من غير نفس: تمام، أنتِ عاملة إيه؟ يارا: الحمد لله كويسة. أومال فين نور؟ فيروز: نور في النادي. يارا باستغراب: هو لسه مجاش لحد دلوقتي؟ انغام: آه. يارا: ماشي، طب أنا همشي. هي مريم في الجامعة صح؟ انغام: أيوه. يارا: طب لما تيجي سلميلي عليها، ماشي. انغام: ماشي.

ويارا مشيت وركبت سيارتها بترن على نور. ونور يكنسل عليه. في المطعم. نور: الفطار هنا حلو أوي. وفجأة تليفونه رن. ملاك: مترد على تليفونك بدل ما عمال يرن كده. نور: حاضر. نور: ألو. يارا: أنت فين يا نور بيه؟ نور: أنا في مشوار يا يارا. يارا: في مشوار إيه؟ نور: يبقى أقولك بعدين. يارا: لا، أنا لازم أعرف دلوقتي. نور: سلام يا يارا، أنا مش فاضي دلوقتي. وقفل السكة معاها. ملاك: مش يلا نمشي بقى يا ميار؟ ميار: يلا.

نور: طب استنوا أوصلكم. ملاك: لا، شكراً. نور: لا والله العظيم لازم أوصلكم، أنا حلفت خلاص. وفجأة الجرسون جاء يحاسبهم. ملاك: اتفضل، الحساب. ونور مسك إيدها وحاسب هو الجرسون. ملاك: اتفضل طيب، حسابي أنا وميار أهو. نور: أنتِ اتجننتي يا ملاك؟ أنا مستحيل أخلي أي بنت تحاسب طول ما أنا معاها. ملاك: هو أنا زيك زي أي بنت يا نور؟ نور باحراج: لا، مقصديش. ملاك: تقصد متقصدش، مش فارقة يا نور. ملاك: يلا يا ميار. ميار: يلا.

ونور مشي قبلهم. ميار: شوفتي؟ سابك ومشي! يعني لو بيحبك كان أصر عليكي إنك تركبي معاه ويوصلك. ملاك بتعب: ونبي يا ميار خلاص. ميار بشك: أنتِ بتحبي يا ملاك، صح؟ ملاك: لا. ميار: أنتِ كدابة، عينيكي وطريقة كلامك بتقول إنك بتحبي. ملاك: معرفش يا ميار إذا كنت بحبه أو لأ. وطلعوا برا، وفجأة لقوا نور مستنيهم برا. نور من شباك سيارته: يلا اركبوا. ملاك وميار مشيوا ومردوش عليه. ونور نزلهم. نور: يلا يا ملاك اركبي أنتِ وصحبتك.

ملاك: لا، إحنا هنركب تاكسي. نور: ملاك، متعنديش، ويلا اركبي أحسن، وإلا والله أشيلك وأركبك أنا العربية. ملاك مردتش وهتمشي هي وميار. فجأة نور قرب منها وشالها وركبها في المقعد اللي جمبه. نور: يلا أنتِ كمان أحسن ما أشيلك زي ملاك. ميار: وعلى إيه، أطيب أحسن. وراكبت في المقعد الخلفي. نور: هوصلك فين يا ميار؟ ميار: على العنوان ده. -نور: ماشي. وبعد فترة من الزمن نور وصل على العنوان. نور: اتفضلي انزلي، العنوان اهو.

ميار: ماشي، شكراً. وميار نزلت ونور مشي. وقف في العربية فجأة على جنب في شارع مفهوش حد. نور: ممكن أفهم بقى، الجميل زعلان من إيه. ملاك بصت عليه ومردتش. نور: لا، ده فعلاً زعلان بجد، مالك زعلانة ليه بقى؟ ولا غيرانة عشان صوري أنا ويارا؟ ملاك بضيق: وأغير ليه يعني؟ أكأني بحبك ولا بحبك. نور بضحكة: أظهر كده بتحبيني! باين عليكي أوي على فكرة. الحقي، فيه ريحة شيط! فيه حاجة بتشيط؟ ملاك بتستنشق: مفيش ريحة شيط.

نور: لأ، فيه ريحة شيط غيرتك عليا يا مزة. ملاك: لو سمحت، بطل استظراف وامشي بقى. نور: ولو مبطلتش هتعملي إيه يعني؟ ملاك: أنا مش هرد عليك عشان أنت شخص بارد ومستفز. نور: أنا ده؟ أنا حتى دمي خفيف وزي السكر. ملاك مردتش. نور وساق سيارته. نور: مش صح يا ملاك؟ لا يوجد رد. نور: ياللي زعلان مني ومخاصمني ومش عايز تاني تكلمني. واخد على خاطرك أوي مني يا حبيبي، أنا آسف. نور: شوفتي غنيت ليكي كمان؟ في إيه بقى؟ مش عايزة تردي ليه؟

ومتغيرة من ساعة ما كنتي في المطعم وصحبتك بتوريكي الصور؟ في إيه؟ لا يوجد رد. نور: ملاك، أنتِ بتحبيني يا ملاك؟ ملاك: ممكن أسألك أنا السؤال ده، بس تجاوب بكل صراحة. نور: اتفضلي. ملاك: أنت بتحبني بجد؟ نور: ليه السؤال ده؟ ملاك: كده. نور: أيوه، بحبك بجد. بحبك إيه بس؟ أنا اتعديت مرحلة الحب بكتير، أنا بعشقك يا ملاك، بعشق كل تفاصيلك، أنا بموت فيكي. ملاك خجلت من كلامه. نور: طب أنتِ؟ ملاك: يهمك تعرف إذا كنت بحبك يعني ولا لأ؟

نور: طب ده أنا بتمنى إنك تكوني بتحبيني زي ما أنا بحبك. طب قولي بتحبيني ولا لأ. ملاك: هتعرف النهاردة بليل. نور: طب ممكن أعزمك على العشا في الفندق؟ ممكن لو سمحتي توافقي عشان خاطري. ملاك بتفكير: ماشي، موافقة. نور بفرحة: شكراً ليكي بجد عشان وافقتي. وواصلوا عند القصر. نور: يلا انزلي. وملاك نزلت ودخلت القصر. ملاك: السلام عليكم. فيروز: وعليكم السلام. فيروز: اتأخرتي كده ليه يا ملاك؟

ده أنتِ قولتي الساعة وهتجي، وبدل الساعة ساعتين، قلقتيني عليكي بجد. ملاك: أنا آسفة والله، ما حسيتش بالوقت، أصلها كانت وحشاني أوي ياستي، وسيرة جابت سيرة وما حسيتش بالوقت. فيروز: ماشي. ملاك: أغير هدومي وأدخل أجهز في الغدا. فيروز: ماشي يا حبيبتي، براحتك. وملاك دخلت الغرفة. وبعدها نور وصل. نور: ستي، قاعدة لوحدكِ ليه؟ فيروز: قاعدة بتفرج على فيلم. نور: ماشي ياستي، أطلع أغير هدومي وأنزل أقعد معاكي.

فيروز: بقولك، الاسمها يارا دي جت هنا وسألت عليك. نور بتفكير: عشان كده عرفت إني مش موجود في القصر. فيروز: سرحتِ في إيه؟ نور: مش في حاجة ياستي، عن إذنك. عدى الوقت وجاء المساء. وملاك جهزت نفسها. وطبعاً نور استأذن من ستو إنه ياخد ملاك مشوار. وستو وافقت. ملاك جهزت نفسها وكانت ترتدي فستان نبيتي بيلمع نور اشتراه ليها وأداهالها النهاردة. وكانت ترتدي على طرحة بيضة وتضع كحل في عينها وملمع شفاه. وكانت جميلة للغاية.

ونور كان يرتدي بدلة، قميص أبيض وفتح أول زرارين وبنطلون أسود ومصفف شعره. وكان جميل للغاية. نور: اتفضلي اركبي. وفتح لها باب العربية جمبيها. ملاك: ماشي. ونور ركب التاني. نور: بس إيه الجمال والحلاوة والشياكة دي؟ الفستان هيأكُل منك حتة والله. ملاك بابتسامة خجل: شكراً. وبعد فترة وصلوا الفندق. ملاك باستغراب: هو مفيش ناس ليه؟ نور بابتسامة: أنا حجزت الفندق ليا أنا وأنتِ وبس. ملاك بقلق: طب ليه؟ نور: عشان ناخد راحتنا في الكلام.

ملاك: ماشي. وقعدوا على الكرسي. نور: المكان عجبك؟ ملاك بانبهار: جميل أوي بصراحة. نور: ممكن ترقصي معايا؟ ملاك: لا، مش بعرف أرقص. نور: أنا هعلمك، قومي بس. نور: وبدأ يشرح ليها الرقص. نور: أيوه، حطي بقى إيديكي فوق كتفي. ملاك وحطت إيدها. نور: يلا بقى اتحركي معايا. ملاك: طب فين الأغاني؟ نور: أنا هغني. ملاك: ماشي. نور: عليكي عيون، لابتنافق ولا بتخون، فيها من الأمان مخزون.

وفيها من الجمال أسرار، عليكي كلام يمحي الحزن وأبقى تمام. يطمن قلبي ويرجع خام، ف أكون أنا وأنتِ كالاطفال. عليكي سلام يقويني على الأيام، في الطاقه تزقني لقدام، وبيها بكمل المشوار. عليكي هدوء، حلاوة الصوت ونظرة الشوق، أكون زعلان أشوفك أروق، وأحس براحة واستقرار. عليكي الجمال، وقلبك صافي وابن حلال، معاكي بعيش في راحة بال، ومن غيرك بكون محتار. وجودك خير، بضحكة تخلي يومي جميل، بتسندي ضهري وقت ما أميل، أنا فعلاً عرفت أختار.

نور خلص غناء. نور: أنا بحبك أوي يا ملاك. ملاك: بجد، صوتك حلو أوي. نور: بتحبيني يا ملاك؟ ملاك: أنا يا نور، أنا؟ نور: أنتِ إيه؟ ملاك: أنا