رواية حمقاء في المخابرات الفصل السادس عشر 16 - بقلم ايزيس

في أوضة عدنان، كانت عيلة عدنان كلهم معاه، وحازم كمان كان موجود. عدنان لسة ردود أفعاله غريبة، والدكتور قاعد بيراقب تصرفاته. وصل سيف وعيلته. ملك: عدنينووووو. وجريت عنده. عدنان بص لها بغل، وبص لسيف وقاله: س سيف... مين البت ال... الهبلة دي. ملك: اخص عليك يا عدنينو، أنا هبلة؟ وكمان نسيتني؟ يا خسارة العيش والملح. كلهم قلقوا على عدنان. نور قربت منه بهدوء، ودموعها نزلت، ومسكت إيده باستها.

عدنان بص لها كتير جداً، وبعد لحظات ابتسم لها. وبص لسيف: مين البت الحلوة دي يا يا سيف؟ نور: 😭😭😭😭. الكل اتفاجئ من كلام عدنان. والدكتور شاورلهم وخرجوا كلهم ما عدا ملك ونور. عدنان كان مركز في وش نور، وحاسس إن الشخص ده غالي على قلبه. ابتسم لها ومسك إيدها. وبعدين بص لملك وكشر. ملك: هو أنت بتعامل كل الناس حلو إلا أنا؟ هو أنا ضرتك يا عدنينو ولا إيه؟ عدنان: اخرسي يا هبلة. ملك: والله لسجلك فيديو وأنت أهبل كده عشان أذلك بيه.

نور بصت لها بغضب: ملك، ماتعمليش كده. خارج الغرفة: الدكتور: هو اللي حصل له نوع من تشوش في الذاكرة بسبب صدمات كهربية عالية، أو بسبب صدمة نفسية اتعرض لها. الذاكرة عايزة تنساها، فبيوهم نفسه إنه ناسي. يعني ممكن يكون ناسي حاجة ويفتكرها بعد شوية. المهم، ما حدش يناقشه هو ناسي ليه أو افتكر فجأة ليه. علاجه عادة بيكون من شهر لست شهور. والدة عدنان وهي بتعيط: يا دكتور، طمني على ابني، هو راح يطيب؟ هو هيك؟

الدكتور: أكيد إن شاء الله، علاجه مضمون، ماتقلقيش. كلهم قالوا الحمد لله، ودخلوا تاني لعدنان. عدنان كان مغمض عينيه ومرجع راسه لورا، وتعابير وشه كأنه بيفتكر حاجة ويتألم. حازم: أظن يا جماعة مش هينفع لمتنا حواليه كده. يلا نسيبه يرتاح. الدكتور قال هيقعد يومين هنا لغاية ما وضعه يستقر، وبعدين يقدر يروح. والدة عدنان: أنا هفضل هنا مع ابني. نور: بعد إذنك يا أبيه، أنا هقعد النهارده مع عدنان هنا. سيف: تمام، اقعدي. يلا يا ملك.

الكل خرج، وما فضلش غير والدة عدنان ونور. في شقة سيف: وصل وكان تعبان جداً ومرهق. سيف: ملك، أنا هدخل أنام لأني تعبان جداً. خليكي عاقلة وما تعمليش أي كوارث زي اللي متعودة عليها منك. يعني ماتعمليش بطاطس محمرة وتنسيها وتنامي وتولعي في الطاسة وفي الشقة كلها، فاهمة؟ ملك: أكيد فاهمة. هو أنا وشي كده يا سفاسيفو؟ سيف بصدمة: نعمممم؟ سفا؟ إيه؟ مش هرد عليكي، أنا داخل أنام. ملك: روح نام نوم الهنا يا حبيبي.

سيف دخل ينام، وملك عملت ساندويتش ودخلت بكل هدوء جمب سيف تتأمله، لأنه كان واحشها. وفجأة: ملك: (بصوت يهز أركان الغرفة) اعااااااااااا! سييييييف! سيف قام مفزوع من النوم. سيف: (بقلق) قام واقف... ملك، في إيه؟ الشقة ولعت صح؟ وبعدين صرخ: فيييييييه؟ ملك: سيف، البيبي. سيف قعد جمبها: ماله البيبي؟ أنت تعبانة يا حبيبتي؟ ملك: (بهدوء) لأ، البيبي اتحرك لأول مرة. 🤭 سيف: 😠😠😠. نعم؟ حرااام عليكي يا ملك، هتجلطيني قريب. ملك حضنته:

بعد الشر عليك يا سيفو يا قلبي. أنت مش فرحان إنه البيبي اتحرك ولا إيه؟ سيف: أكيد فرحان، بس وربنا بقالي يومين ما نمتش. عايز أنام، ولما أصحى هنفرح كلنا. ملك: ماشي، أنا هقعد عاقلة. ولا أقولك، أنا هاروح أنام عند ماما أمينة. سيف أخدها في حضنه: تؤ تؤ، أنت مكانك هنا في حضني. يلا نامي ومش عاوز دوشة. ملك: (في سرها) هحاول. &&&&&&&&& عند عدنان في نص الليل: عدنان صرخ: لاااااا! مش هاعترف. نور صحيت، بس والدته كانت نايمة.

قربت منه بهدوء: عدنان، أنت كويس؟ عدنان بص باستغراب: نور، أنت هنا ليه؟ نور: عشان أفضل جنبك. عدنان بص لها كتير، وبعدين قربها منه وحضنها: وحشتيني. نور: وأنت كمان واحشتني يا حبيبي. حمد لله على سلامتك. عدنان غمز لها: ما قلت، أنا مش بحب الكلام، أنا بحب الفعل. نور: مش فاهمة. عدنان: يعني واحشتني، عبري عنها كده. 💏 وباسها بوسة طويلة. نور تقريباً كان هيغمى عليها من الخجل، وهي عايزة تبعد عنه بس خايفة تزعله. أنقذها صوت والدته.

نوال: لك شو عم تساوو بنص الليل؟ نور تقريباً جالها شلل رباعي من الخضة والكسفة. عدنان عادي جداً، ما اتأثرش ولا انكسف: ماما، احم. أنتِ كمان نايمة هنا؟ أنا لازم أمشي بكرة على بيتنا، ما بحبش قعدة المستشفيات. وبصي، عايز أتجوز في أسرع وقت. نوال: أكيد حبيبي، بس تطيب راح نجوزك دِغري. عدنان: أطيب من إيه بس؟ أنا زي الفل أهو. بص لنور لقاها لسة مكسوفة. قام شدها قعدها على رجله. عدنان: ممكن أعرف الوش ده عامل زي الطماطم ليه؟

حد ينكسف من جوزه برضه؟ نور بصت بصدمة لمامته. قامت نوال بكل تلقائية غمضت عينيها وقالت: راح أساوي حالي نايمة. لا تنحرج، الله لا يوفقك يا عدنان، خجلت البنت. &&&&&&&& في الصبح عند سيف: ملك بتحلم: لا لا ايااااااااد! لا أبوس إيدك... سيف: بص لها بصدمة وهزها. صحيت. سيف: دانتي نهارك أسود! بتحلمي بإياد؟ ملك: م... مهو أنا كنت بحلم كابوس يا سيفو. سيف: وكنتي بتحلمي إيه بقا يا قدري؟ ملك: مافيش ولا حاجة، انسى. ملك لسة هتقوم:

أنا رايحة أحضر لك الفطار. سيف افتكر حاجة وشدها تاني واتكلم بشك: خدي هنا. أنتِ لما ضربتي إياد كف، كنتي بتقوليله عشان لمست حاجة مش بتاعتك. إياد عملك إيه يا ملك؟ ملك جريت ع الشباك وفتحته: الله يا سيفو، المنظر يجنن من الشباك ده. هي بتحاول تهرب من الرد. سيف وقف قدامها: جاوبي، ما تهربيش. عملك إيه إياد الزفت؟ ملك: (بخوف) كان عايز يوريني الساعة اللي بتنور في الضلمة. ولسة هتجري منه. سيف... شدها رجعها تاني ليه: ملك: (بخوف)

إيه؟ أنت كمان هتوريني الساعة اللي بتنور في الضلمة ولا إيه؟ سيف: لا يا روح أمك، أنا هوريك النجوم في عز الضهر. &&&&&&&& بعد فترة: عند عدنان: سيف أخد ملك وراحوا يطمنوا على عدنان. عدنان: سيف، ازيك؟ ملك: وأنا إيه؟ مافيش ازيك؟ أنا بت البطة السودة، ماشي يا عدنان الكلب. عدنان: إيه يا بت يا ملك، إيه لزوم طولت لسانك ع الصبح دي؟ عاملة إيه يا أم عتريس؟ ملك جريت عنده:

الله، مانت خفيت أهو. اومال امبارح ناسيني وناسي البت مراتك المنكسرة دي ومش فاكر غير سيف؟ أثناء ملك ما بتتكلم، الكل عمال يبرق لها تسكت عشان كده غلط ع عدنان، لكن دي مين دي؟ ملك. عدنان وهي بتحكي، بدأت تعابير وشه تتغير، وبان إنه مش فاكر حاجة وغضبان. غمض عينيه ومسك دماغه. عدنان: ااااه، بس بس، ما حدش يتكلم. سيف شد ملك لبرا: ملك، ممكن تخرسي خالص؟ الدكتور قال ما حدش يتكلم معاه في اللي فاكره أو اللي ناسيه.

ملك: مطت شفايفها زي الأطفال، ماكنتش أعرف يا سيفو، آسفة. سيف: مشكلتي ما بعرفش أزعل منك يا مجرمة. ملك: خلاص، أنا هتمشى هنا شوية في مستشفى الشرطة الحلوة دي لغاية ما تخلصوا مع عدنان عشان ما أعكش الدنيا، ماشي؟ سيف: تمام، بس خليكي عاقلة وما تلمسيش حاجة. ملك: حاضر. سيف دخل عند عدنان، وملك فضلت ماشية في المستشفى. لمحت أوضة مفتوحة ومتعلق فيها صورة حد هي تعرفه كويس. فكرت بعقليتها المحدودة. ملك: (بفرحة)

آه لو اللي في دماغي صح، دا يبقى أسعد خبر في حياتي. استنت لغاية الممرضة ما خرجت، وبعدها دخلت الأوضة. وبعد وقت: ملك: اعاااااااااا يا سييييييف! الحقوني يا بشرررررررررر! (منك لله يا ملك ع اللي بتعمليه في سيف وفينا 😂)