رواية حمقاء في الموساد الفصل الرابع 4 - بقلم إيزيس

سيف..... باحراج.... يعني ديفيد قربلك أو اتخطي حدوده معاكي.... حصلت بينكو حاجة يعني ملك كانت مصدومة ومن غير ما تحس قربت علي سيف وضربته بحتة قلم. سيف وقف متصنم لحظات يستوعب اللي هي عملته، بس هي جريت وخرجت برا البيت بسرعة. سيف فاق من شروده وجري ورا المجنونة دي. بص لقاها عمالة تجري وتلف حوالين البيت وبتعيط. قام راح وراها اعترض طريقها ووقفها. سيف..... ملك أنا ما كانش قصدي حاجة. دي أوامر حاز... وقبل ما يكمل كلامه. ملك ....

ببكاء هستيري .... انتوا كلكم زي بعض. أنا بكرهكم كلكوا. انتو مش بترحمو حد. ليه شايفني بالصورة دي. سيف باستغراب... كلنا مين. ملك ... أهل العمارة وأهل المنطقة وأخيرا انتوا. كلهم لما شريف هرب يوم فرحنا قالوا عليا كده. شريف عمره ما مسك ايدي غير لما كان بيعديني الشارع من العربيات. سيف اندهش بس فرح جدا ومش عارف ليه فرح. وقال في نفسه...

يا ريت يا ملك يكون ديفيد حبك بجد. لأنه لو مش بيحبك هيكشفك من اول يوم. دا واحد خطير وذكي جدا. ربنا يستر. وبعدين قال لها سيف.... ملك أنا مش فضولي ومش شايف أنك بنت وحشة لا سمح الله. بس دي أوامر حازم باشا وأنا بجد أسف. ما كانش قصدي أني أجرح كرامتك. ملك هديت شوية وقالت .... خلاص حصل خير. يلا ع التدريب بقا. وفعلا بدأوا تدريب. وأثناء التدريب سيف حاسس أن دي مش طبيعة ملك هادية وساكتة ومش بتعمل مشاكل. سيف ...

لحظة وراجعلك تاني. مشي سيف راح الجنينة ورجعلها بعد شوية وف ايده كام وردة. مدهم ف وشها. سيف.... أنا اسف. ملك اتفاجئت وضحكت... إيه النحنحة دي بقا. مش كنت جبت حاجة ناكلها احسن يا برنس. سيف... ضحك واتفاجئ من رد فعلها.... تصدقي أنا غلطان اني عبرتك. خلاص سيبي الورد. ملك.... مسكت الورد ... خلااااص يا عم هات. شغال شغال. وقالت بصوت واطي... علي رأي المثل اللي يجي منك احسن. سيف.. سمعها ورفع حواجبه.....

بتقولي حاجة يا آنسة ؟؟؟؟!!!! ملك.... كح كح لا بكح يا كابتن. مش يلا نكمل تدريب. واثناء التدريب. ملك..... بقلك ي كابتن انت ليه مش بتسمعني اغاني تحمسني بيها زي الاستاذ أحمد مظهر لما كان بيسمع اغنية اتقدم أه أه أه اتقدم للاستاذ احمد ذكي في النمر الأسود. سيف... بدهشة.... ملك انتي ليه مصرة تحسسيني أنك بتمثلي فيلم وكل حاجة هاتبقى علي مزاجك فيه. ملك.. بصت بعمق وقالت .... عشان فعلا كل حاجة هتمشي زي مانا عايزة.

سيف بصلها بصة كده بتقول ربنا يستر من دماغك. وبعد التدريب رجعوا البيت صلو واتغدوا. وبعدين سيف أخدها ع المكتب وجاب ورق وكتب. سيف.... هنبدأ دلوقتي درس اللغة العبرية. اول حاجة قولي ورايا شالوم. ملك... بتريقة ... لا شالوم دي عارفاها من فيلم ولاد العم. ادخل ع الجديد بقا يا وحش 😎. سيف.... ماشي يا ست الشاطرة. قولي ورايا (بوكير توف يعني صباح الخير) (مانشما يعني عامل ايه) (سليخا يعني اسف) (تودا يعني شكرا) (دوني . سيدي)

(آني . أنا) كان سيف بيقول وملك تردد وراه. وبعدين قالها يلا قولي أنا اسف سيدي. ملك... والكلمات قادمها وشايفاها .... آني سليخا دوني. سيف.. ابتسم .. شاطرة هتتعلمي بسرعة. يلا كورس عبري ببلاش اهو 🤣🤣.

استمر تدريب سيف لملك لمدة شهر كامل. خلال الشهر دا طبعاً ملك بذكائها الخارق كانت تجنن سيف. بس هو ليه حب كوارثها ومابقاش يضايق من اللي هي بتعمله. وملك كانت بتبذل أقصى مجهود عندها عشان تبين لسيف أنها قد المهمة وأنها كويسة. يا ترى ليه يا ملك ؟؟!! وف يوم سيف وملك قاعدين بيراجعوا مع بعض الدروس اللي أخدتها. لأنه خلاص ساعة الصفر قربت. سيف لاحظ شرود ملك وأنها مش مركزة خالص. سيف بيشاور بإيده قدام وشها ...

ملك ملك رحتي فين بتفكري ف إيه. ملك.... ها لا ابدا. سيف ... انتي عارفة أنه فاضل يومين ع السفر. ملك... أنا لسة مش عارفة اي حاجة عن ازاي هسافر. سيف ... صديقني ولا أنا. هو حازم بيه بس اللي يعرف. واكيد مستني الوقت المناسب وهيقولنا. ما قلتليش سرحانة ف إيه. ملك...

تعرف يا كابتن أنا نفسي ف إيه. نفسي قبل ما اسافر احس بجو الأسرة. ماما وهي بتسرحلي شعري. لمتنا حوالين الاكل. هزارنا ضحكنا أنا واحمد اخويا. كل حاجة كانت حلوة بنعملها. نفسي بس اعيش الاحساس دا لو حتى خمس دقايق. سيف كان متأثر جدا بكلامها بس ابتسم عشان يخبي احساسه. وبعدين طلع كل واحد اوضته وسيف كلم شخص ف التليفون و نام علي طول بعدها. في الصبح صحيوا وصلوا وفطروا. وبعدها سيف طلع أوضته لبس واتشيك ونزل تاني. سيف....

ملك اطلعي البسي عشان رايحين مشوار. ملك.... حاضر يا برنس. بس إيه الجمدان دا ع الصبح مووووز. سيف ضحك..... يا بنتي اديني فرصة مرة أنا اللي اعاكسك. لبست ملك وركبوا عربية سيف. وبعدها وصلوا عند مبني قديم من مباني مصر الأصيلة. سيف... انزلي وصلنا. ملك... وهي بتبص للعمارة.... احنا هنروح فين. سيف.... هاخطفك. ملك...

لاااااا يا باشا انت فهمتني غلط ع فكرة. أنا صحيح قلتلك أني نفسي اعيش جو الأسرة بس كإبنة مش كزوجة. آسفة يا وحش مش هطلع شقق مع حد. سيف بصدمة ... يخربيتك انتي فهمتي إيه. دا بيتنا يا حمارة. ملك ... بيت مين يا عنيا. بيتنا بأمارة إيه. أنه عشان عشنا مع بعض شهر يبقي تجمع وتقول بيتنا. آخر حاجة كنت اتوقعها منك انك تتغرر بيا 😥. سيف مصدوم حط أيده ع بوقها عشان ما تسيحش ف الشارع أكتر من كده. سيف ...

اتكتمي الله يخرب بيتك فضحتيني. وبعدين بيتكم إيه. أنا بقول بيتنا يعني بيت أهلي يا متخلفة. اطلعي قدامي يا أكبر بلوة قداااامي. طلع سيف وملك وخبطوا علي شقة. فتحت آنسة رقيقة وجميلة وشبه سيف. أول ما شفته وجريت حضنته. طبعاً ماشفتهوش من شهر. سيف كمان حضنها جامد. ودا خلي قلب ملك يدق بسرعة وهي مش عارفة ليه قلبها بيعمل كده. نور.... سيف حبيبي وحشتني اوي. سيف شالها ... وانتي أكتر يا قلب سيف. سلمي بقا ع ملك. نور....

ازيك يا ملك. احنا مستنينكو من بدري. ملك سلمت عليها وبصت لسيف باستغراب وابتسمت. وبعدها دخلوا سلموا ع والدة سيف الحاجة أمينة. ست طيبة جدا. اتصرفت مع ملك على أنها بنتها. ونور جابت لملك جلابية بيتي لبستها. واتغدوا وشربوا قهوة ودردشوا كتير وضحكوا وهزروا. الحاجة أمينة.... أخرج يا سيف اقعد ف البلكونة. سيف .... أنا بطرد بالذوق صح. ليه بقا بتطردوني. الحاجة أمينة ... لاني هسرح للبنات شعرهم. سيف.....

مانا هاتفرج بأدب. مش هضايقكو والله. قاموا البنات زقينه من ضهره وقالوا .. يلااااااااا من غير مطرود. ضحك وخرج ووقف سرحان في البلكونة. وفجأة..... شكرا بجد. سيف التفت ... ملك.. شكرا ع إيه. ملك.... اتجاهلت السؤال ... انت حنين اوي يا سيف. سيف..... سيف حاف كده من غير ألقاب. ملك..... آسفة 🤭. سيف ضحك... بهزر. قوليلي سيف ع طول. فضلوا ساكتين وياصيين من الڤراندا. وبعدين. غمض عينيه وقال ...... ملك أنا بحبك.

ملك قلبها بيدق جامد بصتله بصدمة. سيف اتوتر.... اا احم انسي خلاص. انسي إني قلتلك حاجة. ملك.... ببرود.... نسيت 😏. سكت لحظة وبعدين قال .. لا ما تنسيش. أنا بحبك بجد يا ملك. حاولت اني اخبي عشان ما تفقديش تركيزك ع المهمة. بس لازم تعرفي ... عشان لازم تحافظي علي حياتك وترجعي تاني. ملك.... ساكتة ومش عارفة ترد. بس همها زاد. هي كانت مضحية ومستعدة تموت عشان تاخد حقها. بس دلوقتي فيه هدف عشان تعيش. هي كمان حاسة بحاجة تجاه سيف.

ملك.... سيف ممكن تروحني. سيف ... باحراج... اكيد يلا. ورجعوا البيت وما حدش كلم التاني. وكل واحد بقا قاعد ف حاله. وتاني يوم الصبح عملوا الروتين اليومي بتاعهم وراحوا عند حازم اللي شرح الخطة كلها لملك وسيف. وبعدين. حازم.... ملك بصي هو ديفيد هيحاول يقرب لك فأنتي.... قبل ما يكمل كلامه قاطعته سيف. سيف بعصبية من غير ما يحس بنفسه.... فإنتي لو قربلك تسحبي مسدسه من وسطه وتفرغيه ف راسه. حازم بعصبية ... سيف انت بتقول إيه.

سيف أدرك الموقف... أنا أنا اسف اتعصبت شوية. حازم ... انت عارف أنا كنت هاقول إيه. بصي يا ملك لو حاول يقربلك ابعدي عنه بطريقة ذوق. اوعي يحس انك قرفانه منه ولا بتكرهيه. دا شخص ذكي جدا ومش بتعدي عليه حاجة بسهولة. واه خدي ورقة الجريدة دي هتفضل معاكي حسب الخطة. انتي فاهمة. وأنا خلصت كل اجرأت المستشفي والقافلة الطبية اللي رايحة فلسطين.

وفعلا ملك عدت ع المستشفي وظهر الموضوع ع أنه ملك هي اللي قدمت طلب أنها تسافر ضمن القافلة الطبية المصرية اللي مسافرة فلسطين لمساعدة الجرحي هناك. يوم السفر (ساعة الصفر) ملك جهزت كل حاجة وما نسيتش أنها تاخد ورقة الجريدة. اتوضت وصلت لله عشان يحفظها ويحفظ عرضها في المهمة الصعبة دي. ملك واقفة ف أوضتها دخل سيف. سيف... بحزن ... ملك خلي بالك علي نفسك. أنا هاجي وراكي. وهكون جمبك ما تخافيش. ملك بصتله....

سيف انت كنت قلتلي حاجة ف بيتكم وكنت عايز تعرف الرد صح. سيف..... اممم. ملك..... لو رجعت من المهمة دي بسلام عايزة شقتي اربع مطارح وحمامين ومطبخ 🙊🙈. سيف ضحك... هتوحشيني يا بلوة حياتي. وبعدين ركز ف عيونها وقرب عليها وشد الحجاب بتاعها. ملك... 🙀😳😳😳...... يتبع.