رواية حنين الليل الفصل الثالث والأربعون 43 - بقلم أميرة رمضان

بعدم استيعاب: انت اكيد بتهزر. سراج: وليه بتقول كده محسسني انكم فقراء، هي الخمسه مليون دول يجو جنب فلوسكم حاجة؟ عز: سراج بلاش الهزار الرخم ده مش وقته خالص، أنا مش فايق. سراج: بقولك إيه بقا، ده آخر كلام، عايزين الفلوس زي ما قولنا، وإحنا عرفنا إنك تعبان دلوقتي، فقدامك ٣ أيام تكون جهزت فيهم الفلوس. عز: ده على أساس إني هروح في داهية لوحدي، ما انتو كنتو معايا، وبعدين مفيش دليل أصلاً إن أنا اللي عملت كده.

سراج: ليه ي برو، يعني إحنا هنهددك من غير دليل؟ عز: يعني إيه؟ سراج: هقولك، لما انت نزلت من العربية بعد ما خبطت البت، إحنا نزلنا ومصطفى قالك يلا نمشي، انت مرضتش، عمل إيه بقا؟ طلع التليفون وصورك وانت واقف جنبها ومتوتر وخايف. عز بغضب: انتو أو*سخ صحاب شوفتهم في حياتي. سراج: هههههه تسلم ي باشا، متنساش في 3 أيام بس الفلوس تكون معانا. (عز قفل وهو عينه بتطلع شرار ومش مستوعب الغدر اللي حصل)

حنين بخوف: إيه اللي أنا سمعته ده، هما ممكن يعملو كده فعلاً؟ عز: دول ناس متهمهمش إلا الفلوس، فطبيعي يعملو أي حاجة زي دي عشان بس الفلوس. حنين: خدت بالك دلوقتي إنهم ميهمهمش إلا الفلوس، مش أيان حذرك منهم مليون مرة قبل كده. عز ساكت ودماغه فيها بركان غضب وندم. _قبل الفجر جنه بصوت عالي: يلااااااااا بسرررررعه السحور، الفجر قرب يأذن. كلهم اتجمعوا ماعدا يوسف وكارما وعز. أيان: مصحيتش أخوك ليه؟

رعد: ده غيبوبة، بصحي فيه بقالي ساعة مش راضي يصحى. ميرا: أنا كبيت على وشه مايه وبرضو مفيش فايدة، اتقلب الجنب التاني وكمل نوم، ده هيشلني. سندس: لأ، أنا هطلع أصحيه، مش هيهون عليا أسيبه من غير سحور. رعد: وفين عز؟ حنين: لأ، هو تعبان شوية، مش هيقدر يصوم. رعد: أنا فعلاً مشفتهوش امبارح خالص. نوح: وانتي ي كارما مش هتاكلي حاجة خالص؟ كارما: لأ ي بابي، أنا مش بقدر أتسحر، أنا هشرب مايه بس.

حنين: ماما بتقول إن لازم نتسحر لأنها سنة عن النبي صلى الله عليه وسلم، مش بمزاجنا. كارما: طب ناوليني الجبنة دي. حنين: أنا بقولك تعالي اتسحري، مش تعالي كلي أكلي. _حيدر: يااااااابت اصحي بسرعة، الفجر فاضل عليه دقيقة، اشربي بسرعة. مليكه بخضه: يالهووووي، هات بسرررررعه. حيدر ببرود: لأ، أنا عطشان، هشرب الأول. مليكه بغضب: دانت مستفزززز، طب بتصحيني ليييييه؟ رحيم: في إيه؟

مليكه: بيصحيني وبيقولي باقي دقيقة على الفجر، وبقالو هات اشرب، قالي أنا عطشان وشرب هو، وأكيد الدقيقة خلصت والفجر أذن. رحيم: سلامة ودانك ي بنتي، انتي سمعتي الفجر أذن؟ مليكه باستيعاب: لأ. ندي: قومي ي تايهة، ده باقي أكتر من نص ساعة على الفجر. مليكه: بجد. (وبصت لحيدر بغضب وقالت) اااانت بتعمل فياااااا كده ليييييه؟ الله يحر*قك. ندي: ملييييكه، اياكي تدعي على أخوكي تاني، انتي فاهمة؟ مليكه: آه، ماهو عشان حبيب أمه.

ندي: تعالي يابني نلحق السحور، الكلام هياخدنا ومش هنتسحر. (ندي وحيدر طلعو ورحيم قعد جنب مليكه) رحيم بحنيه: انتي زعلتي ليه؟ مليكه: لو دعيت عليه أو زعقت فيه أو عملت ليه أي حاجة، بتتعصبي عليا زي ما انت شوفت. رحيم: مينفعش تدعي على أخوكي كده، غلط، افرضي استجابت هتبقي مبسوطة؟ مليكه: لأ، أنا بهزر معاه، مش قصدي إنه يحصل فيه كده.

رحيم: مينفعش نهزر بدعاء، الدعاء ده ندعي بيه بالخير لكل الناس، لكن بلاش ندعي على حد، مهما كانت الدعوة بسيطة. مليكه: ماشي. رحيم بضحك: قومي بقا نلحق السحور قبل ما يخلص. (سندس نزلت من فوق بقله حيله) رعد: قولتلك مش هيصحى، مسمعتيش كلامنا. سندس: كنت عايزاه يتسحر عشان ميتعبش بكرة من الصيام. ميرا: قل يعني ماشاء الله صيام يوسف مقطع بعضه. سندس: بس ي بت. ماريا بصوت واطي لحنين: هو عز صاحي ولا نايم؟

حنين: هو كان صاحي من شوية، بس مش عارفة دلوقتي صاحي ولا نايم. ماريا: اها. حنين: مالك؟ ماريا: حاسة إنك مخبية عليا حاجة. حنين بتوتر: حاجة إيه؟ ماريا: انتي وعز مش طبيعين من امبارح، وحاسة إن في حاجة حصلت، وبذات إن عز الضغط بتاعه مش مظبوط والتعب المفاجئ ده. حنين: إيه ي ماري، هو التعب بيستأذن يعني؟ (تليفون أيان رن) حنين ركزت معاه. أيان: الو. بجد، طب أنا جاي حالا. حنين بفضول: رايح فين دلوقتي؟ أيان: مشوار ضروري، سلام عليكم.

فارس: مش هتصلي معانا الفجر؟ أيان: لسه باقي ربع ساعة، هصليه في أقرب جامع ليه لما يأذن. نوح بمشاكسه: اتغيرت ي عم فارس، بقيت انت اللي بتقولنا على الصلاة. فارس وهو بيبص لسندس بحب: نعمل إيه بقا، ماهو البركة فيها. سندس بكسوف: بس البنات قاعدين. كارما: هو عمل إيه يعني بيبصلك بحب، دانا نفسي في واحد يفضل يحبني كده طول العمر. فارس: انتي هتحسدنا ولا إيه ي بت. ماريا: آه، البت كارما دي عينها صفرا، هنصحى نلاقيك مط*لق ماما.

سندس بغضب: طلا*ق إيه ي بنت الجز*مة انتي. جنه: إيه ي مامي، انتي خوفتي كده ليه؟ لدرجادي مش هتقدري تبعدي عنه؟ سندس: عمري ما أقدر أبعد عنه. البنات في صوت واحد: أيوا بقاااااا. (والله الناس دي رايقة وفايقة، أنا لما بصحى أتسحر مش بكون شايفة أنا باكل إيه أصلاً😂) _أيان وصل المستشفى. إيه ي دكتور، هي عاملة إيه دلوقتي؟

الدكتور: الحمد لله، هي كويسة، بس في كسور كتير في جسمها، هتاخد وقت لما تتعافى، وبعديها هتكمل علاج طبيعي عشان تقدر تمشي على رجليها. أيان بحزن: تمام ي دكتور. (طلع عند الأوضة وخبط) هدي: ادخل. أيان من برا: ده أنا ي طنط، ممكن تطلعي عايزك. هدي خرجت من الأوضة. أيان: هي زهرة صاحية ولا نايمة؟ هدي: هي فاقت من شوية والدكتور طمنا عليها ونامت تاني من كمية العلاج اللي واخداها. أيان: أنا مش قولتلك لما تفوق كلميني.

هدي: ماهو ي ابني الوقت اتأخر وما حبتش إني أزعجك. أيان: المرادي أنا ليا حق عندك. هدي: حقك على راسي. أيان بضحك: ده انت اللي على راسي ي با.