رواية حنين الليل الفصل السابع والعشرون 27 - بقلم أميرة رمضان

_أنا مش موافق على الجوازة دي. ندي طلعت وقالت: _وأنا بقااااا موافقة ومش هتجوز غيره. سيد: _انتي تخرسي ي بت ومسمعش صوتك. ندي بإصرار: _لاء مش هخرس، أنا مش هتجوز إلا رحيم. سوسن: _اسمعي ي بت كلام أبوكي وادخلي جوا، مفيش جواز. ندي: _لاء هتجوز، خليني أغور من هنا، زهقت من اللي بتعملوه فيااااا. (واتفاجأت بالكف نزل على وشها) سيد: _انتي متقوليش لاء أبداً، سامعة؟ واللي أنا عاوزه هعمله، مفيش جواز من رحيم، انتي هتتجوزي فارس وخلصنا.

ندي بانفعال: _حرام عليكم بقا، عايزين تجوزوني غصب عني ليييه؟ أنا والله ما هتجوزه، وقلت لكم قبل كده أنا مش هتجوز فارس، مش هكون نسخة تانية من حنين، هي خافت على أمها لكن أنا معنديش اللي أخاف عليه وههرب لو غصبتوني عليااااا. (سيد مسكها من شعرها وضربها جامد وندي بتصرخ من الوجع وبسمة بتحاول تبعده عنها) بسمة: _ابعددددد عنهاااااا، هتموتوا في ااااايدكككككك. _إيه الصوت ده ي ماما؟ ماما بقلق: _مش عارفة بس ده جاي من شقة عمك تحت.

_يالهوووووي ده صوت ندي وبسمة. _فين الطرحة؟ (خدت الطرحة ونزلت جري بسرعة وقابلني ليل على السلالم) ليل بقلق: _بتجري لييه كده وإيه الصراخ ده؟ (مصدقت إن ليل جه لأنه هو الوحيد اللي هيقدر يبعد عمي عنهم) _كويس إنك جيت، تعالي بسرعة بالله عليك. (خبطنا على الباب وفتحتلي بسمة بسرعة) بسمة بسرعة: _لييييل بالله عليك خليييه يسيبهاااااا.

(لما شفت منظر ندي وهي واقعة في الأرض وهو بيضربها بإيديه ورجليه في بطنها ووشها حسيت إني اتجمدت مكاني) (ليل مسك عمي بسرعة وبعده عن ندي اللي مقدرتش تتحرك من مكانها) بسمة جابت طرحة وغطت شعر ندي وجريت عليها حضنتها وهي مسكت فيا أوي. ليل: _انت إزاي أب؟ حد يعمل كده في بنته؟ عمي: _دي بنت قليلة الأدب وكنت بربيها. ليل بعصبية: _بتربيها ولا بتموتهاااا؟ إزااي عندك قلب تعمل فيهاااا كددده؟ (وبص لمرات عمه)

وانتي إزااااااي شايفة بنتك بتتضرب كده وقاعدة في البرود ده كله؟ انتي مش بتحسي؟ مرات عمه: _هي اللي لسانها طويل، تستاهل. ماما: _منك لله ي سوسن انتي وسيد على اللي عملتوه في البنت. ده انتي إزاي أم؟ إزاي بجبروتك ده تكوني اااااام؟ ندي بحزن وكسرة: _دخليني أوضتي، أنا مش عايزة أشوفهم. #بقلمي _اميره _رمضان _مسعود _انتوووو ااااااي شياطييييين؟ بتعملو فيهاااااا كده لييييه؟

ده انتو عقابكم هيبقاااا ملوش آخر. حسبي الله ونعم الوكيل فييييييكم. مرات عمي: _انتي إيه اللي جابك هنا أصلاً؟ انتي وأمك يلا اطلعوا برا بيتي. ليل بغضب: _انتي بتقولي ااااي؟ عمي: _اخرسي ي وليه، وعليا الطلاق لو نطقتي كلمة كمان مهتقعدي فيها. احنا آسفين ي بيه، هي متقصدش. _ليل يلا نمشي، يلا ي ماما. (بسمة اتضايقت منهم وكانت هتمشي بس أنا أصرت إنها تبقا موجودة مع ندي) (ومشيت أنا وليل ورحنا الحضانة جبنا آيان وتالين ورجعنا البيت)

_خديجة قاعدة بتشتغل وفي رسالة جات على تليفونها. (فتحت الرسالة وكان نوح) نوح: _مش هتقوليلي كنتي بتبكي ليه؟ خديجة كانت مبسوطة أوي ردت عليه برسالة: _عادي، وهتفرق معاك تعرف السبب؟ نوح: _مش هتفرق أوي، بس إحنا كنا في يوم من الأيام أصحاب، فواجب عليا إني أسألك. خديجة اتضايقت: _تمام، شكراً على سؤالك. نوح: _مجتيش الشركة انهاردة ليه؟ خديجة: _عادي، بشتغل في البيت، مش حابة أجي وأقطع عليك اللحظة وانت مع الست هانم. نوح حب

يغيظها عشان ترجع الشركة: _امممم، طب كويس، علمًا كده أحلى، خليكي في البيت. خديجة بضيق: _ومالو، بس أنا اللي أقول اشتغل في البيت ولا الشركة، انت ملكش دعوة أصلاً. #بقلمي _اميره _رمضان _مسعود نوح بيكتم ضحكته: _طيب، عايزة حاجة بقا عشان ورايا ميعاد. خديجة: _لاااااااء مش عاااااايزة، ومتتصلش علياااا تاااااني. (وقفلت التليفون بغضب) نوح كان مبسوط وهي غيرانة عليه كده وقال:

_مهما بعدتي عني انتي لسه جوه قلبي، بس لازم أعرفك إزاي تبعدي وتسبيني كده تاني. أما بنسبة لحبيبة ف أنا لازم أقولها الحقيقة وهعرض عليها تكمل معايا في التمثيل، وأما نشوف آخرتها ي بنت الحديدي. سيد بيتكلم في التليفون: _ي حبيبتي، ماهو انتي عارفة المشاكل اللي فيها، وكمان زادت مشكلة البت ندي. المتصل: _مالها؟ سيد: _جايلها عريس وأنا مش عاوزه وهي موافقة وعاندت معايا وضربتها. المتصل:

_لاء بقولك إيه، أنا مش هستنى لما ييجي عريس على مزاجك وتجوزها، أنا عايزة أخلص بقاااا من الهم ده. سيد: _أنا عيني على عريس جامد. المتصل: _وأنا مش هستنى الجامد ده لما ييجي، هتكون روحي طلعت. بقولك إيه، انت وافق على العريس ده ودوس عليه في الطلبات، وافق يبقى تمام، وافقش يبقى تشوف غيره، وكله في السريع. سيد: _انتي شايفة كده؟ المتصل: _طبعاً ي عمرري. سندس: _لولولولولوووووووووووووي، عشت وشفت اليوم اللي أشوفك فيه عريس. رحيم:

_بس ي بت، أوعي من وشي. شهد: _أنا هاجي معاكم. رحيم: _إحنا مش رايحين نتفسح، ده لسه هنشوف هيوافقوا ولا لاء. فايزة أم رحيم: _إزاي ده؟ وهما يطولوا؟ سندس بضحك: _معلش ي طنط، القرد في عين أمه بقا. فايزة: _ماشي ي جذ*مة. أسامة: _انتي رايحة فين كده ي بت؟ سندس: _رايحة معاكم. أسامة: _لاء، إحنا مش هنلم لمه. سندس: _أنا مش رايحة تبعكم أصلاً، أنا تبع العروسة، وكمان هسابقكم على البيت، وياريت تدخلوا محترمين كده عشان أخليها توافق. رحيم:

_أسامة اقتل اختك ويلااا. #بقلمي _اميره _رمضان _مسعود _بعد ساعة. سندس: _يالهوووووي، إيه الكدمات اللي في وشك دي؟ ندي: _أنا أبويا لو ركب دماغه ورفض، أنا هنتحر بقا. بسمة: _بطلي هبل، استغفري الله، حرام عليكي. ندي ببكاء: _أنا تعبت والله ومش قادرة أستحمل أكتر من كده. بسمة: _ربنا عالم بيكي وفرجه قريب، ومتيأسيش أبداً من رحمته. ندي: _ونعم بالله. سندس: _ثواني بس، فهموني إيه اللي حصل. (بسمة حكت لسندس كل حاجة بس مجابتش سيرة فارس)

سندس: _يعني مش هيوافق؟ بسمة: _لاء، إن شاء الله هيوافق، إن شاء الله، ادعوا انتوا بس. (سمعوا صوت زغاريت) سندس: _دي مرات عمي اللي بتزغرط. ندي بذهول وفرحة: _إيه ده؟ هو بابا وافق؟ سندس: _هطلع أشوف حصل إيه. بعد دقيقة. سندس: _لولولولوووووووووووووي، مبررررررووووووك ي قلبااااااااااي. (ندي بكت من الفرحة وحضنت سندس أوووووي) بعد شوية. (ندي طلعت تقعد شوية مع رحيم وكانت مخبية أثر الضرب بالطرحة) رحيم: _مبروك. ندي بكسوف:

_الله يبارك فيك، بس أنا كنت عايزة أسألك على حاجات كتيرة. رحيم: _هتعرفي كل حاجة في وقتها، بس أتمنى تكون دي إرادتك ومحدش يكون غصب عليكي إنك توافقي. ندي ابتسمت بسخرية وقالت في بالها: _دول غصبوني عليا. رحيم: _ندي؟ ندي: _أيوا معاك. لاء محدش غصب عليا، دي إرادتي أنا. (دخلت بسمة بالعصير وسندس من وراها بالحلويات) سندس بضحك: _اطفح ي عريس، مش بتطفح ليه؟ رحيم: _شوفي ي ندي، أول حاجة عشان نكمل مع بعض إنك تقطعي علاقتك بالبت دي.

ندي بضحك: _أنا قاطعة علاقتي بيها من زمان أصلاً. (وخدت العصير وقدمته لرحيم) _اتفضل اشرب. رحيم بياخد منها العصير وخد باله من بصمة كف على وشها. رحيم باستغراب وغضب: _بتقوليلي إن محدش غصب عليكي، امال إيه اللي على وشك ده؟ ندي شدت الطرحة بسرعة وقالت بتوتر: _دي دي حساسية. رحيم بغضب: _بطلي كدب، كان من الأول لما سألتك كنتي رفضتي ومكنتش جيت، ولا كان حد ضربك وغصب عليكي إنك توافقي. (ندي دموعها نزلت ومعرفتش تتكلم) بسمة:

_رحييم، اهدا، عايز تعرف إيه اللي على وشها ده؟ أقولك أنا. ندي: _بسمه لاء، اسكتي. بسمة: _لاء، هقوله، أبوها وأمها مكنوش موافقين عليك خالص، ولما هي أصرت إنها هتتجوزك، خدت علقة موت وجسمها كله وارم من الضرب، مش بس الكف اللي على وشها ده. رحيم باستغراب: _ليه يضربها كده؟ لييه كل ده عشان مش عايزيني؟ بسمة:

_مش بالظبط كده، انت عارف إنهم ميهمهمش إلا الفلوس، ومتزعلش مني، هما شايفينك مش العريس المناسب لأنهم عايزين واحد غني، وأنا واثقة إنهم طلبوا منك طلبات مستحيلة وانت وافقت. (رحيم سكت بعد الكلام اللي سمعه) ندي أخيراً اتكلمت: _رحيم، أنا عارفة إنك مش هتقدر على طلباتهم، وأنا مستعدة أقف في وشهم عشانك، ومش عايزة منك تجيب أي حاجة من الطلبات دي. (وقالت بدموع) أنا مش عايزة إلا انت. رحيم فرح من كلامها وقال:

_بطلي بكاء بقااا، مش عايز أشوف دموعك دي، وكل اللي طلبوه هيجيلك وأكتر كمان، ومتعارضيش أهلك، كفاية عليكي كده، مش عايز حد يمد إيده عليكي لحد متبقي في بيتي، اسمعي الكلام ومتشغليش بالك، أنا مش هسيبك. (وقال بضحك) كلها خمس شهور، محدش هيمد إيده عليكي إلا أنا. (ندي مكانتش مصدقة الكلام ده وفرحت أوووي) سندس: _والله العظيم انت ابن عم رااااجل، خد بوسة ياض. (ورمت ليه بوسة في الهوا) ندي بصتلها بغضب جحيمي:

_عارفة لو قررتي الحركة دي تاني أنا هعمل فيكي اااااااي. سندس: _ده أخويا ي اختشي، مالك انتي؟ ندي بردح: _وده جوزي المستقبلي ي عنياااااا. اطعي إنك منها بدل ما أطلعك من الدنيا خالص. بسمة بضحك: _شايف الهادية الكيوت قلبت عشماوي إزاي؟ رحيم بضحك: _ربنا معايا بقا على اللي هشوفو. #بقلمي _اميره _رمضان _مسعود _سوسن بغضب: _انت إزاي وافقت على الجوازة دي؟ سيد: _وافقت، أنا حر. سوسن: _إحنا مش قولنا هنجوزها لواحد غني؟ سيد:

_خلاص بقا، نصيبها كده، اطلعي من دماغي بقا. سوسن: _طب عايزين فلوس بقا نجبلها باقي الجهاز عشان مش عارفة، انت مستعجل على إيه؟ سيد: _هنطول المدة ليه؟ خلينا نجوزها ونخلص بقااا، كفاية خمس شهور. سوسن: _ماشي ي أخويا، هات الفلوس اللي في البنك. سيد بعصبية: _متجبيش سيرة الفلوس دي على لسانك، ملكيش دعوة بيها. سوسن: _لاء، ليييه؟ امال مين اللي ليه؟ سيد: _لاء، محدش ليه دعوة غيري أنا، واتخمدي بقاااا عشان مسافر الصبح، هقعد أسبوع.

سوسن: _أموت وأعرف بتروح فين المدة دي كلها؟ سيد: _موتي، وهبقا أقولك على قبرك. #بقلمي _اميره _رمضان _مسعود _أنا هعملك القهوة. ليل مسك إيدي: _اقعدي بس الأول، انتي لسه زعلانه من اللي حصل؟ اتخنقت في البكاء: _لاء، مش زعلانه. ليل حضني وأنا مصدقت، بكيت كتير أوي وقولت:

_أنا صعبان عليا ندي أوي، نصيبها إن يكون عندها أم وأب بالشكل ده، لما كان بيضربها افتكرت نفس المنظر اللي كان بيضربني بيه زمان، من بعد بابا ما مات كان بيضربني أوي، بس أنا كنت بلاقي ماما وأختي خايفين عليا، وبعد ما يضربني كنت بترمي في حضن ماما أبكي، لكن هي ي حبيبة قلبي أمها وأختها قاعدين يتفرجوا عليها وهي بتضرب بالشكل ده ومحدش دافع عنها. تعرف انت لو مكنتش موجود مكنش سابها أبداً، بس هما بيعملوا حساب للفلوس عشان كده سابوا ندي وزعقوا لمراته لما قالتلنا كده، مع العلم هي بتقول كلام أسوأ من كده مليون مرة.

ليل: _إن شاء الله خير، متقلقيش، ربنا هيعوضها أكيد عن كل اللي شافته. _منه لله، اللهي تتكسر فرحته زي ما كسر فرحتها، جايلها دلوقتي عريس وهي كانت طايرة من الفرحة، وأنا متأكدة إن عمي ضربها عشان العريس. #بقلمي _اميره _رمضان _مسعود ليل: _ليه كان عايزها تتجوزوا غصب عنها؟ _لاء، كان عايز يجوزها واحد غني عشان يصرف عليهم، لكن رحيم شغله بسيط. ليل: _رحيم مين؟ ابن عم سندس؟ _أه، انت تعرفه؟ ليل:

_ده هيبقا بينا شغل الفترة الجاية، و رحيم ده هيبقا من أكبر المهندسين في مصر. رديت بفرحة: _انت بتتكلم جد؟ ليل: _اه والله. _ده إيه الخبر القمر ده، بس ادعي بس عمي يوافق، لأن متعرفش الاتنين دول لايقين على بعض إزاي. ليل بغمزة: _زي أنا وانتي. _لاء ي روحي، مفيش حد زيك أبداً. ليل: _أيوا بقااااا، بقولك إيه، الأسبوعين خلصوا وكده بقا إيه؟ _إيه؟ ليل: _جتلك أوه المكافأة ي روحي. قولت بضحك وكسوف: _لاااااااء. ليل: _هتهربي على فين؟

ده انتي في حضني خلاص. دقت ساعة العمل. غمضت عيني بكسوف ووو تسكت شهرزاد عن الكلام. _بعد يومين. خديجة بضحك: _انت إزاي رايح تخطب بعد القرار ده؟ فارس: _قرار إيه؟ خديجة: _القرار اللي قالب السوشيال ميديا بتاع إلغاء القايمة، والعريس هو اللي هيجهز نفسه. فارس: _إزاي يعني؟ خديجة بضحك أكتر:

_يعني انت هتجيب الكوبايات وطقم التيفال والصيني والمفارش وكل حاجة في الشقة، ومش بس ده، وكان الشقة وفستان العروسة والكوافير ولبس العروسة والمكياج. فارس: _باااااااس، هو أي ده كله؟ وانتوا بقا عليكم إيه؟ خديجة: _ركعتين الاستخارة. فارس: _هتتعبوا أوي بصراحة. خديجة:

_طبعاً، بس بقولك إيه، أنا كنت شارية كام طقم مفرش لسرير و طقم التيفال، أنا ممكن أبيعهم لك تجهز بيهم نفسك، ومتقلقش، هظبطك في السعر. هههههههههه، همووووووت، مش قااااادرة أتخيلك وانت نازل تشتري الصيني، هههههههههه. فارس بعصبية: _غورررري من وشي، أبو شكلك.