رواية حنين الليل الفصل الخامس عشر 15 - بقلم أميرة رمضان

حنين طالعة من أوضتها وفجأة حاجة فرقعت جامد. حنين بصراخ: يا ماماااا. رعد جه بسرعة: في إيه؟ ميرا بضحك: هههههههه همووووت. كل سنة وانتو طيبين. ولعت صاروخ تاني جنب رجل حنين. حنين بخوف هيستيري استخبت في ضهر رعد. حنين: ميرااااا متتجننيش. ميرا: أنا مش عارفة انتي خوافة ليه كده، ده صاروخ. رعد: تعرفي لولا اللي حصل ده (إن حنين استخبت فيه) كنت ولعت فيكي. ميرا بغمزة: أي خدعة عد الجمايل.

حنين بغضب: والله إنتِ واختك مجانين، أنا نازلة. يوسف جه بسرعة وقال: كل سنة وانتو طيبين. ولع صاروخ جنبيه. رعد: حنين ابعدي، في صاروخ جنبك. حنين بخوف: فين؟ (رعد وقف على الصاروخ وطفاه) حنين بانفعال: منك لله يازفت، إنتو عيلة مجنونة. يوسف: بت ياميرا تعالي نروح نفرقع عند ماريا وجنى كده. حنين خدت حقها. ميرا بجنان: يلاااا. رعد: حنين إنتي رايحة فين؟ حنين بزعل: أنا داخلة أوضتي. رعد: إنتي زعلتي منهم، دول بيهزروا وفرحانين بالعيد.

حنين: منا كمان فرحانة، بس هما عارفين إني بخاف من الصواريخ وبرضه لازم يغيظوني. رعد: طب ما تخافيش، تعالي نفطر واقعدي جنبي ومش هخلي حد يقرب منك. حنين: بجد ولا هتبيعني؟ رعد: عيب عليك ياعشري. حنين بضحك: طب قدامي عشان تبقا في وش المخاطر. *** أهلاً أهلاً، أخيراً نزلتي ولا مكنتيش حابة تفطري معانا؟ كارما: لأ يطنط عادي، أنا بس كنت تعبانة شوية. ميس بتمثيل قدام عمر: ألف سلامة عليكي ياقلبي. خلاص متعمليش حاجة وأنا هعملها بدالك.

كارما باستغراب: سبحان مغير الأحوال. وبعدين شكراً، مش محتاجة منك حاجة. ميس بدموع مزيفة: شوف ياعمر، طول عمري مش طايقاني ومش بتقبل إني أكون صحبتها، و طول عمري شايفاني وحشة. دنيا بصوت واطي: مش لوحدها اللي شايفاكي وحشة. عمر بص لميس ومش مصدقها: طيب نفطر الأول عشان كارما تطلع ترتاح. كارما بصت لميس بنظرة نصر وميس كانت هتولع. *** بعد الفطار. ميرا: يا ليلة العيييييد، إنيستيناااااا. جنى: مش عارفة تغني، اسكتي متشوهيش الأغنية.

حنين بفرحة: كل سنة وانتو طيبين يابنات. ماريا: وإنتي طيبة يختي. حنين: مالك ياتماريا؟ ماريا: إحنا قاعدين كده ومفيش واحدة حتى عملت ماسك، خلينا كده جعفر في نفسنا. ميرا: قال إيه، خلقتنا هتتغير، ماهي بتفضل هي هي. حنين: أيوا أنا مع ماريا، على الأقل حتى نرضي ضميرنا. وأنا كلمت مليكة تيجي وقالتلي حيدر هيوصلها، وتالين ومالك وسليم هييجوا يقعدوا شوية. ميرا بخبث: أشطا، وأنا مجهزة لاستقبالهم. حنين: بت إنتي ابعدي عني.

ميرا: عيب عليكي يابت، مش هعملك حاجة. كفاية عليكم كده. ماريا بعصبية: دي مجنونة، رمت الصاروخ على الستارة وكانت هتولع فيها، بس ربنا ستر. ميرا بضحك: العيد فرحة بقا. *** أيان قاعد في الجنينة محتار. حنين: قلبي مالك كده؟ كل سنة وانت طيب. أيان: وإنتي طيبة يابنت قلبي. حنين بمكر: في حاجة ولا إيه؟ قوليلى. أيان: لأ مفيش. حنين: امممممم، أصل أنا كنت هكلم زهرة أعيّد عليها، عايز منها حاجة. أيان: إنتي معاكي رقمها؟

حنين: شور، دي صحبتي أصلاً. أيان: بجد تعرفيها منين؟ أومال مقولتليش ليه؟ حنين: منا مكنتش أعرف إن هي البنت دي اللي إنت حكيتلي عنها، وبعدين هي مش صحبتي أوي، بس اتقربنا من بعض الفترة دي. أيان: طب رني عليها وأديني أكلمها. حنين: يعني بعد الكلام ده كله عنها، وفي الآخر مش معاك رقمها؟ أيان: شوفتي بقا. حنين: طب استني. (طلعت التليفون ورنت عليها) الو، إزيك يازوزو؟ زهره: حبيبتي، بخير. كل عام وإنتي بخير.

حنين: وإنتي بخير، صحتك عاملة إيه دلوقتي؟ زهره: يعني الحمد لله، بقيت أحسن. حنين: يعني هتخلصي على اللحمة بكرة؟ زهره: ههههههه، دي حاجة أكيدة. حنين: طب يبقى خليلي حتة. زهره: إنتي هتبصيلي في اللحمة ولا إيه؟ وبعدين أنا هستناكي بكرة إنتي وماريا. حنين بخبث: أنا وماريا بس؟ زهره بتوتر: لو عايزة تجيبي حد معاكي هاتيه، إنتو تنوروا كلكم. حنين: امممم، لأ. من ناحية هنور، فإحنا فعلاً هنور. زهره: هستناكم.

حنين: طيب ياقلبي، أشوفك بكرة بقا، سلام. أيان بغضب: قفلتي ليه يابت إنتي؟ أنا مش قولتلك عايز أكلمها. حنين بضحك: أهدي بس. (وقالت بغمزة) بكرا هتيجي معانا نزورها. *** كارما: أيواا، علقها هنا كده. الحمد لله خلصنا. عمر: آه ياضهري. منك لله، مش قادر أقف. كارما: شوف عشان تحس إحنا بنتعب إزاي. عمر: ده على أساس إننا بنلعب؟ منكم لله عشان مش مقدرين تعبنا. كارما: ده على أساس إنكم بتقدرونا.

عمر: باااااااااس، إحنا هندخل في حوارات حقوق المرأة دلوقتي، الليلة ليلة عيد. كارما: أيوا، يعني عايز إيه يعني؟ عمر بغمزة: تعالي أقولك، بس جوا مش هنا. كارما: هتقولي على إيه؟ وبعدين إنت بتغمز ليه؟ عمر بضحك: يخربيت الغباااا*ااااء. *** ماريا: أنا هقوم أشرب. ميرا: هاتيلي معاكي. يوسف: وأنا. ماريا: لأ، اللي عايز يطفح يقوم يطفح. (ومشت) وفجأة مليكة وسليم ولعوا صواريخ جنبيهم وقالوا: كللللل سنةهههههه وانتووووووو طيبيييييييين.

ميرا وقفت على الكرسي: يخربيتكم، خضتوني، منكم لله. يوسف: اللي هنعمله في الناس هيطلع علينا ولا إيه؟ حنين بضحك: هههههه، تسلميلي يابت، عملتي زي ماقلتلك. مليكة: عيب عليكي، جبتلك حقكم. ميرا: إنتو متفقين بقاا. حنين بصت لها بنصر: بظبط كده. ميرا: دانا هولع فيكي بقا المرة دي. كلهم جرو ورا بعض وفي جو من الفرحة والضحك واللعب. *** في المطبخ. ماريا جاتلها رسالة، فتحتها. الرسالة:

"إنتي بقا اللي بلغتي علينا، لو مفكرة إنك كده ناصحة وعملتي كده عشان تنقذي عز، تبقي بتحلمي وهدفعكم التمن. اللي عملتيه بس هاخده من عز. لو عايزة تشوفيه وهو بيموت، تقدري تطلعي فوق البيت وتشوفي وهو بيلتقط أنفاسه الأخيرة." ماريا اتوترت: لأ، لأ، مستحيل، مستحيل. جرت على فوق وهي حرفياً مش عارفة تمشي من الخوف والرعب. ماريا وصلت فوق واتصدمت من اللي شافته.