رواية حور الفصل الرابع 4 - بقلم منة

حور واقفة قدام أوضة مالك راحة جاية بخوف وقلق. الدكتور طلع بهدوء وهي جريت عليه رغم تعبها. حور وهي بتطلع صوتها بالعافية: هو كويس صح؟ دكتور: اطمني، خيطنا الجرح بس لازم يتغذى كويس. وقال بهدوء: باين عليكي مش كويسة يا مدام، أطلب البوليس. حور اتنهدت بهدوء: لا لا مفيش داعي، هو بس من الخضة. ورجعت لورا قعدت وهي تاخد نفسها وبتفتكر اللي حصلها ولمسات يزن ليها ودموعها تنزل. حسين جه عليها بخضة وخوف: إيه اللي حصل؟

أنا أول ما الحراس كلموني وقالولي إنك طلعتي وإنتي شايلة مالك جيت على طول، هو فين؟ حور بصتله وضمت نفسها وهي بتفتكر اللي حصل ومردتش عليه. حسين قرب عليها بقلق: حور في إيه؟ فهمني يا بنتي، مالك فين وجراله إيه؟ حور مكنتش دريانة وقاعدة نفس قاعدتها وهي دموعها نازلة من سكات وفجأة اغمي عليها. *** بعد شهر يزن بزهق: أنا تعبت من القرف ده، لأمتى هتفضلي كده؟ حور بصتله بكرهه وقرف: اخرج برة. يزن بص لها ببرود وخرج.

لقى مالك داخل الأوضة، بص له بحب وابتسامة بس مالك كأنه مشافوش ومشي من جنبه ودخل لحور. يزن بص بضيق ومشي. حور بصت لمالك اللي دخل وابتسمت ومالك قعد جنبها وحضنها. مالك: أنا بحبك أوي. حور بدلته الحضن بدموع: والله اللي مصبرني في المكان ده هو إنت، وأنا بحبك أكتر. مالك بص لها: تعالي نخرج. حور اتبسطت لأنها كان نفسها تخرج وتبعد شوية: فكرة خلصانة، روح البس وأنا هلبس ونخرج مع بعض يا معلم. مالك ابتسم بفرحة وراح أوضته يلبس. ***

يزن بضيق: أنا تعبت. أحمد بخبث: خد دي يا صاحبي وانت هتبقى فل. يزن ابتسم بخبث وخدها: خلصانة. يزن مسك فونه واتصل بحد بس كنسل، رما الفون بغضب وقام مشي. وأحمد بص لأثره بخبث. *** حور كانت ماسكة مالك وخرجوا وراحوا ملاهي ولعبوا مع بعض كتير وكانت فرحانة. حور قعدت بتعب: خلاص تعبت أوي. مالك قعد وهو بيضحك: كسبتك يا ماما. حور ابتسمت لما سمعت الكلمة دي منه: تعرف إني بحب الكلمة دي منك أوي، حساك ابني بجد. مالك

وهو بيبص في السما بحزن: ماما الحقيقية بردو كانت جميلة زيك، فاكرها مع إني كنت صغير جداً، كل أما أبصلك أحسك إنتي. حور بصت له بحزن: هي معاك كدة كدة وفي قلبك. مالك بص لها بدموع وحضنها جامد: أرجوكي متسبنيش زيها، أو بمعنى أصح زيهم. حور بصت له باستغراب. مالك: أنا عارف إن يزن مش بابا، يزن عمي، أنا صغير بس عارف، بس مردتش أحرم نفسي من الكلمة دي. حور عينيها دمعت وحضنته: صدقني عمري ماهسيبك.

وقالت وهي بتمسح دموعه: ويلا بقي نكمل لعب، كفاية نكد. *** زينة: أنا عايزة أشوف حور أوي يا فرح. فرح بصت لها وقالت ببرود: هنشوفها يا زينة، هي مش هتطير يعني، المهم نشغل الفيلم ده ولا ده. زينة بصت لها بزهق وقالت وهي بتقوم: يخربيت برودك، هي دي مش صاحبة عمرك بردو؟ مش عارفة جايلك قلب بقالك أكتر من شهرين متعرفيش عنها حاجة وإنتي عارفة اللي حصلها، وعادي يا ستي، أنا ماشية. فرح بصت ليها وسكتت.

بس الباب خبط وزينة خارجة، زينة فتحت الباب لقت يزن قدامها. يزن...