رواية حورية رابح الفصل الخامس 5 - بقلم عليا خليل

مجهول: صورك على النت يا عروسة. بعتلك اللينك، ابقى شوفيه بقى. رابح فتح اللينك وهو مصدوم. حور بدموع: أنا والله هفهمك. رابح: انتي أرخص واحدة أنا شوفتها في حياتي. حور: أرجوك سيبني أروح له، هو عمل كده عشان مسمعتش كلامه. أنا هعرف أخليه يمسحهم. رابح: صحيح أقول إيه، ما أنتي مكنتيش بتشوفي في البندر رجالة. حور: والله يا رابح أنا غلط، بس أنا اتظلمتِ. رابح: اتظلمتي كيف عاد؟ حور: أرجوك مفيش وقت، أنا عايزة أمشي من هنا.

رابح بهدوء: بصي يا حور، أنا ممكن أقف جنبك حتى لو طايق أشوف خلقتك، بس اعرف إيه جرى وأنا أوعدك مين ما يكون هجيبلك حقك منه. والصور دي في لحظة همسحها. حور: أنا كان ليا زميل في الجامعة كان طول الوقت بيضايقني، وفي يوم اعترض طريقي وخدرني واكتشفت إنه أخدني وصورني وأنا مكنتش أعرف. وبعدها بدأ يهددني ويبتزني. حاولت كذا مرة أقول لبابا بس خوفت على هنا ولو حد عرف كده يأثر عليها. رابح: وابن الكلب ده وصل معاكي لحد إيه؟

حور بخجل: يعني إيه؟ رابح: طلب يقابلك قبل كده؟ حور: هو طلب بس أنا كنت برفض وبحاول أتحجج. رابح: أومال انتي كنتي حامل من مين؟ حور: والله العظيم أنا مكنتش حامل. رابح: قولتلك هساعدك يا بنت الحلال، بس بطل عاد تكدبي وتخبي. حور: والله دي الحقيقة. رابح سكت وظن إنها مش عايزة تقول. رابح: ابعتيلي رقم الزبالة ده وأنا هتصرف. انطلق رابح وقفل على حور الجناح. حور وكأنها تستلجئ به كطفلة: أرجوك متسبنيش هنا. رابح حس إنها صعبانة عليه.

رابح: متخافيش. حور: أرجوك لا، أنا عايزة أجي معاك. رابح: البسي حاجة عليكي. وانطلقوا سوا في الفجر. رابح عمل كام مكالمة وهو بيسوق. وفات ساعة وهما في الطريق، جاله رسالة إنه اتحذف كل حاجة من على النت وعلى موبايل الشخص ده. حور: بجد اتمسحوا؟ رابح: أيوة، اطمني عاد. حور: طيب هنروح فين؟ رابح: هتعرفي. فات ساعة ووصلوا الشقة اللي ساكن فيها الشخص ده. حور: إحنا بنعمل إيه هنا؟ رابح: انتي تقعدي هنا ومتطلعيش واصل.

حور: لااا بلاش، أرجوك انت متعرفش. رابح: أنا وعدتك مش هسيب حقك مهما حصل. حور: أنا خايفة عليك، بلاش خلاص كل حاجة اتمسحت. رابح طلع وقفل على حور، ولكن حور فتحت العربية وطلعت وراه. كان طالع على السلم، ولكن حور طلعت في الأسانسير وطلعت قبله دون أن تعلم. المجهول فتح الباب أول ما لقى حور واقفة قدام الشقة، في نفس لحظة صعود رابح. المجهول جيه يقفل الباب وحور كانت بتحاول تفلت منه وتصرخ. مسك رابح الباب قبل ما يتقفل.

حور: راااااابح. رابح جيه يشد حور، انصدم لما لف المجهول. رابح: اخووووووى؟!!!!!!!