رواية حياة الصقر الفصل الخامس عشر 15 - بقلم نورا فريد

سامر.. دي بس البداية يا عيلة القناوي. حياة بدموع: أنا حاسة إن ماليش حد، حتى أبويا باعني. *** حياة برجاء: أبوس إيدك انجزني منه، أنا مش عايزة أرجع للحيوان ده. *** حياة بابتسامة: مين المجنونة اللي تسيب أخ قمر زيك كده. سامر: ورحمة أبويا مانتم سالكين يا عيلة القناوي. (ويقول بأمر) نفذ. *** في قصر الهواري. عزت: أيوة. فتشوا القصر. عزت: هو في إيه؟ دلوقتي هنعرف في إيه يا عزت الهواري. *تمام يا فندم، لقينا الشنطة دي.*

*الله الله بودرة بودرة يا عزت بيه، ده أنت معلم قوي.* عزت: مخدرات إيه؟ أنا معرفش حاجة عن اللي بتقول عليها دي. دلوقتي هنعرف، خدوه على البوكس، حطوا الكلابشات في إيديه الأول. *** تم القبض على عزت. *** أما عند صقر. صقر: جدي عامل إيه؟ البقاء لله. صقر بعصبية: أنت بتخرف بتقول إيه؟ أنت اتجننت إزاي تقول كده؟ جدي عايش. *عايش وتفتكر، عن إذنكم.* *** بعد شوية في قصر الدمنهوري. حنين: ممكن أقعد معاك. طارق بدهشة: اقعدي.

جلست حنين بجانب طارق. طارق: هو في إيه؟ تمسكي إيدي قدام أهلي وتدفعي عني، ودلوقتي قاعدة جنبي وبتتكلمي بهدوء، خطة. حنين: مسلحة. حنين: أنا موافقة إني أسامحك، وموافقة كمان نعيش زي أي زوجين وأسرة سعيدة. طارق: وإيه المقابل؟ حنين: اطار. طارق: هروح أشوف مين اللي جاي الساعة دي. سامر: مساء الخير يا طارق، ولا أقولك يا جوز أختي. حنين بصدمة: سا... سامر. سامر ببرود: مبروك يا حنين، كده تخليني أعرف من بره إنك اتجوزتي؟

إيه ده، انتوا بخلاء ولا إيه؟ مفيش اتفضل تشرب إيه؟ طارق: اتفضل. سامر: خلينا في المكتب أحسن. اعملي قهوة يا حنين وعلى أهدى من مهلك. حنين نظرت لطارق بمعنى: هو في إيه؟ وطارق نفس الكلام. طارق: روحي وشوفي سيلا صحيت ولا لسه. حنين: حاضر. وذهبت حنين. سامر حط رجل على رجل: إيه يا طارق، إيه يا طارق، عامل مشاكل ليه يا طارق؟ طارق بعدم فهم: مشاكل إيه؟

سامر: يعني مخلفات تزوير، تهريب، يا راجل ده أنا عيني سغلت وأنا بقرا دفتر المحاضر اللي عليك، بسم الله ما شاء الله، دي تقعدك مية سنة سجن على الأقل، ده غير خطف حنين، دي بقى فيها عمرك. طارق بخوف: توبت والله توبت. سامر: ما أنا عارف، أنا بفكرك بس... سمعت إن الشغل معاك مش قد كده، صقر شفط كل السوق لحسابه. طارق: ما أنت عارف كل حاجة.

سامر: أنا عارف كل حاجة، حتى دبة النملة قبل ما تدب، أنا ممكن أقف معاك، وأخبيك وأخليك كبير السوق، أكبر من صقر نفسه. طارق: والمقابل؟ سامر وهو يضع السجائر في الطفاية: كده تعجبني. المقابل بقى... طارق بصدمة: إيه؟ سامر: هستنى الرد بكرة، يا تساعدني وأساعدك، يا متلمش غير نفسك. عن إذنك. سامر ودع حنين وذهب. حنين: أنا سمعت كل حاجة. طارق: هو في إيه بالظبط؟ حنين قربت

من طارق قوي وقالت ببرق: لو ليا غلاوة عندك، وافق على عرض سامر، بليز يا طارق لو بتحبني، اسمع كلام سامر. طارق: ولو غدر بيا؟ حنين: تو سامر لو وعد بحاجة بيعملها في ثانية، سامر مش غدار زي صقر. طارق: هو إيه اللي غيرك من ناحية صقر قوي كده؟ حنين بابتسامة باهتة: مش كل حاجة لازم تعرفها، المهم إنك تسمع كلام سامر، صدقني ها تكسب كتير. صقر داس عليك في شغلك...

وأهانك، جه الوقت اللي تاخد حقك يا طارق، الزمن ده بتاعك أنت، صقر جه دوره إنه يدفع الحساب، فكر في كلامي يا أبو سيلا. وذهبت حنين لغرفتها وتركت طارق في صدمة. *** وفي اليوم التالي. صقر طبعاً خد جدو عشان يدفنه في البلد، وطبعاً سامر راح ومثل الحزن. *** أما عند حياة. بسمة راحت شغلها عادي أو مشوار (مش عارفة بصراحة بس بسمة مش في البيت 😂) حياة فتحت الباب. حياة بخوف: انت مين؟ عمار: أنتِ اللي مين؟ حياة بخوف: أنت مالك؟

عمار: لا بقا أنتِ لسانك طويل أوي. وبعدين أنا صاحب البيت، هو مش ده بيتي ولا أنا نسيت العنوان؟ حياة بخوف: والله أنت أدرى. عمار: تمام. عمار دخل الصالون وقعد ببرود. عمار ببرود: روحي اعملي شاي. حياة بعصبية: ليه شايفني دادة؟ فيك إيد ورجل يبقى اعمل لنفسك وبلاش قرف. وذهبت حياة لغرفتها ورزعت باب غرفتها جامد. عمار باستغراب: (مين دي؟ أنا أول مرة أشوفها هنا، بس شكلها عامل كده ليه؟

كأنها محروقة وميتة من الخوف. نظرتها صوتها كأنها خايفة من حاجة أو من حد. لا حول ولا قوة إلا بالله) عمار: الو يا بسمة، أنتِ فين؟ بسمة: **** عمار: طب تعالي لأني مش فاهم حاجة. بسمة: **** عمار: ماشي يا بسمة، سلام. (بس البت قمر ما شاء الله، بس برضه وشها عامل كده ليه؟ مجنونة، مجنونة لكن ذكية وحنونة) تررر تررر. *** بعد شوية أتت بسمة. حياة بخوف: مين؟ بسمة: أنا يا حياة، افتحي بقك. حياة: اتفضلي. وبرضه رزعت الباب في وش عمار.

عمار: لا دي قصدني بقا. ده أنا لو جوز أمها مش ها ترزع الباب بالشكل ده. *** أما دخل الغرفة. بسمة: مالك بقا يا قمر زعلان ليه؟ حياة ابتسمت بسخرية: كان زمان، خد مني كل حاجة، حتى شكلي. بسمة: إن شاء الله ها ترجعي أحسن من الأول. حياة: هو مين البنادم ده؟ بسمة بابتسامة: ده بقا يا ستي أخويا وابني الصغير اللي مجنني معاها، عمار، وهو في آخر سنة في الكلية، من سنك أو أكبر منك بسنة أو اتنين. (أنتِ كده بتدوري على عروسة مش بتوصفي 😂)

عمار من بره: بسمة، بسومي، بسبس. حياة: إيه ده؟ بسمة: الدلع. حياة: في حد يقول لأخته الكبيرة بسبس؟ بسمة: شوفتي بقا أنا مستحملة قد إيه. عمار: أبلة بسمة تعالي. بسمة: وحياة أمك... ها أروح أشوف المجنون ده وأرجعلك. حياة: اوكي. *** أما في القسم. جميلة بفرح: ولا زمن يا عزت. عزت: إيه اللي جابك يا بنت القناوي؟ جميلة: جاية عشان أفرح فيك، أخيراً شوفتك مذلول زي ما دمرت حياتي، بس تصدق إن الفرح حلو؟

هاين عليا أزغرط، بس مش هينفع. أصل حميدان القناوي مات. عقبالك ساعتها ها فرق شربات، مش بس ها أزغرط. عزت: اتغيرتي أوي يا جميلة. جميلة: بسببك وبسبب غدرك بيا، تقولي ها أتجوزك يا جميلة، أنتِ ليا، يا جميلة، أنتِ حياتي، بس طلع ده كله كلام، في الآخر تسبني بفستان الفرح وتتخلى عني والناس تتكلم، صحححح، مش ده اللي عملته؟ عزت: بس أنا ما هربتش. جميلة: أنت خاين وكداب.

عزت: والله العظيم ما بكذب، هارون وأخته هما اللي حبسوني ظالم عشان ما نتجوزش، ولما جيت جوزك منهم، هتديني إن ها يقتل أهلي لو قولتلك الحقيقة. جميلة: كنت قولت لأبويا، لسامح. عزت: أبوكي وسامح هما اللي ساعدوا سعاد وأخوها إنهم يحبسوني. جميلة بصدمة: إيه؟

عزت: لو مش مصدقني، اسأليها، وهي اللي بتدي زينات دواء غلط عشان تتجنن، وهي اللي قتلت إخواتك. زينات ضربت سامح، بس الرصاصة جت في الهوا، بس يعني من خوفها فاكرة لحد دلوقتي إنها هي اللي قتلتوه، بس اللي ورا المصايب دي كلها هي سعاد. جميلة: حياة بنت مين يا عزت؟ عزت: إيه السؤال ده؟ حياة بنتي طبعاً. جميلة: بطلللل كدب بقاااااا، قولللللل الحقيقةةةةةة لو لى مررررررررة واحددددددة.

عزت بصوت عالي جداً: حيااااااة بنتكككك يا جميلة، أيوة ةةةةةة يا جميلة، حياااااة بنتك أنتِ. جميلة بصدمة: أنت كداب. جميلة تذكرت صرخة حياة ورجائها لصقر، مش قادرة تنسى صرخة حياة. ومشت جميلة. *** أما عند صقر. صقر كان نزل من العربية لكن اتصدمت بشاحنة (وأكيد كانت قصدها) *** أما عند سامر. سامر: حلو أوي، خلينا أشوف يا صقر ها تعمل إيه. وحياة أمك ل تدفع التمن غالي. والله عمار ده عسل 😂😂😂.