رواية حياة فارس الصعيد الفصل الخامس عشر 15 - بقلم جهاد موسىالفصول)

كان فارس بره قلقان وخايف. عدى وقت طويل جداً. فارس اتفزع لما سمع صوت صريخ حياة. جرى بسرعة دخل غرفة الكشف. لقى الدكتور قريب جداً من حياة وبيحاول يكتم نفسها. فارس شد الدكتور بقوة عن حياة. ضربه على دماغه بالمسدس. حياة بصريخ: كان عايز يموتني يافارس. كان هيموتني. فارس بوجع حضنها جامد لغاية ما هديت. بس لاحظ حاجة تحت كنبة الكشف. بعد عن حياة وراح يشوف فيها إيه.

لقى حد مربوط ومكتوم نفسه. طلعه فارس واتصدم لما لقاه. الدكتور بص وراه يشوف مين اللي ضربه. لقى شخص أول مرة يشوفه وباين عليه الإجرام. فارس للدكتور بعصبية: مين ده؟ الدكتور وهو بياخد نفسه: معرفش. أنا لقيت حد بخ منه منوم وبعد كده مشوفتش. فارس بعصبية: ممكن أعرف مراتي مالها؟ الدكتور بأسف: مدام حياة واضح إنها أدمنت البرشام اللي بتاخده. لأنه فيه مادة مخدرة وده غلط على الجنين. فارس بفرحة: جنين؟ هي؟ الدكتور هز رأسه بأمل.

أما فارس أخد حياة ونزل بيها واتجه على القصر. كانت العيلة قاعدة بتفطر. واستغربوا لما لقوا فارس جاي شايل حياة وهي مغمى عليها. منشاوي: انت كنت فين انت وحياة؟ فارس حكالهم كل حاجة وسابهم وطلع. نيم حياة وفضل صاحي. في مكان أول مرة نروح. شخص وهو بيكسر كل حاجة قدامه بغضب وصريخ: لازم انتقم منه. لازم. شخص آخر: فارس الصعيد دماغه مش سهلة يعني. ممكن يكشفنا في أي وقت. شخص: لازم أحرق قلبه.

صحت حياة وكالعادة مصدعة. لقت فارس قاعد جنبها بيبصلها بحب. حياة: هو اللي حصل؟ فارس ببتسامة: خدي بالك من نفسك ياحياتي. انتي مش مسؤلة عن نفسك. انتي مسؤلة عن روح جواكي. حياة بعدم فهم: ها؟ إزاي؟ وبعد كده استوعبت وضحكت بصوت عالي جداً. فارس بضحك: أيوه. انتي جواكي حتة مني ومنك. حياة بحب: فهد الصعيد؟ صح؟ فارس: تؤتؤ. حياة فارس الصعيد. حياة جريت على حضنه بحب ودموع مختلطة بفرحة. وكانت إيدها غرقانة في دمها.

فارس وهو حضنها حس بحاجة على إيده. بعد عنها لما لقى إيده مليانة دم. فارس حس بحاجة مخترقة قلبه ووقع على الأرض. حياة بصريخ: فاااااارس. واغمى عليها.