رواية حياة فارس الصعيد الفصل التاسع عشر 19 - بقلم جهاد موسىالفصول)

دخل فارس جناحه واتصدم لما لقى حياه واقعة على والد"م حواليها وهي عمالة تعيط. فارس بخوف: مالك ياحياتي، إيه الد"م ده كله؟ حياه بتعب: بموت، الحقني ااااه. فارس: بس ده مش ميعاد ولادتك. حياه بصريخ: يخربيتك، اخلص، بموت. فارس شالها وطلع على المستشفى، وكانت العيلة معاه وهي عمالة تضر"ب في فارس وتصرخ. دخلت غرفة العمليات وفارس بره رايح جاي خايف لأن ده مش ميعاد ولادتها.

أم حياه بخوف وقلق: إزاي دخلوها العمليات وده مش ميعاد ولادتها، استر يارب. ومرة واحدة سمعوا صوت صريخها، فارس جرى يدخل لها العمليات بس منشاوى ونوح منعوه. بعد شوية خرج الدكتور بارهاق. فارس بخوف: هي عاملة إيه يادكتور، هي والجنين؟ الدكتور: ده مش ميعاد ولادتها خالص، وكنا هننزل الجنين بسبب النزيف اللي حصلها، بس مرة واحدة صرخت والجنين نزل. فارس بحزن: يعني خلاص مفيش جنين، طب هي عاملة إيه؟

الدكتور: هي صحتها كويسة جداً، بس للأسف لقينا الجنين فيه الروح والنبض شغال كويس بس مش مكتمل، هنضطر نوديه الحضانه لغاية ما يكتمل ونشوف هيعيش ولا لأ. فارس وحس إن فيه أمل: شكراً يادكتور، المهم هي. الدكتور: تقدروا تشوفوها. دخل فارس لحياه لقاها بتعيط. فارس بحزن: خلاص ياحياتي، متزعليش. حياه بدموع: ابني يا فارس، خلاص مبقاش فيه بيبيه، مش هبقى أم. فارس: الجنين فيه الروح وعايش بس في الحضانه، بس واضح إنه كان مستعجل شوية.

حياه بفرحة: بجد، يعني هو مامتش وعايش؟ فارس بابتسامة: أه ياحبيبتي، بس هيقعد في الحضانه فترة لغاية ما يكتمل، وكمان كان ولد. حياه بفرحة: فهد الصعيد زي ما أنا كنت عايزة. بعد فترة خرجت حياه من المستشفى وكانت اتحسنت كتير جداً، وكمان البيبيه اتحسن بس لسه في الحضانه. وحددوا ميعاد فرح سليم وهدى، وياسمين ونوح، وبدر وورد. يوم الفرح، أكبر فرح في الصعيد يليق بعائلة المنشاوي.

في جناح حياه وفارس تحديداً، كانت حياه قاعدة والدموع في عينيها، وكان فارس خارج من الحمام بياخد شاور. فارس: مالك ياحياتي؟ حياه بدموع وشهقات: كان نفسي أبقى عروسة ويتعملي فرح. فارس بحب: معلش ياحياتي، وبعدين أنا مش عايز العين تكون عليكي ولا حد يشوف جمالك غيري. حياه بحزن: ماشي، أنا هروح الجناح اللي فيه البنات عشان أجهز معاهم. فارس: أوك يا أميرتي، لما ترجعي هتلاقي في الجناح أشيك فستان تحضري بيه.

حياه بابتسامة: ربنا ميحرمنيش منك ياحبيبي. فارس: ولا منك ياحياه، فارس الصعيد. أه وبالمناسبة، أنا كلمت المستشفى وقالولي إن فهد خلاص بقى كويس وهيطلع كمان أسبوع من الحضانه. حياه بفرحة: بجد، أنا نفسي أشيله وأشبع منه. فارس: إن شاء الله ياقلبي، بس لما أنا أشبع منك الأول. وغمزلها. ابتسمت حياه وسابته ومشيت وراحت جناح البنات بابتسامة وحب. حياه بحب: نفسي أشوفكم بالفستان الأبيض، هيبقا عامل إزاي عليكم، هتبقوا سندريلات.

ياسمين بحب: تسلميلي ياحياتي. ورد: وإحنا كمان نفسنا نشوفك بالفستان الأبيض. حياه ابتسمت بحزن لاحظته هدى. هدى بابتسامة: إيه رأيك ياحياه، تخلي الميكب ارتست تحطلك وتزوقك؟ حياه: أنا هحط لمسة ميكب خفيفة لنفسي عشان مش بحب الميكب التقيل. بعد إصرار كتير من البنات، وافقت وحطت ميكب خفيف ولكن جميل جداً. البنات ببهار من جمالها: واو، إنتي شبه الحرية. حياه بفرحة وهي بتدوخ: بجد شكلي حلو؟ البنات صفروا بضحك وفضلوا يعاكسوها.

الشباب كانت في جناح خاص بيجهزوا لفرحهم، وكان فارس معاهم. فارس بحب وهو بيلبس سليم جاكت البدلة: سليم بضحك: المفروض الكبير هو اللي يلبس أخوه الصغير البدلة يوم فرحه. فارس بحب وضحك: نحن نختلف عن الآخرون. كان سليم لابس بدلة بنطلون وجزمة لونهم أسود، وجاكيت وقميص لونهم أبيض. وبدر كان لابس بدلة رمادي وقميص أبيض. ونوح بدلة أسود في أسود.

دخلت حياه الجناح بتاعها عشان تلبس، لقت على السرير فستان منفوش باللون الأبيض ومعاه جزمة وحجاب. حياه ببهار وفرحة: الله. كان يحتضنها فارس من الخلف بحب وهمس برقة: فارس: مقدرش أشوف في عيون بنوتي الحزن ولا أشوفها نفسها بحاجة ومعملهاش. حياه التفتت ليه بحب وفرحة، حضنته. فارس ببهار من جمالها وجمال عيونها الزرقاء: فارس: إيه الجمال ده ياحياتي، أنا مقدرش أسيبك تروحي الفرح. حياه بضحك: هنتأخر. فارس: طب البسي عشان كلهم لبسوا.

الفرح كان في جنينة القصر لأنها واسعة جداً، وكانوا أهل الصعيد كلهم موجودين والفرحة تعم على الكل. نزل فارس راح للشباب، وحياه كانت مع البنات ونزلوا البنات لوحدهم، وكانت الشباب في استقبالهم ومبهورين بجمالهم. مسك كل واحد إيد حبيبته وطلع على الكوشة، ومنهم حياه وفارس. كان كل واحد قاعد جنب حبيبته، والأغاني شغالة، وجه وقت إنهم يرقصوا سلو. نزل كل كابلز منهم وبدأوا يرقصوا بحب. عند نوح وياسمين، كانوا بيبصوا لبعض بحب.

ياسمين بابتسامة: أنا مش مصدقة إني خلاص بقيت معاك. ابتسم لها نوح بحب. عند ورد وبدر، كانوا عمالين ينكشوا في بعض كالعادة، بس بيحبوا بعض حب جنوني. سليم لهدى: تعرفي إن حبك حياتي وطفولتي. هدى بحب: أنا مكنتش متوقعة إني في يوم أتزوجك، بس إنت اللي قلبي بقى يدق بيه. حياه لفارس: بحبك. فارس بابتسامة: وأنا بعشقك. وقبلها قبلة خفيفة وبسرعة. عدى اليوم بفرح وسلام. عند فارس وحياه في جناحهم تحديداً، كان فارس شايلها ونزلها بحب.

وقاطعه صوت تليفون. فارس بضيق: وده وقته، يعند. ورد على الفون. شخص: ..... فارس بحزن وعصبية: امتى حصل الكلام ده؟ حياه بخوف: في إيه؟ فارس بحزن: المستشفى بلغتني إن فهد..... حياه بصريخ: ابني.