رواية حياة صقر الفصل الثالث 3 - بقلم رنا احمد

في الجنينه. كانوا يجلسون مالك وتقي ورنا. مالك بهمس: هتفضل متغاظه كده على طول. تقي بغيظ شديد: قسما بالله يا مالك لو عمل كده لهيشوف مني اللي عمره ما شافه. عايزاني أشوفه بيدمر نفسه وأفضل ساكته؟ إلا أولادي يا مالك. مالك باستغراب: رنا شارده كده ليه من ساعة ما قعدتي. رنا بارتباك: ابدا يا بابا مفيش حاجة خالص. مالك بشك: متأكده. رنا بابتسامة: متأكده يا بابا متقلقش عليا.

مهاب بابتسامة: مساء الخير يا خالي. مساء الخير يا مرات خالي. رنا بهمس وضيق: استغفر الله العظيم. طيب يا بابا أنا هطلع أنام. تصبحوا على خير. مهاب بابتسامة: إيه يا رنا هو لو حضرت الشياطين ولا إيه. رنا بضيق: تقدر تقول كده يا مهاب. تقي بحدة: اتكلمي مع ابن عمتك كويس يا بت. مهاب بابتسامة: مفيش مشكلة يا طنط. بس يا ريت نتكلم مع بعض شوية يا رنا لو سمحتي. بعد إذن حضرتك يا خالي اتفضلي. رنا بزق: أوووف حاضر.

تقي بحسرة وضيق: مليكيش حظ في ولادك يا تقي. أنت ساكت كده ليه يا مالك. مالك بخبث واستفزاز: بفكر في البنت اللي بيتكلم عنها صقر دي. يا ترى حلوة تستاهل ده كله. تقي بغيظ شديد: نعم يا أخويا. *** على الجانب الآخر. مهاب بابتسامة: رنا ممكن أعرف بقى انتي ليه بتعمليني كده. رنا بضيق شديد: علشان أنت محاصرني. قولتلك مليون مرة إني بعتبرك زي يوسف وصقر وأنت مفيش فايدة فيك.

مهاب بعشق: علشان بحبك يا رنا. من وإنتي طفلة شايفك بتاعتي. ليه مش حاسة بيا. رنا بغيظ شديد: علشان الحب مش بأيدينا يا مهاب. من فضلك ابعد عني. عن إذنك. مهاب بغضب شديد: مش هيحصل يا رنا. أنتِ ليا وعمرك ما هتكوني لغيري. رنا بزق: تصبحوا على خير. مهاب بزق: أنا كمان همشي يا خالي. مالك بجدية: ليه أنت لحقت. مهاب بجدية: معلش عندي شغل. هو صقر فين بكلمه من بدري مش بيرد. تقي بغيظ شديد: منعرفش يا ابني. ليرن هاتف

مهاب ليتحدث بفزع وصراخ: إيه هربت إزاي بس. طب أنا جاي حالا. سلام. تقي بترقب وانتباه: هي مين دي اللي هربت يا مهاب. مهاب بزق: البنت المتهمة في قتل ابن للواء ذيدان. عن إذنكم. الإدارة مقلوبة. تقي بحدة وغيظ: شوفت ابنك مصر. يحرق قلبي عليه يا مالك. مالك بفخر وثقة: جدع يا واد. طول عمري أقول إنك شبهي في كل حاجة. *** في شقة صقر الخاصة به. كان يفضل المكوث بها قبل كل عملية. لم يعلم عنها الكثير. فذلك هو أفضل مكان.

كان يسير بها إلى الداخل وهو يحملها ليضعها على السرير. وهو ينظر إليها بتحدي وثقة. أنا وإنتي بقينا في الموضوع سوا يا حياة. ومش هرتاح غير لما أثبت براءتك. بس لما أعرف عنك كل حاجة. وهل إنتي بريئة فعلاً ولا ده تمثيل. لتبدأ حياة في فتح عينيها. صقر بجدية: حمد لله على السلامة. حياة بصداع رهيب: هو إيه اللي حصل يا صقر بيه. أنا كل اللي فاكرة إنك خرجتني من السجن.

صقر بجدية: فعلاً ده اللي حصل. وأديكي خرجتي منه. بس يا ترى إنتي بقى تستاهلي كل اللي أنا عملته ولا لأ. حياة بدموع ووجع: أقسم بالله ما قتلته يا صقر بيه. أنا مظلومة. صقر بحدة: مش أوي يعني. والله اللي تروح شقق مفروشة سهل إنها تعمل أي حاجة. حياة بدموع وانهيار: أبوس إيدك متظلمنيش. والله العظيم دي كانت أول مرة في حياتي. أنا مكنش في دماغي غير إني أرجع بالفلوس وإلا هتتحرقني. صقر بعصبية: هي مين دي.

حياة بدموع: مرات أبويا. أمي ماتت وهي بتولدني. وأبويا اتجوز سمية ومات من سنتين. ومن ساعتها وهي مورياني المر. تشغلني في البيوت. وهي اللي زقتني على الشغلانة الزفت دي. وادي اللي جالي من وراها. قسما بالله يا صقر بيه أنا مظلومة. صاحبتي هي اللي قتلته مش أنا. صقر بابتسامة حنونة: طب خلاص متعيطيش. وبعدين إحنا دلوقتي في الهوا سوا. لو اتعرف اللي عملته هشرف في السجن. يعني هشرف في السجن. حياة

وهي تمسح دموعها كالاطفال: بعد الشر عليك. ساعتها هقول أنا اللي هربت. مستحيل أسيب حضرتك تتأذي. صقر بابتسامة: ماشي يا ستي. تعالي نأكل. أكيد مأكلتيش حاجة من الصبح. حياة بدموع ووجع: ماليش نفس يا صقر بيه. صقر وهو يمسك يدها بحنان: تعالي. أنا هفتح نفسك. حياة. إحنا داخلين على مشوار طويل. لازم تبقي إيدك في إيديا علشان أعرف أثبت براءتك. فاهمة. حياة بابتسامة: فاهمة يا صقر بيه. *** في فيلا الجارحي. في الجنينة.

كان يجلس آدم وهو يدون بعض الملفات الهامة. ليجلس بجانبه يوسف. يوسف بابتسامة: مساء الخير على حمايا العزيز. آدم بغيظ: يا فتاح يا عليم. أولاً أنا مش حماك ومش هكون. يوسف بابتسامة ومرح: ليه بس كده. ده أنا بحبك والله. وكنت جاي آخد منك وعد. أنت عارف البطولة دي مهمة لينا قد إيه. إن شاء الله هنكسبها. أوعدني إن شاء الله بعد البطولة يكون فرحي أنا وريهام. أرجوك يا عمي.

آدم بابتسامة حنونة: سافر أنت بس وركز في البطولة. واعتبر إن مهر ريهام هي البطولة دي يا بطل. وفرحكم إن شاء الله لما ترجع بالكأس. يوسف وهو يحتضنه بسعادة: ربنا يخليك ليا يا أحسن عم في الدنيا كلها. آدم وهو يحتضنه بحنان: ويخليك ليا يا ابن الغالي. *** في الإدارة. كان يسير ذيدان بغضب جحيمي. كيف هربت تلك الفتاة من يده. ي عني إيه. ي عني إيه تهرب. ده سجن ولا تكية. إزاي ده حصل. وأنتم كنتوا فين. والكاميرات فين.

الظابط بأسف: للأسف يا سيادة اللواء الكاميرات مش جايبة أي حاجة. دي زي ما تكون فص ملح وداب. ذيدان بغضب جحيمي: أنا عايز البنت دي في أسرع وقت. فاهمين. أقلبوا عليها الدنيا. وويله لو كان اللي في بالي صح. هخليه يكره حياته. *** في شقة صقر. كان ينظر لتلك التي تأكل بشراهة. من الواضح أنها لم تأكل منذ فترة طويلة. صقر بابتسامة باهتة: بالهناء والشفا. حياة بارتباك وخجل من ذاتها: معلش. بس بصراحة الأكل حلو أوي.

صقر بابتسامة: الف هناء. اسمعي بقى. أنتِ هتفضليلي هنا. وأنا هاجيلك كل شوية. المهم إن جوه فيه لبس. والتلاجة مليانة أكل. ومع اللبس فيه نقاب. علشان لو حبيتي تقعدي في البلكونة. ولو حد سألك انتي أجرتي الشقة هنا. وإنتي طالبة في الجامعة. فاهمة يا حياة. حياة بارتباك شديد: فاهمة طبعاً. فاهمة كتير. خيرك. صقر بجدية: المهم انتي متعرفيش صاحبتها اسمه إيه.

حياة بحزن شديد: للأسف لأ. مقالتش اسمه قدامي خالص. بس لو شفته طبعاً هعرفه علطول. ربنا ينتقم منه بحق اللي عمله فيا. صقر بابتسامة ساحرة: متقلقيش. إن شاء الله هخرجك من كل اللي انتي فيه. المهم اعملي اللي قلتلك عليه. حياة بارتياح واطمئنان: ربنا يخليك ليا يا صقر بيه. ويوفقلك ولاد الحلال. صقر بابتسامة: آمين يارب. *** في شقة سمية. كانت تسير ذهاباً وإياباً بغيظ شديد من تأخير حياة. لتطرق ذنوبة الباب لتفتح إليها سريعاً.

زنوبة برعب: مصيبة. مصيبة ووقعت فوق دماغنا. كان يوم أسود. يوم ما شغلت اللي متتسم دي معايا. سمية باستغراب: ليه حصل إيه. والبت فين. زنوبة بغيظ شديد: في السجن يا أختي. قتلت ابن للواء. سمية بصدمة: إيه. يا نهار أسود ومنيل. زنوبة بغيظ شديد: المهم اسمعيني. علشان رجلينا متجيش في حاجة. اللي يسألك تقولي هي اللي كانت هتموت وتشتغل في الكباريه. فاهمة. سمية برعب شديد: فاهمة. فاهمة. *** في فيلا الجارحي. في جناح صقر.

تقي بغضب: عملت اللي في دماغك وارتحت يا صقر. صقر بابتسامة ساحرة: جداً يا أمي. أكتر وقت كنت مرتاح فيه. بالذات بعد ما سمعت حقيقتها وعرفت اللي حصلها. مالك بابتسامة مرحة: حلوة يا واد يا صقر. صقر بابتسامة حنونة: أوي يا بابا. عاملة زي الأطفال. تقي بجنون وصراخ: انتوا عايزين تجنوني صح. وانت يا مالك. حلوة إيه ووحشة إيه. إحنا رايحين نطلب إيديها. مالك بخبث واستفزاز: ما يمكن.

تقي بغضب شديد: ده ميمكن يحصل أبداً. يتجوز قاتلة. قاتلة. صقر بغيظ شديد: يعني إنتي اللي اتجوزتي دكتور. ما انتي قاتلة. قاتلة برضه. لمؤخذة يا حاج. يعني دي هي دي. وبعدين مين قال اتجوزها. ده أنا بساعدها من واجب شغلي. تقي بحدة: لا يا حبيبي. أوعى تقارن أبوك مع حد تاني. وبعدين أبوك يا حبة عيني كانت ظروفه تصعب على الكافر. يعني أخوه بيعذبه وعايز يخلص منه. وأمه ماتت. يعني يا حول الله ولا قوة.

مالك بغيظ شديد: إيه يا أختي خرطوم الذكريات ده اللي فتحتيه. وبعدين إيه ده. ناقص تقولي قاطع كف إيدي وماشي أشحت بيه. صقر بضحكة عالية: ههههههههه. لا ده على كده يا زعيم. كويس إن ماما وافقت تتجوزك على اللي كنت فيه. ده دي ضحت. تقي بغرور وثقة: طبعاً يا ابني. مالك بغيظ شديد: أيوه صح ضحت. كنت ابن الجنايني اللي راح طلب سندريلا من القصر اللي عايشة فيه. مش كده. تقي بغيظ شديد: قصدك إيه يا مالك.

صقر بضحكة عالية: ههههههه. ده على كده اتجوزتها يا زعيم. لما وقع منها فردة الجزمة. مالك باستفزاز وخبث: هي كان حليتها جزمة أصلاً. ده أنا واخدها من غير هدوم. تقي بغيظ شديد: كده برضه يا مالك. طيب وانت يا سي صقر مش هسكت على اللي عملته. صقر وهو يقبل يد مالك بحنان: ربنا يخليك ليا يا بابا. دايماً واقف جنبي. مالك وهو يربت على كتفه بحنان: المهم إنك تكون واثق في اللي عملته. علشان متندمش يا ابني. تصبح على خير.

صقر بابتسامة: وانت من أهله يا بابا. ليذهب صقر إلى النوم وما زال عقله شارداً في القادم. *** في الجامعة. كانت تقف رنا وهي تنظر لعلي بانتباه. لتقترب منها رشا بخبث ومكر. رشا: إيه يا رنا. واقفه كده ليه. رنا بجدية: بقولك إيه يا رشا. هو الولد اللي هناك ده اسمه إيه. وفي كلية إيه. رشا باستغراب: وإنتي عايزة منه إيه. على العموم يا ستي ده اسمه علي خالد. وفي كلية هندسة. وفاتح ورشة صغيرة في حارة الشهيد. رنا بابتسامة وسعادة

لأنها علمت كيف تساعده: تمام. شكراً جداً. يا سلام. رشا وهي تمسك الهاتف بخبث ومكر. لياتيها رد سريعاً. لتتحدث هي بخبث: أيوه يا مهاب بيه. السنيورة بتاعتك شكلها لقت اللي داخل دماغها. في الشقة بليل. هقولك على كل التفاصيل. سلام. *** في شقة صقر. صباحاً. كان يسير إلى الداخل وعلى وجهه ابتسامة. لتتحول إلى فزع وهو يرى.