رواية قبل تنفيذ الاعدام بدقائق الفصل الحادي عشر 11 - بقلم عادل عبد الله

بدأت أفكر في الطريقة اللي هموتهم بيها هما الاتنين في نفس الوقت، لأني لو قتلت حد فيهم قبل التاني يبقى أكيد التاني هياخد حذره ويفلت من العقاب، وأنا كنت عاوزة آخد حقي من الاتنين مع بعض يمكن النار اللي جوايا تهدأ. فكرت في أكتر من طريقة عشان أموتهم بيها، كانت أنسب طريقة هي السم. كنت عاوزة الاتنين ياخدوا السم في نفس الوقت ويكون البنتين مش موجودين.

نزلت وروحت شغلي زي كل يوم، وفي الوقت اللي أنا عارفة إن البنتين في المدرسة وماما لوحدها في البيت نزلت بسرعة من الشغل واتصلت بيها وقولتلها إني رايحلها عشان عندي مشكلة كبيرة قوي. روحتتلها البيت وقولتلها إن حصلي مشكلة كبيرة في الشغل واتصلت بعلاء وقولتله تعالي عند ماما بسرعة عشان في مشكلة كبيرة في الشغل وعاوزاكم تقفوا جنبي. بعد نص ساعة علاء كمان وصل عند ماما وقالولي اتكلمي في إيه؟ قولتلهم نشرب قهوة الأول عشان أعرف أتكلم.

دخلت عملت القهوة لنا إحنا التلاتة، وحطيت السم لهم هما الاتنين. قعدنا نشرب القهوة واخترعت أي كلام مش حقيقي على أساس إن عندي مشكلة في الشغل عشان أضيع الوقت عشان أتأكد إن السم وصل للدم. وبعد ما بدأت تظهر عليهم أعراض الآلام واتأكدت إنهم هيموتوا في خلال دقايق ضحكت بصوت عالي قدامهم وأنا دموعي مغرقة وشي.

كنت بضحك وببكي في نفس الوقت وقولتلهم إني عرفت بقذارتهم وخيانتهم ليا وبقيت ببكي وأسألهم ليه عملوا فيا كده وأنا عمري ما قصرت مع حد منهم، وأنا ضيعت حياتي وفلوسي عشانهم. سألتها: إزاي تعمل كده مع جوزي؟ إزاي تعمل كده مع جوز بنتها؟ حاولت تنكر لكن واجهتهم بتسجيلات مكالماتهم. وهو كمان واجهته وسألته: إزاي يخوني بعد كل اللي عملته عشانه؟ ضيعت عمري وفلوسي واعتبرت فلوسي فلوسه وكتبت كل حاجة باسمه؟ ويعمل كده مع مين؟ مع أمي؟

وعرفتهم إني حطتلهم السم في القهوة وإنهم مش هيلحقوا ينقذوا نفسهم لأنهم هيموتوا في دقايق. هي مكانتش قادرة تتكلم ووقعت على طول، أما علاء حاول ينزل لكن أنا منعته من الخروج من الشقة وبعدها بدقيقتين وقع هو كمان وماتوا هما الاتنين. حاولت أمسح بصماتي من على كل حاجة لمستها في الشقة وبعدين مسحت اتصالي على تليفونهم هما الاتنين وكأني مش اتصلت بيهم. بعد كده قولت مش كفاية كده لازم يتحرقوا كمان عشان