رواية كبرياء حور الفصل الرابع 4 - بقلم امنيه يوسف

وقفنا لما أنور خرج والشر بيتطاير من عينيه... قائلا في نفسه... أنا اللي بدأت القصة وأنا اللي هنهيها والقصة مش هتنتهي إلا بقت'ا "مها" ولسوء الحظ مها كانت في البيت وحدها... فأباها أخد عيالها وخرج. مها كانت قاعدة وهي بتفكر هو دا كله حصل ليه! هي آه هي وأنور مكانوش بيحبوا بعض... بس الأهم من الحب الاحترام والتقدير... في اللحظة دي تليفونها رن. مها بهدوء "ألو يا بابا" حسام بخوف "مها انتِ كويسة؟! مها بإستغراب

"آيوه ليه فيه إيه يا بابا" حسام بخوف ظاهر في كلامه "مها حاولي يا حبيبتي تنزلي من الشقة تروحي عند أي حد من الجيران يا مها لغاية ما آجي" مها بإستغراب من كلامه وخوفه "فهمني يا بابا فيه إيه" حسام بخوف "يبنتي متتعبيش قلبي أنزلي ولما تنزلي طمنيني عليكي" مها بسرعة "حاضر حاضر يا بابا" وقفتلت معاه. أما عند سمر... كانت قاعدة وهي متوترة وبتفكر... هي مها عملت معاها إيه عشان تعمل دا كله فيها...

بالعكس حسام لما اتجوز مامتها كان بيعاملها زي مها... بس طمع مامتها هو اللي عمل دا كله هو اللي زرع فيها كرهها لمها... وفكرت للحظة ترد جميل من جمايل حسام ومها عليها وقررت تقول لحسام على اللي ناويه أنور لمها... وقررت إنها تبلغ وتروح تلحق مها. أما عند مها لما قفلت مع باباها... دخلت اوضتها وفجأة الباب خبط... مها حست بخوف في اللحظة دي معرفتش ليه... بس قررت تشوف مين الأول. مها بخوف وتوتر ملحوظ "مين؟ أنور بتمثيل الهدوء

"افتحي يا مها أنا أنور عايز أتكلم معاكي شوية" مها بصرامة "بابا مش موجود ومينفعش تدخل" أنور بخبث "افتحي بالذوق لافتح أنا بالعافية" مها بصرامة "تفتح إزاي بالعافية يا مُحترم، أنا بقولك بابا مش موجود وامشي لاحسن والله أتصل بالشرطة" أنور بضحكة شر وهو بيطلع نسخة من مفتاح الشقة وفتح بسهولة وقال بخبث "افتح كده يا حبيبة قلبي" وفضل يقرب من مها... اللي باين عليها الخوف. مها بخوف "انت بتقرب كدا ليه وعايز مني إيه تاني"

أنور بتفكير وخبث "عايز منك إيه آه عايز منك فلوسي اللي تعبت فيها... بيتي اللي ضحكتي عليا وسر'قتيه" مها بتمثيل الشجاعة "مين فين اللي كان عايز يسر'ق الأول انت برضو اللي متفق مع طليقة بابا إنكم تاخدوا فلوسنا" أنور بصراخ "دا هو المفروض يحصل مش العكس أنا اللي مفروض آخد كل الفلوس دي مش انتِ" وكمل وهو بيقرب منها أكتر وقال بشر "بس وإحنا فيها" وفجأة كانت مها بتقع على الأرض والدم حواليها. أنور بص على مها بصدمة...

واتصدمت أكتر لما لقى... سمر والشرطة موجودين حواليه. سمر بخوف وصريخ "قتلت'ها يا حيوا'ن"