رواية كبرياء حور بقلم امنيه يوسف | كاملة

أنا هتجوز. قالها أنور لمها فجأة، وقفت بصدمة من اللي اتقال. مها بصدمة "يعني إيه تتجوز يا أنور وأنا وعيالك؟!" أنور ببرود "أنتِ إيه وعيالك مالَهم، أنتوا هتفضلوا عايشين هنا وكل حاجة هتجيلكم، وبعدين أنا مش هبعد، أنا هبقى قاعد في الشقة اللي فوق يعني بينا خطوة." مها بصدمة وحزن "أيوه يعني هتتجوز ليه؟ أنا قصرت معاك في إيه؟ عيال وخلفت، عيشتك ومريحاها، وعيالك وشاطرين، واهتمام وبهتم." أنور ببرود "بس ناقص حاجة، ناقص إني مش متجوزك وأنا بحبك. مفيش حب بينا، ومت نسيش إني متجوزك غصب عني، ودلوقتي يحقّلي إني أحب وأتجوز اللي بحبها." مها بصتله بوجع وحزن... بعد عشر سنين جواز واهتمام منها، جاي يقولها كده... يقولها إنه مش بيحبها... جاي يقولها إنه هيتجوز وكمان بيحبها. مها بحزن "طيب والمطلوب مني أنا إيه؟" أنور بهدوء "تيجي معايا، دا شرطها الوحيد إنك تيجي وتقولي إنك موافقة." اتصدمت، هو معقول يطلب مني أنا إيه... لدرجة إني مش فارقة معاه... مش فارق...