رواية كبرياء حور الفصل الثالث 3 - بقلم امنيه يوسف

وقفلنا لما أنور بص على الورق واتفاجأ إن كل الكلام صحيح. وإن كل املاكه والبيت مكتوبه لمها. أنور بعصبيه: يا بنت.... أبو مها بعصبيه: انت هتضرب بنتي قدامي ولا إيه يا بشمهندس؟ أنور بعصبيه: بنتك دي متربتش دي نصابة، إزاي إزاي عملتي دا كله في شهرين هااا وازاي جبتي امضتي. أبو مها ببرود: انت شكلك مش فاكر إني من أكبر المحامين. سميرة بغضب: انت تعمل دا كله فيا أنا وبنتي عشان مين عشان الجربوعة دي؟

أبو مها بعصبيه: متنسيش نفسك واعرفي إن اللي بتغلطي فيها دي بنتي. أنور بإستهزاء: لا يراجل دلوقتي بنتك! مها بإستفزاز: هو انت متعرفش إن بابا هو اللي اتفق دا كله معايا، واني أصلا عارفه انك على علاقة بسمر من أول يوم انت فاكرني هبلة. حسام أبو مها: ودلوقتي يلا برا من بيت بنتي. أنور وسمر وسميرة بصوا لبعض وبصوا على حسام ومها بشر. سمر بشر: متفرحيش أوي بالفلوس اللي معاكي صدقيني مش هتلحقي تتهني بيهم.

حسام بإستفزاز: طيب يلا يا حبيبتي انتِ وامك وجوزك من هنا. وبص على سميرة وقال: أه صحيح سميرة انتِ طالق طالق بالتلاتة يا سميرة. سميرة بغضب وصراخ: اوعى تنسى إني كدا هسكت والله لاخد حقنا منها وهتشوف هتشوف يا متر. وهما خارجين مها وقفت وقالت ببرود: أنور اوعى تنسى وتاخد العربية لاحسن القضية يبقوا اتنين. أنور بإستغراب: قضية إيه؟ حسام ببرود: امشي يا حبيبي وبكرا تعرف يلا من بيت بنتي اخرجوا براااا. أنور بصلهم بص آخيرة وخرج.

بعد ما خرجوا مها اترمت في حضن بباها وقالت بصوت مخنوق: عمري ما كنت أتخيل إنهم يعملوا كدا فيا وأنور دا كنت بحترمه ووقفت قدام حضرتك عشانه وفي الآخر. حسام بهدوء: أنور عمره ما كان مناسب ليكِ وكنت عارف إنه جاي عشان فلوسك مش عشانك، إعتبري دي تجربة وهتمر المهم عايزك تبقي قوية ماشي يمها. مها بدموع: قوية طول ما انت معايا، مكنتش عارفه هعمل إيه من غير خططك يا متر.

حسام بضحك: اومال انتِ عاوزاني أشوفهم عاوزين يضحكوا على بنتي وأسكت أهو ضحكنا عليهم إحنا. بعد أسبوع كان أنور في شقة حماتها من جوزها الأولاني. فجأة الجرس رن. أنور بإستغراب: أيوة مين حضرتك؟ الراجل: أنا من المحكمة حضرتك عاوزين توقيع إن حضرتك استلمت القضية دي. أنور: قضية قضية إيه؟ العامل: دي قضية خلع مقدمة من المدام مها حسام العوضي. أنور بتفاجؤ: حضرتك متأكد من اللي بتقوله دا؟ "أيوه واهو اتفضل".

أنور بعد ما وقع ودخل شقته بغضب كبير قرر ينهي دا كله. بعد فترة كان خارج. وعينه مليانة شر. سمر بحزن: رايح فين يا أنور؟ أنور بشر: رايح أعمل اللي مفروض يتعمل من أول ما اتنصب عليا من بنت.... دي. سمر بلطم: يالهوييي أنور أنور هضيع حياتك. أنور خرج والشر يتطاير من حوله. فهو الذي بدأ القصة وهو الذي سوف ينهيها. والقصه لا تنتهي إلا بقتل "مها".