رواية خادمة قلبي الفصل التاسع والثلاثون 39 - بقلم زهرة عصام

اية بس اللي أحبه. ده واحد ماشي ورا أخواته. أنا متفقة مع أخويا من الأول. هنقلبه في قرشين وأضرب له الصابونة. حازم اتصدم. ملك عنيها وسعت. ماهي برقت وثبتت مكانها. ماهي في نفسها: ينهار منيل. ده أنا هيتعمل مني بطاطس محمرة. حازم مبقاش شايف حاجة. ونزل ملوك على الأرض. متنح. ملك بصت عليه كده. وبصت لمالك اللي بيبص له بحسرة. وقالت: فتك بعافية بقي يا مالك. ورحمة أبويا ما هسيبها. وبقت تقرب من ملك بهدوء. منال راحت عند حازم.

وحضنته وهي بتقول: اتكلم يا حازم. أوعى تسكت كده أبدا. حازم عينه اتملت دموع. ومش راضية تنزل. وفجأة كلهم فاقوا على صوت صراخ ماهي. الكل بص ناحيتها. لقوا ملك ماسكاها من شعرها وهي بتقول: وانتي يختي فرحانة بالشعرتين دول وماشية عملاهم عرض للي يسوى واللي ميسواش. تعالي يا حيليتها بقي انتي يا بنت الصرمة. انتي عايزة تكسري أخويا؟ لا عاش ولا كان اللي يعمل كده. مالك بص لهم وقال: أول مرة مش همنعك يا ملك. دوسي يا بنتي وربنا ينصرك.

ملك بفرحة: خدت تصريح من ملوكي. وبصت لماهي وقالت: تعالي بقي عشان أنا مخنوقة منك من ساعة ما شفتك. وكنت عمالة أصبر نفسي عشان خاطر الواد. وأقولك يا بت استحملي عشانه. لحد ما طهقت من اللي جابوكي بدري. ورمتها على الأرض وقعدت فوقها. وبقت تضرب وتعض فيها. منه شافت الخناقة شغالة. كرامتها نقحت عليها وقالت: اختشي حبيبتشي بتاخد حق الواد حازم. وأنا هقف أتفرج كده؟ طب وربنا ما يحصل. وجريت على جوه. جابت إيد المقشة وراحت عندهم. وقالت:

خديلك جنب انتي بقي يا ملك. الدور جه عليا. ماهي بصت لها بفزع وقالت: لا يا ملك أبوس إيدك خليكي انتي اضربي. متسبنيش ليها. ملك بشر: عنيا حاضر يا ماهي يا حبيبة قلبي. انتي عارفة إني بحبك لله في لله صح. وقامت من عليها وهي بتقول: يلا يا منه دورك. أول ما تخلصي نادي عليا أكون جهزت حاجة تانية. وجريت على المطبخ. منه نازلة ضرب فوق ماهي وهي بتقول: قوليلي كنتي عايزة إيه؟ تضحكي على حازم وتاخدي منه قرشين؟

طب أنا هديكي مية قرش. عدي معايا بقي. ماهي بتصرخ: مش عايزة حاجة. مش عايزة أنا آسفة والله. سبيني ومش هتشوفي وشي تاني. منال سابت حازم وجريت عليهم. زقت منه وقالت: أخص عليكي يا منه. كده تبهدلي الضيقة كده. ونزل لمستوى ماهي. وقالت: البهدلة مش كده يا بنت الصرمة. انتي البهدلة كده. ومسكت ماهي من شعرها. وبقت تجرجرها في الجنينة. ومنه بتضرب فيها بالمقشة. وملك جابت غطا الحلة. وبقت تضرب على دماغها لحد ما اتفتحت. ***

وليد: تفتكر هيموتوها؟ مالك: مش مهم. كلب وراح. تعال نشوف أخوك. الاتنين راحوا عند حازم. اللي الدنيا مسودة في عينه. ومش مستوعب لسة اللي حصل. بدون كلام. الاتنين حضنوه. وغمضوا عينهم. بقوا يبثوا له الأمان. مفاقوش غير على صوت ملوك وهي بتقول بفرحة: بابي مامي ومنه قتلوا البنت الشريرة اللي كانت هتاخد حازم مني. كلهم بصوا لماهي. لقوها سايحة في دمها. والتلاتة واقفين يبصوا لهم ببراءة. وقالوا في صوت واحد:

طبعاً لو حلفنا إنه مش قصدنا. وإن الحماس هو اللي خدنا وقتلناها. مش هتصدقونا. مالك: بنهار أسود. حماس خدكم وقتلتوا البت؟ ملك: معلش بقى يا مالك. خليها عليك المرة دي. وليد: خليها على إيه؟ هي كيلو بطاطس بنتخانق على سعره؟ منه: مالك محروق كده يخويا. تحب ترقد جمبها؟ وليد حط إيده على رقبته وقال: اعملي اللي تحبيه يا معلمة. وأنا هتاوي وراكي. حازم بص على ماهي بقرف. وتف عليها. وأخذ بعضه ومشي. ومالك ووليد خدوا. باك. *** حازم صحي

على صوت المضيفة وهي بتقول: وصلنا يا فندم. اربط حزام الأمان. حازم هز راسه وربط الحزام. وبص من الشباب وقال: عمار يا مصر. قبل كده بساعة. مالك صحي على صوت المنبه. بص جنبه. لقي ملك نايمة على كتفه. وشعرها على صدره ومغطي وشها. مالك: ملك اصحي بسرعة. مفيش وقت. لازم نرجع الفيلا. ملك: هممم. بس بقي سبوني أنام. مالك: قومي البسي طيب ونامي في العربية. ملك: هششش بقي. مالك: بتهشي فرخة. طيب يا ملك.

بص جنبه. لقي كباية ميه. مسكها ودلقها فوقها. ملك صحيت وقعدت على السرير بسرعة وهي بتقول: إيه اللي أنت عملته ده؟ مالك: عشان تصحي. خلصي بقي على ما اصحي باقي القبيلة. سابها وخرج. وملك لسة بتستوعب. ملك: هو دلق عليا الميه وإلا أنا بتهيألي. بس ده بيقول اجهزي. وبقي تكمل بصوت عالي: ينهار ملحوس يا مالك. بتصحيني بالميه. طب والله لهردها لك. بس الصبر. مالك بيخبط على منال وبيقول: يا منال يلا متأخرين.

منال: خلاص أنا لبست أهو. وملوك هصحّيها أهو. وليد صحي على صوت زعيق ملك. ففتح الباب بنوم وقال: مالها دي بتزعق على الصبح كده ليه؟ مالك: مش عايزة تصحى. خلص. صحي منه خلينا نلحق نجيب أخوك من المطار. وليد هز راسه ودخل لـ منه. صحاها. الكل جهز خلال عشر دقائق. ونزلوا تحت. ملوك شافت الواد اللي اتخانقت معاه قبل كده. جريت عليه وضربته على قفاه. وقالت:

صباح الخير يا معلم. أوعى تفتكر إنك كده خلصت مني. لا وألف لا. هما يومين أولعها. وأقنعهم يغضبوا تاني. وهاجي أوريك انت وعيال الحارة كلها. سلام مؤقت. ومشيت رافعة رأسها بغرور. كأنها انتصرت في حرب. كلهم ركبوا العربية. ومالك ساق بسرعة وجرى على الفيلا. ملك حطت راسها على الإزاز. وقالت: طب لما نوصل صحيني يا منه. منه نامت على كتفها. ملحقتش حتى ترد عليها. مالك بص لهم في المرايا وقال: ناموا نوم الظالم عبادة.

ملك: سمعتك على فكرة. بس مش هرد عليك دلوقتي. وهتلاقي الرد في وقته حلو. مالك في سره: ربنا يستر منها. عارفها هتردها ألف. مالك وصلهم البيت. ونزلوا. ملوك طلعت نامت من غير كلام. ومنال والبنات دخلوا يحضروا فطار. أما وليد ومالك راحوا على المطار بسرعة. *** حازم نزل من الطيارة مبتسم. بقي يمشي بسرعة متشوق يشوف أخواته. جري ختم جواز سفره وأخذ الشنط وخرج بسرعة. وليد أول ما شافه قال بصوت عالي: حازم حازم. وبقي يلوح بإيده. حازم شافه

وساب الشنط وجري عليه وقال: وحشتني أوي يا وليد. وليد بدموع: وأنت كمان وحشتني أوي. معدتش فيه سفر تاني، ودا قرار نهائي مفهوش نقاش. مالك كان بيركن العربية وجه عليهم وجري على حازم حضنه جامد وقال: وحشتني أوي يا حازم. وحشت أبوك أوي. حازم حضن مالك وقال: غصب عني يا مالك، غصب عني. مالك: مش هتبعد عن حضني تاني، أنت فاهم؟ حازم هز رأسه بإيجاب وقال: مش هبعد عنكم تاني يا مالك، مش هقدر أبعد عنكم تاني. مالك أخده من إيده وقال:

تعال. دا زمانهم في البيت قاعدين على نار مستنينك. وليد أخد الشنط وحازم مشي مع مالك وهو بيضحك. وصلوا لحد الفيلا وحازم كان لسه هينزل، مالك مسك إيده وقال: الكيسة دي اديها لملوك يا حازم. فيها ألعاب وشوية حاجات بتحبها، وقولها إن أنت جبتهم ليها. حازم: بس أنا فعلاً جايب ليها حاجات كتير، مش محتاج تعمل كدا. ملوك دي بنتي أنا، وأوعى كدا خليني أدخل أشوفها. حازم خرج من العربية ومالك بيدعي من جواه إن ربنا يعدي اليوم دا على خير.

وليد نزل الشنط وأخدها معاه جوه. حازم داخل ومتشوف أنه يشوف ملوك، لكن أول ما شافت عينه هي منال. منال جريت عليه وبقت تبوس وتحضن فيه وتعيط وتقول: كدا تبعد عني يا حازم؟ كل دا؟ أومال لو مكنتش عارف إنك المفضل عندي. حازم: معلش يا منولة، من النهارده مش هبعد عنك تاني أبدا. منه جت جري سلمت عليه وقالت: حمد الله على سلامتك يا حازم، وحشتنا. وإياك شوف إياك تبعد عننا تاني، البيت ملوش طعم من غيرك. وليد بسخرية:

لا وانتِ الصراحة بتسيبي حاجة من غير ما تكليها، سواء كان ليها طعم أو لا. منه بتذمر: خليك سادد نفسي كدا علطول. حازم بص ليهم وقال: هتفضلوا زي ما انتم كدا. وقال لـ منه: وإنتي كمان وحشتيني أوي يا منه. حازم دخل لقي ملك بتقرا في مجلة وبتبص ليه من تحت لتحت. قرب منها ومسك المجلة عدلها ليها وقال: حقك عليا يا أم ملوك، عارف إنك زعلانة مني بس غصب عني، سامحيني يا ملك. ملك قلبها حن ليه وقالت بدموع: هسامحك بس بشرط. حازم بلهفة:

موافق على أي حاجة تقوليها. ملك: مش هتسيبنا وتمشي تاني، صح؟ حازم هز رأسه بإيجاب وقال: مش هسيبكم خالص، والله ما هبعد عنكم تاني. الكل عيونه دمعت ودموعه نزلت، وحازم بقي يدور بعينه على ملوك وقال: فين بنتي حبيبتي؟ راحت فين؟ ملك: لسه فيك الخصلة دي يا حازم، وبتعتبر ملوك بنتك. حازم: طبعاً دي بنتي الأولي، هي فين؟ ملك: نايمة فوق. حازم طلع ليها جري ومسمعش كلامهم. ملك: ربنا يستر.

حازم دخل لملوك الأوضة لقاها نايمة زي الملاك على السرير، راح وباس على راسها وقال: وحشتني يا حبيبت قلب حازم، أنتي الوحيدة اللي غيابك أثر فيا أوي. ملوك كسرت وشها وقالت وهي نايمة: يا وليد روح شوف أم كرش اللي مش راضية تديني مكرونة بالبشاميل دي. حازم ضحك عليها وباسها من خدها وخرج من الأوضة نزل ليهم تحت وقال لـ منه: انتي مش بتأكليها معاكي ليه مكرونة بالبشاميل يا منه؟ البت بتخطرف وهي نايمة وبتقول عليكي أم كرش. منه:

بصوا حتى وهي نايمة مش عاطية ليا إهتمام، أنا راحة أكل أحسن. حازم قال ببلاهة: دا شكل ملوك عندها حق بقي. منه: كسر حقها، بنت ملك اللي مدوخة البيت كله واها دي. منال خدت حازم وقالت: تعال يا حبيبي كل، شكلك هفتان. مكنتش بتاكل كويس ليه وأنت هناك؟ انتي خاسس كدا ليه؟ وخدته على السفرة وقالت: قولي نفسك تاكل إيه عشان أعملهولك يا حبيبي. حازم: والله أنا مش عاوز حاجة، بس ممكن تعملوا مكرونة بشاميل عشان ملوك عاوزة منها. ملك:

ملكش دعوة بملوك، هي هتعرف تصرف نفسها، دي تربية منال يخويا. حازم: نهار أسود، علمتوا البت الانحراف. مالك: لا يا حبيب أخوك، هي نازلة الميول عندها بس منال وجهيتها صح. حازم لسه هيرد عليه لقوا ملوك نازلة على السلم وهي بتقول بزعيق: انتي يا أم كرش استغليتي إني نايمة وخلصتي كل الأكل؟ والله أجي أضر.بك في كرشك دا، أنزلك الواد ها؟ حازم ضحك وقام وقف قدامها وقال: ملوك. ملوك سمعت صوته صرخت وجريت على مالك وهي بتقول:

بابي هيزعق لـ ملوك ويضر.بها. مالك بلع ريقه بصعوبة من صعوبة الموقف، وحازم اتصدم من تصرفها وعينه دمعت، وملوك بقت تستخبي في حضن مالك جامد. حازم بصوت واطي: ملوك. ملك راحت أخدت ملوك من مالك وراحت لـ حازم، وملوك بقت تعيط وترجع لورا ومش عاوزة تروح. ملك نزلت لـ مستواها وقالت: ملوك بصيلي وبطلي عياط. ملوك هزت رأسها بالنفي وقالت: عاوزة بابي، انتوا كلكوا وحشين. ملك مسكت وشها بإيديها وقالت: مش أنتي بتحبي مامي؟ ملوك

هزت رأسها بإيجاب وقالت: آه، بس أنا عاوزة بابي. ملك: انتي مش عاوزة حازم؟ دا حازم اللي بيحب ملوك، مش عاوزة تسلمي عليه؟ ملوك بصت لـ حازم بخوف وقالت: هيـزعق لـ ملوك وليكي يا ملك تاني. حازم هز رأسه بالنفي وقال: عمري ما هـزعـل ملوك وملك تاني، أنا بحب ملوك قد الدنيا دي كلها. ملوك بصت لـ ملك وملك هزت رأسها بإيجاب وقالت: حازم بيحب ملوك قد الدنيا كلها، وملوك كمان بتحب حازم، بس كان زعلانة منه شوية صغيرين، مش كدا؟ ملوك

هزت رأسها بإيجاب وقالت: آه، عشان هو زعلني جامد أوي يعني. ملك همست في ودنها: حازم بيحب ملوك أوي أوي، اجري اديله حضن كبير، أجري عشان هو زعلان إن ملوك زعلانة منه. ملوك جريت على حازم وقالت: انت مش هتـزعـل ملوك تاني وهتعمل كل حاجة حلوة ليها، صح؟ حازم نزل لـ مستواها وقال: عمري ما أقدر أزعـل ملوك تاني. حضنها جامد ودموعه نزلت وقال: ملوك دي حبيبت حازم أصلاً، وحازم مش هيقدر يبعد عنها تاني أبدا أبدا.

الكل دموعه نزلت من الموقف، وملوك بقت إيديها حوالين رقيت حازم وقالت: وملوك كمان بتحب حازم أوي يا حازم. حازم شالها وبقي يلف بيها ويرميها في الهوا، وملوك صوت ضحكها ملئ الفيلا كلها. الكل بقي يبص عليهم بفرحة ويحمد ربنا إن الموضوع عدي على خير. حازم حاضن ملوك ومش راضي يسيبها، وملك بتفكر بخبث. أنت بتحب ملوك أوي كدا؟ يبقي هي اللي هتاخد حق الكل. استعد يا حازم، جميلة وبنتها راجعين.