رواية خادمة قلبي الفصل الخامس عشر 15 - بقلم زهرة عصام

حازم بصدمة: إيه ده! هتيجي بواحد أحدب وتيجي؟ ملك: اه يا بنت الـ... ورحمة أبويا لـ... ورايكي. ودخلت على المطبخ جري. مالك اتفاجئ من حركتها بس مرضيش يكسفها. ريا بتبتسم بانتصار لمجرد أنه حاوطها بدراعاته. حازم ميل على ودن وليد وقال: أنا مش متفائل يا وليد. جميلة هتجيب جمايكة وأحدب وتيجي.

لسه هيرد عليه، لقي ملك جاية جري وهي في إيديها كوباية حاجة سقعة. بصت عليهم بخبث ومشيت لحد ما وقفت ورا ريا وعملت نفسها اتكعبلت ودلقت عليها العصير بغل لدرجة أنه جه على شعرها. ريا بخضة: إيه ده! انتي إزاي تعملي كدا؟ انتي اتجننتي؟ ملك كانت مغمضة عينيها. قامت لطشاها بالقلم وقالت: ما تبطلي بقى يا ابن الـ... محن هيخليك متنح للبت كدا كتير.

مالك اتغاظ منها جداً. هو مقدر غيرتها بس متوصلش إنها تهين ضيفته. كان هيتكلم، لكن اتفاجئ بريا بتبص ليها بغيظ وهتردلها القلم. ويدوب رفعت إيديها، كانت ملك مسكتها وتنتها ورا ضهرها وهي بتقول: جامدة الحركة دي يا سقا يا جامد. حازم و وليد بصوا لبعض والابتسامة بقت توسع على بقهم. حازم: يا جامد انت يا باشا. كمل وأنا في ضهرك.

ملك سكتت و كتمت ضحكتها. زقت ريا وقعتها على الأرض وبعدين مشيت وهي مغمضة لحد ما خبطت في حيطة خبطة جامدة. فبصت ليهم وعنيها بتزوغ وقالت: ده باين هيبقي مرار طافح. ههه. وأغمي عليها. حازم و وليد اتخضوا وراحوا ناحيتها. ومالك اللي جري عليها أول ما وقعت وشالها حطها على الكنبة. ريا اللي بتحاول تقوم وكل ما تيجي تقوم تتزحلق في العصير اللي واقع على الأرض وتقع تاني ومحدش مهتم يساعدها أصلاً.

مالك: جميلة فوقي. الله يخربيتك. إيه اللي بتعمليه في نفسك ده بس؟ ملك بتوهان: سعادة البيه. كنافة بالمانجة. هتغسل المواعين يعني هتغسلها. وليد بغيظ: تصدقي حلال فيكي اللي حصلك. أحسن تستاهلي. ملك بغيظ: اه يا تنين مهاجر يا اللي مش لاقيين لك مكان يلمك. طب صبرك عليا. مالك كاتم ضحكته وفي نفس الوقت ضهرت ابتسامة هادية على وشه. وقرب من ودانها وقال: انتي هتفوقي وإلا أروح أحضنها تاني؟ ملك

بهمس وتوهان من أثر الخبطة: فكر بس يا سعادة البيه الحليوة. والمرَّة الجاية هتجيبها بالمستشفى. ملك بدأت تفوق. لقت الكل متجمع حواليها. فابتسمت ببلاهة وقالت: مسا الخير عليكم يا شباب المستقبل. ريا بيغيظ: مالك البنت دي لازم تمشي من هنا. أنت مش شايف عملت فيا إيه؟ حازم بحاجب مرفوع: معلش بكرة تتعودي. وبص لملك وقال بغمزة: اعملي حسابها في السردين بتاع بكرة. ملك اتعدلت وسقفت بإيديها

بس لسه مقومتش وقالت: الله على الدماغ دي. شكلك فاهمني وهنعمل أحلى شغل. حازم بهيام مصطنع: مع إن خسارة فيها اللي هيحصل بس تستاهل. ملك اتغاظت منه فضربته في ركبته قعدته على الأرض. ملك بغيظ: أنا هنا الهانم. أنا إيه! وليد وحازم في صوت واحد: الهانم سيدة القبيلة. ريا: شكراً يا مالك. أنا هاخد شنطتي وأمشي من هنا. هقعد في فندق طالما مش عارف تجيب لي حقي. ملك بانشكاح: ليه متخليكي قاعدة شوية؟ نضَّيِفك بحاجة.

مالك بص لها بتحذير وقال: اعتذري يا جميلة لأنك غلطي جامد أوي وحسابك معايا بعدين. ملك بشهقة: هي الحالة جاتلي تاني وأنا معرفش. ريا باستفهام: حالة إيه؟ ملك: أصل بعيد عنك بمشي وأنا نايمة. حقك عليا يا ست هانم. تنين مهاجر. ريا: مين دي؟ تنين مهاجر؟ اسمي ريا. ملك: حد الله ما بيني وما بين الربا. انت تقبله يا سعادة البيه؟ كريم شانتيه. حازم بضحكة مكتومة: أبداً يا جميلة. حد الله طبعاً. ملك باستفزاز: أهو شوفتي!

مالك: جميلة اعتذري عدل بقولك. ملك بغيظ: ماشي يا سعادة البيه الحليوة. ماشي. وقامت وقفت قدام ريا وقالت: إن شاء الله اتص في نظرك. ما كان قصدي. قولوا آمين. حازم رفع إيده وقال: آمين. ملك: وادي راسك أبوسها. مسكت وشها بين إيديها وميلتها عليها وضربيتها على قفاها وطلعت تجري. ملك: لامؤاخذة بقى يا سعادة البيه الحليوة. دي تنين مهاجر يعني مؤذية للعين والنفسية جداً. ويا ريت تشوفلك صرفة فيها.

وليد بصوت عالي: الله عليك يا حبيب والديك. جدع يا ابني. بايده، ماشي بالقفا، ماشي على الأرض، ماشي. حقيقي أهلك فلخوا بيك يا بنتي! ملك: طب متنساش بس المواعين وإلا هتغسلهم بكرة كمان بدل سعادة البيه كريم شانتيه. حازم: الله وأنا مالي يا لمبي. ريا دخلت الأوضة بغيظ وهي بتستخلف ليها. ملك: صبراً عليا يا تنين مهاجر يا عصاية المقشة. ما قولنا البلدي يكسب. تاني يوم الصبح كلهم صحيوا على صوت دوشة بره. كان أول واحد خارج هو حازم.

بصلها ببلاهة وقال: انتي بتعملي إيه؟ وده وقته؟ كلهم خرجوا وريا خرجت بعدهم وكلهم بصوا لها وتنحوا. ملك: ينهار ملحوس! ده انتي يوم أمك أسود معايا. وكملت بحسرة: طلاق تلاتة ما شافت بربع جنيه تربية. وأنا اللي هربيها.