رواية خفايا القدر الفصل الخامس والعشرون 25 - بقلم اسماء صلاح

توقفنا لما سمعت الدكتورة أميرة كلام الدكتور فؤاد من على الباب بره. قالت بإبتسامة ماكرة: "هي دي فرصتي." ومشت براحة ودخلت مكتبها، وفضلت رايحة جاية في المكتب. وقالت لنفسها: "هي دي فرصتي، بس إزاي أستغلها؟ إزاي؟ ولازم أبقى حريصة المرة دي، عشان المرة اللي فاتت رانيا كانت هتكشفني. إزاي أبينها على إنها هي السبب؟ ولازم المرة دي الدكتور فؤاد يطردها. بس إزاي؟ مش طالع معايا حاجة ليه؟

ونادت على أماني: "ولكنها لم ترد. هي راحت فين دي؟ وخرجت من المكتب وراحت على غرفة الممرضين. ونظرت من على الباب، لقيت أماني بتتفرج على مسلسل هندي على تليفونها. كانت حماة البطلة فيه بتحط حبوب هلوسة في العصير علشان تشوه سمعة مراته ابنها أمام ابنها وأصدقائه ويطردها من البيت. أماني بانفعال: "شفتي يا سعاد الحماة عملت إيه في مراته؟ منها ومراته ابنها مستاهلش اللي حماتها بتعمله معاها." سعاد: "هو الطيب كده، الدنيا بتيجي عليه."

ومشت الدكتورة أميرة ولم تدخل. وسرحت بتفكرها وقالت لنفسها بإبتسامة ماكرة: "هي دي الطريقة، بس هتشربها إزاي من غير ما أنا أقولها؟ علشان المرة دي ما تشكش فيه. هلقلها حل، بس أروح أجيب الأول حبوب الهلوسة." ودخلت مكتبها وأخذت شنطتها وخرجت من المكتب ونزلت مسرعة على السلم. فخبطت في الدكتورة رانيا وهي في الطرقة. وقفت الدكتورة رانيا قبل ما تشوف وجه اللي خبطها، قالت بعصبية: "مش تحسبي؟ ولفت الدكتورة أميرة

وشها وقالت بإبتسامة خفيفة: "معلشي يا رانيا." الدكتورة رانيا قالت باستغراب وبصوت مرتفع: "مالك؟ فيه إيه؟ الدكتورة أميرة قالت باستعجال: "مافيش." ومشت وخرجت من المستشفى. الدكتورة رانيا قالت باستغراب لنفسها: "هو فيه إيه؟ وطلعت على مكتبها. في مكتب الدكتور فؤاد: الدكتور فؤاد قال بإبتسامة: "اتفضلوا." وخرجوا الدكاترة من المكتب ما عدا الدكتور مجدي، وبينظر بدهشة للدكتور فؤاد.

الدكتور فؤاد قال بإبتسامة: "مالك يا دكتور بتبصلي كده ليه؟ الدكتور مجدي قال: "مستغرب." الدكتور فؤاد قال: "من إيه يا دكتور؟ وقام الدكتور مجدي وقعد أمامه على الكرسي: "يعني مش عارف." الدكتور فؤاد قال: "لأ عارف، بس يا دكتور اللي إنت متعرفوش إن لازم المساعدة للدكتور تكون معاها في أي عملية يعملها." الدكتور مجدي قال باستغراب: "يعني إيه يا دكتور؟ مش فاهم تقصد إيه؟

الدكتور فؤاد قال: "أقصد إن الدكتورة ملك بقت المساعدة بتاعتي يا دكتور." الدكتور مجدي قال باستغراب: "إنت مش شايف إنه منصب كبير عليها وهي لسه في فترة التدريب؟ الدكتور فؤاد قال: "ماهي يادكتور هتبقى برضه في فترة التدريب، يعني هتكون تحت إشرافي يا دكتور." الدكتور مجدي قال: "بس بلاش تبقى في العملية دي على الأقل لما تخلص تدريب." الدكتور فؤاد قال باستغراب: "إنت خايف من إيه يا دكتور؟

الدكتور مجدي قال: "خايف يحصل زي اللي حصل المرة اللي فاتت، وحضرتك بتقول إنها عملية حساسة، وغير كده الحالة بنت شخصية مهمة، يعني مش مسموح فيها أي غلط. ولو حصل حاجة في غرفة العمليات هتبقى كارثة." الدكتور فؤاد قال بإبتسامة: "ماتخفش يا دكتور، إن شاء الله كل حاجة هتعدي على خير." الدكتور مجدي قال بقلق: "بس يا دكتور... الدكتور فؤاد قال: "مابسش يا دكتور، خلينا نركز على العملية." الدكتور مجدي: "طيب ربنا يستر، بعد إذنك."

الدكتور فؤاد: "اتفضلوا." خرج الدكتور مجدي. وصلت الدكتورة أميرة على الصيدلية ونزلت من العربية ودخلت الصيدلية. وقالت: "لو سمحت عاوزة شريط هلوسة." وراح العامل يجيب الشريط وجيه وقال: "اتفضلي." وأخذت الدكتورة أميرة الشريط ودفعت الحساب وخرجت وركبت عربيتها وحطت الشريط في الشنطة ومشت. وراحت الدكتورة إلى غرفة الطفلة نورا ودخلت. وقالت بإبتسامة: "صباح الخير." وقامت والدة الطفلة وقالت بإبتسامة: "صباح النور يادكتورة." الدكتورة

ملك قالت بإبتسامة: "أميرتنا الحلوة عاملة إيه؟ والدة الطفلة قالت بإبتسامة: "الحمدلله يادكتورة." الدكتورة ملك قالت بإبتسامة: "طيب الحمد لله، بس برضه نكشف علشان نطمن أكتر." وكشفت عليها: "لا هاااا، إحنا بقينا كويسين أوي وهكتبلك النهاردة على خروج." والدة الطفلة قالت بإبتسامة: "يعني هي هتخرج النهاردة؟ الدكتورة ملك قالت بإبتسامة: "آه هي بقت كويسة. هو والدها مجاش ليه؟ والدة الطفلة قالت: "معرفش، قال بس هو جاي النهاردة."

الدكتورة ملك قالت بإبتسامة: "طيب بعد إذنكم." ومشت وبتفتح الباب. والدة الطفلة قالت: "دكتورة ملك... ونظرت الدكتورة ملك لها. وراحت والدة الطفلة لها وقالت: "ممكن أتكلم معاكي شوية؟ الدكتورة ملك قالت بإبتسامة: "آيوة طبعاً، اتفضلي." والدة الطفلة قالت بإبتسامة: "بس بره." وخرجوا من الغرفة ووقفوا أمام الباب من بره. والدة الطفلة قالت بخجل: "كنت عاوزة أعتذر لك على اللي حصل مني." الدكتورة

ملك قالت بإبتسامة: "ما حصلش حاجة، ولو أنا كنت مكانك كنت عملت أكتر من كده." والدة الطفلة قالت بإبتسامة: "أنا متشكرة إنك قدرتي اللي أنا كنت فيه، واللي إنتي عملتيه مع بنتي، أنا مش هنساه طول عمري." الدكتورة ملك قالت بإبتسامة: "أنا معملتش غير واجبي، بعد إذنك." ومشت. ودخلت والدة الطفلة إلى غرفة بنتها وقعدت على الكرسي بجانب بنتها. نورا بنتها قالت بإبتسامة: "الدكتورة ملك طيبة أوي يا ماما."

والدتها قالت بإبتسامة: "مع حق، هي فعلاً طيبة." ووصلت الدكتورة أميرة على المستشفى ونزلت من عربيتها ودخلت المستشفى. ومتوجة إلى مكتبها ودخلت وقعدت على الكرسي وطلعت الشريط من شنطتها. ونظرت له وقالت لنفسها: "أخليها تاخد حباية منه إزاي من غير ما تشك؟ وماينفعش أعملها زي الجاتوه، أعملها إزاي بس؟ ووصلت عربية الإسعاف على المستشفى ووراها عربية والدها ومعاها والدته وزوجته. ونزلوا الحالة ودخلت المستشفى.

ودخل والد الطفلة وزوجته والدته وراها. وراحت آمال الممرضة على مكتب مدير المستشفى وخبطت على الباب. الدكتور فؤاد قال: "اتفضل." ودخلت آمال الممرضة وقالت: "الحالة وصلت يادكتور." وقام الدكتور فؤاد من على الكرسي وقال: "وصلت." وخرج ونزل مسرع إلى الرسبشن وسلم على والد الطفلة. وسلم والد الطفلة عليه وقال بقلق: "هي العملية هتتعمل دلوقتي؟

الدكتور فؤاد: "لأ، إحنا هنحطها الأول تحت الملاحظة، ولو حالتها تسمح هنعملها النهاردة. إن شاء الله كل شي هيكون تمام." جدة الطفلة قالت بخوف: "إن شاء الله." الدكتور فؤاد قال بإبتسامة: "بس هنمنع الزيارة لما نعمل العملية." والدة الطفلة قالت بقلق: "يعني إيه؟ أنا مش هشوف بنتي غير بعد العملية؟ الدكتور فؤاد قال: "ده لمصلحتها يافندم." والدة الطفلة قالت بقلق: "بس... وقطع زوجها كلامها وقال: "مابسش، مش عاوزها تبقى كويسة؟

والدة الطفلة قالت بقلق: "آيوة طبعاً." زوجها قال: "يبقى خلاص نسمع كلام الدكتور." الدكتور فؤاد قال: "حضرتكم هتستنوا في الاستراحة." والدة الطفلة: "تمام يادكتور." وراحوا على الاستراحة. الدكتور فؤاد قال: "بسرعة قولي للدكتور مجدي إن الحالة وصلت وخليه يجيلي على غرفة الحالة." ومشت. آمال الممرضة قالت: "حاضر يادكتور." وراحت على على مكتب الدكتور مجدي وخبطت على الباب. الدكتور مجدي قال: "اتفضل." ودخلت آمال

الممرضة وقالت بإبتسامة: "الحالة وصلت، والدكتور فؤاد عاوز حضرتك تروحه على غرفة الحالة يادكتور." وقام الدكتور مجدي من على الكرسي وقال: "وصلت." وخرج. وراح إلى الغرفة ووراها آمال الممرضة. وخبط على الباب ودخل ولقاها الدكتور فؤاد بيكشف على الحالة. وقال: "إيه يا دكتور؟ هتعمل العملية دلوقتي؟ وخلص الدكتور فؤاد الكشف ونظر له وقال: "بعد ساعتين هندخلها غرفة العمليات، يكون اطمنها أكتر." الدكتور مجدي: "تمام يادكتور."

ومد الدكتور فؤاد يده وقال: "اتفضل يادكتور، ده ملف الحالة." وأخذه الدكتور مجدي منه وقال: "تمام يادكتور." الدكتور فؤاد قال: "آمال، قولي للدكتور سمير والدكتورة نهال بلغيهم إن الحالة وصلت." آمال الممرضة قالت: "حاضر يافندم." وخرجت. وخرج وراها الدكتور فؤاد وراح على مكتبه. وخرج وراها الدكتور مجدي ومعها ملف الحالة وراح على مكتبه. وخرجت الدكتورة أميرة من مكتبها وهي بتفكر إزاي تخلي الدكتورة ملك تاخد الحباية.

ومتوجة إلى الكافترية لتشرب القهوة. فسعت آمال الممرضة بعد ما خرجت من عند الدكتورة نهال وسعاد بتسألها عن الحالة اللي جات المستشفى هتعمل العملية امتى. فقالت آمال لها إن الدكتور فؤاد قرر إنه هيعملها بعد ساعتين. وقالت للدكتورة ملك إن الحالة هتعملها بعد ساعتين. سعاد الممرضة قالت: "طيب." ومشت. وغيرت الدكتورة أميرة رأيها ورجعت تاني إلى مكتبها ودخلت وقعدت على الكرسي.

وقالت لنفسها بتوتر: "العملية بعد ساعتين وأنا لازم أعطلها الحباية قبل ما تدخل العمليات، بس إزاي؟ إزاي؟ وراحت سعاد على مكتب الدكتورة ملك وخبطت على الباب. الدكتورة ملك قالت: "اتفضل." ودخلت سعاد الممرضة وقالت: "الدكتور فؤاد قرر إن الحالة هتعمل العملية بعد ساعتين." الدكتورة ملك قالت: "ليه؟ هي وصلت؟ سعاد الممرضة قالت: "آه من ربع ساعة والدكتور فؤاد كشف عليها." الدكتورة ملك: "طيب ماشي، اتفضلي إنت." وخرجت سعاد الممرضة.

وخرجت الدكتورة ملك من مكتبها متوجه إلى الكافترية. وأخذت الدكتورة أميرة الشريط من الشنطة وحطيته في جيبها. وخرجت من مكتبها وهي بتفكر إزاي تخلي الدكتورة ملك تاخد الحباية. ومتوجة إلى الكافترية لتشرب القهوة. الدكتورة ملك قالت بإبتسامة: "لو سمحت عاوزة عصير ليمون." ورن تليفونها وراحت ترد عليها. وشافتها الدكتورة أميرة وهي بتطلب الطلب ورايحة ترد على تليفونها. فراحت الدكتورة ملك قالت بإبتسامة: "لو سمحت قهوة مظبوط."

العامل قال بصوت مرتفع: "العصير يادكتورة." فشارت الدكتورة ملك له وهي بتكلم في التليفون وقالت: "طيب." ونظرة الدكتورة أميرة لها بإبتسامة وقالت لنفسها: "هي دي فرصتي، وكويس إن الشريط معايا." وطلعت الشريط من جيبها وأخذت الحباية منه. وحطت الشريط بسرعة في جيبها. ونظرت للعامل وللدكتورة ملك. وحطت الحباية في كوباية العصير.