رواية خفايا القدر الفصل السابع والعشرون 27 - بقلم اسماء صلاح

توقفنا لما راح فكري والد الطفلة وحط إيده على كتفها وقال لزوجته: "إن شاء الله خير، ماتقلقيش." ونظر لها: "مالك يا سميرة؟ سميرة والدة الطفلة ردت بدون تعليق. فكرى والد الطفلة قال بخوف وبصوت مرتفع: "سميرة سميرة! نظرت له والدته وراحت وقالت بخوف: "مالك يا فكري بتزعق ليه؟ وبينظر فكري لزوجته وقال لها بخوف: "الحقني يا ماما، سميرة مش بترد عليا." وبتنظر لها والدته وحطت إيدها على كتفها وقالت بخوف: "ليه إيه؟ سميرة، انتي سامعاني؟

ردّي عليا يا بنتي." سميرة بدون تعليق. وهزتها والدته وقالت بخوف: "هو إيه اللي حصل لها؟ فكرى والد الطفلة قال بخوف: "معرفش، أنا نظرت لها وكانت بتحكي مع اللي جنبها، وبعد كده معرفش إيه اللي حصل." ونظرت والدته للدكتورة ملك وقالت بخوف: "واللي جنبها مالها؟ ونظر فكري والد الطفلة للدكتورة ملك وقال بخوف:

"معرفش، ماهي لو كانت صحية كانت حكت لنا على اللي حصل، بس أنا معرفش مالها هي كمان. وقف، اسمعي ياماما، أنا هروح أشوف أي دكتور علشان يطمّنها، وانتي خليكي هنا معاها." والدته قالت بقلق: "طيب، متتأخرش." نظر فكري والد الطفلة لزوجته وقال بخوف: "مش هتأخر، بس خلي بالك عليها." والدته قالت بقلق: "طيب." ومشي والد الطفلة مسرعاً لينادي الدكتور. وحطت جدة الطفلة يدها على كتفها وبتنظر لغرفة العمليات وقالت بقلق:

"يارب كون معانا والعملية تنجح وتعدي على خير يارب." *** في مكتب الدكتورة أميرة: قعدت الدكتورة أميرة على الكرسي وقالت لنفسها بتوتر: "وبعدين بقى؟ معقول العملية لسه مخلصتش لغاية دلوقتي؟ وقامت من على الكرسي ورايحة جاية في المكتب. ماهي لو كانت خلصت كنت سمعت صوت بره أو أي حاجة زي المرة اللي فاتت، بس لسه ما حصلش حاجة. وياترى الدكتور فؤاد هيطردها المرة دي ولا هيسمحها؟

بس بس، لا، المرة دي أكيد هيطردها عشان الحالة بنت شخصية مهمة ومش مسموح فيها أي غلط. أنا هقعد أقول يمكن ويمكن. مانزل أشوف إيه اللي بيحصل تحت؟ وراحت وفتحت الباب. لا بلاش أحسن، أبقى في وضع شك أحسن. خليني بعيد، ولما أسمع صوت أبقى أطلع زي الدكاترة الباقين أحسن. وقفلّت الباب وراحت وقعدت على الكرسي. *** أمام غرفة العمليات: جيه والد الطفلة مسرعاً معها الدكتورة نهال وراح أمام زوجته وقال بخوف:

"أهي يا دكتورة، مش عارف مالها، قاعدين نكلمها ومبتردش علينا، مش عارف مالها." الدكتورة نهال قالت بابتسامة خفيفة: "ماتقلقش، أنا هكشف وأشوف." ونظرت جنبها وقالت لنفسها باستغراب: "إيه ده؟ الدكتورة ملك بتعمل إيه هنا؟ المفروض تبقى في العمليات. قاعدة هنا بتعمل إيه؟ ومالها؟ باين عليها فقدت الوعي. ياترى إيه اللي حصل معاها؟ جدة الطفلة قالت بقلق: "شوفها مالها يا دكتورة وقولي لنا إيه اللي حصل معاها." ونظرت الدكتورة نهال لها وقالت:

"ها، حاضر." وبتكشف عليها. وبينظر فكري والد الطفلة إلى غرفة العمليات وقال بقلق: "لسه محدش طلع من غرفة العمليات يا ماما." ونظرة والدته له وقالت بقلق: "لسه." خلصت الدكتورة نهال الكشف على والدة الطفلة. ونظر فكري والد الطفلة قال بقلق: "خير يا دكتورة؟ ونظرة جدة الطفلة إلى الدكتورة نهال. الدكتورة نهال قالت بابتسامة خفيفة: "ماتقلقوش، هي بس في حالة صدمة." جدة الطفلة قالت بقلق: "بس هي مابتردتش علينا يا دكتورة."

الدكتورة نهال قالت: "ماهي الصدمة بتعمل كده." فكرى والد الطفلة قال بخوف: "وإيه اللي عمل عندها صدمة؟ هي كانت من شوية بتكلم وبتعيط، وكانت بتكلم مع اللي جنبها من شوية ومش عارف ليه سكتت فجأة." ونظرة الدكتورة نهال للدكتورة ملك قالت لنفسها بقلق: "ياترى إيه اللي اتكلمت فيه يا دكتورة ملك مع والدة الطفلة؟ فكرى والد الطفلة قال بخوف: "وهي هتفضل ساكتة على طول؟ ونظرة الدكتورة نهال وقالت:

"ها، لا، الصدمة دي مؤقتة. بتيجي من ضغط عصبي أو نتيجة حاجة ماكنتش متوقعاها، أو حاجة متوقعاها وحصلت فمقدرتش تستحملها، عشان كده عملت عندها صدمة. بس ماتقلقش، هي مؤقتة وإن شاء الله هتخف. بس حضرتك متعرفش هي اتكلمت مع اللي جنبها في إيه؟ فكرى والد الطفلة قال بخوف: "لا معرفش، وحتى معرفش اللي جنبها مالها. واحدة جوه في العمليات طلعت وقعدت كده." ونظرة الدكتورة نهال للدكتورة ملك وقالت لنفسها باستغراب:

"طلّعوها من غرفة العمليات ليه؟ ياترى حصل إيه جوه علشان طلعت من العمليات؟ أكيد حصل حاجة جوه. بس أغم عليها ليه؟ لاهاااا، أنا ماعدتش فاهمة حاجة." وحطت إيدها على وشها وقالت بقلق: "دكتورة ملك، يا دكتور؟ جدة الطفلة قالت بقلق: "طيب يا دكتورة، وهي هتفوق امتى؟ ونظرة الدكتورة نهال لها وقالت: "مش عارفة إيه اللي حصل معاها." جدة الطفلة قالت بقلق: "أنا أقصد مراته ابني." الدكتورة نهال قالت: "آه، لا، ماتقلقيش، هي صدمة مؤقتة وهتفوق."

جدة الطفلة قالت بقلق: "يارب تفوق." وقامت الدكتورة نهال الدكتورة ملك وحطت إيدها على كتفها ومشوا رايحة بيها على مكتبها. ودخلت الدكتورة نهال مكتبها وهي مسندة الدكتورة ملك وقعدتها على الكرسي وقعدت على الكرسي وهي بتلمس كتفها وقالت لنفسها بتعب: "آه يا كتفي." ونظرة لها وقامت وجابت زجاجة مياه من على المكتب وفتحتها ورشت شوية على وجهه الدكتورة ملك وقعدت أمامها على الكرسي وحطت الزجاجة جنبها على المكتب.

وبدأت الدكتورة ملك تفوق وفتحت عيونها ونظرت أمامها بشوش وقالت: "أنا فين؟ الدكتورة نهال قالت: "انتي في مكتبي يا دكتورة." *** أمام غرفة العمليات: وطلع الدكتور فؤاد من غرفة العمليات وجرى عليه والد الطفلة وقال بخوف وقلق ولهفة: "خير يا دكتور؟ الدكتور فؤاد قال بابتسامة: "الحمد لله، العملية نجحت." جدة الطفلة قالت بقلق: "يعني يا دكتور هتبقى كويسة؟ الدكتور فؤاد قال بابتسامة:

"إن شاء الله، احنا هنحطها تحت الملاحظة الساعات الجاية وإن شاء الله خير." فكرى والد الطفلة قال بقلق: "مش العملية نجحت، امال هتبقى تحت الملاحظة ليه؟ الدكتور فؤاد قال بابتسامة: "علشان نطمن أكتر." جدة الطفلة قالت بلهفة: "طيب، ممكن نشوفها؟ الدكتور فؤاد قال: "دلوقتي لأ." فكرى والد الطفلة قال بقلق: "علشان خاطري يا دكتور، حتى لو من بعيد، المهم نشوفها." الدكتور فؤاد قال بابتسامة:

"طيب، هي دلوقتي انتقلت للعناية المركزة، هتشوفها من بره علشان حالتها متسمحش لأي زيارة." فكرى والد الطفلة قال بفرحة: "شكراً يا دكتور." ومشي الدكتور فؤاد وعلى وجهه علامات الغضب بما حدث جوه في غرفة العمليات ورايح على مكتبه. وراح فكري والد الطفلة إلى زوجته وقال لها بابتسامة: "سميرة، العملية بتاعت بنتنا نجحت وإن شاء الله هتخف، أنا عارف إنك سامعاني." والدته قالت بابتسامة وبتبكي: "يلا يا سميرة قومي علشان تشوفيها."

وقومها زوجها فكري ومشوا ورايحين إلى العناية المركزة. *** أمام العناية المركزة: ونظر فكري والد الطفلة أمامه إلى ابنته في العناية المركزة وقال بابتسامة: "شوفتي يا سميرة، بنتنا بقت كويسة وإن شاء الله هتخرج." جدة الطفلة قالت بابتسامة وبتبكي: "إن شاء الله يا ابني." وحركت والدة الطفلة عينها ونظرت إلى ابنتها في العناية المركزة وقالت بصوت مرتفع: "بنتي بنتي! ونظر فكري زوجها لها وقال بابتسامة: "انتي اتكلمتي يا سميرة؟

وباس رأسها: "أشكرك يا رب." ونظرة جدة الطفلة لها وقالت بابتسامة وبتبكي: "الحمد لله يا رب." ونظرة والدة الطفلة لزوجها وقالت بلهفة وبتبكي: "بنتي بنتي." فكرى قال لها بفرحة: "الحمد لله، العملية نجحت والدكتور طمني وقالي أنها هتبقى كويسة." والدة الطفلة قالت بابتسامة وبتبكي: "بجد هتبقى كويسة؟ امال هي قالت لي إنها ماتت ليه؟ ونظر فكري زوجها لها وقال باستغراب: "هي مين اللي قالتلك إنها ماتت؟ وتبص والدة الطفلة لابنتها وقالت له:

"اللي كانت قاعدة جنبي." وبينظر فكري زوجها لها وقال باستغراب: "اللي كانت مغمى عليها جنبك؟ والدة الطفلة قالت: "آه." فكرى زوجها قال بدهشة: "آيوه، عشان كده مستحملتش وحصلك الصدمة. أنا مش عارفة إزاي تقولك كده." ودخل الدكتور فؤاد مكتبه وعلى وجهه علامات الغضب وقعد على الكرسي. ودخل وراه الدكتور مجدي وقال: "أنا مش قولتلك بلاش؟ هي وقعدت، أهو طلع كلامي مظبوط." ومسك الدكتور فؤاد سماعة التليفون وقال بغضب:

"أماني، خلي الدكتورة ملك تيجي بسرعة." أماني الممرضة: "حاضر يا دكتور." وحط السماعة من يده وقال بعصبية: "إزاي تعمل كده في غرفة العمليات؟ الدكتور مجدي قال بعصبية: "ما أنا قلتلك يا دكتور بلاش تدخل غرفة العمليات، بس انت اللي أصرّيت. يا عمرها ما حصلت إن دكتورة تعمل كده في غرفة العمليات. الحمد لله إن المريضة ما حصلهاش حاجة، وإلا كانت هتبقى كارثة." الدكتور فؤاد قال بغضب: "معاك حق يا دكتور مجدي."

وراحت أماني على مكتب الدكتورة ملك وخبطت على الباب ولكن لم يرد أحد، فدخلت وبتنظر وقالت لنفسها باستغراب: "يا دكتورة، مش موجودة، هيكون راحت فين يعني؟ وخرجت وراحت على مكتب الدكتور فؤاد مدير المستشفى وخبطت على الباب. الدكتور فؤاد قال بغضب: "أدخل." ودخلت أماني الممرضة وقالت: "الدكتورة ملك مش موجودة في مكتبها يا فندم." وقام الدكتور فؤاد من على الكرسي وقال بعصبية وبصوت مرتفع:

"اقلبي عليها المستشفى لما تلاقيها وخليها تيجي. اتفضلي." أماني الممرضة: "حاضر." وخرجت وبتدور عليها في المستشفى وخبطت على الباب الدكتورة أميرة. الدكتورة أميرة قالت: "اتفضل." ودخلت أماني الممرضة وقالت: "الدكتورة ملك مجتش عندك يا دكتورة؟ الدكتورة أميرة قالت باستغراب: "لا، ليه؟ أماني الممرضة وقالت: "أصل الدكتور فؤاد عاوزها ضروري." الدكتورة أميرة قالت: "ما جتش عندي." أماني الممرضة وقالت: "شكراً يا دكتورة، بعد إذنك."

الدكتورة أميرة قالت بابتسامة: "العفو." وخرجت أماني الممرضة من مكتب الدكتورة أميرة ووقفت وقالت لنفسها: "هي رايحة فين بس؟ ربنا يستر." الدكتورة أميرة وهي في مكتبها قالت لنفسها بابتسامة: "أكيد اشتغلت الحبية عشان كده الدكتور فؤاد عاوزها ضروري." وراحت أماني الممرضة على مكتب الدكتورة رانيا وخبطت على الباب. الدكتورة رانيا قالت بابتسامة: "اتفضل." ودخلت أماني الممرضة وقالت: "هي الدكتورة ملك مجتش عندك يا دكتورة؟ الدكتورة

رانيا قالت باستغراب: "لا، مجتش. فيه حاجة ولا إيه؟ أماني الممرضة وقالت: "لا، أصل الدكتور فؤاد عاوزها ضروري." الدكتورة رانيا قالت بابتسامة: "لا، مجتش." أماني الممرضة وقالت: "شكراً يا دكتورة، بعد إذنك." الدكتورة رانيا قالت بابتسامة: "العفو." وخرجت أماني الممرضة من عند الدكتورة رانيا وقالت لنفسها: "هتكون فين يعني؟ أنا قلبت عليها المستشفى كلها. هتكون فين يعني؟

"مافيش غير مكتب الدكتورة نهال. أكيد مش عندها، بس أشوف برضه، لتطلع عندها." *** في مكتب الدكتورة نهال: الدكتورة نهال قالت: "إيه اللي حصل معاكي في غرفة العمليات؟ وسرحت الدكتورة ملك بتفكرها واتذكرت كل اللي حصل معاها في غرفة العمليات واللي قالته والدة الطفلة. ومسك الدكتورة ملك راسها وقالت: "بدون تعليق." الدكتورة نهال قالت: "يعني مش عاوزاها تقولي؟ براحتك، على فكرة أنا مش فضولية، أنا كنت عاوزة أساعدك، مش أقدر."

ووصلت أماني الممرضة على مكتب الدكتورة نهال وخبطت على الباب. الدكتورة نهال قالت: "اتفضل." ودخلت أماني الممرضة وقالت: "الدكتورة ملك ماااا... ونظرت: "إيه ده؟ انتي هنا يا دكتورة؟ وأنا قلبت عليكي المستشفى كلها." ونظرة لها الدكتورة ملك وهي حاطة إيدها على راسها وقالت: "ليه؟ فيه حاجة؟ أماني الممرضة وقالت: "الدكتور فؤاد عاوزك ضروري." ونظرة الدكتورة ملك لها وللدكتورة نهال وقالت بارتباك: "عاوزني؟