رواية خفايا القلوب "ليس على القلب سلطان" الفصل الثاني 2 - بقلم نور محمد

البيت كله اتقلب على صوت جميلة اللي هز أركان البيت وهي بتصرخ بقوة، وحمدي فاق على صوتها بفزع. زهرة جرت هي وعماد على غرفة جميلة وحاولوا يفتحوها بس كانت مغلقة بإحكام، فجرى حمدي عليهم وكسر الباب ودخلوا كلهم غرفتها بقلق وخوف، وهنا كانت الصدمة الحقيقية بجد. زهرة جرت زي المجنونة على بنتها اللي لقتها مرمية على الأرض تحت السرير وهي ملفوفة بالملاية بس.

حمدي انصدم وسحب أخوه عماد بسرعة وقفل الباب عليهم. زهرة مسكت وجه جميلة وبقت تفوق فيها بخوف. زهرة بقلق ورعب: جميلة، فوقي يا بنتي، أبوس إيدك فوقي، قلبي هيقف عليكي من الخوف. حاولت كتير تفوقها بدون جدوى فجرت خارج الغرفة برعب. زهرة بخوف ورعب: حمدي الحقني، أختك مش بتفوق معايا، اتصل على الدكتورة حالًا. حمدي بقلق: حاضر يا ماما، روحي بس غيري لها بسرعة وأنا هنزل فورًا أجيب دكتورة.

جرى حمدي خارج البيت بقلق، وزهرة جرت على غرفة بنتها، وعماد بص على غرفة أخته جميلة بتوتر وخوف. وبعد وقت وصلت الدكتورة وبدأت تكشف عليها تحت نظرات القلق المحفورة في عيون أمها وإخوتها. حمدي بقلق: ها يا دكتورة، طمنيني أختي كويسة؟ الدكتورة بحزن: للأسف الآنسة تعرضت لتحرش جسدي وحالتها صعبة أوي. زهرة سمعتها وبقت الدنيا بتلف بيها، ولسه هتقع لحقها عماد بسرعة. حمدي بصدمة وحزن: تمام يا دكتورة، اعملي لها اللازم بس لو سمحتي.

الدكتورة: حاضر يا فندم. الدكتورة خلصت فحص جميلة وكتبت لها على مقويات وفيتامينات وخرجت من البيت. وبعد وقت في الصالون. زهرة بدموع: بنتي ضاعت، بنتي اتدمرت وهي جوه بيتي، أعمل إيه يا ربي دلوقتي؟ عماد بحزن: ماما اهدي وكل حاجة هتبقى تمام بإذن الله. زهرة بحدة وانفعال: أهدى.. أهدى إزاي بعد اللي حصل في أختك ده، وإزاي يحصل وهي جوه بيتي، مين هيقدر يدخل البيت في وجودكم ويعمل كده في أختكم يا ولاد بطني؟!

عماد بصدمة: أنتي قصدك إيه يا ماما؟! زهرة بحدة وغضب: قصدي اللي حصل لأختكم ده أكيد بسبب واحد منكم أنتوا، أنا بنتي حكتلي كنتوا بتعملوا فيها إيه في غيابي. حمدي وعماد بصوا على أمهم بصدمة وتوتر. حمدي ببرود مصطنع: عماد اطلع جيب أكل جاهز علشان ماما تعبانة النهارده ومش هتقدر تطبخ. عماد بتوتر: حاضر بس. حمدي بصرامة: أنا قولت إيه، يالا غور دلوقتي. عماد بخوف: حاضر حاضر. خرج عماد بسرعة وحمدي قعد

جنب أمه بقلق وتوتر وقال: ماما هي جميلة قالتلك إيه عننا بالضبط؟ زهرة بضيق وحدة: قالتلي إنكم حاولتم تقربوا منها بطريقة مش كويسة وهي كانت خايفة منكم. حمدي بصدمة وضيق: أنتي بتقولي إيه يا ماما ده مستحيل محصلش. زهرة بسخرية وشك: أمال ليه قولتيلها إمبارح تقفل على نفسها كويس وأصريت عليها كمان؟ حمدي بتوتر: أحم علشان الجو كان برد بس وأنا كنت خايف عليها.

زهرة بحدة: كذاب يا حمدي، أنت قولت كده علشان عارف اللي بيحصل مع أختك وعارف مين اللي عمل فيها كده كمان. حمدي بلع ريقه بتوتر وتصبب عرق من الخوف وقال: ماما صدقيني أنا أنا معرفش حاجة و قاطعته زهرة بغضب: لا تعرف يا حمدي مين اللي عمل فيها كده، أبوس إيدك يا ابني ريح قلبي وقولي مين عمل في أختك كده؟ حمدي الدموع لمعت في عينيه بحزن وخوف: بلاش يا ماما تعرفي أحسن، لو عرفتي مش هتقدري تستحملي الصدمة.

زهرة بصدمة وذهول: قول يا حمدي يا ابني، قلبي هيقف من القلق والخوف، ريحني قول مين عمل فيها كده؟! حمدي بدموع وندم: تمام يا ماما هقولك.. اللي عمل في أختي كده يبقى...