رواية خذلان الحب الفصل الثاني 2 - بقلم ميرفت سعيد

حور وهي تركب السيارة: لو سمحت أنا عايزة أروح أي فندق يكون قريب. مالك باستغراب: نعم... انتي متخلفة. حور بصدمة: انت بتشتمني، انت اتجننت؟ صدق إنك سواق مش محترم. مالك بصدمة وعصبية: اتجننت وسواق؟ طب انزلي انزلي عشان أنا مش عايز أتعصب عليكي. قال سواق قال. حور: عيل متخلف... ونزلت بسرعة. مالك بصدمة: عيل متخلف!!! ثم نزل بسرعة عشان يشوفها. بس كانت اختفت. مالك بعصبية: والله كويس إنها اختفت، مش ناقصة على الصبح.

هاتف مالك رن باسم "علي". علي: انت فين يا ابني؟ مالك: أنا في المطار مستني أختي ليلي جاية من السفر. طلعت لي واحدة مجنونة عصبتني. علي بضحك: البنات حواليك كتير يا برنس. عملت إيه البنت دي كمان؟ مالك: عمل أسود... هكلمك بعدين أما أشوف الست ليلي. سلام. علي: ماشي سلام. ليلي بفرحة: ماااالك. مالك وهو بيحضنها: لولي عاملة إيه؟ وحشتيني. ليلي: وانت كمان وحشتني موت. وماما كمان عاملة إيه؟ مالك:

الحمد لله. تعالي يلا نروح، ده ماما في البيت مستنياكي على نار. ليلي: يلا. ****** وهناك في جنب كان في مجهول بيشاهد بصمت وحب وفرحة واشتياق وألم. المجهول: أخيراً. ****** تاني يوم في المستشفى. عليا للممرضة: لو سمحتي دكتور علي فين؟ الممرضة: الدكتور علي راح يشوف المريضة سندي. عليا بغيظ: سندي. تمام. عليا راحت لغرفة سندي. سندي بضحك: دمك خفيف قوي يا دكتور. علي بضحك وغرور مصطنع: دمي بس. عليا بغيظ: والله أشك إن في دم أصلاً.

سندي بدلع: ليه بتقولي كده يا دكتورة؟ ده الدكتور علي قمور. علي بمرح: بركات دعاكي يا ماما. عليا بغيظ: والله!! شكل الضربة أثرت عليكي بس. المهم أنا شايفه إن حضرتك بقيتي كويسة وكتبت لك على خروج. سندي بفرحة: بجد؟ طب كويس. علي: إيه الفرحة دي؟ شكل القعدة عندنا ما كانتش عاجباكي. سندي بمياعة: لا والله، ده القعدة كانت في منتهى الجمال. عليا برفع حاجب: لا والله. علي وهو بيكتم ضحكته على عليا:

طب إحنا هنمشي ونبقى نشوفك في فرصة تكون أحسن من كده. سندي بدلع: أكيد يا دكتور. باي. علي: باي. عليا بغيظ وبصوت واطي: إيه محن الكلاب ده؟ والله لائقين على بعض. علي بضحك بعد ما سمع كلامها: بجد لائقين على بعض؟ أنا قولت كده. عقبال ما تلاقي اللي لايق عليكي. نظرت له عليا بحزن ومشت. علي لنفسه: إنتي إنسانة جميلة يا عليا، بس مش إنتي اللي أنا بتمناها. ****** في غرفة ليلي، أخت مالك. ليلي: الو...

وإنتي كمان وحشتيني أوي يا هنا. أوكي نتقابل بكرة. سلام. وصلت رسالة على تليفون ليلي من رقم مجهول. الرسالة: (أما بعد فلن أحب أحداً بعدك، أما قبل فأنا أساساً لم أعرف الحب إلا بك ❤️❤️) ليلي لنفسها: الله! إيه الكلام الجميل ده. ردت ليلي: مين؟ المجهول: مفيش رد. ليلي لنفسها: مين اللي بعت الرسالة؟ يكون... لا لا دي صفحة واتقفلت خلاص. ثم قالت في حزن وألم: إيه يا ليلي بعد اللي عمله مش عايزة تنسيه. ****** في مستشفى الغرباوي. حور:

الو يا ماما... أنا في المستشفى... لا لا أنا كويسة، أنا رايحة أقدم على وظيفة... مش عارفة يقا يا ماما... آه. عليا: أنا آسفة، ما كانش قصدي أخبط فيكي. حور: لا ولا يهمك، أنا اللي مفروض أعتذر. كنت بكلم مامتي وما خدتش بالي. عليا: ولا يهمك يا قمر. أقدر أساعدك في حاجة؟ حور: آه، أنا دكتورة حور، دكتورة أطفال. عليا: وأنا الدكتورة عليا، قسم جراحة. شكلك جديدة. حور: جديدة إيه؟

أنا عايزة أقولك إني لسه متقبلتش أصلاً، أو لسه مدخلتش للمدير. هو مين المدير صحيح؟ عليا: المدير الدكتور مالك. مكتبه آخر دور. حور: تمام، شكراً. علي وهو بيوجه كلامه لعليا: عليا بقول... إيه ده؟ بسم الله ما شاء الله، فيه وجه جديدة في المستشفى. عليا بغيظ: الدكتورة حور جاية تشتغل هنا في قسم الأطفال. علي: أيوه كده المستشفى تنور. ده أنا بفكر أحول لقسم الأطفال. حور بضحك بصت لعليا اللي هو إيه ده. عليا بغيظ بتشد حور:

تعالي يا بنتي أوصلك مكتب الدكتور مالك. حور لعليا بعد ما مشوا: مين ده؟ شكله لذيذ. عليا بغيرة: لذيذ والله. ثم قالت بعصبية: إنتي جاية تشتغلي ولا تشوفي عريس؟ حور: عريس!!؟ ليه هو أنا زيك؟ عليا: صدقي إنك مش محترمة. حور: إنتي اللي... مالك بعصبية: إيه ده؟ إيه الصوت ده؟ حور بعصبية: هو انت. مالك بخبث: أهلاً.