رواية قلوب مشتته الفصل السابع 7 - بقلم هدير مصطفى

جني خلصت كلامها لقت عمتها بتبصلها. نواره: اسمعيني يا بنتي. الحب شئ مهم جدًا في حياة الإنسان. انتي بنتي قبل ما تكوني بنت أخويا. عشان كده أنا هنصحك بيني وبينك وأقولك مينفعش. مينفعش تكملي حياتك من غير حب حقيقي. حب يملأ كل تفاصيل حياتك. حب يبدأ من قلبك ويتنقل لروحك. جني: طب ما رامي بيحبني.

نواره: حب من طرف واحد. حب لطرف ساكت. حب لطرف رافض. حب هيجيب ليكم الألم والوجع والجرح. ليكم أنتم الاتنين. أصل زي ما قولتلك قبل كده الحب مش إنك تعطي وبس ولا إنك تاخد وبس. الحب إن يكون مابينكم مشاركة في أصغر تفاصيل حياتكم. إنكم تكونوا واحد. روح واحدة. قلب واحد. فكر واحد. لكن اللي انتي عايزة تعمليه ده. هيكسر حتى صداقتكم يا جني. رامي مش هيقبل إنه يعيش طول عمره يعطي وبس. وزي ما انتي كرهتي الحب بسبب كريم وأدهم. رامي كمان هيكرهه بسببك يا جني.

جني: انتي خايفة على رامي. نواره: خايفة عليكم أنتم الاتنين. صدقيني وفكري في كلامي وأنتي هتفهمني. قامت نواره من على السفرة. جني: طب انتي رايحة فين دلوقتي. نواره: هسيبك تفكري وبعدين أنا مش فاضيالك. ورايا اهتمامات أخرى. جني: اهتمامات إيه دي. نواره: تمارين بقى ورياضة ورشاقة وكده. جني: أيوه يا نونو يا جامد. ضحكت نواره ومشت. بس لفت في آخر خطوة قبل خروجها وقالت. نواره: جني. جني: نعمة. نواره: فكري. جني: حاضر.

نواره سابت جني ومشت. فقامت جني هي كمان من على السفرة وطلعت أوضتها. وفضلت تفكر في كلام عمتها. وبعد ما فات وقت كتير قررت إنها تنسى الماضي وتبدأ تفكر في رامي كحبيب. لأنه فعلًا بيحبها وهيبقى غلط كبير منها لو ضيعت الحب ده من إيدها. فقامت وغيرت هدومها. لبست واتشيكت وقررت تروح لرامي المستشفى اللي هو بيشتغل فيها. ودخلت له كمريضة. طبعًا هو بدأ يتكلم من غير ما يبص عليها وقال بالأنجليزي. بس أنا هكتب بالعربي.

رامي: كيف يمكنني مساعدتك. جني: هااااار. إيه ده. طلعت بتتكلم إنجليزي حلو أهو. رامي رفع وشه لقي جني مبتسمة له. رامي: إيه ده جني. انتي بتعملي إيه هنا. جني: احم احم. مريضة وجاية أتعالج. رامي: هههههه. انتي لسه جاية تعرفي دلوقتي إنك مريضة وحالتك صعبة. جني: كلنا مرضى نفسيين. حتى أنت أيها الطبيب. رامي: طب امشي اطلعي بره. جني: هههههه. لا برا إيه دا أنا دافعة فيزيتا قـــــــــد كدااااا. انت عارف الدولار بكام اليومين دول.

رامي: بغض النظر عن العك ده كله. خلصيني وقولي عايزة إيه. جني: عايزة أتمدد على الشيزلونج ده وتشغل لي ميوزك هادية وتسمع لي. رامي: هههههه. إيه شغل الأفلام ده. جني: بفلوسي بقى. رامي: جني. هطلبلك الأمن. جني: خلاص خلاص. رامي: عايزة إيه. جني: عايزة أك. رامي: وأنا كلي آذان صاغية. جني: أتمدد على الشيزلونج وتشغل ميوزك بقى. رامي: بس يا هبلة. جني: وحياتي. نفسي فيها. رامي: اتنيلي وخلصيني بقى.

جني: إيه ده. إحنا هنبدأ بأتنيلي وخلصيني. أما ضاكتور. رامي: اسمها دكتور يا جاهلة. اتفضلي بقى. وادي الميوزك. وشغل رامي الميوزك الهادية. فقعدت جني على الشيزلونج وبدأت كلامها بهزار. جني: ببص بقى يا دكتور الدكاتير. بدأت الموسيقى ترخي أعصاب جني المتوترة وخلتها تنسجم وتبدأ تتكلم بهدوء.

جني: أنا اتظلمت في حياتي مرتين لما حبيت. أو لما اتوهمت بالحب وفتحت قلبي لناس غلط. المرة الأولى لما قابلت شاب اسمه كريم. معرفتنا من البداية كانت غلط. عارفة إني مكنش ينفع أخليه يقتحم حياتي خصوصًا إني عرفته في الشارع. كانت دي أول تجربة ليا. كنت جاهلة بالحب. ومع ذلك حبيته قوي. خليت جزء مهم في حياتي وهو محسش غير إني زي أي بنت تانية يعرفها. ولما اكتشفت ده سيبته مع البنات اللي يعرفها وفضلت أنا بجرحي. ومرت الأيام والشهور

وقابلت أدهم. زميل جديد ليا في الشغل. بدأت أعجب بيه وهو مصدقش الإعجاب ده. كنت بحس إنه يبادلني الإعجاب ده. وواحدة واحدة بدأ يتسلل لحياتي بالتدريج. منحته مكانة في قلبي كبيرة جدًا. كبير لدرجة إنه مقدرش يستوعبها وصدمني بأنه خاطب البنت الغني اللي أي حد يتمناها. سبت الشغل وبعدت عن حياتهم وجيت هنا عشان أنساهم. بس لقيت حب من نوع آخر. الحب المرة دي كان منك انت ليا. لقيتك اخترت تحبني من بين كل الدنيا. اكتشفت قد إيه كنت بتنجرح

كل لما أقولك إننا أخوات. وربطت بين موافقتك على السفر زمان وبين قبل سفرك بليلة لما سألتني إيه شعوري تجاهك. عرفت إن لما قولتلك إنك أخ ليا قررت تبعد عني عشان ما تخسرش الأخوة دي. اللي حصل امبارح كان بسبب صورة خطوبة أدهم. لما شفتها حسيت الدنيا كلها بتلف بيا. حسيت باللي أنا عملته فيك زمان. حسيت قد إيه أنا جرحتك. ولما فوقت ولقيتك سهران جمبي وشوفت خوفك عليا ولهفتك. وشوفت الحب اللي كنت بدور عليه في كريم وأدهم. لقيت الحب ده في

عيونك. عرفت إنك انت طريقي لبكرة. اكتشفت إنك أكتر إنسان قريب مني بالرغم من البعد اللي بينا. معاك بحس إن أنا مش أنا. مابحسش ألمي ولا بحزني. بنسى أي شيء أوجعني. بشوف نفسي طفلة مجنونة. لا بيهمها سنها ولا شكلها. ولا خايفة تتأخر فماما تعاقبها. مابفكرش في أي كلمة بقولها ليك لأني عارف إنك هتسامحني حتى لو غلطت. متأكد إن قلبك أكبر من إني أفكر إذا كان يحتويني ولا لأ. فقررت أنسى الماضي وأرمي نفسي بين إيديك وأسألك. موافق تنسيني

أوجاع الماضي وتمنحني فرصة أحبك فيها من كل قلبي.

رامي كان بيسمع كلام جني وهو حزين. كان عارف إنها حبت وانجرحت. بس لما عرف قد إيه هي اتعذبت واتألمت بسبب الحب. واتمنى إنه كان يبقى جنبها عشان يواسيها. لأنه حاسس قد إيه هي اتوجعت. لأن هو كمان اتوجع زيها. بس لما جابت سيرته وحس إنها شايفة فيه أمل لبكرة. حس إن قدامه فرصة يفرح قلبها. وقادر إنه يخليها أسعد واحدة في الدنيا. ابتسم لها وهو فرحان بثقتها بيه. ولما نزلت دمعة من عيونها. ماقدرش يشوفها ومسحها بإيده.