رواية قلوب مشتته بقلم هدير مصطفى | كاملة
قيّم الرواية:
لا توجد تقييمات بعد
من أحداث الرواية
كتير مننا لما بيدخل في تجربة ويخرج منها مجروح، يا بيتعلم يا بيعلم، وده اللي مع جني. في يوم حبت واتجرحت، ومن بعدها بتجرح بس غصب عنها. الحلقة الأولى: جني بنت وحيدة عايشة مع والديها، وعندها 25 سنة. كانت إنسانة مرحة جدًا، وكل يوم بتقابل صحابها وتخرج وتتنطط. كانت فرحانة ومليانة حب. صاحبة جني الوحيدة هي بوسي، صديقة الدراسة والشغل. في يوم جني خارجة من الشغل وقابلت بوسي، وراحوا ركبوا المترو وقعدوا يضحكوا ويهزروا ويتصوروا بكل تلقائية. بس ما خدوش بالهم إن فيه حد بيراقبهم من بعيد. كان شاب وسيم جدًا، فضل يراقبهم لحد ما راح لهم وقال: - هاي، أنا كريم. جني: وبعدين؟ كريم: عجبتيني وعاوز أعرفك. (للعلم، جني مش جميلة أوي يعني، هي عادية بس تقدر تلفت نظر أي حد ليها.) جني: والله أنت جرئ جدًا. كريم قرب وقعد جنبهم، وكل ده كان بيحصل وبوسي متفاجئة جدًا. كريم: بصي، أنا مش سهل إن حد يعجبني، بس أنتِ شدتيني،...
