رواية قمر بنت الصعيد الفصل التاسع 9 - بقلم حنين عادل

ابتسمت قمر بس اتصدمت لما سمعت كلام ناصر. ناصر: أنا آسف يا بنات، بس العمر غالي وأنا عندي حاجات كتير لسه ما عملتهاش. رفع مسدسه وهو حزين، وبعدين راح مصوبه فجأة ناحية نوح. ناصر: فاكرني أيّاك عأقتل قمر؟ آه، صحيح يمكن أنا جبان حبّتين، إنما مش ندل. أنا راجل قوي. نوح: إيه؟ عاتقتلني! ناصر: أنت اللي وصلتنا لهنا أكده. كفاية قوي مش راضي تسيبنا في حالنا ليييه؟ حرام عليك. بص ناصر لـ

قمر: قمر عمرها ما كانت تستاهل منكم أكده. كانت تستاهل اللي يعوّضها عن اللي شافته. استغل نوح انشغاله ومسك المسدس منه وضربه. راح عن الوعي. نوح: ههههههه غبي! هتفضل طول عمرك غبي! قعد نوح على الكرسي وبيبص لقمر. نوح: عندي لكِ مفاجأة واعرة. قمر بصت له بعصبية وبعدت عينيها عنه. كان ناصر واقع على الأرض. شاطه نوح برجله بعصبية. وبعد وقت صغير، دخل واحد من رجالة نوح ومعاه واحد. نوح بابتسامة: اتفضل، أعرفكم أستاذ ياسر.

بصت قمر لبثينة باستغراب. نوح كمل كلامه: المأذون اللي هيكتب كتابنا، أنا وإنتي يا قمر. قمر بصت له بصدمة لجمت لسانها. المأذون فتح الدفتر. قمر: أنا مش موافقة على الجواز ده. أكده باطل! نوح اتجمدت ملامح وشه: اكتب يا عمنا، اكتب. دا جلع بنات. قمر بعصبية: أنت إيه! افهم بقا، أنا مش عاوزاك. نوح ببرود: بس أنا عاوزك! قمر عينيها اتملت بالدموع وحست خلاص إن حياتها انتهت. قمر بصت لـ نوح: مش مسامحاك يا نوح، مش مسامحاك.

نوح: هاتسمحيني وهاترجعي تحبيني تاني. قمر: لاه، خلاص. ده صعب قوي. أنا قلبي اتقسم نصين يوم ما اتخليت عني. واللي بيتكسر صعب يتصلح، صعب قوي. كان نوح واقف يسمع لها. غمضت عينيها ونزلت دموعها على خدها بدون توقف لما سمعت: "بارك الله لكما وبارك عليكما وجمع بينكما في خير." نوح: مبروك يا عروسة! بثينة كانت بتبص لها بدموع وكأنها بتواسيها. مشي المأذون وقرب نوح من قمر. فكها.

قمر: خلاص، عملت اللي أنت رايده من زمان. لو مسيت شعرة من ناصر أو بثينة، أنا هاموت روحي معاهم. نوح بابتسامة: أكده بس، حاضر. شاور لحد من رجّالته يفك بثينة ومسكها. وواحد تاني شال ناصر على كتفه. مسك نوح قمر من إيدها. قمر بعصبية: بعد إيدك عني. فضل ماسكها ومشي وهي مشت جنبه لحد ما وصلوا للعربية. في نفس الوقت، ناصر فتح عينيه: إيه ده؟ أنت قد الشيلة دي؟ نزلني أحسن. رزعه في العربية. ناصر بس لقي بثينة وقمر بيركبوا ومعاهم نوح.

ناصر: ما تقلقوش، واصل معاكم راجل. أنت عاوز إيه يا ضنا يا نوح؟ بص له نوح وزغر. ناصر: احم، عاوز إيه يا ضنا يا نوح بيه؟ ابتسمت قمر وسط اللي حاسة بيه. قمر بتفكير: طيب قوي أنت يا ناصر، طيب قوي. ساق نوح العربية. ناصر: طب فهموني طيب، في إيه؟ إيه اللي حصل؟ كانوا كلهم ساكتين. ناصر كان بيفكر، ياترى إيه اللي حصل ومش فاهم حاجة لحد ما فجأة.