رواية كيان الزين الفصل التاسع 9 - بقلم جاسمين محمد

بعد ما مشوا، كيان طلعت أوضتها وقَفلت الباب عليها ورَنّت على حد. كيان: الووو، أيوه عاملة إيه؟ ـ الحمد لله بخير يا روحي، انتي عاملة إيه؟ كيان: الحمد لله بخير، بس زهقت. عايزة أعرفهم الحقيقة بقى، ولو قلتلهم إنهم عملوا فيا كذا وكذا والسبب في موتي هما. ـ لازم إثبات يا روحي، أنا عارفة إنهم هيصدقوكي، بس الشرطة عايزة إثبات. كيان: طيب بصي، يوسف قابلني امبارح وحصل...

ـ طيب مهو كده تمام أهو، ومهمتك بدأت تخلص، بس خلي بالك من نفسك. كيان: حاضر، بس ادعيلي. ـ حاضر، هدعيلك يا قلبي. كيان: تسلميلي، يلا سلام. ـ سلام. كيان قفلت الفون وبتلف ورها لقت... كيان: حور، عايزة حاجة؟ حور: كنتي بتكلمي مين؟ كيان: ها، أه، كنت بكلم المرة اللي كانت مقعداني عندها الفترة اللي فاتت دي. حور: اااه، تمام. كيان: كنتي عايزة حاجة لما جيتي؟ حور: أه، كنت هقولك إني ماشية. كيان: تمام يا حبيبتي، روحي وخلي بالك من نفسك.

حور: تمام يا روحي. كيان: سلام يا قلبي. حور: سلام يا حبيبتي. كيان بعد ما حور مشت، حطت إيدها على قلبها: يالهوووي، الحمد لله. لازم بعد كده أخلي بالي، مش لازم أنكشف دلوقتي. عند زين، وصل مركز الشرطة. حاتم: أوعى، أوعى، أوعى بقى الظابط زين هنا في القسم، في حاجة ولا إيه؟ زين: هو لازم آجي يبقى في حاجة؟ حاتم: أه، امال هتيجي ليه غير لو في حاجة؟ صوت من وراهم: وليه ميجيش عشان شغله هنا؟ حاتم: شغل إيه؟ هو مش ساب الشغل؟

ـ لأ، مهو رجع ليه تاني، وهيرجع الأمان والوحش اللي كله بيخاف منه. زين: حبيبي والله، بس مفيش وحش غيرك أنت يا حضرة الظابط محمد. محمد: يا عم، هو أنا أجي جنبك حاجة؟ اتنيل. زين: لا والله، المهم، مكاني لسه موجود ولا لأ؟ محمد: أكيد موجود، وحتى لو مش موجود، نخلقه. زين: تسلملي يا حبيبي والله، المهم، سيادة اللواء حازم جوه؟ محمد: أه، ومستنيك من بدري. زين: تمام، أنا داخل. محمد: اتفضل. حاتم: الو، زين رجع الشغل تاني؟

ـ أيوه، رجع تاني. العملية هتتنفذ بعد خمس أيام. حاتم: وأنا إيه عرفني؟ المهم حاولوا تحصنوا نفسكم على قدر الإمكان. زين رجع وباين عليه راجل قووي، وأنت عارف زين. ـ تمام، تمام. المهم متنساش تعرفني كل حاجة بتحصل أول بأول. حاتم: تمام يا باشا. بليل، زين دخل وقعد. كيان: حمد الله على السلامة. زين: الله يسلمك. كيان: احكيلي عملت إيه؟ زين: طيب، شوية كده أرتاح ونقعد نحكي براحتنا. كيان: إشطا يا حضرة الظابط.

زين: قلب حضرة الظابط. امال فين بابا وحور؟ كيان: حور طلعت هي وخالو فوق، وقالوا لما تيجي أنادم عليهم عشان مستنينك تتعشى معاك. زين: طيب تمام، اطلع آخد دش وأغير، عقبال تجهزي الأكل وتنادمي عليهم عشان تعبان وممكن أنام وأنا بكلمك دلوقتي، فاخد دش عشان أفوق. كيان: تمام، اطلع وأنا لما أخلص أنادم عليك. زين: تمام. وسابها وطلع. كيان بعد ما هو طلع، دخلت المطبخ تجهز الأكل. بعد شوية، كيان: زين، يازين، انزل.

أحمد: اطلعي شوفيه، يمكن نام أو في الحمام لسه بياخد دش ومش سامعك. كيان: حاضر، هطلع أصحيه. ابدأوا أنتم عقبال ما أنادم وأجي. أحمد: ماشي، روحي يا بنتي. كيان بتخبط على الباب: زين، يازين. وراحت فتحت الباب وعمالة تتلفت في الأوضة، لاقته نايم على كنبة الأنتريه وماسك ملف. راحت عنده وهزته من كتفه. كيان: زين، فوق. زين: في إيه يا قلبي؟ كيان: أنت تعبان أوي كده؟

زين: كان في شغل كتير وعملته، حتة يعني مخلصتهوش، وأكمله بكرة. ومتنسيش إني سايب الشغل من زمان وكنت سهران امبارح. كيان: ربنا معاك يا رب. طيب تعال ناكل ونطلع نام. زين: تمام، يلا. ونزلوا هما الاتنين. أحمد: كنت فين يا حبيبي؟ زين: راحت عليا نومة والله يا بابا وأنا بشوف الملف. أحمد: ربنا معاك يا رب. يلا ناكل وننام. زين: حاضر. وبدأوا أكل. مي: الله الله، ده باين حماتي هتكون بتحبني أوي أوي.

حور بقرف: هو أنتِ إيه جابك دلوقتي الساعة 12؟ وهي بتقعد على سفرة الطعام: وفيها إيه؟ أنا جي بيت عمي وأجي في أي وقت وأنام فيه عادي، مش كده يا عمي؟ أحمد: صح يا بنتي. مي: سمعتي، ممكن تقومي تحطيلي أكل يا كيان؟ كيان: حاضر. زين: كيان، خليكي قاعدة مكانك. وأنتي عايزة أكل، لاتقومي تحطي، لا لنفسك، لا ما تاكليش. كيان: عادي يا زين، أقوم أحطلها. زين: أنا قولت إيه؟ خليكي مكانك. مي: تمام يا زين. انتصار، يانتصار.

انتصار: أيوه يا أستاذة مي. مي: هاتيلي الأكل على أوضتي فوق. انتصار: حاضر. وراحت مي سايباهم وطلعت فوق. كيان: مكنتش داعي كل ده يحصل، كنت حطيتلها وخلاص. زين: أنتي صاحبة البيت، واللي يجي يعمل اللي عايزه بإيده. ولو معجبكيش، كلميه. كيان: طيب، اهدى طيب. زين: أنا خالصت، أروح اطلع أنام بقى. أحمد: تمام يا ابني. حور: وأنا كمان، أكلت، أروح اطلع. أحمد: ماشي. بعد ما زين وحور طلعوا،

أحمد: كيان، اللي زين يقولك عليه اعمليه واسمعي كلامه. كيان: حاضر. بعد إذنك بقى أروح أنام. أحمد: روحي يا بنتي. كيان طلعت نامت وكله نام. تاني يوم الصبح، كيان: يالهوي، إيه ده؟ أنا إزاي مسمعتش صوت المنبه؟ الساعة 7 ونص، المفروض زين يكون صحي وماشي. وقامت جري من على السرير وراحت عند زين، ولسه هتخبط، لقت زين لابس وبيفتح الباب وطالع عليها. كيان: صباح الخير. يعني صحيت بدري لوحدك ولابس؟

زين: صباح النور. بصراحة، مش أنا اللي صحيت، في حد جه صحاني. كيان: مين؟ انتصار: كيان، يابنتي، كلمي أستاذ أحمد. كيان: جاي اهو، أروح أشوف خالو وبعدين نتكلم. زين: ماشي. بعد ما مشت كيان، لو عرفت إن مي اللي صحتني هتزعل، ربنا يسترها. كيان: صباح الخير يا خالو. أحمد: صباح النور يا حبيبتي. آخرتي ليه النهارده؟ كيان: راحت عليا نومة والله. أحمد: كويسة يعني؟ كيان: أه، الحمد لله. أحمد: تمام، الحمد لله. يلا نفطر طيب.

كيان: يلا. وأهو زين وحور نزلوا. مي جابت الأكل وحطته: يلا بقى، اتفضلوا، دووقوا وقولولي رأيكم. أحمد: أنتِ اللي عملتي الأكل؟ مي: أه، يلا. وبدأت تحطلهم الأكل. كيان وهم بياكلوا: أه، صح، يا حور، تسلمي إنك صحيتي زين. حور: زين. وبصتله. مي: أنا اللي صحيت زين، مش حور. كيان: أنتِ. وبصت لزين. تمام، شكراً. بعد إذنكم دقيقة وجاية. زين: كيان، استني، عايزك في حاجة. مي: زين، أنت طبعاً هتوصلني الشغل، صح؟ كيان سمعت كده ومشيت.

زين: أه، بعد إذنكم. وراح وراها. زين: كيان، كيان. وراح ماسكها من إيدها. كيان: عايز إيه؟ يلا روح وصل الأستاذة. زين: أهدي طيب، أنتِ زعلانة ليه؟ كيان: بتصحيك ليه؟ وتدخل أوضتك؟ وأنت توصلها ليه؟ ما معاها عربيتها، لأ، وتعملك الفطار؟ زين بضحك: هي كيان غيرانة ولا إيه؟ كيان بتوتر: ولا غيرانة ولا حاجة، بس المفروض إني مراتك زي ما بتقول، ومينفعش حد يعمل كده ليك غير... زين: آسف، مش هعمل كده تاني. مي: يلا يا زين.

كيان: عصبية، هووف، يلا وصلها. زين: حاضر. ومشي ورجع تاني، باسها على خدها وغمزلها: متخافيش، محدش مستحيل ياخد قلب زين غير كيان. أنتِ سامعة؟ وسابها ومشي. زين: يلا. مي: ماشي، يلا. محمد: زين، ممكن أدخل؟ زين: ادخل. محمد: بص على العملية دي، خطير جداً وهتم بعد أربع أيام، بتاعت الباشاااا. زين: تمام، سيب الملف، هدرسه. محمد: تمام. قولي صحيح. زين: إيه؟ محمد: كيان رجعت، مدام أنت رجعت؟ زين: أه، رجعت. محمد: ابقى سلملي عليها.

زين: حاضر. ترن ترن. خمس دقايق أكلم كيان وأجيلك. زين: قلبي ودقاتها اللي بيحس بيا. كيان: بطل رومانسية، عشان حسابك معايا لما تيجي كبير. زين: يا بنتي، أنتِ مفيش حاجة بتثبت اللي جايبينك. أجيبلك أمير ولا غريب؟ ولا إيه؟ يخربيتك 😂😂 كيان: ابقى أقولك لما نخلص خناق النهارده. زين: ناوي خناقة يعني؟ كيان: أه. زين: تمام، لما أجي نتخانق، وأنا هنفخك. كيان: يا عم اتنيل. اااااااااااااااه. زين: كيان، كيان، كيان، في إيه؟ محمد: في إيه؟

زين: معرفش، كيان صوتت والخط قطع. أنا أروح بسرعة أشوف في إيه. محمد: تمام، وابقى طمني. زين: حاضر. وطلع جري على العربية.