رواية لهيب عشقه الفصل الثاني 2 - بقلم سلمى تامر

رواية لهيب عشقه يونس وبيسان الفصل الـ 2 رواية لهيب عشقه يونس وبيسان الفصل الـ 2 بيسان سمعت يونس جوزها بيكلم واحده تانيه وبيقولها وحشتيني خمنت ان كلام اخته كله صح وان فعلا هو عارف عليها واحده علشان كده مش عايز يخلف منها واتفق مع الخدامه تنزل الطفل اللي في بطنها مسكت بطنها بخوف ورعب وبصيت لباب المكتب بتاعه بحزن _انا مش هسمحلك تعمل فيا كده يايونس متخيلتش انك حقي.ر كده _شوفتي مش قولتلك

بصيت جنبها بسرعه لشهد اخته والتانيه كملت كلامها بشر ومسكنه مصطنعه _امشي بسرعه يابيسان وانقذي ابنك مفيش وقت بيسان بتردد ودموع _بس..بس انا مش معايا فلوس ولا اي حاجه هروح فين يعني شهد طلعت من جيبها مبلغ صغير وعطيتهولها وشاورت ناحية الباب _اجري من هنا قبل ما ايده تطولك... يلا لو خايفه فعلا على ابنك ومش عايزاه ينزل بيسان مفكرتش كتير ومحسيتش بنفسها غير وهي بتهرب من البيت كله بحزن ودموع وخوف

لحد ما وصلت محطة القطر ركبت اول قطر قابلها متجه ناحية اسكندرية وقررت انها تنقذ ابنها من ظلم ايوه وتبعد عنه _يونس طلع من المكتب ودور على بيسان في كل حتة في البيت ملقهاش وتليفونها لقاه في اوضتهم عقد حواجبه بإستغراب وقلق وراح لأوضة شهد _شهد..فين بيسان اتوترت شهد جدًا وبصتله بجهل مصطنع _وانا هعرف منين يعني يا يونس.. ممكن تكون في اوضتها يونس بقلق _انا دورت عليها في كل حتة مش لاقيها هي راحت فين من غير اذني اصلا

_مش عارفه بصراحه يايونس اصل هي كانت بتتصرف تصرفات غريبه آخر فترة وبتخرج كتير وانت مش موجود وبتتكلم في التليفون الاربعه وعشرين ساعة بصوت واطي يونس ملامحه اتغيرت وطلع من الاوضه بتاعة اخته وراح اوضتهم فتح الدولاب لقى هدومها جواه استغرب اكتر وقعد بحيرة لكن لمح عالأرض ورقه مسكها ولقى مكتوب فيها كلام "انا اسفه يايونس بس انا مش قادرة اعيش معاك اكتر من كده

انا حاولت احبك لكن معرفتش ولو كنت طلبت الطلاق مكنتش هتوافق ف كان لازم اسيبك بالطريقة دي واهرب مع الشخص اللي حبيته متدورش عليا ولو بتحبني بجد سيبني اكمل حياتي معاه ومتخربش حياتنا " رمى الورقه بصد@مة كبيرة وهو حاسس ان العالم كله بينهار فوق دماغه معقول بيسان سابته بالطريقة دي وخانته ! دخلت شهد بعياط _الحقني يايونس... انا مش لاقية المجوهرات بتاعتي... يبقى كده مراتك سرقتهم وهربت

_الحقني يايونس انا مش لاقية المجوهرات بتاعتي مراتك سرقتهم وهربت قالتها شهد ببكاء لأخوها اللي كان قاعد مصدوم ومش بينطق ولا كلمه لمحت ورقة في ايده اخدتها وقعدها صرخت بغيظ _الزباله.. يعني سابتك وهربت مع عشيقها وسرقتنا كمان قبل ماتمشي! ادي أخرة انك تتجوز واحده مش من مستواك _اطلعي بره شهد بصدم _بتطردني يا يونس بصلها بحده وصراخ _اطلعي بره مش عايز ولا كلمه... بره طلعت شهد بخوف منه ومن صراخه ومسك يونس الورقه واتكلم بغل ووعيد

_قسما بالله هدمرك يا بيسان على اللي عملتيه فيا وفي قلبي اللي حبك وهروبك من بيتي بأبني اللي في بطنك اللي كنت مستنيه ييجي على وش الدنيا بفارغ الصبر مسح الدمعه اللي نزلت من عيونه وطلع تليفونه واتكلم بجمود _عايزك تقلب الدنيا على بيسان وتعرفي مكانها حتى لو تحت الارض _عدى ست شهور ويونس قالب الدنيا على بيسان لكن مش لاقيها وشهد مستغليه ده وبتفضل تقوله كلام كل يوم علشان يزود شكوكه وكرهه ليها

على الناحية التانيه بيسان كانت بطنها وكبرت جدا ووصلت للشهور الاخيره في حملها وكانت قاعده في شقة اجرتها في منطقة شعبية في اسكندرية خبطت على الباب بنت شكلها مش كويس وملامحها خبيثه فتحت بيسان ليها واتكلمت البنت بطريقة سوقية _ايه ياحبيبتي مش ناوية تدفعي الايجار ولا ايه _حاضر هدفعه اصبري عليا شويه _لا ياماما ولا اصبر ولا مصبرش انا عايزة فلوسي كلها يإما تسبيلي المكان وتمشي من هنا

ملامح بيسان اتحولت للحزن والهم وفوق كل ده تعبانه من حملها البنت بصتلها بتقييم وفكرت شويه وبعدها بصتلها بخبث _بصي انا عندي ليكي حل..فيه ست عيشتها مرتاحه محتاجه واحده تطبخلها لو ليكي في الطبيخ تعالي وهتديكي فلوس حلوه تعرفي تدفعي بيها الايجار وتكفي مصاريف ولادتك بيسان مفكرتش كتير ووافقت بالعرض المغري ده تاني يوم راحت معاها البيت واول ما اتفتح لقيت بنات شكلهم غريب قاعدين ولابسين هدوم مكشوفه جدًا

_بت يا فراولة والله ليكي وحشه. مين القمر اللي معاكي دي قلقت بيسان من نظرات الست اللي بتتكلم ليها واتكلمت فراولة بنبرة عادية _دي بت غلبانه جوزها سابها وهي حامل ومن غير فلوس ف كنت جايباها تيجي تطبخلك زي ما طلبتي _ومالو ميضرش... خشي ياحبيبتي المطبخ قدامك اهو وهتلاقي اكل اعمليه دخلت بيسان بتردد وهي حاسه بحاجه غلط في البيت وبصيت الست لفراولة بتفكير _البت حلوه اوي... انا عايزاها تشتغل هنا معانا

_يختي اصبري واحده واحده وهنقنعها.. اكيد مش هقولها تعالي اشتغلي معانا في بيت دعارة مرة واحده يعني فجأة الباب خبط جامد ودخل البوليس والصريخ ارتفع في المكان واخد كل اللي في البيت حتى بيسان اللي كانت مستغربه اللي بيحصل _الو..يونس بيه معايا _اه انا مين _احنا بنكلمك من قسم (.... وبنبلغك اننا لاقينا مرات حضرتك في... في بيت دعارة _احنا بنكلمك من قسم (.... وبنبلغك اننا لاقينا مرات حضرتك في... في بيت دعارة

آخر حاجه سمعها يونس قبل ما يلبس ويتحرك لأسكندرية بسرعة البرق كانت ملامحه جامده ومش مفهومة وكأنه بيحاول يتماسك علشان يفهم ايه الموضوع وميرتكبش أي جريمة بسبب اللي سمعه وصل بعد فترة والظابط اول ما عرف هويته رحب بيه جدا وقعده في مكتبه يونس بنبرة جامدة _فين بيسان خليل... انا عايزها الظابط بتردد _بس يعني يا يونس بيه انت عارف اني مقدرش اخرجها _هو سؤال واحد هسألهولك..لقيتها مع حد _لأ بس كا... قاطعه يونس بجمود

_طالما لأ يبقى مراتي تروح معايا مش معنى أنها كانت في مكان زي ده انها منهم وعملت كده... انا متأكد أن فيه حاجه غلط على الناحية التانيه بيسان التعب زاد عليها وحسيت انها مش قادرة تقاوم كل اللي حصلها من اول هروبها من البيت بسبب أن جوزها عابز ينزل اللي في بطنها علشان مش بيحبها وعايز يتجوز واحده تانيه لحد معرفتها بأنها كانت قاعدة في بيت بيرتكبوا فيه اكبر الكبائر والمعصية لله

استغفرت ربها وانهارت في البكاء بضعف وقلة حيله وهي بتتخيل قد ايه العالم ده مكان مؤذي ومخيف وافتكرت اخوها اللي م١ت واللي كان هو الدرع الحامي ليها وبيعاملها كأنها اميرة ومن بعده جيه هو يونس اه مكنش مشاعره رقيقه معاها ويعتبر جامدة لكن على الاقل كان بيحميها وكانت بتعشقه من اول يوم اتجوزته فيه وهو دخل قلبها ومبقتش تشوف غيره فاقت على صوت العسكري وهو بينادي عليها قامت بضعف واعياء واتقدمت ناحيته لحد ما وصلت لمكتب الظابط

اول ما الباب اتفتح ودخلت عنيهم جت في عين بعض بصتله بمشاعر كتير مختلفه زي الخوف واللهفه والاشتياق لكن اهم نظرة كانت بتبصله بإطمئنان انه هيخرجها من المكان ده على عكسه تمامًا كان بيبصلها بجمود و.... استحقار ! اول ما لمحت النظرة دي مقاومتها الوهمية انهارت ومحستش بنفسها غير وهي بتستسلم للغيمة السودا اللي هاجمتها وبتقع قدام عنيه _فاقت بعد شوية وهي بتبص حواليها لقيت نفسها في أوضتها في القصر

دعيت ربها ان كل ده يطلع حلم وميكنش يونس عايز ينزل الطفل ولا حاجه لكن آمالها اتهديت لما لقيته دخل الأوضة وبيبصلها بغضب وشر وكره كرهت نظراته ليها وقامت من عالسرير وراحت ناحيته ووقفت قدامه بقوه مصطنعه _انت رجعتني هنا تاني ليه، اعتقد اني سيبتك ومش عايزه اعيش معاك وياريت تطلقني وتبعد عني بصلها كتير وهو بيقاوم غضبه وبعدها اتكلم _ليه ليه عملتي كل ده،للدرجادي وصلت وسا.ختك

مش عارفه تكوني انسانه محترمه عايشه في بيت جوزها معززة مكرمه مش ناقصها حاجه وحامل في طفل ملوش ذنب ييجي على وش الدنيا يلاقي نفسه مشتت وعايش يعتبر في الشارع ولا انانيتك وقذارتك مفكرتش فيه وفكرت في نفسها بس وانها ترضي قرفها ! بيسان بصدم ووجع من كلامه _انت بتقول ايه! انت مفكرني سيبتك علشان اشتغل في البيت ده يونس بنبرة قاسية _انا لو عندي شك بنسبة واحد في الميه انك كنتي منهم مكنتش هسيبك عايشه على وش الدنيا لحد دلوقت

ألا قوليلي يابيسان..ايه اللي خلاكي تسبيه يعني وتشتغلي خدامه في بيت زي ده هو مطلعش راجل معاكي وغ،ـدر بيكي ولا ايه _اسيب مين! ايه الكلام اللي بتقوله ده انت اتجننت محاولاته انه يمسك اعصابه انتهت ومسكها من شعرها بعنف لحد ما ارتفع صوت صراخها _لسانك ده ميطولش يابت ومش عايز اسمع ليكي صوت اصلا وانتِ هنا هتبقي زيك زي الكرسي ملكيش اي لازمة سمعاني وبالنسبة للي هربتي معاه وسبتيني علشانه هلاقيه وهقت.له قدام عينك بيسان بدموع ووجع

_ابعد ايدك عني..ومين ده اللي سيبتك علشانه انا هربت منك بسبب افعالك سابها بعنف وهو بيبعدها عنه واتكلم بإستغراب وعدم تصديق _بسبب افعالي ! يعني مش كفاية قلة ادبك لأ وكمان كدابة وبجحه بصي اخرسي لو سمعت كلمه تانيه خرجت من بقك هدفنك مكانك الباب خبط ويونس فتحه لقى شهد داخله الاوضه بفضول وهي بتبص لبيسان بتفحص _في ايه يايونس وبيسان كانت فين _شهد انجزي وقولي عايزه ايه مش فايقلك

_كنت جايه افكرك بميعاد الحفله بليل بمناسبة الشراكة مع فايز منصور العمال تحت بدأوا في التحضيرات نفخ بضيق وهز دماغه بموافقه وبصيت شهد لبيسان واتكلمت بإهتمام مصطنع _انتِ وشك اصفر كده ليه يابيسان وتحت عينك اسود مش بتاكلي ولا ايه مقدرش يمنع قلقه ولهفته عليها وبصلها وبإهتمام شديد مقدرش يخفيه ولاحظ ان شكلها مرهق جدًا وتعبان بص لشهد بأمر _روحي انتِ اوضتك حضري نفسك ياشهد _ماشي، مش عايز حاجه مني

هز دماغه بنفي وشهد مشيت بغيظ انه عرف يرجعها تاني يونس نزل من الاوضه وبعد كده طلع تاني ووراه الخدامه بصنية عليها اكل حطها قدام بيسان اللي نامت عالسرير واتكلم بأمر وجمود _اللي قدامك ده يتاكل كله علشان انا مش مستعد ابدا اني اخسر ابني ويروح مني بسبب اهمال ودلع حضرتك ابتسمت بسخريه _قال يعني انت مهتم بيه مفهمش مغزى جملتها واتكلم بتأكيد _ولو مهتمش بيه ههتم بمين! بيكي مثلا بليل الحفله وعايزك تنزلي تخدمي عالضيوف مع الخدم

اصل ده هيبقى شغلك الجديد ومقامك واحده عملت كل افعالك دي ملهاش عندي غير المعامله دي _انت بتحلم انا لايمكن اعمل كده _اممم هنشوف يابسونه مشى يونس وهو ناوي مينفذش تهديده بسبب حالتها وبسبب ان قلبه الغبي مش هيقدر يعمل معاها كده على عكس بيسان اللي اتعصبت جدا وكرهت معاملته ليها واتكلمت بغيظ وتوعد _ماشي يايونس... انا هخلي الحفله دي زفت على دماغك _ايه ده الحقوا ! مش اللي لابسه هدوم الخدم دي تبقى مرات يونس بيه

قالتها واحده من المعازيم وهي بتشاور على بيسان بزهول اتكلمت واحده بسخريه وتعالي _اخيرا جوزها عرف قيمتها ومكانها الحقيقي وانها آخرها تبقي خدامه في قصره _لأ احنا المفروض منعديش اليوم ده بالساهل كده ونصورلها فيديو حلو ويبقى تريند اتكلمت واحده منهم بقلق _لأ لأ بلاش يجماعه جوزها مش حاجه قليلة في البلد ولو عرف هيزعلنا كلنا على الناحية التانيه بيسان كانت مقرره انها تنتقم من كلام يونس بأنها تفضحه قصادهم كلهم بالطريقة دي

مسكت صنية العصير وقربت من واحده من المدعوين للحفلة لكن فجأه داخت ومن غير ما تقصد الكوبايه اتكبت عليها البنت بغضب _انتِ ايه اللي عملتيه ده يا.... قطعت كلامها لما لقيت يونس بيقرب عليهم بصدم وزهول وغضب من بيسان واتأسف للبنت وسحبها من ايديها قصاد كل الحاضرين واتكلم بغضب وصراخ _يبنتي ارحمي امي بقا فيه ايه! انا أذيتك في ايه علشان تعملي فيا كده ليه مصممه تدمريني وتدمري سمعتي وسمعتك بطريقتك دي ! بعدت عنه واتكلمت ببرود

_والله انت اللي بدأت مسكت ايده وحطتها على بطنها وبصيت في عنيه بوجع وقهر _حاسس بيه،حاسس بحركته في بطني ده حتة مني ومنك وبعد الأيام والليالي علشان اشيله بين ايديا وييجي على وش الدنيا وكان حلمي اني اربيه معاك ونعلمه كل حاجه حلوه في الدنيا وزقيت ايده بعنف _لكن انت عملت ايه في المقابل كنت عايز تسقطه واتفقت مع فتحية على كده ودمرت كل اللي كنت بحلم بيه ازاي جالك قلب تعمل كده !

كنت هتقدر تبص في المراية يايونس لو اللي في دماغك حصل كان بيسمع كلامها وهو مصدوم جدا ومش عارف هي جابت الكلام ده منين _انتِ بتقولي ايه، انا اتفق مع فتحية علشان انزل ابني اللي في بطنك وانا هعمل كده ليه يعني _الله اعلم بقا انا اليوم اللي هربت منك فيه سمعتك وانت بتتكلم مع واحده وبتقولها وحشتيني يمكن ده السبب انك بتحبها هي ومش عايز تجيب عيال غير منها

نفخ بضيق ونفاذ صبر وطلع موبايله ووراها رقم اللي كان بيكلمها اليوم ده وكان ظاهر التاريخ والوقت _دي طفلة صغيرة بنت صاحبي ومتعلقه بيا وكانت بتعيط علشان عايزه تشوفني علشان كده قولتلها اني هخلص شغل وهجيلها لو كنتي سألتيني كنت هجاوبك يا دراما كوين ياللي عايشه في مسلسل تركي مش حابه تطلعي منه اتصدمت شويه لما عرفت وحسيت بتشويش وضياع بسبب كلام شهد وهو لاحظ ده علشان كده اتكلم بهدوء ونبرة جامدة

_انتِ هزيتي كل علاقتنا بسبب تسرعك وغبائك وبرافو عليكي يابيسان نجحتي تكرهيني فيكي لكن كله كوم ونقطة انك تتهميني اني بحاول اقت.ل ابني دي كوم تاني قسمًا بالله لو عيدتي اللي قولتيه ده مره تانيه لهتشوفي مني الوش التاني وانا مبحبش اتكلم كتير وياريت ملمحكيش تحت قبل ما يمشي بصلها نظرة خيبة أمل وعتاب وبعد كده نزل من الاوضة بغضب قعديت على السرير بتشويش وافكار كتير متداخلة في بعض

طيب لو هو ميعرفش عليها واحده ومكنش عايز ينزل الطفل ليه شهد قالت كده متنكرش انها يدأت تصدق كلامه وحسيت بغبائها في اللحظه دي لكن برضو شهد عمرها ماشافت منها حاجه وحشه علشان تشك فيها قررت انها تتكلم معاها وتفهم منها ايه اللي حصل خبطت على اوضتها ودخلت لقيتها قاعده قدام المرايه بتحط روچ _خير يابيسان فيه حاجه _اه فيه شهد انتِ ليه كدبتي عليا سابت القلم من ايديها وبصتلها بثبات مصطنع _كدبت عليكي ازاي يعني مش فاهمة

حبيبتي عايزة تصدقي صدقي مش عايزة براحتك لكن انا مكدبتش واه جوزك اتفق مع فتحية على انه ينزل اللي في بطنك _شهد لو سمحتي كفاية، يونس هيعمل كده في ابنه ليه يعني مفيش اي مبرر في الدنيا _انت سمعتيه وهو.. قاطعتها بحده _كان سوء تفاهم اللي انا مش فاهماه دلوقت تصرفاتك وانا هروح اقول ليونس على كل حاجه وهو يفهم منك بطريقته بقا كانت لسه هتلف وتمشي لكن شهد نادين اسمها ببكاء وحزن _استني بصتلها بإهتمام واتكلمت شهد بقهر

_جوزك قت.ل حبيبي بيسان برقت عنيها بصدم وهزيت دماغها بنفي لكن شهد كملت كلامها بتأكيد _وعارفه حبيبي ده مين اخوكي يا بيسان قوليلي ايه شعورك وانتي عايشه في حضن اللي قت.ل اخوكي للانضمام لجروب التليجرام ( للانضمام لجروب الواتساب