رواية لم تكن البداية سعيده الفصل الثالث والثلاثون 33 - بقلم رودي عبد الحميد

زينة بتوتر: ينفع يعني؟ إحم، يعني ينفع نتبنى زين ويتكتب على اسمك؟ عيسي بهدوء: لأ. زينة بزعل: ليه؟ عيسي: بصي يا حبيبي، هو حرام أتبناه وأكتبه على اسمي، فاهماني؟ ممكن يعيش معانا عادي ويقول لي "بابا" كمان، وأنا أعتبره ابني، لكن مينفعش أكتبه على اسمي. زينة هزت راسها وقالت: أقنعتني. ميل بحب راسها وقال: وأنا عايز اللي يقنعني. زينة باستغراب: يقنعك بإيه؟ عيسي بمشاكسة: إن الحلويات دي كلها ملكي ليا لوحدي.

زينة ابتسمت بخجل وقالت: مش للدرجة دي. عيسي بحب: هو إيه اللي مش للدرجة دي، بس إنتي مش شايفة نفسك عاملة فيا إيه ولا إيه. ابتسمت وسكتت. عيسي كان هيقرب، حطت إيديها على صدره وهي بتبعده وبتقول: ننزل لمرات عمي ونشوف زين بقى، عشان كده كتير. عيسي بضيق: إنتي فصيلة، أقسم بالله حد يبقا قاعد مع حبيبه ويفكر في حد تاني كده. زينة بضحك: حبيبي، إحنا مش عايشين لوحدنا في البيت ده، وفيه ناس غيرنا ولازم نتطمن عليهم.

قرب منها وشالها وقال: بس دا ميمنعش ناخد شاور سوا. زينة بعصبية: عيسي نزلني، مستحيل يحصل. عيسي بتريقة: عيسي نزلني؟ دا عندها يا حبيبتي وهناخد شاور سوا. قالت ضربته في كتفه وقالت: بقولك نزلني، مش عايزة آخد شاور معاك أنا. اتجه للحمام وقال: هنشوف الموضوع ده. في بيت تقي: أبو تقي بهدوء خبط على باب تقي وقال: تقي، إنتي صاحية؟ مسحت تقي دموعها وقالت: اتفضل يا بابا. دخل أبوها وقال: ممكن أعرف بتعيطي ليه؟

تقي بتوتر: أ..أعيط إيه وليه أصلاً؟ الأب بهدوء: تقي حبيبتي، أنا سامع عياطك من برا. هو إنتي كنتي بتحبي منصور؟ تقي بسرعة: لأ والله، منصور إيه، أنا بح... حطت إيديها على بوقها وبصت لأبوها بصدمة. أبوها بابتسامة: كملي يا حبيبتي، أنا أبوكي، متخافيش مش هاذيكي. تقي نزلت إيديها ورجعت شعرها لورا وقالت: عارف إيه يا بابا، بس أنا قصدي أنا بحب نفسي، مش بحب حد. أبوها بهدوء: بس أنا عارف إنتي بتحبي مين. تقي قلبها

دق جامد وقالت في بالها: يارب ما يكونش عرف وبيقول أي حاجة وخلاص. تقي بلعت ريقها بتوتر وقالت: بابا.. أنا مش بح.. قطعها أبوها وقال: بتحبي رامي أخو ريهام صاحبتك. بصت له بصدمة وكانت لسه هتتكلم. قال أبوها: أنا عارف، وهتقولي لي عرفت منين، هقولك، نظرات العاشق دايماً فاضحاه، وإنتي كان بيبان أوي من نظراتك، بس كنت مستنيكي تقولي لي. تقي عيطت وقالت: غصب عني يا بابا، بس هو مش بيحبني أصلاً.

حضنها أبوها وقال: قريب هترتاحي أوي يا حبيبتي، والدموع دي هتنزل وتبقا دموع فرحة مش حزن أبداً، بس متشغليش بالك إنتي بحاجة. بعدت عنه وقالت باستغراب: قصدك إيه؟ باس راسها وابتسم وقال وهو قايم: هسيبك أنا دلوقتي، وكل حاجة هتتعرف في وقتها. تقي بصت باستغراب على أبوها اللي اداها ظهره وطلع، وقالت بهمس: هعرف كل حاجة في وقتها! في بيت مازن: ريهام بلوية بوز: هتسيبني لوحدي؟ حضنها مازن وقال: مش هتأخر يا حبيبي والله.

ريهام بحزن: مش عاوزة أقعد لوحدي. مازن بتفكير: تحبي تروحي تقعدي مع مامتك ولا زينة؟ ريهام بابتسامة: زينة. مازن بص في ساعته وقال: طب خمس دقايق وتكوني جاهزة عشان متأخرش. سقفت بحماس وقالت: طيارة وهكون جاهزة. سابته ودخلت الأوضة عشان تلبس. في ڤيلا عيسي: أول ما زينة دخلت أوضة الصالون جري عليها زين وحضنها وقال: كنتي فين كل ده من امبارح؟ مشوفتكيش. زينة ابتسمت وقالت: معلش يا حبيبي، كنا بنتكلم أنا وبابا عيسي في أمور بسيطة بينا.

عيسي بهمس: أمور بسيطة أه، بس جامدة. زينة بصت له بغيظ ورجعت بصت لزين بصدمة اللي قال: صح يا زينة، الأمور البسيطة دي حلوة؟ عيسي ضحك وقال: حلوة أوي يا زين، أوي أوي. نهال ضحكت بصوت عالي وزينة وشها بقى لونه أحمر من الخجل، وبصت لعيسي وقالت بغيظ: ما تروح شغلك ولا إيه؟ عيسي بابتسامة: هروح شغلي، بس هعمل حاجة الأول. قرب منها وباسها بوسة رقيقة من خدها وقال: لما أسلم على مراتي الأول. وقرب من نهال

وباس راسها وإيديها وقال: وأمي كمان. زين بلوية بوز: ومش هتسلم عليا؟ عيسي نزل لمستواه وفتح دراعاته ليه وقال: إنت ليك حضن يا بطل، مش بوسة. جري زين وحضنه بسعادة وباس عيسي من خده. قام عيسي وقف وقال: عن إذنكم يا جماعة. بص لزينة وقال: زينة تعالي عايزك. مشيت وراه لحد ما وصل لباب الڤيلا. عيسي بص حواليه. زينة باستغراب: في إيه يا ع.. قطع كلامها لما شدها ناحيته وباسها بعمق.

بعد عنها وهو بياخد نفسه: دا سلامي على مراتي قبل ما أمشي. زينة ابتسمت بخجل وقالت: خلي بالك من نفسك. ابتسم وبعتلها بوسة في الهوا وفتح الباب لقي ريهام ومازن واقفين. عيسي بابتسامة: أهلاً أهلاً، اتفضل يا ريهام. مازن قال: ومافيش اتفضل يا مازن مثلاً؟ عيسي ببرود: إحنا ماشيين يا حبيبي عشان الشغل. طلع عيسي وسحب مازن اللي بعت لريهام بوسة في الهوا ومشي. ريهام دخلت وسلمت على زينة وزين ونهال وقعدت معاهم. في بيت تقي:

الباب كان بيخبط. أبو تقي فتح الباب وقال باستغراب: رامي! اتفضل يا ابني تعال. رامي دخل باحترام وقال بإحراج: إحم، أنا آسف يا عمي لو جيت لك من غير معاد، بس أنا محتاج أتكلم معاك أو أطلب منك طلب. أبو تقي بهدوء: اتفضل، تعالي، هتفضل واقف على الباب يعني؟ دخل رامي خطوتين لجوه ووقف. قفل أبو تقي الباب ودخل في الصالون ودخل رامي معاه. أبو تقي بصوت عالي: يا أم تقي. جات أم تقي وهي بتمسح إيديها في هدومها وقالت: أيوا يا خويا.

أبو تقي بص لرامي وقال: تشرب قهوة ولا حاجة تانية؟ رامي بابتسامة: أشرب شربات. أبو تقي بص له باستغراب وقال: شربات إيه يا ابني؟ رامي بهدوء: بصراحة أنا جاي أتقدم للآنسة تقي وهاخد رد منكم، وهجيب والدتي وأجي نقرأ الفاتحة. أم تقي رفعت زغروطة وقالت: وإنت تترفض برضه يا رامي! أبو تقي برقلها جامد، فرجعت هي لورا خطوتين وقالت: عن إذنكم هدخل جوا.

أبو تقي بص لرامي وقال: إنت شاب متترفضش، وكل حاجة، بس هي خطوبتها لسه متفشكلة، وهي أعتقد إن نفسيتها مش هتكون حلوة ولا مستعدة لحاجة زي دي تاني. رامي بابتسامة: لأ، هتبقى حلوة، أنا بحبها وعايزها من بدري، بس اديني ردك وأنا هجيب والدتي وأجي في الوقت اللي تحددوه، بس يُستحسن يكون بكرة. أبو تقي بص له شوية وقال: أمري لله، بس هاخد رأيها الأول. رامي بسرعة: لأ لأ، متقولهاش حاجة غير لما أجي بكرة، ممكن؟ أبو تقي بشك: ليه؟

رامي بتوتر: ع..عايز أعملها مفاجأة وكده ليك ولتقي وأم تقي. أبو تقي: مفاجأة إيه! رامي بخبث: بكرة تعرف. قام وقف وقال: أجيب والدتي بكرة؟ أبو تقي بابتسامة: الساعة 7. رامي بابتسامة واسعة: تمام يا حاج، عن إذنك. في ڤيلا عيسي: كانوا قاعدين بيهزروا وبيضحكوا مع بعض، وفجأة سمعوا صوت صرخة جاية من أوضة زين. قامت زينة جريت وكلهم طلعوا وراها وراحوا أوضة زين، واتصدموا لما شافوا...