رواية ليالي العشق الفصل الثالث 3 - بقلم ملك محمد

الدكتورة: مبروك، المدام حامل! مالك: بجد يا دكتورة؟ الدكتورة: أيوة يا أستاذ، عن إذنك. دخل مالك لمليكة بلهفة ومسك إيديها وقال لها: ألف مبروك يا حبيبتي. مليكة وخرت إيديه وقالت له: ما عادش ينفع الكلام ده يا مالك، أنت مش جوزي علشان تمسك إيدي. مالك: هرجعك، أنا ما طلقتش عند مأذون. مليكة: وأنا مش موافقة يا مالك. روح لهبة حبيبة القلب، أكيد أهم بالنسبة لك. مالك: مليكة، أنتِ مراتي وحبيبتي وكل حاجة ليَّ.

مليكة: أنا لو كنت حبيبتك وكل حاجة ليك ما كنتش اتجوزت عليَّ. أنا مش مسامحاك يا مالك، أنت دمرت كل حاجة فيَّ. أنا عمري ما قصرت معاك في حاجة. طول عمري بتذوق لك وكنت بتيجي تلاقي البيت نضيف والأكل جاهز وأنا قاعدة مستنياك. قولي لي يا مالك، أنا قصرت في إيه علشان تروح تتجوز عليَّ، لا وكمان صاحبة عمري؟ أنت جرحتني في أنوثتي يا مالك، أنا عمري ما هسامحك! مالك ما عرفش يرد على الكلام، فبصلها بندم ومشى. دخلت أمها وأبوها ومرات أخوها.

رباب بتريقة: ألف مبروك يا حبيبتي. إيه بقى، مش ناوية ترجعي لجوزك ولا هو مش عايزك؟ هاهاها. سميرة بحدة: مليكة، أنتِ لازم ترجعي لمالك، أنتِ فاهمة؟ أنا ما أرضاش إن بنتي تبقى مطلقة، أنتِ فاهمة؟ مليكة بعند: مش هرجع له. اتجوز صاحبة عمري وأنا عمري ما قصرت معاه. أنا مش هرجع له. سميرة بغضب راحت ضربتها بالقلم وقالت لها: لو ما رجعتيش لمالك لا أنتِ بنتي ولا أنا أعرفك.

مليكة بحزن: مش أنتِ اللي هتعيشي معاه. أنا آه المفروض أسمع كلامك بس مش في اللي يضرني يا ماما. أنتِ لكِ غلاوتك بس ده مش معناه إنك تتحكمي في حياتي. ولو قصدك على القعدة معاكوا، فأنا عندي استعداد أمشي وأروح أعيش في أي حتة تانية. أنا معايا فلوس وهأعرف أدبر نفسي. احمد: وأنا ما سمحش يا بنتي إنك تعيشي بعيد عن حضني. واللي أنتِ عايزاه هيكون. سميرة بغضب: ماشي يا مليكة، إن ما وريتك.

رباب بغل: إيه يا مليكة، ما تسمعي كلام أمك دي، حتى عايزة مصلحتك. مليكة: مليون مرة قلت لك ما لكِش دعوة بيَّ يا رباب، أنتِ مش ولي أمري. ما لكِش دعوة بحياتي، أنتِ فاهمة! أحمد خد مليكة ورباب وسميرة علشان يروحوا. روحوا البيت ومليكة دخلت قفلت على نفسها وبدأت تنزل دموعها زي المطر على كل حاجة حصلت لها، وفي لحظة حزن قررت مليكة إنها تنتحر وراحت مسكت السكينة ووووو... عند مالك. مالك روح البيت

سمع هبة بتتكلم وبتقول: يا حبيبي أنا متجوزاه بس علشان فلوسه وعلشان أغيظ مليكة وأخرب بيتها. أنا عمري ما حبيت مالك، ده أنت الحب كله يا عيوني. كمان كام يوم هاجيلك شقتك نتقابل. مالك أول ما سمع الكلام ده الدم غلي في عروقه ودخل وو.